ಡೀಲರ್​ಗಳಿಗೆ ಪ್ರೋತ್ಸಾಹಕವಾಗಿ ನೀಡುವ ಚಿನ್ನ ಮತ್ತಿತರ ಸರಕುಗಳ ಮೇಲೆ ಐಟಿಸಿ ಕ್ಲೈಮ್ ಸಾಧ್ಯ: ಎಎಆರ್ ಕರ್ನಾಟಕ ಪೀಠದ ತೀರ್ಪು

ಬೆಂಗಳೂರು, ಸೆಪ್ಟೆಂಬರ್ 3: ಮಾರಾಟ ಗುರಿ ಈಡೇರಿಸಿರುವುದು ಸೇರಿದಂತೆ ಷರುತ್ತುಬದ್ಧ ಸಾಧನೆಗೆ ಉತ್ತೇಜನವಾಗಿ ಡೀಲರ್​ಗಳಿಗೆ ನೀಡಲಾಗುವ ಚಿನ್ನದ ನಾಣ್ಯಗಳು ಮತ್ತಿತರ ಬಿಳಿ ಸರಕುಗಳ ಮೇಲೆ ಕಂಪನಿಗಳು ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ (ITC) ಪಡೆಯಬಹುದು ಎಂದು ಅಡ್ವಾನ್ಸ್ ರೂಲಿಂಗ್ ಅಥಾರಿಟಿ ಎಎಆರ್​ನ (Authority for Advance Ruling) ಕರ್ನಾಟಕ ಪೀಠ ತೀರ್ಪು ನೀಡಿದೆ. ಈ ರೀತಿ ಉತ್ತೇಜನಕ್ಕೆ (Incentive) ಕೊಡುವುದನ್ನು ಸರಬರಾಜು ಎಂದು ಪರಿಗಣಿಸಬಹುದು. ಇಂಥ ಉದ್ದೇಶದಿಂದ ಖರೀದಿಸಲಾಗುವ ಚಿನ್ನ ಹಾಗೂ ಬಿಳಿ ಸರಕುಗಳಿಗೆ ತೆರಿಗೆ ಪಾವತಿಸಿದ್ದರೆ ಅದಕ್ಕೆ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಕ್ಲೈಮ್ ಮಾಡಬಹುದು ಎಂದು ಈ ಪ್ರಾಧಿಕಾರವು ಅಭಿಪ್ರಾಯಪಟ್ಟಿದೆ. ಇಲ್ಲಿ ಬಿಳಿ ಸರಕುಗಳೆಂದರೆ, ಗೃಹಬಳಕೆಯ ದೊಡ್ಡ ಯಂತ್ರೋಪಕರಣಗಳಾದ ವಾಷಿಂಗ್ ಮೆಷೀನ್, ರೆಫ್ರಿಜರೇಟರ್ ಇತ್ಯಾದಿಯವು.

ಓರಿಯಂಟ್ ಸಿಮೆಂಟ್ ಲಿ ಎಂಬ ಸಂಸ್ಥೆ ಈ ವಿಚಾರದ ಬಗ್ಗೆ ಸ್ಪಷ್ಟನೆ ಕೋರಿ ಜಿಎಸ್​ಟಿಯ ಎಎಆರ್ ಪ್ರಾಧಿಕಾರದ ಬಳಿ ಅರ್ಜಿ ಸಲ್ಲಿಸಿತ್ತು. ತನ್ನ ಡೀಲರ್​ಗಳಿಗೆ ಗುರಿ ಮುಟ್ಟಲು ಪ್ರೋತ್ಸಾಹಕವಾಗಿ ವಿವಿಧ ಅವಧಿಯ ಡಿಸ್ಕೌಂಟ್ ಸ್ಕೀಮ್​ಗಳನ್ನು ಹಮ್ಮಿಕೊಂಡಿದೆ. ಈ ಸ್ಕೀಮ್ ಪ್ರಕಾರ ನಿಗದಿತ ಗುರಿಯನ್ನು ಮುಟ್ಟುವ ಡೀಲರ್​ಗಳಿಗೆ ಗೋಲ್ಡ್ ಕಾಯಿನ್ ಹಾಗೂ ಬಿಳಿ ಸರಕುಗಳನ್ನು ಒದಗಿಸುತ್ತದೆ. ಡೀಲರ್​ಗಳಿಗೆಂದು ಖರೀದಿಸಲಾಗುವ ಇಂಥ ವಸ್ತುಗಳಿಗೆ ಪಾವತಿಸಲಾಗುವ ತೆರಿಗೆಗಳಿಗೆ ಐಟಿಸಿ ಕ್ಲೈಮ್ ಮಾಡಿಕೊಳ್ಳಲು ಸಾಧ್ಯವಾ ಎಂಬುದು ಓರಿಯಂಟ್ ಸಿಮೆಂಟ್ ಕಂಪನಿ ಸಲ್ಲಿಸಿದ ಅರ್ಜಿಯಲ್ಲಿ ಎತ್ತಿದ ಪ್ರಮುಖ ಪ್ರಶ್ನೆಯಾಗಿತ್ತು.

