14ನೇ ವಯಸ್ಸಿನಲ್ಲೇ ಮೊದಲ ಕಿಸ್; ಹಳೆ ನೆನಪು ಬಿಚ್ಚಿಟ್ಟ ಖ್ಯಾತ ನಿರ್ದೇಶಕನ ಮಗಳು ಆಲಿಯಾ
ಯೂಟ್ಯೂಬ್ನಲ್ಲಿ ವಿಡಿಯೋ ಒಂದನ್ನು ಹಂಚಿಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿ ಆಲಿಯಾ ತಮ್ಮ ಅನೇಕ ಮೊದಲ ಅನುಭವಗಳ ಬಗ್ಗೆ ಹೇಳಿಕೊಂಡಿದ್ದಾರೆ.
Updated on:Jul 02, 2021 | 9:49 PM
ಬಾಲಿವುಡ್ ಖ್ಯಾತ ನಿರ್ದೇಶಕ ಅನುರಾಗ್ ಕಶ್ಯಪ್ ಮಗಳು ಆಲಿಯಾ ಕಶ್ಯಪ್ ಚಿತ್ರರಂಗಕ್ಕೆ ಕಾಲಿಡದೇ ಇದ್ದರೂ ಒಂದಿಲ್ಲೊಂದು ವಿಚಾರಕ್ಕೆ ಸುದ್ದಿಯಾಗುತ್ತಲೇ ಇರುತ್ತಾರೆ. ಈಗ ಅವರು ಮೊದಲ ಚುಂಬನದ ಅನುಭವದ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಮೊದಲ ಡೇಟ್ ಬಗ್ಗೆಯೂ ಓಪನ್ ಆಗಿ ಮಾತನಾಡಿ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದ್ದಾರೆ.
ಯೂಟ್ಯೂಬ್ನಲ್ಲಿ ವಿಡಿಯೋ ಒಂದನ್ನು ಹಂಚಿಕೊಳ್ಳಲಾಗಿದೆ. ಈ ವಿಡಿಯೋದಲ್ಲಿ ಆಲಿಯಾ ತಮ್ಮ ಅನೇಕ ಮೊದಲ ಅನುಭವಗಳ ಬಗ್ಗೆ ಹೇಳಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಅವರ ಬಾಯ್ಫ್ರೆಂಡ್ ಶೇನ್ ಗ್ರೆಗೊಯಿರ್ ಕೂಡ ಕಾಣಿಸಿಕೊಂಡಿದ್ದಾರೆ.
ಮೊದಲ ಕಿಸ್ ಬಗ್ಗೆ ಮಾತನಾಡಿರುವ ಆಲಿಯಾ, ‘ಆಗ ನನ್ನ ವಯಸ್ಸು 14. ನಾನು ಮೊದಲ ಬಾರಿ ಕಿಸ್ ಮಾಡಿದ್ದು ಆಗಲೇ. ಕಿಸ್ ಮಾಡಿದ ನಂತರ ಅಲ್ಲಿಂದ ಓಡಿ ಹೋದೆ. ಏಕೆಂದರೆ ನನಗೆ ಅಷ್ಟೊಂದು ನಾಚಿಕೆ ಆಗುತ್ತಿತ್ತು. ಅದು ನನ್ನ ಅತ್ಯಂತ ಕೆಟ್ಟ ಅನುಭವ’ ಎಂದಿದ್ದಾರೆ.
