ಕಾಜೋಲ್ ಅಭಿನಯದ ‘ಸಲಾಮ್​ ವೆಂಕಿ’ ಚಿತ್ರದ ಟ್ರೈಲರ್ ಬಿಡುಗಡೆ; ಅತಿಥಿ ಪಾತ್ರದಲ್ಲಿ ಆಮಿರ್​ ಖಾನ್

ಕಾಜೋಲ್​(kajol)ಅವರು ಮುಖ್ಯ ಪಾತ್ರದಲ್ಲಿ ನಟಿಸಿರುವ ‘ಸಲಾಮ್​ ವೆಂಕಿ'(salaam venky)ಚಿತ್ರದ ಟ್ರೈಲರ್​ ಸೋಮವಾರ (ನವೆಂಬರ್ 14) ಮಧ್ಯಾಹ್ನ ಬಿಡುಗಡೆಯಾಗಿದೆ. ಲಕ್ಷಾಂತರ ಅಭಿಮಾನಿಗಳು ಟ್ರೈಲರ್​ ವೀಕ್ಷಣೆ ಮಾಡಿದ್ದಾರೆ. ಚಿತ್ರದಲ್ಲಿ ವಿಶಾಲ್​ ಜೇತ್ವಾ, ರಾಹುಲ್​ ಬೋಸ್​, ರಾಜೀವ್​ ಖಂಡೇಲ್​ವಾಲ್​, ಅಹಾನಾ ಕುಮ್ರಾ ಮತ್ತು ಪ್ರಕಾಶ್​ರಾಜ್​ ಕೂಡ ನಟಿಸಿದ್ದಾರೆ. ಟ್ರೇಲರ್ ಕೊನೆಯಲ್ಲಿ ಆಮಿರ್ ​ಖಾನ್​ ಅವರು ಅತಿಥಿ ಪಾತ್ರ ಕಾಣಿಸಿದೆ.

ಕಾಜೋಲ್​ ಸುಜಾತಾ ಹೆಸರಿನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿಶಾಲ್​ ಜೇತ್ವಾ ವೆಂಕಿ ಎಂಬ ಪಾತ್ರವನ್ನು ಮಾಡುತ್ತಿದ್ದಾರೆ. ವೆಂಕಿಯು ವಿಲ್​ಚೇರ್​ ಮೇಲೆ ಕುಳಿತಿದ್ದಾನೆ. ತಾಯಿ ಸುಜಾತಾ, ಮಗ ವೆಂಕಿಯ ಜೀವನದ ಭಾಗವಾಗಿದ್ದಾಳೆ. ಟ್ರೇಲರ್​​​​ನಲ್ಲಿ ವೆಂಕಿಯು ಅವನ ಕೊನೆಯ ಬಯಕೆಯನ್ನು ಹೇಳುತ್ತಾನೆ. ಅದು ಏನು ಎಂಬುದು ಬಹಿರಂಗವಾಗಿಲ್ಲ. ಅದರೆ ಸುಜಾತಾ ಅದಕ್ಕೆ ನಿರಾಕರಿಸುತ್ತಾಳೆ. ತಾಯಿ-ಮಗನ ದೃಶ್ಯಗಳು ಪ್ರೇಕ್ಷಕರ ಕಣ್ಣನ್ನು ಒದ್ದೆಯಾಗಿಸುತ್ತವೆ.

ಇದನ್ನೂ ಓದಿ:Kajol: ಒಟಿಟಿ ಜಗತ್ತಿಗೆ ನಟಿ ಕಾಜೋಲ್​ ಎಂಟ್ರಿ; ಪ್ರತಿ ಎಪಿಸೋಡ್​ಗೆ ಪಡೆಯುವ ಸಂಭಾವನೆ ಇಷ್ಟೊಂದಾ?

ಸುಜಾತಾ ಮತ್ತು ಅವಳ ಮಗ ವೆಂಕಿ ಜೀವನದಲ್ಲಿ ನಡೆಯಬಹುದಾದ ನೋವು ಹಾಗೂ ಅದನ್ನು ನಗುವಿನ ಮೂಲಕ ಹೇಗೆ ಮರೆಯಬೇಕು ಎಂಬುದನ್ನು ಚಿತ್ರದಲ್ಲಿ ತೋರಿಸಲಾಗಿದೆ ಎಂಬುದಕ್ಕೆ ಟ್ರೇಲರ್ ಸಾಕ್ಷ್ಯ ನೀಡಿದೆ. ನೈಜ ಕಥೆಯನ್ನಾಧರಿಸಿದ ಈ ಸಿನಿಮಾದ ಟ್ರೈಲರ್​ಗೆ ಅಭಿಮಾನಿಗಳು ಸಕಾರಾತ್ಮಕವಾಗಿ ಪ್ರತಿಕ್ರಿಯಿಸಿದ್ದಾರೆ. ಅಭಿಮಾನಿಯೊಬ್ಬರು ‘ತುಂಬಾ ಹೃದಯ ಸ್ಪರ್ಶಿಯಾಗಿದೆ, ಸಿನಿಮಾ ನೋಡಲು ಕಾಯುತ್ತಿದ್ದೇನೆ’ ಎಂದು ಕಾಮೆಂಟ್​ ಮಾಡಿದ್ದಾರೆ.

ಈ ಸಿನಿಮಾವನ್ನು ರೇವತಿ ನಿರ್ದೇಶಿಸಿದ್ದು, ಸೂರಜ್​ ಸಿಂಗ್ ಹಾಗೂ ಶ್ರದ್ಧಾ ಅಗರ್​ವಾಲ್​ ನಿರ್ಮಾಣ ಮಾಡಿದ್ದಾರೆ. ಈ ಚಿತ್ರ ಡಿಸೆಂಬರ್​ 9ರಂದು ತೆರೆಯ ಮೇಲೆ ಬರಲಿದ್ದು, ಬಾಕ್ಸ್​ಆಫೀಸ್​ನಲ್ಲಿ ಎಷ್ಟರ ಮಟ್ಟಿಗೆ ಕಮಾಯಿ ಮಾಡುತ್ತದೆ ಎಂದು ಕಾದುನೋಡಬೇಕಾಗಿದೆ.

ಇನ್ನಷ್ಟು ಮನರಂಜನಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