ಸೂಪರ್ ಹಿಟ್ ಧಾರಾವಾಹಿಗಳ ಟಿಆರ್ಪಿಗೂ ಸೆಡ್ಡು ಹೊಡೆದ ಬಿಗ್ ಬಾಸ್; ತಗ್ಗೋ ಮಾತೇ ಇಲ್ಲ
‘ಬಿಗ್ ಬಾಸ್ ಕನ್ನಡ ಸೀಸನ್ 11’ ಹಲವು ಎಪಿಸೋಡ್ಗಳನ್ನು ಪೂರ್ಣಗೊಳಿಸಿದೆ. ಸುದೀಪ್ ಇಲ್ಲದ ವಾರ ಹೊರತುಪಡಿಸಿ ಉಳಿದೆಲ್ಲಾ ಎಪಿಸೋಡ್ಗಳಿಗೂ ಸಖತ್ ಟಿಆರ್ಪಿ ಸಿಗುತ್ತಿದೆ. ಇದಕ್ಕೆ ಕಿಚ್ಚ ಸುದೀಪ್ ಅವರು ಕೂಡ ಕಾರಣ. ಯಾವಾ ಸೂಪರ್ ಹಿಟ್ ಧಾರಾವಾಹಿಗಳಿಗೂ ಸಿಗದಷ್ಟು ಟಿಆರ್ಪಿ ಈ ಶೋಗೆ ಸಿಗುತ್ತಿದೆ.
Updated on: Dec 05, 2024 | 2:23 PM
‘ಬಿಗ್ ಬಾಸ್ ಕನ್ನಡ’ ಇನ್ನು ಒಂದೆರಡು ತಿಂಗಳಲ್ಲಿ ಪೂರ್ಣಗೊಳ್ಳಲಿದೆ. ಸ್ಪರ್ಧಿಗಳ ಉತ್ತಮ ಆಟ ಹಾಗೂ ಸುದೀಪ್ ಅವರ ಖಡಕ್ ನಿರೂಪಣೆಯಿಂದ ಬಿಗ್ ಬಾಸ್ ಟಿಆರ್ಪಿ ಕುಗ್ಗುತ್ತಿಲ್ಲ. ಸೂಪರ್ ಹಿಟ್ ಧಾರಾವಾಹಿಗಳ ಟಿಆರ್ಪಿಗೂ ಸೆಡ್ಡು ಹೊಡೆಯುವಂತೆ ರೇಟಿಂಗ್ ಪಡೆಯುತ್ತಿದೆ ಈ ಶೋ. ಹಾಗಾದರೆ, ಬಿಗ್ ಬಾಸ್ಗೆ ಸಿಕ್ಕ ಟಿಆರ್ಪಿ ಎಷ್ಟು? ಧಾರಾವಾಹಿಗಳಿಗೆ ಸಿಕ್ಕ ಟಿಆರ್ಪಿ ಎಷ್ಟು ಎನ್ನುವ ಬಗ್ಗೆ ಇಲ್ಲಿದೆ ಮಾಹಿತಿ.
‘ಬಿಗ್ ಬಾಸ್ ಕನ್ನಡ ಸೀಸನ್ 11’ ಹಲವು ಎಪಿಸೋಡ್ಗಳನ್ನು ಪೂರ್ಣಗೊಳಿಸಿದೆ. ಸುದೀಪ್ ಇಲ್ಲದ ವಾರ ಹೊರತುಪಡಿಸಿ ಉಳಿದೆಲ್ಲಾ ಎಪಿಸೋಡ್ಗಳಿಗೂ ಸಖತ್ ಟಿಆರ್ಪಿ ಸಿಗುತ್ತಿದೆ. ಇದಕ್ಕೆ ಕಿಚ್ಚ ಸುದೀಪ್ ಅವರು ಕೂಡ ಕಾರಣ. ಯಾವಾ ಸೂಪರ್ ಹಿಟ್ ಧಾರಾವಾಹಿಗಳಿಗೂ ಸಿಗದಷ್ಟು ಟಿಆರ್ಪಿ ಈ ಶೋಗೆ ಸಿಗುತ್ತಿದೆ. ವಾರದ ದಿನಗಳಲ್ಲಿ ನಗರ ಭಾಗದಲ್ಲಿ 8.2 ಟಿಆರ್ಪಿ ಸಿಕ್ಕರೆ, ಶನಿವಾರ ಬರೋಬ್ಬರಿ 9.9 ಟಿಆರ್ಪಿ ದೊರೆತಿದೆ. ಭಾನುವಾರ 10.3 ಟಿಆರ್ಪಿ ದೊರೆತಿದೆ. ರಜತ್ ಅವರು ಅವಾಚ್ಯ ಶಬ್ದ ಬಳಕೆ ಮಾಡಿ ಪಾಠ ಹೇಳಿಸಿಕೊಂಡ ವಾರದ ಟಿಆರ್ಪಿ ಇದಾಗಿದೆ.
ಧಾರಾವಾಹಿಗಳ ಟಿಆರ್ಪಿ ವಿಚಾರಕ್ಕೆ ಬಂದರೆ ‘ಲಕ್ಷ್ಮೀ ನಿವಾಸ’ ಧಾರಾವಾಹಿ ಮೊದಲ ಸ್ಥಾನದಲ್ಲಿ ಇದೆ. ಈ ಧಾರಾವಾಹಿಗೆ ಬಿಗ್ ಬಾಸ್ ಟಿಆರ್ಪಿ ರೀಚ್ ಆಗುವಷ್ಟು ಟಿಆರ್ಪಿ ಸಿಕ್ಕಿಲ್ಲ. ಎರಡನೇ ಸ್ಥಾನದಲ್ಲಿ ‘ಪುಟ್ಟಕ್ಕನ ಮಕ್ಕಳು’ ಧಾರಾವಾಹಿ ಇದೆ. ಸ್ನೇಹಾ ಸಾವಿನ ನಂತರದಲ್ಲಿ ಟಿಆರ್ಪಿ ಕೊಂಚ ತಗ್ಗಿದೆ. ಮೂರನೇ ಸ್ಥಾನದಲ್ಲಿ ‘ಅಮೃತಧಾರೆ’, ‘ಅಣ್ಣಯ್ಯ’ ಧಾರಾವಾಹಿಗಳು ಇವೆ.
ಇದನ್ನೂ ಓದಿ: ಬಿಗ್ ಬಾಸ್ನಲ್ಲಿ ಹೇಗಿದೆ ನೋಡಿ ರಜತ್ ಹೊಸ ಲುಕ್; ಫೋಟೋ ವೈರಲ್
ನಾಲ್ಕನೇ ಸ್ಥಾನದಲ್ಲಿ ಕಲರ್ಸ್ ಕನ್ನಡ ಧಾರಾವಾಹಿಗಳ ಮಧ್ಯೆ ಸಮಾನ ಸ್ಪರ್ಧೆ ಏರ್ಪಟ್ಟಿದೆ. ಅಕ್ಕ-ತಂಗಿ ಧಾರಾವಾಹಿಗಳಾದ ‘ಲಕ್ಷ್ಮೀ ಬಾರಮ್ಮ’ ಹಾಗೂ ‘ಭಾಗ್ಯಲಕ್ಷ್ಮೀ’ ಧಾರಾವಾಹಿಗಳು ಇವೆ. ಐದನೇ ಸ್ಥಾನದಲ್ಲಿ ‘ಶ್ರಾವಣಿ ಸುಬ್ರಮಣ್ಯ’ ಧಾರಾವಾಹಿ ಇದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
