Viral Video: ಮ್ಯೂಸಿಕಲ್ ಚೇರ್ ಆಟದ ಕೊನೆಯಲ್ಲಿ ದೊಪ್ಪನೆ ಬಿದ್ದ ಯುವತಿ; ಕುರ್ಚಿ ಸತ್ತಿದೆ ಎಂದ ನೆಟ್ಟಿಗರು
ಕುರ್ಚಿಯ ಸುತ್ತಲೂ ಓಡಿ ಅದನ್ನು ಎಳೆದ ಯುವತಿಯೊಬ್ಬಳು ಹಾರಿ ಕೂರಲು ಪ್ರಯತ್ನಿಸುತ್ತಾಳೆ. ಇದರಿಂದಾಗಿ ಆ ಕುರ್ಚಿ ಮುರಿದಿದ್ದು, ಕುರ್ಚಿ ಸಮೇತ ಆಕೆ ನೆಲಕ್ಕೆ ಬೀಳುತ್ತಾಳೆ. ಈ ತಮಾಷೆಯ ವಿಡಿಯೋವನ್ನು ಕಂಡ ನೆಟ್ಟಿಗರು ಹಾಸ್ಯಲೋಕದಲ್ಲಿ ತೇಲಾಡಿದ್ದಾರೆ.
Updated on: Dec 13, 2021 | 3:25 PM
ಮ್ಯೂಸಿಕಲ್ ಚೇರ್ ಆಟವನ್ನು (Musical chair) ಶಾಲಾ-ಕಾಲೇಜು ದಿನಗಳಲ್ಲಿ ಅಥವಾ ಇನ್ನಿತರ ಸಮಾರಂಭಗಳಲ್ಲಿ ಖುಷಿಗಾಗಿ ಅಥವಾ ಮನರಂಜನೆಯ ಭಾಗವಾಗಿ ಸ್ನೇಹಿತರ ಜತೆ ಆಡಿರುತ್ತೇವೆ. ವಾಸ್ತವವಾಗಿ ಈ ಆಟದ ವಿಶೇಷತೆಯೆಂದರೆ ಇದು ಸಂಗೀತದೊಂದಿಗೆ ಹೊಂದಿಕೊಂಡಿರುತ್ತದೆ. ಇತ್ತೀಚೆಗೆ ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಕೂಡ ತಮ್ಮ ಮೆಹಂದಿ ಕಾರ್ಯಕ್ರಮದಲ್ಲಿ ಈ ಆಟವನ್ನು ಕುಟುಂಬದವರೊಂದಿಗೆ ಆಡಿ ಖುಷಿಪಟ್ಟಿದ್ದಾರೆ. ಸದ್ಯ ಇದೇ ಆಟಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ (Social Media) ವೈರಲ್ ಆಗುತ್ತಿದೆ. ಇದನ್ನು ನೋಡಿದ ಜನ ಮುಗಿಬಿದ್ದು ನಗುತ್ತಿದ್ದಾರೆ.
ವೈರಲ್ ಆಗುತ್ತಿರುವ ಈ ವಿಡಿಯೋ ಒಂದು ಕಾರ್ಯಕ್ರಮದಲ್ಲಿ ಮ್ಯೂಸಿಕಲ್ ಚೇರ್ ಆಟ ಆಡುತ್ತಿರುವುದನ್ನು ತೋರಿಸುತ್ತದೆ. ಈ ವಿಡಿಯೋ ಆಟದ ಕೊನೆಯ ಹಂತದ್ದಾಗಿದ್ದು, ಇಬ್ಬರು ಮ್ಯೂಸಿಕಲ್ ಚೇರ್ ಆಟ ಆಡುತ್ತಿರುವುದಾಗಿದೆ. ಈ ಆಟದಲ್ಲಿ ಜಯ ಗಳಿಸಲು ಇಬ್ಬರು ಯುವತಿಯರು ಓಡುತ್ತಿದ್ದು, ಮ್ಯೂಸಿಕ್ ನಿಂತ ಕೂಡಲೇ ಇಬ್ಬರಲ್ಲಿ ಒಬ್ಬಳು ಚೇರ್ ಎಳೆದು ಕೂರುತ್ತಾಳೆ. ಕೂತ ನಂತರದಲ್ಲಿ ನಡೆದ ಘಟನೆ ಸದ್ಯ ಎಲ್ಲೆಡೆ ವೈರಲ್ ಆಗಿದೆ.
