Salman Khan: ಒಂದು ದಿನದ ಮಟ್ಟಿಗೆ ತಮ್ಮ ಪ್ರೀತಿಯ ವಸ್ತುವನ್ನು ಆಮಿರ್​ ಖಾನ್​ಗೆ ನೀಡಿದ ಸಲ್ಮಾನ್​ ಖಾನ್​

ನಟ ಸಲ್ಮಾನ್​ ಖಾನ್​ (Salman Khan) ಅವರು ಹಲವು ಕಾರಣಗಳಿಂದಾಗಿ ಸುದ್ದಿ ಆಗುತ್ತಾರೆ. ಅವರು ಎಲ್ಲೇ ಹೋದರೂ ಪಾಪರಾಜಿಗಳು ಮುತ್ತಿಕೊಳ್ಳುತ್ತಾರೆ. ಅವರ ಫೋಟೋ ಮತ್ತು ವಿಡಿಯೋಗಳು ಆಗಾಗ ವೈರಲ್​ ಆಗುತ್ತವೆ. ಪ್ರತಿ ಬಾರಿ ಸಲ್ಮಾನ್​ ಖಾನ್​ ಸಾರ್ವಜನಿಕವಾಗಿ ಕಾಣಿಸಿಕೊಂಡಾಗಲೂ ಅವರನ್ನು ಅಭಿಮಾನಿಗಳು ಸೂಕ್ಷ್ಮವಾಗಿ ಗಮನಿಸುತ್ತಾರೆ. ಅವರ ಕೈಯಲ್ಲಿ ಯಾವಾಗಲೂ ಒಂದು ಬ್ರೇಸ್ಲೆಟ್​ (Salman Khan Bracelet) ಇರುತ್ತದೆ. ಇದನ್ನು ಅದೃಷ್ಟದ ಸಂಕೇತ ಎಂದೇ ಸಲ್ಮಾನ್​ ಖಾನ್​ ಭಾವಿಸುತ್ತಾರೆ. ಸಿನಿಮಾಗಳಲ್ಲೂ ಕೂಡ ಅವರು ಅದನ್ನು ಧರಿಸುತ್ತಾರೆ. ಅಚ್ಚರಿ ಎಂದರೆ ತಮ್ಮ ಈ ಪ್ರೀತಿಯ ವಸ್ತುವನ್ನು ಅವರು ಒಂದು ದಿನದ ಮಟ್ಟಿಗೆ ಆಮಿರ್​ ಖಾನ್​ಗೆ ನೀಡಿದ್ದರು. ಇತ್ತೀಚೆಗೆ ಆಮಿರ್​ ಖಾನ್​ (Aamir Khan) ಕೈಯಲ್ಲಿ ಈ ಬ್ರೇಸ್ಲೆಟ್​ ಕಾಣಿಸಿದೆ. ಈ ಬದಲಾವಣೆಗೆ ಕಾರಣ ಏನು ಎಂದು ಅಭಿಮಾನಿಗಳು ತಲೆ ಕೆಡಿಸಿಕೊಂಡಿದ್ದಾರೆ.

ಆಮಿರ್ ಖಾನ್​ ಮತ್ತು ಸಲ್ಮಾನ್​ ಖಾನ್​ ನಡುವೆ ಉತ್ತಮ ಗೆಳೆತನ ಇದೆ. ಇತ್ತೀಚೆಗೆ ಇಬ್ಬರೂ ಜೊತೆಯಾಗಿ ಇರುವ ಫೋಟೋವನ್ನು ಸಲ್ಮಾನ್​ ಖಾನ್​ ಶೇರ್​ ಮಾಡಿಕೊಂಡಿದ್ದರು. ಅದರ ಮರುದಿನವೇ ಸಲ್ಲು ಸಹೋದರಿ ಅರ್ಪಿತಾ ಖಾನ್ ಆಯೋಜಿಸಿದ್ದ ಈದ್​ ಪಾರ್ಟಿಗೆ ಆಮಿರ್​ ಖಾನ್​ ಹಾಜರಿ ಹಾಕಿದ್ದಾರೆ. ಆಗ ಪಾಪರಾಜಿಗಳಿಗೆ ಪೋಸ್​ ನೀಡಿದ ಅವರ ಕೈಯಲ್ಲಿ ಬ್ರೇಸ್ಲೆಟ್​ ಕಾಣಿಸಿದೆ. ‘ಇದು ಸಲ್ಲು ಭಾಯ್​ ಬ್ರೇಸ್ಲೆಟ್​’ ಎಂದು ಫ್ಯಾನ್ಸ್​ ಕಮೆಂಟ್​ ಮಾಡಿದ್ದಾರೆ.

