‘ಭೋಲಾ’ ರಿಲೀಸ್​ ಡೇಟ್​ ಅನೌನ್ಸ್​; ಇದು ಸೌತ್​ ಚಿತ್ರದ ರಿಮೇಕ್​ ಅಂತ ಹೆಮ್ಮೆಯಿಂದ ಹೇಳಿದ ಅಜಯ್​ ದೇವಗನ್​

ಬಾಲಿವುಡ್​ನಲ್ಲಿ ಅಜಯ್​ ದೇವಗನ್​ (Ajay Devgn) ಅವರು ತಮ್ಮದೇ ಛಾಪು ಮೂಡಿಸಿದ್ದಾರೆ. ದಕ್ಷಿಣ ಭಾರತದ ಜೊತೆಯೂ ಅವರಿಗೆ ಉತ್ತಮ ನಂಟು ಇದೆ. ಅಜಯ್​ ದೇವಗನ್​ ನಟಿಸಿರುವ ‘ರನ್​ ವೇ 34’ ಸಿನಿಮಾ ಏಪ್ರಿಲ್​ 29ರಂದು ಬಿಡುಗಡೆ ಆಗಲಿದೆ. ಹಲವು ಪ್ರಾಜೆಕ್ಟ್​ಗಳಲ್ಲಿ ಅವರು ಬ್ಯುಸಿ ಆಗಿದ್ದಾರೆ. ಇತ್ತೀಚೆಗೆ ತೆರೆಕಂಡ ತೆಲುಗಿನ ‘ಆರ್​ಆರ್​ಆರ್​’ ಸಿನಿಮಾದಲ್ಲಿ ಅವರು ಒಂದು ಮುಖ್ಯ ಪಾತ್ರ ಮಾಡಿದ್ದರು. ರಾಮ್​ ಚರಣ್​ಗೆ ತಂದೆಯಾಗಿ ಕಾಣಿಸಿಕೊಂಡ ಅವರ ಅಭಿನಯಕ್ಕೆ ಪ್ರೇಕ್ಷಕರಿಂದ ಮೆಚ್ಚುಗೆ ಸಿಕ್ಕಿದೆ. ಕಥೆಗೆ ತಿರುವು ನೀಡುವಂತಹ ಪಾತ್ರವನ್ನು ಮಾಡಿ ಅವರು ಸೈ ಎನಿಸಿಕೊಂಡಿದ್ದಾರೆ. ಈಗ ಅವರ ಮುಂಬರುವ ಸಿನಿಮಾಗಳ ಬಗ್ಗೆ ಅಭಿಮಾನಿಗಳಿಗೆ ಕೌತುಕ ಮೂಡಿದೆ. ಅಜಯ್​ ದೇವಗನ್​ ನಟನೆಯ ‘ಭೋಲಾ’ (Bholaa Movie)  ಚಿತ್ರದ ಬಗ್ಗೆ ಹೆಚ್ಚು ನಿರೀಕ್ಷೆ ಇದೆ. ಹಾಗಂತ ಈ ಸಿನಿಮಾ ಸದ್ಯದಲ್ಲೇನೂ ರಿಲೀಸ್​ ಆಗುತ್ತಿಲ್ಲ. ಈ ಸಿನಿಮಾ ತೆರೆಕಾಣಲು ಇನ್ನೂ ಒಂದು ವರ್ಷ ಕಾಯಬೇಕು. ಆದರೆ ಈಗಲೇ ಬಿಡುಗಡೆ ದಿನಾಂಕವನ್ನು ಅಜಯ್​ ದೇವಗನ್​ ಘೋಷಿಸಿದ್ದಾರೆ. ಅವರಿಗೆ ಎಲ್ಲರೂ ಶುಭ ಹಾರೈಸಿದ್ದಾರೆ. 2023ರ ಮಾ.30ರಂದು ‘ಬೋಲಾ’ ಸಿನಿಮಾ ರಿಲೀಸ್​ ಆಗಲಿದೆ. ಅಂದಹಾಗೆ, ಒಂದೊಂದು ರಿಮೇಕ್​ (Remake) ಸಿನಿಮಾ.

ಸಾಮಾನ್ಯವಾಗಿ ರಿಮೇಕ್​ ಸಿನಿಮಾ ಮಾಡಿದಾಗ ಮೂಲ ಚಿತ್ರಕ್ಕೆ ಎಲ್ಲರೂ ಹೆಚ್ಚು ಹೊಗಳಿಕೆ ನೀಡುತ್ತಾರೆ. ಹಾಗಾಗಿ ರಿಮೇಕ್​ ಎಂಬ ವಿಚಾರವನ್ನು ಹೆಚ್ಚು ಹೈಲೈಟ್​ ಮಾಡಲೂ ಚಿತ್ರತಂಡದವರು ಇಷ್ಟಪಡುವುದಿಲ್ಲ. ಆದರೆ ಅಜಯ್​ ದೇವಗನ್​ ಅವರು ಈ ವಿಚಾರದಲ್ಲಿ ಭಿನ್ನ. ‘ಭೋಲಾ’ ಸಿನಿಮಾದ ರಿಲೀಸ್​ ಡೇಟ್​ ಘೋಷಣೆ ಮಾಡಲು ಅವರು ಒಂದು ಪೋಸ್ಟ್​ ಹಂಚಿಕೊಂಡಿದ್ದಾರೆ. ಅದರಲ್ಲಿ ‘ಇದು ತಮಿಳಿನ ಸೂಪರ್​ ಹಿಟ್​ ‘ಖೈದಿ’ ಸಿನಿಮಾದ ಅಧಿಕೃತ ರಿಮೇಕ್​’ ಎಂದು ಹೆಮ್ಮೆಯಿಂದ ಬರೆದುಕೊಂಡಿದ್ದಾರೆ.

