ಕಿಂಗ್​ಪಿನ್​ ಅನಿಕಾಳಿಂದ ನಟರು, ಮಾಡೆಲ್ಸ್, ಸಂಗೀತಕಾರರಿಗೆ Drugs ಹೇಗೆ ಸಪ್ಲೈ ಆಗ್ತಿತ್ತು?

ಬೆಂಗಳೂರು: ನಗರದಲ್ಲಿ ತನ್ನ ಮಾದಕ ಜಾಲವನ್ನ ಹಬ್ಬಿಸಿದ್ದ ಡ್ರಗ್ಸ್ ಕಿಂಗ್​ಪಿನ್​ ಅನಿಕಾ ಸ್ಟಾರ್ಸ್​, ಮಾಡೆಲ್ಸ್, ಹಾಗೂ ಸಂಗೀತ ನಿರ್ದೇಶಕರಿಗೆ ಡ್ರಗ್ಸ್​ ಹೇಗೆ ಸಪ್ಲೈ ಮಾಡ್ತಿದ್ದಳು ಅಂತಾ ಪಿನ್ ಟು ಪಿನ್ ಡಿಟೇಲ್ಸ್​ನ ಟಿವಿ9 ವರದಿ ಮಾಡಿದೆ.

ನಗರದ ಪ್ರತಿಷ್ಠಿತ ಹೋಟೆಲ್​, ಪಬ್​ ಮತ್ತು ಹೈ-ಎಂಡ್​ ಪಾರ್ಟಿಗಳಲ್ಲಿ ಭಾಗಿಯಾಗುತ್ತಿದ್ದ ಅನಿಕಾ ಈ ಮುಖಾಂತರ ಪಾರ್ಟಿಗೆ ಬರುತ್ತಿದ್ದ ಸ್ಟಾರ್ ನಟ-ನಟಿಯರು, ಮಾಡೆಲ್ಸ್ ಹಾಗೂ ಸಂಗೀತ ನಿರ್ದೇಶಕರನ್ನು ಪರಿಚಯ ಮಾಡಿಕೊಳ್ಳುತ್ತಿದ್ದಳು.

ಸಿನಿಮಾ ರಿಲೀಸ್ ನಂತರ ನಡೀತಿದ್ದ ಖಾಸಗಿ ಪಾರ್ಟಿಗಳಿಗೆ ಅಟೆಂಡ್ ಆಗ್ತಿದ್ದ ಅನಿಕಾ ಈ ರೀತಿಯ ಪಾರ್ಟಿಗಳಿಗೆ ಡ್ರಗ್ಸ್ ಸಪ್ಲೈ ಮಾಡ್ತಿದ್ದಳು ಎಂದು ತಿಳಿದುಬಂದಿದೆ. ಹಾಗಾಗಿ, ಇಂಥ ಪಾರ್ಟಿಗಳಲ್ಲಿ ಅನಿಕಾಳಿಗೆ VVIP ಗೆಸ್ಟ್​ಗಳ ಹಾಗೆ ಟ್ರೀಟ್ಮೆಂಟ್ ಸಹ ಸಿಗುತ್ತಿತ್ತಂತೆ.

​ಪಾರ್ಟಿಗಳಲ್ಲಿ ಅನಿಕಾಳಿಗೆ ಹಣ ಕೊಟ್ಟು ಸ್ಟಾರ್​ಗಳಿಂದ ಡ್ರಗ್ಸ್ ಖರೀದಿಯಾಗುತ್ತಿದ್ದು ಲಾಕ್​ಡೌನ್ ವೇಳೆ ಅನಿಕಾ ಇದ್ದೆಡೆಗೆ ಬಂದು ಡ್ರಗ್ಸ್ ಖರೀದಿಸ್ತಿದ್ರು ಎಂಬ ಮಾಹಿತಿ ದೊರೆತಿದೆ. ಜೊತೆಗೆ, ಕೆಲ ಸ್ಟಾರ್​ಗಳ ಫಾರ್ಮ್​ಹೌಸ್​ಗಳಿಗೆ ಸಹ ತೆರಳಿ ಅನಿಕಾ ಡ್ರಗ್ಸ್​ ಸಪ್ಲೈ ಮಾಡುತ್ತಿದ್ದಳಂತೆ.