ಇದನ್ನೂ ಓದಿ

Yash: ಯಶ್​ ಗೆಟಪ್​ ಕಾಪಿ ಮಾಡಿದ್ರಾ ಸಲ್ಮಾನ್​ ಖಾನ್​; ಬಿ-ಟೌನ್​ ತುಂಬ ಹಬ್ಬಿದೆ ಈ ಮಾತು

Salman Khan: ಗನ್​ ಇಟ್ಟುಕೊಳ್ಳಲು ಸಲ್ಮಾನ್​ ಖಾನ್​ಗೆ ಸಿಕ್ತು ಲೈಸೆನ್ಸ್​; ಕೊಲೆ ಬೆದರಿಕೆ ಬೆನ್ನಲ್ಲೇ ವಿಶೇಷ ಅನುಮತಿ

Swara Bhaskar: ಸಲ್ಮಾನ್​ ಖಾನ್​ ಬಳಿಕ ನಟಿ ಸ್ವರಾ ಭಾಸ್ಕರ್​ಗೆ ಕೊಲೆ ಬೆದರಿಕೆ; ಸಾವರ್ಕರ್​ ಬಗ್ಗೆ ಮಾತಾಡಿದ್ದಕ್ಕೆ ಆಕ್ರೋಶ

ಅವಕಾಶ ಇಲ್ಲದಾಗ 2 ಸಾವಿರ ರೂ. ಕೊಟ್ಟು ಸುಳ್ಳು ಸುದ್ದಿ ಮಾಡಿಸಿದ್ದ ಸಲ್ಮಾನ್​ ಖಾನ್​; ಒಪ್ಪಿಕೊಂಡು ಕಣ್ಣೀರಿಟ್ಟ ನಟ

ಇದನ್ನೂ ಓದಿ: ಹೊಸ ಚಿತ್ರಕ್ಕಾಗಿ ಒಂದಾದ ಸಲ್ಮಾನ್ ಖಾನ್-ಆಮಿರ್​ ಖಾನ್; ಬಿಗ್ ಬಜೆಟ್ ಚಿತ್ರಕ್ಕೆ ಶೀಘ್ರವೇ ಮುಹೂರ್ತ?

ಪಾರ್ಟಿ ಮುಗಿಸಿ ವಾಪಸ್​ ಹೊರಡುವಾಗ ಆಮಿರ್​ ಖಾನ್​ ಕೈಯಲ್ಲಿ ಆ ಬ್ರೇಸ್ಲೆಟ್​ ಕಾಣಿಸಲಿಲ್ಲ. ಅದನ್ನು ಪುನಃ ಅವರು ಸಲ್ಮಾನ್​ ಖಾನ್​ಗೆ ನೀಡಿದ್ದಾರೆ ಎಂದು ಫ್ಯಾನ್ಸ್​ ಊಹಿಸಿದ್ದಾರೆ. ಒಟ್ಟಿನಲ್ಲಿ ತಮ್ಮ ಪಾಲಿನ ಅದೃಷ್ಟದ ವಸ್ತುವನ್ನು ಆತ್ಮೀಯ ಗೆಳೆಯನಿಗೆ ಸಲ್ಲು ಯಾಕೆ ನೀಡಿದ್ದರು ಎಂಬ ಬಗ್ಗೆ ಅಭಿಮಾನಿಗಳು ಸೋಶಿಯಲ್​ ಮೀಡಿಯಾದಲ್ಲಿ ಚರ್ಚೆ ಮಾಡುತ್ತಿದ್ದಾರೆ.

View this post on Instagram

A post shared by Viral Bhayani (@viralbhayani)

ಮ್ಯಾಜಿಕ್​ ಮಾಡಿದ ಸಲ್ಲು ಹೊಸ ಸಿನಿಮಾ:

ಸಲ್ಮಾನ್ ಖಾನ್​ ಅವರು ನಟಿಸಿರುವ ‘ಕಿಸಿ ಕ ಭಾಯ್​ ಕಿಸಿ ಕಿ ಜಾನ್​’ ಸಿನಿಮಾ ಏಪ್ರಿಲ್​ 21ರಂದು ಬಿಡುಗಡೆಯಾಗಿ ಸಾಧಾರಣ ಗಳಿಕೆ ಮಾಡಿತು. ಮೊದಲ ದಿನ ಈ ಚಿತ್ರಕ್ಕೆ ಕೇವಲ 15.81 ಕೋಟಿ ರೂಪಾಯಿ ಕಲೆಕ್ಷನ್​ ಆಯಿತು. ಆದರೆ ಎರಡನೇ ದಿನ ಬಿಸ್ನೆಸ್​ ಹೆಚ್ಚಾಗಿದೆ. ಶನಿವಾರ (ಏಪ್ರಿಲ್​ 22) ಈ ಸಿನಿಮಾ ಬರೋಬ್ಬರಿ 25.75 ಕೋಟಿ ರೂಪಾಯಿ ಬಾಚಿಕೊಂಡಿದೆ. ಭಾನುವಾರ ಕೂಡ ಉತ್ತಮ ಪ್ರದರ್ಶನ ಕಂಡಿದೆ. ಆ ಮೂಲಕ ಶೀಘ್ರದಲ್ಲೇ 100 ಕೋಟಿ ರೂಪಾಯಿ ಕಲೆಕ್ಷನ್​ ಆಗುವ ಸೂಚನೆ ಸಿಕ್ಕಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.