ಶಾರುಖ್​ ಖಾನ್​-ಅಟ್ಲೀ ಸಿನಿಮಾಗೆ ಜನಪ್ರಿಯ ವೆಬ್​ ಸೀರಿಸ್ ‘ಮನಿ ಹೈಸ್ಟ್’​ ಕಥೆ?

ಬಾಲಿವುಡ್​ ನಟ ಶಾರುಖ್​ ಖಾನ್​ ಹಾಗೂ ತಮಿಳಿನ ಖ್ಯಾತ ನಿರ್ದೇಶಕ ಅಟ್ಲೀ ಸಿನಿಮಾ ಬಗ್ಗೆ ಸೃಷ್ಟಿ ಆಗಿರುವ ಹೈಪ್​ ಅಷ್ಟಿಷ್ಟಲ್ಲ. ಸಾಲುಸಾಲು ಹಿಟ್​ ಸಿನಿಮಾ ಕೊಟ್ಟಿರುವ ಅಟ್ಲೀ ಅವರು ಸೋತು ಸುಣ್ಣವಾಗಿರುವ ಶಾರುಖ್​ಗೆ ಗೆಲುವು ಕೊಡುತ್ತಾರೆ ಎನ್ನುವ ನಂಬಿಕೆಯಲ್ಲಿ ಅಭಿಮಾನಿಗಳಿದ್ದಾರೆ. ಶಾರುಖ್​ ಮುಖದಲ್ಲಿ ಮತ್ತೆ ಗೆಲುವು ನೋಡೋಕೆ ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ. ಹೀಗಿರುವಾಗಲೇ ಬಾಲಿವುಡ್​ ಅಂಗಳದಲ್ಲಿ ಹೊಸ ವದಂತಿ ಒಂದು ಹುಟ್ಟಿಕೊಂಡಿದೆ. ಅಟ್ಲೀ-ಶಾರುಖ್​ ಸಿನಿಮಾ ಖ್ಯಾತ ವೆಬ್​ ಸೀರಿಸ್​ ಕಥೆಯನ್ನು ಆಧರಿಸಿ ಸಿದ್ಧಗೊಳ್ಳುತ್ತಿದೆ ಎನ್ನಲಾಗಿದೆ.

ಶಾರುಖ್​ ಸಿನಿಮಾಗಾಗಿ ಅಟ್ಲೀ ಬರೋಬ್ಬರಿ ಎರಡು ವರ್ಷ ಸ್ಕ್ರಿಪ್ಟ್​ ವರ್ಕ್​ ಮಾಡಿದ್ದಾರೆ. ಎಲ್ಲವೂ ಅಚ್ಚುಕಟ್ಟಾಗಿ ಮೂಡಿಬರಬೇಕು ಎನ್ನುವ ಆಲೋಚನೆ ನಿರ್ದೇಶಕರದ್ದು. ಈ ಕಾರಣಕ್ಕೆ ಅಟ್ಲೀ ಇಷ್ಟು ಶ್ರಮ ಹಾಕಿದ್ದಾರೆ. ಇನ್ನು, ಈ ಸಿನಿಮಾಗೆ ಕಥೆ ನೀಡಿದ್ದು ಶಾರುಖ್​ ಎನ್ನಲಾಗುತ್ತಿದೆ. ಬಾಲಿವುಡ್ ಕಿಂಗ್​ ಖಾನ್​ ಈಗಾಗಲೇ ಸ್ಪ್ಯಾನಿಶ್​ ವೆಬ್​ ಸೀರಿಸ್ ‘ಮನಿ ಹೈಸ್ಟ್’​ ಭಾರತದ ಹಕ್ಕನ್ನು ಕೊಂಡುಕೊಂಡಿದ್ದಾರೆ. ‘ಮನಿ ಹೈಸ್ಟ್​’ ವೆಬ್​ ಸೀರಿಸ್​ಅನ್ನು ಹಿಂದಿಗೆ ಮಾಡುತ್ತೇನೆ ಎಂದರೆ ಅದು ಸಾಧ್ಯವಿಲ್ಲ. ಏಕೆಂದರೆ ಅದಕ್ಕೆ ತುಂಬಾನೇ ಸಮಯ ಬೇಕು. ಎಲ್ಲಕ್ಕಿಂತ ಹೆಚ್ಚಾಗಿ ಭಾರತದಲ್ಲಿ ಸಾಕಷ್ಟು ಮಂದಿ ಈಗಾಗಲೇ ‘ಮನಿ ಹೈಸ್ಟ್​’ ವೀಕ್ಷಣೆ ಮಾಡಿದ್ದಾರೆ. ಹೀಗಾಗಿ, ಮತ್ತೆ ಇದನ್ನು ಹಿಂದಿಯಲ್ಲಿ ಮಾಡಿದರೆ ಶ್ರಮ ವ್ಯರ್ಥ ಆಗಲಿದೆ. ಈ ಕಾರಣಕ್ಕೆ ಈ ವೆಬ್​ ಸೀರಿಸ್​ ಕಥೆಯ ಒಂದೆಳೆ ಇಟ್ಟುಕೊಂಡ ಸಿನಿಮಾ ಮಾಡಲು ಶಾರುಖ್​ ನಿರ್ಧರಿಸಿದ್ದಾರಂತೆ.

