ಅಭಿಷೇಕ್​ಗಿಂತ ಐಶ್ವರ್ಯಾ ರೈ ಇಷ್ಟೆಲ್ಲಾ ವರ್ಷ ದೊಡ್ಡವರಾ? ಈ ವಿಚಾರ ಗೊತ್ತಾ?

ಅಭಿಷೇಕ್ ಬಚ್ಚನ್ ಹಾಗೂ ಐಶ್ವರ್ಯಾ ರೈ ಮಧ್ಯೆ ಯಾವುದೂ ಸರಿ ಇಲ್ಲ ಎಂದು ಎಲ್ಲರೂ ಹೇಳಿದ್ದೊಂದೇ ಬಂತು. ಆದರೆ, ಊಹಿಸಿದಂತೆ ನಡೆಯಲಿಲ್ಲ. ಐಶ್ವರ್ಯಾ ಹಾಗೂ ಅಭಿಷೇಕ್ ಒಂದಾಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಐಶ್ವರ್ಯಾ ಹಾಗೂ ಅಭಿಷೇಕ್ ಕೆಲವು ಕಡೆಗಳಲ್ಲಿ ಒಟ್ಟಾಗಿ ಕಾಣಿಸಿಕೊಂಡಿದ್ದು ಇದೆ. ಇಂದು (ಫೆಬ್ರವರಿ 5) ಅಭಿಷೇಕ್ ಜನ್ಮದಿನ. ಈ ದಿನದಂದು ಎಲ್ಲರೂ ಆಸ್ತಿ ವಿಚಾರದ ಕುರಿತು ಮಾತನಾಡುತ್ತಿದ್ದಾರೆ. ಜೊತೆಗೆ ಅಭಿಷೇಕ್ ಹಾಗೂ ಐಶ್ವರ್ಯಾ ವಯಸ್ಸಿನ ಅಂತರದ ಬಗ್ಗೆಯೂ ಮಾತನಾಡುತ್ತಿದ್ದಾರೆ.

ಅಭಿಷೇಕ್ ಬಚ್ಚನ್ ಅವರು ಐಶ್ವರ್ಯಾಗಿಂತ ವಯಸ್ಸಲ್ಲಿ ಚಿಕ್ಕವರು. ಇವರದ್ದು ಪ್ರೇಮ ವಿವಾಹ. ಸಲ್ಮಾನ್ ಹಾಗೂ ಐಶ್ವರ್ಯಾ ಪರಸ್ಪರ ಪ್ರೀತಿಸುತ್ತಿದ್ದರು. ಆ ಬಳಿಕ ಇವರು ಬೇರೆ ಆದರು. ನಂತರ ಐಶ್ವರ್ಯಾ ಅವರಿಗೆ ವಿವೇಕ್ ಒಬೆರಾಯ್ ಜೊತೆ ಪ್ರೀತಿ ಮೂಡಿತಾದರೂ ಹೆಚ್ಚು ದಿನ ಉಳಿಯಲು ಸಲ್ಮಾನ್ ಕೊಡಲಿಲ್ಲ. ಕೆಲವು ವರ್ಷಗಳ ಬಳಿಕ ಅಭಿಷೇಕ್ ಹಾಗೂ ಐಶ್ವರ್ಯಾ ಭೇಟಿ ಆಗಿ ಇವರ ಮಧ್ಯೆ ಪ್ರೀತಿ ಮೂಡಿತು.

ಪ್ರೀತಿಸಿ ಮದುವೆ ಆಗುತ್ತಿರುವ ಕಾರಣಕ್ಕೆ ಅಭಿಷೇಕ್ ಹಾಗೂ ಐಶ್ವರ್ಯಾ ಆಗಲಿ, ಕುಟುಂಬದವರಾಗಲಿ ವಯಸ್ಸಿನ ಬಗ್ಗೆ ಗಮನ ನೀಡಿಲ್ಲ. ಐಶ್ವರ್ಯಾ ರೈ ಅವರು 1973ರ ನವೆಂಬರ್ 1ರಂದು ಜನಿಸಿದರು. ಅಭಿಷೇಕ್ ಬಚ್ಚನ್ ಅವರು 1976ರ ಫೆಬ್ರವರಿ 5ರಂದು ಜನಿಸಿದರು. ಇವರ ಮಧ್ಯೆ ಮೂರು ವರ್ಷ ವಯಸ್ಸಿನ ಅಂತರ ಇದೆ.

2006ರಲ್ಲಿ ಇಬ್ಬರೂ ಡೇಟಿಂಗ್ ಆರಂಭಿಸಿದರು. 2007ರಲ್ಲಿ ಇವರು ಮದುವೆ ಆದರು. ಈ ದಂಪತಿಗೆ ಆರಾಧ್ಯಾ ಹೆಸರಿನ ಮಗಳು ಇದ್ದಾಳೆ. 2011ರಲ್ಲಿ ಇವಳ ಜನನ ಆಯಿತು. ಅಭಿಷೇಕ್ ಹಾಗೂ ಐಶ್ವರ್ಯಾ, ‘ಗುರು’, ‘ಧೂಮ್ 2’, ‘ಕುಚ್ ನ ಕಹೋ’ ಮೊದಲಾದ ಸಿನಿಮಾಗಳಲ್ಲಿ ಒಟ್ಟಾಗಿ ಕೆಲಸ ಮಾಡಿದ್ದಾರೆ.

ಇದನ್ನೂ ಓದಿ: 40 ಕೋಟಿ ರೂ. ಬಜೆಟ್ ಸಿನಿಮಾ ಗಳಿಸಿದ್ದು 13 ಲಕ್ಷ; ಸಂಕಷ್ಟದಲ್ಲಿ ಅಭಿಷೇಕ್ ಬಚ್ಚನ್ ಕರಿಯರ್

ಆಸ್ತಿ ವಿಚಾರಕ್ಕೆ ಬಂದರೆ ಅಭಿಷೇಕ್​ಗಿಂತ ಐಶ್ವರ್ಯಾ ಅವರು ಹೆಚ್ಚು ಶ್ರೀಮಂತರು. ಐಶ್ವರ್ಯಾ ರೈ ಅವರ ಆಸ್ತಿ ಸುಮಾರು 800 ಕೋಟಿ ರೂಪಾಯಿ ಇದೆ. ಆದರೆ ಅಭಿಷೇಕ್ ಆಸ್ತಿ 280 ಕೋಟಿ ರೂಪಾಯಿ ಆಸುಪಾಸಿನಲ್ಲಿ ಇದೆ. ಈ ದಂಪತಿ ಸಿನಿಮಾಗಳಲ್ಲಿ ಅಷ್ಟಾಗಿ ಆ್ಯಕ್ಟೀವ್ ಆಗಿಲ್ಲ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.