ಕುರ್ಚಿಯ ಸುತ್ತಲೂ ಓಡಿ ಅದನ್ನು ಎಳೆದ ಯುವತಿಯೊಬ್ಬಳು ಹಾರಿ ಕೂರಲು ಪ್ರಯತ್ನಿಸುತ್ತಾಳೆ. ಇದರಿಂದಾಗಿ ಆ ಕುರ್ಚಿ ಮುರಿದಿದ್ದು, ಕುರ್ಚಿ ಸಮೇತ ಆಕೆ ನೆಲಕ್ಕೆ ಬೀಳುತ್ತಾಳೆ. ಈ ತಮಾಷೆಯ ವಿಡಿಯೋವನ್ನು ಕಂಡ ನೆಟ್ಟಿಗರು ಹಾಸ್ಯಲೋಕದಲ್ಲಿ ತೇಲಾಡಿದ್ದಾರೆ.
View this post on Instagram
ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋಗೆ ಕಮೆಂಟ್ ಮೂಲಕ ಅನೇಕರು ಪ್ರತಿಕ್ರಿಯೆ ನೀಡಿದ್ದಾರೆ. ಹಿರಿಯರು ಮ್ಯೂಸಿಕಲ್ ಚೇರ್ ಆಡದಿರಲು ಇದೇ ಕಾರಣ ಎಂದು ಒಬ್ಬರು ಹೇಳಿದರೆ, ಮತ್ತೊಬ್ಬರು ಕುರ್ಚಿ ಕೂಡ ಈ ಆಟ ಬೇಡ ಎನ್ನುತ್ತಿರಬಹುದು ಎಂದು ತಮಾಷೆಯಾಗಿ ಉತ್ತರಿಸಿದ್ದಾರೆ. ಇನ್ನು ಕೆಲವರು ಕುರ್ಚಿ ಸತ್ತಿದೆ ಎಂದು ಕಮೆಂಟ್ ಮಾಡಿದ್ದಾರೆ. ಸದ್ಯ ಒಂದು ದಿನದ ಹಿಂದೆ ಶೇರ್ ಮಾಡಿರುವ ಈ ವಿಡಿಯೋಗೆ 20 ಸಾವಿಕ್ಕೂ ಹೆಚ್ಚು ಲೈಕ್ಸ್ ಬಂದಿದೆ ಮತ್ತು ಅನೇಕರು ಈ ವಿಡಿಯೋವನ್ನು ರಿಪೋಸ್ಟ್ ಕೂಡ ಮಾಡಿದ್ದಾರೆ.
ಇದನ್ನೂ ಓದಿ: ವೇದಿಕೆಯ ಮೇಲೆ ಬೆಕ್ಕಿನಂತೆ ಮ್ಯಾಂವ್ ಎಂದು ಕೂಗಿದ ಭುವನ ಸುಂದರಿ ಹರ್ನಾಜ್ ಕೌರ್ ಸಂಧು-ವೀಡಿಯೋ ವೈರಲ್
Viral Video: ಬೆಟ್ಟದಿಂದ ಬೈಕ್ ಸಮೇತ ಜಂಪ್ ಮಾಡಿದ ಸವಾರ; ಡೇಂಜರಸ್ ವಿಡಿಯೋ ಹೇಗಿತ್ತು ನೀವೇ ನೋಡಿ
