ರಾಜಕೀಯ ದುರಂತದತ್ತ ಇಸ್ರೇಲ್: ಆಗಸ್ಟ್‌ನಲ್ಲಿ ನಡೆಯಲಿದೆ ಮತ್ತೆ ಚುನಾವಣೆ!

ಇಸ್ರೇಲ್: ಜಗತ್ತಿಗೆ ಬಲಾಢ್ಯ ದೇಶವಾಗಿ ಕಾಣಿಸಿಕೊಂಡಿದ್ದ ಇಸ್ರೇಲ್ ಎಂಬ ಕೋಟಿ ಜನರ ಶಿಸ್ತಿನ ರಾಷ್ಟ್ರ ರಾಜಕೀಯ ದುರಂತದತ್ತ ಮುಖ ಮಾಡಿದೆ. ಆ ಪುಟ್ಟ ರಾಷ್ಟ್ರದಲ್ಲೂ ಭ್ರಷ್ಟಾಚಾರ ಮೈದಾಳಿದೆ. ಸ್ವತಃ ಪ್ರಧಾನಿ ಮಟ್ಟದಲ್ಲಿಯೇ ಲಂಚ, ರುಶುವತ್ತು, ಸ್ವಜನ ಪಕ್ಷಪಾತಗಳು ನಡೆದಿರುವುದು ರುಜುವಾತು ಆಗಿದೆ.

ಭಾರತದ ಸನ್ಮಿತ್ರ ಎಂದೇ ಬಿಂಬಿತವಾದ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ರಾಜಕೀಯವಾಗಿ ನಗ್ನರಾಗಿದ್ದಾರೆ. ಮೂರು ಪ್ರಕರಣಗಳಲ್ಲಿ ತಪ್ಪಿತಸ್ಥರಾಗಿದ್ದಾರೆ. ಇದರಿಂದ ಅವರ ರಾಜಕೀಯ ನೆಲೆ ಛಿದ್ರವಾಗಿದೆ. ಒಂದೇ ವರ್ಷದಲ್ಲಿ 3 ನೇ ಚುನಾವಣೆ ಎದುರಿಸಬೇಕಾದ ದುಸ್ಥಿತಿಗೆ ತಲುಪಿದೆ.

ಆಗಸ್ಟ್‌ 11ರಂದು ಮತ್ತೊಂದು ಸುತ್ತಿನ ಜನರಲ್ ಎಲೆಕ್ಷನ್ ಗೆ ಸಜ್ಜಾಗಬೇಕಿದೆ. ನೋಡಬೇಕು ಇದು ಮೂರಕ್ಕೇ ಮುಕ್ತಾಯವಾಗುತ್ತಾ.. ಅಲ್ಲಿನ ಜನ ಸೂಕ್ತ ದಂಡನಾಯಕನನ್ನು ಚುನಾಯಿಸುತ್ತಾರಾ? ದೇಶ ಮತ್ತೆ ಪ್ರಗತಿಪಥದಲ್ಲಿ ಸಾಗಿ, ಮತ್ತೆ ಬಲಾಢ್ಯವಾಗುತ್ತಾ? ಅದು ಅಲ್ಲಿನ ಮತದಾರರೇ ನಿರ್ಧರಿಸಬೇಕು.

Published On - 7:15 am, Fri, 13 December 19