ಇದನ್ನೂ ಓದಿ: ಆವತ್ತಿನ 10,000 ರೂ ಹೂಡಿಕೆ ಇವತ್ತು 300 ಕೋಟಿ ರೂ; ಕೋಟಕ್ ಮಹೀಂದ್ರ ಬ್ಯಾಂಕ್​ನ ಅಸಾಮಾನ್ಯ ಬೆಳವಣಿಗೆ ಬಣ್ಣಿಸಿದ ಉದಯ್ ಕೋಟಕ್

ಮಾರಾಟದ ಟಾರ್ಗೆಟ್ ಮುಟ್ಟಿದರೆ ಮಾತ್ರವೇ ಗೋಲ್ಡ್ ಕಾಯಿನ್​ಗಳನ್ನು ಒದಗಿಸಲಾಗುತ್ತದೆ. ಇದು ಸರಬರಾಜಾಗುತ್ತದೆಯೇ ಹೊರತು ಗಿಫ್ಟ್ ಎನಿಸಿಕೊಳ್ಳುವುದಿಲ್ಲ. ಇಂಥ ಸರಕುಗಳಿಗೆ ಪಾವತಿಸುವ ತೆರಿಗೆಯನ್ನು ಐಟಿಸಿ ಮೂಲಕ ಕ್ಲೈಮ್ ಮಾಡಿಕೊಳ್ಳಬಹುದು ಎಂಬುದು ಎಎಆರ್​ನ ಅಭಿಪ್ರಾಯವಾಗಿದೆ.

ಹಿಂದಿನ ಪ್ರಕರಣಗಳಲ್ಲಿ ವಿಭಿನ್ನ ತೀರ್ಪು

ಸೇಲ್ಸ್ ಟಾರ್ಗೆಟ್ ಮುಟ್ಟಿದರೆ ಪ್ರೋತ್ಸಾಹಕವಾಗಿ ಉಡುಗೊರೆಗಳನ್ನು ನೀಡುವುದು ಯಾವುದೇ ಬ್ಯುಸಿನೆಸ್​ಗೆ ಹೊಸತಲ್ಲ. ಇಂಥ ಪ್ರೋತ್ಸಾಹಕ ವಸ್ತುಗಳಿಗೆ ಪಾವತಿಸಿದ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಕ್ಲೈಮ್ ಮಾಡಲು ಹಿಂದೆಯೂ ಪ್ರಯತ್ನಗಳಾಗಿವೆ. ಆದರೆ, ಇವು ಗಿಫ್ಟ್ ಆಗಿದ್ದು ಐಟಿಸಿ ಕ್ಲೈಮ್ ಮಾಡಲು ಆಗುವುದಿಲ್ಲ ಎಂದು ಇದೇ ಎಎಆರ್ ಹಿಂದೆ ತೀರ್ಪು ನೀಡಿದ್ದಿದೆ. ಈಗ ಕರ್ನಾಟಕ ಬೆಂಚ್​ನ ಎಎಆರ್ ವಿಭಿನ್ನವಾಗಿ ತೀರ್ಪು ನೀಡಿರುವುದು ಇನ್ನಷ್ಟು ಗೊಂದಲ ನಿರ್ಮಿಸಿದೆ.

ಇದನ್ನೂ ಓದಿ: Byju’s: ಎಇಎಸ್​ಎಲ್​ಗೆ ಸಿಇಒ, ಸಿಎಫ್​ಒ ನೇಮಿಸಲು ಬೈಜು ರವೀಂದ್ರನ್ ಸೇರಿ ನಾಲ್ವರು ಸದಸ್ಯರ ಸಮಿತಿ ರಚನೆ

ಇಂತಹ ಸಂದರ್ಭದಲ್ಲಿ ಸರ್ಕಾರ ಈ ಬಗ್ಗೆ ಒಂದು ಸ್ಪಷ್ಟ ನೀತಿ ರೂಪಿಸುವುದು ಉತ್ತಮ ಎನ್ನುವ ಅಭಿಪ್ರಾಯವನ್ನು ಉದ್ಯಮವಲಯ ವ್ಯಕ್ತಪಡಿಸಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