ದಕ್ಷಿಣ ಭಾರತದ ಸಿನಿಮಾಗಳು ಈಗ ದೇಶಾದ್ಯಂತ ಸದ್ದು ಮಾಡುತ್ತಿವೆ. ಸೌತ್​ ಸಿನಿಮಾ ಇಂಡಸ್ಟ್ರಿಯ ಪ್ರತಿಭೆಗಳಿಗೆ ಬಾಲಿವುಡ್​ ಸಲಾಂ ಎನ್ನುತ್ತಿದೆ. ಕನ್ನಡ, ತೆಲುಗು, ತಮಿಳು ಭಾಷೆಗಳಿಂದ ಹಿಂದಿಗೆ ಡಬ್​ ಆದ ಸಿನಿಮಾಗಳು ಸೂಪರ್ ಹಿಟ್​ ಆಗುತ್ತಿವೆ. ಅದೇ ರೀತಿ, ಕೆಲವು ಸಿನಿಮಾಗಳು ಹಿಂದಿಯಲ್ಲಿ ರಿಮೇಕ್​ ಆಗಿ ಉತ್ತಮ ಕಮಾಯಿ ಮಾಡುತ್ತಿವೆ. ಈ ಎಲ್ಲ ಕಾರಣಗಳಿಂದಾಗಿ ದಕ್ಷಿಣ ಭಾರತದ ಚಿತ್ರರಂಗ ಸಖತ್​ ಶೈನ್​ ಆಗುತ್ತಿದೆ. ತಮಿಳುನಲ್ಲಿ ಕಾರ್ತಿ ನಟಿಸಿದ್ದ ‘ಖೈದಿ’ ಸಿನಿಮಾಗೆ ಜನಮೆಚ್ಚುಗೆ ಸಿಕ್ಕಿತ್ತು. ಈಗ ಆ ಸಿನಿಮಾವನ್ನು ಅಜಯ್​ ದೇವಗನ್​ ಹಿಂದಿಯಲ್ಲಿ ರಿಮೇಕ್​ ಮಾಡುತ್ತಿದ್ದಾರೆ.

Proudly announcing my next venture Bholaa, releasing on March 30th, 2023.@ADFFilms @TSeries @RelianceEnt @DreamWarriorpic #DharmendraSharma #Tabu pic.twitter.com/pcghLwHwdm

— Ajay Devgn (@ajaydevgn) April 19, 2022

ಈ ಚಿತ್ರದಲ್ಲಿ ಅಜಯ್​ ದೇವಗನ್​ ಜೊತೆ ನಟಿ ಟಬು ಕೂಡ ಅಭಿನಯಿಸುತ್ತಿದ್ದಾರೆ. ಧರ್ಮೇಂದ್ರ ಶರ್ಮಾ ಅವರು ನಿರ್ದೇಶನದ ಜವಾಬ್ದಾರಿ ನಿಭಾಯಿಸುತ್ತಿದ್ದಾರೆ. ಅಜಯ್​ ದೇವಗನ್​ ಫಿಲ್ಮ್ಸ್​, ಟಿ-ಸಿರೀಸ್​ ಫಿಲ್ಮ್ಸ್​, ರಿಲಯನ್ಸ್​ ಎಂಟರ್​ಟೇನ್​ಮೆಂಟ್ಸ್​, ಡ್ರೀಮ್​ ವಾರಿಯರ್ಸ್​ ಪಿಕ್ಚರ್ಸ್​ ಜೊತೆಯಾಗಿ ಈ ಸಿನಿಮಾ ನಿರ್ಮಾಣ ಮಾಡುತ್ತಿವೆ. ಹಲವು ಕಾರಣಗಳಿಗಾಗಿ ಈ ‘ಭೋಲಾ’ ಸಿನಿಮಾ ನಿರೀಕ್ಷೆ ಮೂಡಿಸಿದೆ. ಅಜಯ್​ ದೇವಗನ್​ ಅವರಿಗೆ ರಿಮೇಕ್​ ಸಿನಿಮಾ ಏನೂ ಹೊಸದಲ್ಲ. ಈಗಾಗಲೇ ಅವರು ‘ದೃಶ್ಯಂ’, ಸಿಂಘಂ’, ‘ಮರ್ಯಾದಾ ರಾಮಣ್ಣ’ ಮುಂತಾದ ಸಿನಿಮಾಗಳನ್ನು ಹಿಂದಿಯಲ್ಲಿ ರಿಮೇಕ್​ ಮಾಡಿ ಗೆಲುವಿನ ರುಚಿ ಕಂಡಿದ್ದಾರೆ.

ಇದನ್ನೂ ಓದಿ:

‘ಗಂಗೂಬಾಯಿ..’ ಚಿತ್ರಕ್ಕೆ 20 ಕೋಟಿ ರೂ. ಸಂಬಳ ಪಡೆದ ಆಲಿಯಾ ಭಟ್; ಅಜಯ್​ ದೇವಗನ್​ಗೆ ಸಿಕ್ಕಿದ್ದೆಷ್ಟು?

‘ಶಾರುಖ್​ ಮಗನ ಸಮಸ್ಯೆಗೆ ನಾನೇನು ಮಾಡಲಿ?’: ಮುಖಕ್ಕೆ ಹೊಡೆದಂತೆ ಮಾತಾಡಿದ್ರಾ ಅಜಯ್​ ದೇವಗನ್​?