ವಿಚ್ಛೇದನ ವದಂತಿಗೆ ಸ್ಪಷ್ಟನೆ ನೀಡಿದ ಗೋವಿಂದ; ಒಪ್ಪಿಕೊಂಡ್ರಾ?

ಸೆಲೆಬ್ರಿಟಿಗಳ ವಲಯದಲ್ಲಿ ವಿಚ್ಛೇದನ ಎಂಬುದು ಸರ್ವೇ ಸಾಮಾನ್ಯ ಆಗಿದೆ. ಗೋವಿಂದ ಹಾಗೂ ಸುನಿತಾ ಅಹುಜಾ ಇಬ್ಬರೂ ಬೇರೆ ಆಗುತ್ತಾರೆ ಎಂದು ಹೇಳಲಾಗುತ್ತಿದೆ. ಈ ಸುದ್ದಿ ಹುಟ್ಟಿಕೊಂಡಿದ್ದು ಅಭಿಮಾನಿಗಳ ವಲಯದಲ್ಲಿ ಸಾಕಷ್ಟು ಸಂಚಲನ ಸೃಷ್ಟಿ ಮಾಡಿದೆ. 37 ವರ್ಷಗಳ ಸುಖವಾಗಿ ಸಂಸಾರ ನಡೆಸಿದ್ದ ಇವರು ಈಗ ನಿಜಕ್ಕೂ ಬೇರೆ ಆಗುತ್ತಿದ್ದಾರಾ ಎಂಬ ವಿಚಾರ ತಿಳಿದು ಫ್ಯಾನ್ಸ್ ಗೊಂದಲಕ್ಕೆ ಒಳಗಾಗಿದ್ದರು. ಈ ಬಗ್ಗೆ ಗೋವಿಂದ ಅವರ ಮ್ಯಾನೇಜರ್ ಉತ್ತರಿಸಿದ್ದಾರೆ.

ಗೋವಿಂದ ಅವರಾಗಲೀ, ಸುನೀತಾ ಅವರಾಗಲೀ ಈ ಬಗ್ಗೆ ಯಾವುದೇ ಮಾಹಿತಿ ಹಂಚಿಕೊಂಡಿಲ್ಲ. ಗೋವಿಂದ ಅವರು ಈ ವಿಚಾರವನ್ನು ತಳ್ಳಿ ಹಾಕಿದರು ಎಂದು ಹೇಳಲಾಗುತ್ತಿದೆ. ಗೋವಿಂದ ಹಾಗೂ ಸುನಿತಾ ಅವರು ವೈಯಕ್ತಿಕ ವಿಚಾರಗಳನ್ನು ಹೆಚ್ಚು ರಿವೀಲ್ ಮಾಡಲು ಹೋಗಿಲ್ಲ. ಇವರು ಕಳೆದ ಕೆಲ ಸಮಯದಿಂದ ಬೇರೆ ಆಗಿ ವಾಸಿಸುತ್ತಿದ್ದಾರೆ ಎನ್ನಲಾಗಿದೆ. ಆದರೆ, ಇವರು ವಿಚ್ಛೇದನ ಪಡೆದುಕೊಳ್ಳುವ ಯಾವುದೇ ಆಲೋಚನೆ ಹೊಂದಿಲ್ಲ ಎನ್ನಲಾಗಿದೆ.

ಮರಾಠಿ ನಟಿಯೊಂದಿಗೆ ಗೋವಿಂದ ಆಪ್ತತೆ ಹೊಂದಿದರು ಎಂದು ಹೇಳಲಾಗಿದೆ. ಈ ಕಾರಣದಿಂದಲೇ ಸುನಿತಾಗೆ ಗೋವಿಂದ ಬಗ್ಗೆ ಅಸಮಾಧಾನ ಮೂಡಿದೆಯಂತೆ. ಇಬ್ಬರ ಮಧ್ಯೆ ಬಿರುಕು ಮೂಡಲು ಇದು ಪ್ರಮುಖ ಕಾರಣ ಆಯಿತು ಎಂದು ಹೇಳಲಾಗಿದೆ. ಈಗ ಈ ಬಗ್ಗೆ ಸ್ಪಷ್ಟನೆ ಸಿಕ್ಕಿದೆ.

ಗೋವಿಂದ ಅವರ ಕಾರ್ಯದರ್ಶಿ ಶಶಿ ಸಿನ್ಹಾ ಅವರು ಈ ವಿಚಾರವನ್ನು ತಳ್ಳಿ ಹಾಕಿದ್ದಾರೆ. ಇದರಲ್ಲಿ ಯಾವುದೇ ಸತ್ಯ ಇಲ್ಲ ಎಂದು ಹೇಳಿದ್ದಾರೆ. ಗಾಸಿಪ್ ಹುಟ್ಟಿಕೊಂಡರೆ ಅದನ್ನು ನಿಯಂತ್ರಿಸೋದು ಕಷ್ಟ ಎಂಬುದು ದಂಪತಿಗೆ ಅರ್ಥವಾಗಿದೆ. ಹೀಗಾಗಿ, ಆರಂಭದಲ್ಲೇ ಇದನ್ನು ಚಿವುಟುವ ಪ್ರಯತ್ನ ಮಾಡಿದ್ದಾರೆ. ‘ಈ ವರದಿಗಳಲ್ಲಿ ಸತ್ಯ ಇಲ್ಲ. ನಾನು ಗೋವಿಂದ ಅವರ ಜೊತೆಯೇ ಇದ್ದೇನೆ. ಆ ರೀತಿ ಏನೂ ಇಲ್ಲ’ ಎಂದಿದ್ದಾರೆ.

ಇದನ್ನೂ ಓದಿ: 37 ವರ್ಷ ಸಂಸಾರ ಮಾಡಿ ಈಗ ವಿಚ್ಛೇದನ ಪಡೆಯಲು ಮುಂದಾದ ನಟ ಗೋವಿಂದ?

ಇತ್ತೀಚೆಗೆ ಗೋವಿಂದ ಅವರ ಕಾಲಿಗೆ ಗುಂಡೇಟು ಆಗಿತ್ತು.  ಅವರದ್ದೇ ಗನ್​ನಿಂದ ಬುಲೆಟ್ ಹಾರಿ ಈ ಅವಘಡ ಉಂಟಾಗಿತ್ತು. ಇದು ಸಾಕಷ್ಟು ಚರ್ಚೆ ಸೃಷ್ಟಿಸಿತ್ತು. ಗೋವಿಂದ ಅವರು ಈ ಬಗ್ಗೆ ಸ್ಪಷ್ಟನೆ ನೀಡಿದ್ದರು. ಅಚಾನಕ್ಕಾಗಿ ಗುಂಡು ಸಿಡಿದು ಸಮಸ್ಯೆ ಆಗಿದೆ ಎಂದು ಹೇಳಲಾಗಿತ್ತು. ಆದರೆ, ಈ ವಾದವನ್ನು ಪೊಲೀಸರು ಒಪ್ಪಿರಲಿಲ್ಲ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.