Karan Johar: ಐಡಿ ಕಾರ್ಡ್ ತೋರಿಸದೇ ಏರ್ಪೋರ್ಟ್ ಒಳಗೆ ನುಗ್ಗಲು ಯತ್ನಿಸಿದ ಕರಣ್ ಜೋಹರ್; ವಿಡಿಯೋ ವೈರಲ್
Karan Johar Viral Video: ಕರಣ್ ಜೋಹರ್ ಅವರು ಐಡೆಂಟಿಟಿ ಕಾರ್ಡ್ ತೋರಿಸದೇ ಮುಂಬೈ ವಿಮಾನ ನಿಲ್ದಾಣದ ಒಳಗೆ ಹೋಗಲು ಮುಂದಾದರು. ಆಗ ಅವರನ್ನು ಅಲ್ಲಿದ್ದ ಭದ್ರತಾ ಸಿಬ್ಬಂದಿ ತಡೆದು ನಿಲ್ಲಿಸಿದರು.
Updated on:Mar 21, 2023 | 10:30 PM
ಮುಖ್ಯಾಂಶಗಳು
- ಐಡಿ ಕಾರ್ಡ್ ತೋರಿಸದೇ ವಿಮಾನ ನಿಲ್ದಾಣದ ಒಳಗೆ ಪ್ರವೇಶಿಸಲು ಯತ್ನಿಸಿದ ಕರಣ್ ಜೋಹರ್
- ಮುಂಬೈ ವಿಮಾನ ನಿಲ್ದಾಣದಲ್ಲಿ ನಡೆದ ಘಟನೆಯ ವಿಡಿಯೋ ವೈರಲ್ ಆಗಿದೆ
- ಪಾಪರಾಜಿಗಳಿಗೆ ಪೋಸ್ ನೀಡಿದ ಬಳಿಕ ಐಡಿ ತೋರಿಸೋದು ಮರೆತ ಕರಣ್ ಜೋಹರ್
ನಿರ್ಮಾಪಕ ಕರಣ್ ಜೋಹರ್ (Karan Johar) ಅವರು ಸಖತ್ ಜನಪ್ರಿಯತೆ ಹೊಂದಿದ್ದಾರೆ. ಹಾಗಂತ ಸರ್ಕಾರದ ನಿಯಮಗಳನ್ನು ಮುರಿಯಲು ಸಾಧ್ಯವೇ? ಖಂಡಿತಾ ಇಲ್ಲ. ಇತ್ತೀಚೆಗೆ ಅವರು ಮುಂಬೈ ವಿಮಾನ ನಿಲ್ದಾಣ (Mumbai Airport) ಪ್ರವೇಶಿಸುವಾಗ ಮೈ ಮರೆತಿದ್ದಾರೆ. ಸೆಲೆಬ್ರಿಟಿ ಎಂಬ ಕಾರಣಕ್ಕೋ ಏನೋ ತಮ್ಮ ಗುರುತಿನ ಚೀಟಿಯನ್ನು ತೋರಿಸದೇ ಏರ್ಪೋರ್ಟ್ ಒಳಗೆ ಪ್ರವೇಶಿಸಲು ಪ್ರಯತ್ನಿಸಿದ್ದಾರೆ. ಆದರೆ ಅಲ್ಲಿ ಡ್ಯೂಟಿ ಮಾಡುತ್ತಾ ಇದ್ದಿದ್ದು ಓರ್ವ ಖಡಕ್ ಆಫೀಸರ್! ಹಾಗಾಗಿ ಕರಣ್ ಜೋಹರ್ ಅವರು ನಿಯಮ ಉಲ್ಲಂಘಿಸಲು ಸಾಧ್ಯವಾಗಿಲ್ಲ. ಪಾಪರಾಜಿಗಳ ಕ್ಯಾಮೆರಾದಲ್ಲಿ ಈ ದೃಶ್ಯ ಸೆರೆಯಾಗಿದೆ. ಈ ವಿಡಿಯೋ (Karan Johar Viral Video) ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ಬಗೆಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ.
ಸೆಲೆಬ್ರಿಟಿಗಳು ವಿಮಾನ ನಿಲ್ದಾಣಕ್ಕೆ ಬಂದಾಗ ಅವರ ಫೋಟೋಗಳನ್ನು ಕ್ಲಿಕ್ಕಿಸಲು ಪಾಪರಾಜಿಗಳು ಕಾದು ಕುಳಿತಿರುತ್ತಾರೆ. ಹಾಗಾಗಿ ಅಲ್ಲಿ ನಟ-ನಟಿಯರು ಹೇಗೆ ನಡೆದುಕೊಳ್ಳುತ್ತಾರೆ ಎಂಬುದು ಬಹುಬೇಗನೆ ಜಗಜ್ಜಾಹೀರಾಗುತ್ತದೆ. ಕರಣ್ ಜೋಹರ್ ವಿಚಾರದಲ್ಲೂ ಹಾಗೆಯೇ ಆಗಿದೆ. ಅವರು ಐಡಿ ಕಾರ್ಡ್ ತೋರಿಸದೇ ವಿಮಾನ ನಿಲ್ದಾಣದ ಒಳಗೆ ಪ್ರವೇಶಿಸಲು ಯತ್ನಿಸಿರುವುದು ಬಹಿರಂಗ ಆಗಿದೆ.
ಇದನ್ನೂ ಓದಿ: ‘ಆಲಿಯಾ ಮಗು ನೇರವಾಗಿ ಕರಣ್ ಜೋಹರ್ ಕಚೇರಿಗೆ ಹೋಗುತ್ತೆ ಅಂದ್ಕೊಂಡಿದ್ವಿ’: ಟ್ರೋಲ್ ಮಾಡಿದ ನೆಟ್ಟಿಗರು
ಮಂಗಳವಾರ (ಮಾರ್ಚ್ 21) ಬೆಳಗ್ಗೆ ಕರಣ್ ಜೋಹರ್ ಅವರು ಮುಂಬೈ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ಅಲ್ಲಿದ್ದ ಪಾಪರಾಜಿಗಳಿಗೆ ಅವರು ಪೋಸ್ ನೀಡಿದರು. ಬಳಿಕ ಐಡಿ ಕಾರ್ಡ್ ತೋರಿಸದೇ ಒಳಗೆ ಹೋಗಲು ಮುಂದಾದರು. ಆಗ ಅವರನ್ನು ಅಲ್ಲಿದ್ದ ಭದ್ರತಾ ಸಿಬ್ಬಂದಿ ತಡೆದು ನಿಲ್ಲಿಸಿದರು. ತಾವು ಗುರುತಿನ ಚೀಟಿ ಮತ್ತು ಪ್ರಯಾಣಕ್ಕೆ ಸಂಬಂಧಿಸಿದ ಇತರೆ ದಾಖಲೆಗಳನ್ನು ತೋರಿಸಲಿಲ್ಲ ಎಂಬುದು ಕರಣ್ ಜೋಹರ್ಗೆ ಮನವರಿಕೆ ಆಯಿತು. ಕೂಡಲೇ ಅವರು ತಮ್ಮ ಬ್ಯಾಗ್ ಪೂರ್ತಿ ಹುಡುಕಾಡಿ, ಅದರಲ್ಲಿ ಇದ್ದ ದಾಖಲೆಗಳನ್ನು ಅಧಿಕಾರಿಗಳಿಗೆ ತೋರಿಸಿದರು. ಆ ಬಳಿಕವೇ ಅವರಿಗೆ ವಿಮಾನ ನಿಲ್ದಾಣ ಪ್ರವೇಶಿಸಲು ಅನುಮತಿ ಸಿಕ್ಕಿತು.
View this post on Instagram
ಸೆಲೆಬ್ರಿಟಿಗಳು ಕೆಲವೊಮ್ಮೆ ನಿಯಮ ಉಲ್ಲಂಘಿಸಲು ಪ್ರಯತ್ನಿಸುತ್ತಾರೆ. ತಾವು ತುಂಬ ಫೇಮಸ್ ಆಗಿರುವುದರಿಂದ ಐಡಿ ಕಾರ್ಡ್ ತೋರಿಸುವ ಅಗತ್ಯ ಇಲ್ಲ ಎಂದು ಕೆಲವರು ಭಾವಿಸುವುದುಂಟು. ಆದರೆ ರೂಲ್ಸ್ ಎಲ್ಲರಿಗೂ ಒಂದೇ ಎಂಬುದಕ್ಕೆ ಕರಣ್ ಜೋಹರ್ ಅವರ ಈ ಹೊಸ ವೈರಲ್ ವಿಡಿಯೋನೇ ಸಾಕ್ಷಿ.
ಇದನ್ನೂ ಓದಿ: Karan Johar: ಕರಣ್ ಜೋಹರ್ ಮಕ್ಕಳ ವಿಡಿಯೋ ವೈರಲ್; ವಿಮಾನ ನಿಲ್ದಾಣದಲ್ಲಿ ನಮಸ್ತೆ ಮಾಡೋದು ಕಲಿಸಿದ ನಿರ್ಮಾಪಕ
ಬಾಲಿವುಡ್ನಲ್ಲಿ ನಿರ್ಮಾಪಕನಾಗಿ ಹಾಗೂ ನಿರ್ದೇಶಕನಾಗಿ ಕರಣ್ ಜೋಹರ್ ಅವರು ಸಕ್ರಿಯರಾಗಿದ್ದಾರೆ. ಅವರು ನಿರ್ದೇಶನ ಮಾಡುತ್ತಿರುವ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಸಿನಿಮಾ ಬಗ್ಗೆ ಅಭಿಮಾನಿಗಳಿಗೆ ಸಖತ್ ನಿರೀಕ್ಷೆ ಇದೆ. ಈ ಸಿನಿಮಾದಲ್ಲಿ ಆಲಿಯಾ ಭಟ್ ಮತ್ತು ರಣವೀರ್ ಸಿಂಗ್ ಜೋಡಿಯಾಗಿ ನಟಿಸುತ್ತಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 10:30 pm, Tue, 21 March 23