‘ಅದಕ್ಕೂ ಒಂದು ವರ್ಷ ಮೊದಲು, ಅಂದರೆ 13ನೇ ವಯಸ್ಸಿನಲ್ಲಿ ನನಗೆ ಮೊದಲ ಬಾರಿ ಬಾಯ್ಫ್ರೆಂಡ್ ಸಿಕ್ಕಿದ್ದ. ನನ್ನ ಬೆಸ್ಟ್ ಫ್ರೆಂಡ್ ನನ್ನ ಬಾಯ್ಫ್ರೆಂಡ್ನ ಬೆಸ್ಟ್ ಫ್ರೆಂಡ್ ಜತೆ ಡೇಟಿಂಗ್ ನಡೆಸುತ್ತಿದ್ದ. ಹೀಗಾಗಿ ನಾವು ಡಬಲ್ ಡೇಟ್ ಮಾಡೋಕೆ ನಿರ್ಧರಿಸಿದೆವು. ಅಂತೆಯೇ ಡೇಟ್ಗೆ ತೆರಳಿದೆವು’ ಎಂದು ಮೊದಲ ಡೇಟ್ ಅನುಭವ ಬಿಚ್ಚಿಟ್ಟಿದ್ದಾರೆ ಆಲಿಯಾ.
ಶೇನ್ ಗ್ರೆಗೊಯಿರ್ ಜತೆ ಆಲಿಯಾ ಕಶ್ಯಪ್ ರಿಲೇಶನ್ಶಿಪ್ನಲ್ಲಿದ್ದಾರೆ. ಅಮೆರಿಕದಲ್ಲಿ ಶೇನ್ ಉದ್ಯಮ ಹೊಂದಿದ್ದಾರೆ. ಯೂಟ್ಯೂಬ್ನಲ್ಲಿ ಇತ್ತೀಚೆಗೆ ವಿಡಿಯೋ ಅಪ್ಲೋಡ್ ಮಾಡಿದ್ದ ಆಲಿಯಾ ರಿಲೇಶನ್ಶಿಪ್ ಬಗ್ಗೆ ಹೇಳಿಕೊಂಡಿದ್ದರು. ಅಲ್ಲದೆ, ಮೊದಲ ಬಾರಿಗೆ ಶೇನ್ ಜತೆ ಕಿಸ್ ಮಾಡುವಾಗ ತುಂಬಾನೇ ನರ್ವಸ್ ಆಗಿದ್ದೆ ಎಂದಿದ್ದರು.
ಸ್ಟಾರ್ ನಿರ್ದೇಶಕರು ಹಾಗೂ ನಟ-ನಟಿಯರ ಮಕ್ಕಳು ಚಿತ್ರರಂಗಕ್ಕೆ ಬರೋದು ಹೊಸದಲ್ಲ. ಬಾಲಿವುಡ್ನಲ್ಲಿ ಸಾಕಷ್ಟು ಸ್ಟಾರ್ ಕಿಡ್ಗಳು ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ. ಅದೇ ರೀತಿ ಆಲಿಯಾ ಕೂಡ ಚಿತ್ರರಂಗಕ್ಕೆ ಬರಲಿದ್ದಾರೆ ಎನ್ನಲಾಗಿತ್ತು. ಈ ಬಗ್ಗೆ ಮಾತನಾಡಿದ್ದ ಅನುರಾಗ್ ಕಶ್ಯಪ್, ಆಲಿಯಾ ಚಿತ್ರರಂಗಕ್ಕೆ ಬರುತ್ತಾರೆ ಎಂದರೆ ನನ್ನ ವಿರೋಧ ಇಲ್ಲ ಎಂದಿದ್ದರು.
ಇದನ್ನೂ ಓದಿ: ಕ್ರಿಕೆಟಿಗನ ಜತೆ ಹಸೆಮಣೆ ಏರಿದ ಖ್ಯಾತ ನಿರ್ದೇಶಕ ಶಂಕರ್ ಮಗಳು ಐಶ್ವರ್ಯಾ
ಡೇಟಿಂಗ್ ಆ್ಯಪ್ನಲ್ಲಿ ಖ್ಯಾತ ನಿರ್ದೇಶಕನ ಮಗಳ ಫೇಕ್ ಖಾತೆ; ತಪ್ಪಾಗಿ ತಿಳಿದ ಅಭಿಮಾನಿಗಳು ಮಾಡಿದ್ದೇನು?
Published On - 9:46 pm, Fri, 2 July 21