ಶಾರುಖ್​ ನಟನೆಯ ‘ಡಾನ್’​ ಸಿನಿಮಾ ಹೆಚ್ಚು ಖ್ಯಾತಿ ಪಡೆದುಕೊಂಡಿತ್ತು. ಈ ಚಿತ್ರದಲ್ಲೂ ದರೋಡೆ ಮಾಡುವುದೇ ಹೈಲೈಟ್​. ಶಾರುಖ್​ ಅವರು ಸ್ಟೈಲಿಶ್​ ಡಾನ್​ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ‘ಮನಿ ಹೈಸ್ಟ್’​ ಕೂಡ ಕಳ್ಳತನದ ಕಥೆಯನ್ನೇ ಹೊಂದಿದೆ. ಈ ಕಾರಣಕ್ಕೆ ಜನರಿಗೆ ಹೆಚ್ಚು ಕನೆಕ್ಟ್​ ಆಗಬಹುದು ಎನ್ನುವ ಆಲೋಚನೆ ಶಾರುಖ್​ ಅವರದ್ದು. ಹೀಗಾಗಿ, ಅಟ್ಲೀ ಸಿನಿಮಾಗೆ ಈ ಸ್ಟೋರಿ ಲೈನ್​ ನೀಡಲಾಗಿದೆ ಎನ್ನುವ ಮಾತು ಜೋರಾಗಿದೆ.

ಈಗಾಗಲೇ ಸಿನಿಮಾದ ಶೂಟಿಂಗ್​ ಆರಂಭಗೊಂಡಿದೆ. ಇತ್ತೀಚೆಗೆ ಚಿತ್ರದ ಸೆಟ್​ನ ಫೋಟೋ ಲೀಕ್​ ಆಗಿತ್ತು. ನಯನತಾರಾ ಹಾಗೂ ಶಾರುಖ್​ ಸೆಟ್​ನಲ್ಲಿರುವ ಫೋಟೋ ನೋಡಿ ಅಭಿಮಾನಿಗಳು ಖುಷಿ ಆಗಿದ್ದರು.

ಇದನ್ನೂ ಓದಿ: ಸಲ್ಮಾನ್​ ಖಾನ್​ ಮಾಡಿದ 30 ಸೆಕೆಂಡ್​ ಕೆಲಸಕ್ಕೆ 50 ಲಕ್ಷ ರೂ. ಸಂಬಳ; ಸಲ್ಲು ಬರೆದಿದ್ದು ಒಂದೇ ವಾಕ್ಯ

Money Heist 5: ‘ಮನಿ ಹೈಸ್ಟ್​ 5’ ಮೋಡಿಗೆ ಸಿಲುಕಿದ ನಟಿ ಕೀರ್ತಿ ಸುರೇಶ್​: ನಾಯಿ ಜೊತೆಗಿನ ವಿಡಿಯೋ ವೈರಲ್​