ತರಬೇತಿ ವೇಳೆ ಮನೆಗೆ ಅಪ್ಪಳಿಸಿದ ಚೀನಾದ ವಾಯುಪಡೆಯ ಯುದ್ಧ ವಿಮಾನ; ಓರ್ವ ಸಾವು

ಬೀಜಿಂಗ್: ಚೀನಾದ ವಾಯುಪಡೆಯ ಯುದ್ಧ ವಿಮಾನ (Fighter Jet) ಮಧ್ಯ ಚೀನಾದಲ್ಲಿ ತರಬೇತಿ ಕಾರ್ಯಾಚರಣೆಯ ಸಮಯದಲ್ಲಿ ಮನೆಗಳಿಗೆ ಅಪ್ಪಳಿಸಿದೆ. ಇದರಿಂದಾಗಿ ಒಬ್ಬ ವ್ಯಕ್ತಿ ಸಾವನ್ನಪ್ಪಿದ್ದಾರೆ, ಇಬ್ಬರು ಗಾಯಗೊಂಡಿದ್ದಾರೆ. ವಿದೇಶಿ ಸರ್ಕಾರಗಳು ಇತ್ತೀಚೆಗೆ ಚೀನಾದ ಫೈಟರ್ ಜೆಟ್‌ಗಳ ಅಜಾಗರೂಕ ಹಾರಾಟದ ಬಗ್ಗೆ ದೂರು ನೀಡಿವೆ ಎಂದು ಅವರು ಹೇಳಿದ್ದಾರೆ.

ಹುಬೈ ಪ್ರಾಂತ್ಯದ ಕ್ಸಿಯಾಂಗ್‌ಯಾಂಗ್‌ನಲ್ಲಿರುವ ವಿಮಾನ ನಿಲ್ದಾಣದ ಬಳಿ J-7 ವಿಮಾನವು ಪತನಗೊಂಡಿದೆ ಎಂದು ಪೀಪಲ್ಸ್ ಡೈಲಿ ಗುರುವಾರ ವರದಿ ಮಾಡಿದೆ. ಪೈಲಟ್ ಸುರಕ್ಷಿತವಾಗಿ ಹೊರಬಿದ್ದಿದ್ದಾರೆ. ಆದರೆ, ಇದರಿಂದ ಕೆಲವು ವಸತಿ ಕಟ್ಟಡಗಳಿಗೆ ಹಾನಿಯಾಗಿದೆ ಎಂದು ವರದಿ ಹೇಳಿದೆ. ಈ ಅಪಘಾತ ಯಾವಾಗ ಸಂಭವಿಸಿತು ಎಂದು ಮಾಹಿತಿ ತಿಳಿದಿಲ್ಲ. ಪೈಲಟ್ ಮತ್ತು ಗಾಯಗೊಂಡವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು, ಅಪಘಾತದ ಕಾರಣದ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ.

J-7 ಹಳೆಯ ಮಾದರಿಯಾಗಿದ್ದು, 1950ರ ದಶಕದಿಂದ ಸೋವಿಯತ್ MiG-21ನಲ್ಲಿ ತನ್ನ ಮೂಲವನ್ನು ಹೊಂದಿರುವ ಸಿಂಗಲ್-ಎಂಜಿನ್ ವಿಮಾನವಾಗಿದೆ. ಇದರ ಉತ್ಪಾದನೆಯು 2013ರವರೆಗೆ ಸುಮಾರು 50 ವರ್ಷಗಳವರೆಗೆ ಉತ್ಪಾದಿಸಲ್ಪಟ್ಟಿತು. ಆದರೆ, ಚೀನಾ ಕೂಡ ಒಂದು ರಫ್ತು ಆವೃತ್ತಿಯಾದ F-7 ಅನ್ನು ಹನ್ನೆರಡು ದೇಶಗಳಿಗೆ ಮಾರಾಟ ಮಾಡಿತು. ಅವುಗಳಲ್ಲಿ ಹಲವು ವಿಮಾನಗಳನ್ನು ನಿವೃತ್ತಿಗೊಳಿಸಲಾಗಿದೆ.

ಇದನ್ನೂ ಓದಿ: ಕೊವಿಡ್ 19 ಆತಂಕ: ವಿಮಾನದಲ್ಲಿ, ವಿಮಾನ ನಿಲ್ದಾಣಗಳಲ್ಲಿ ಮಾಸ್ಕ್ ಧರಿಸುವುದು ಕಡ್ಡಾಯ

ಮೇ 12ರಂದು, 122 ಜನರೊಂದಿಗೆ ಟಿಬೆಟ್ ಏರ್‌ಲೈನ್ಸ್ ವಿಮಾನವು ನೈಋತ್ಯ ನಗರವಾದ ಚಾಂಗ್‌ಕಿಂಗ್‌ನಿಂದ ಹೊರಡುತ್ತಿದ್ದಾಗ ಅದು ರನ್‌ವೇಯಿಂದ ಹೊರಬಿದ್ದು ಬೆಂಕಿ ಹೊತ್ತಿಕೊಂಡಿತ್ತು. ಅದರಲ್ಲಿ ಯಾರೂ ಸಾವನ್ನಪ್ಪಿರಲಿಲ್ಲ. ಆದರೆ ಇದರಿಂದ ಹಲವಾರು ಪ್ರಯಾಣಿಕರಿಗೆ ಸಣ್ಣಪುಟ್ಟ ಗಾಯಗಳಾಗಿತ್ತು. ಮೇ 26ರಂದು ಚೀನಾದ ಫೈಟರ್ ಜೆಟ್ ದಕ್ಷಿಣ ಚೀನಾ ಸಮುದ್ರದಲ್ಲಿ ವೈಮಾನಿಕ ಕಣ್ಗಾವಲು ನಡೆಸುತ್ತಿರುವ ಆಸ್ಟ್ರೇಲಿಯಾದ ವಾಯುಪಡೆಯ ವಿಮಾನದ ವಿರುದ್ಧ ಅಪಾಯಕಾರಿ ಆಕ್ರಮಣಕಾರಿ ಕೃತ್ಯ ಎಸಗಿದೆ ಎಂದು ಆಸ್ಟ್ರೇಲಿಯಾ ಹೇಳಿತ್ತು. ಚೀನಾ ತನ್ನ ಪೈಲಟ್‌ಗಳ ಕ್ರಮಗಳನ್ನು ಸಮರ್ಥಿಸಿಕೊಂಡಿತ್ತು.

ಇನ್ನಷ್ಟು ಅಂತಾರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