ಒಟ್ಟಿಗೆ ಕಾಣಿಸಿಕೊಂಡ ಸಮಂತಾ ಮತ್ತು ರಣವೀರ್ ಸಿಂಗ್; ವೈರಲ್ ಆಯ್ತು ಫೋಟೋ
ರಣವೀರ್ ಸಿಂಗ್ ಹಾಗೂ ಸಮಂತಾ ಜೊತೆಯಲ್ಲಿ ನಿಂತಿದ್ದಾರೆ. ಸಮಂತಾ ಏರ್ಫೋರ್ಸ್ ಡ್ರೆಸ್ ಧರಿಸಿದರೆ, ರಣವೀರ್ ಸಿಂಗ್ ನೀಲಿ ಬಣ್ಣದ ಶರ್ಟ್ ಧರಿಸಿದ್ದಾರೆ.
Updated on:Jun 06, 2022 | 4:49 PM
ನಟಿ ಸಮಂತಾ ರುತ್ ಪ್ರಭು ಅವರು (Samantha) ಟಾಲಿವುಡ್ನಿಂದ ಬಾಲಿವುಡ್ಗೆ ಹಾರಿದ್ದಾರೆ. ‘ದಿ ಫ್ಯಾಮಿಲಿ ಮ್ಯಾನ್ 2’ ವೆಬ್ ಸೀರಿಸ್ನಲ್ಲಿ ನಟಿಸಿದ ನಂತರ ಅವರ ಖ್ಯಾತಿ ದುಪ್ಪಟ್ಟಾಗಿದೆ. ಈಗ ಅವರಿಗೆ ಹಿಂದಿ ಚಿತ್ರರಂಗದಿಂದ ಆಫರ್ಗಳು ಬರುತ್ತಿವೆ. ಈ ಮಧ್ಯೆ ರಣವೀರ್ ಸಿಂಗ್ (Ranveer Singh) ಜತೆ ಸಮಂತಾ ಕಾಣಿಸಿಕೊಂಡಿದ್ದಾರೆ. ಈ ಫೋಟೋಗಳನ್ನು ಸಮಂತಾ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ಸಂಭ್ರಮಿಸಿದ್ದಾರೆ. ಈ ಫೋಟೋಗಳು ಸಖತ್ ವೈರಲ್ ಆಗುತ್ತಿವೆ.
ರಣವೀರ್ ಸಿಂಗ್ ಹಾಗೂ ಸಮಂತಾ ಜೊತೆಯಲ್ಲಿ ನಿಂತಿದ್ದಾರೆ. ಸಮಂತಾ ಏರ್ಫೋರ್ಸ್ ಡ್ರೆಸ್ ಧರಿಸಿದರೆ, ರಣವೀರ್ ಸಿಂಗ್ ನೀಲಿ ಬಣ್ಣದ ಶರ್ಟ್ ಧರಿಸಿದ್ದಾರೆ. ಇವರ ಭೇಟಿ ಸಾಕಷ್ಟು ಕುತೂಹಲ ಮೂಡಿಸಿದೆ. ಯಾವ ಚಿತ್ರದಲ್ಲಿ ಇವರು ನಟಿಸುತ್ತಿದ್ದಾರೆ ಅನ್ನೋದನ್ನು ಕಾದು ನೋಡಬೇಕಿದೆ.
ರಣವೀರ್ ಸಿಂಗ್ ನಟನೆಯ ‘ಜಯೇಶ್ಭಾಯ್ ಜೋರ್ದಾರ್’ ಇತ್ತೀಚೆಗೆ ತೆರೆಗೆ ಬಂತು. ಈ ಸಿನಿಮಾ ಹೇಳ ಹೆಸರಿಲ್ಲದಂತೆ ಮಕಾಡೆ ಮಲಗಿತು. ಅವರ ‘83’ ಚಿತ್ರ ಕೂಡ ದೊಡ್ಡ ಯಶಸ್ಸು ಕಾಣಲಿಲ್ಲ. ಹೀಗಾಗಿ, ಅವರಿಗೆ ತುರ್ತಾಗಿ ಒಂದು ಗೆಲುವು ಬೇಕಿದೆ. ಹಲವು ಸಿನಿಮಾಗಳ ಕೆಲಸಗಳಲ್ಲಿ ರಣವೀರ್ ಬ್ಯುಸಿ ಇದ್ದಾರೆ.
ಇದನ್ನೂ ಓದಿ: ರಿಲೀಸ್ ಆದ ಕೆಲವೇ ಗಂಟೆಗಳಲ್ಲಿ ರಣವೀರ್ ಸಿಂಗ್ ಹೊಸ ಸಿನಿಮಾ ಲೀಕ್; ‘ಜಯೇಶ್ಭಾಯ್’ಗೆ 2 ಆಘಾತ
ರಣವೀರ್ ಸಿಂಗ್ ಅವರು ಸಮಂತಾ ಫ್ಯಾನ್
ರಣವೀರ್ ಸಿಂಗ್ ಅವರು ಸಮಂತಾ ಫ್ಯಾನ್. ಈ ಬಗ್ಗೆ ಅವರು ಹೇಳಿಕೊಂಡಿದ್ದರು. ಸಮಂತಾ ಹೆಜ್ಜೆ ಹಾಕಿದ ‘ಹೂ ಅಂತಿಯಾ ಮಾವ’ ಹಾಡು ಸೂಪರ್ ಹಿಟ್ ಆಯಿತು. ಈ ಹಾಡಿನ ಕೀರ್ತಿ ಕೇವಲ ಕರ್ನಾಟಕಕ್ಕೆ ಮಾತ್ರ ಸೀಮಿತವಾಗಿಲ್ಲ. ವಿದೇಶದ ಸೆಲೆಬ್ರಿಟಿಗಳು ಈ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಬಾಲಿವುಡ್ನ ಖ್ಯಾತ ನಟ ರಣವೀರ್ ಸಿಂಗ್ ಕೂಡ ಈ ಹಾಡಿನ ದೊಡ್ಡ ಫ್ಯಾನ್. ಅವರು ಈ ಬಗ್ಗೆ ಈ ಮೊದಲು ಮಾತನಾಡಿದ್ದರು.
‘ನನ್ನ ಫೇವರಿಟ್ ಹಾಡು ಊ ಅಂಟಾವ ಮಾವ. ಈ ಹಾಡನ್ನು ಕೇಳಿದರೆ ನಾನು ಕ್ರೇಜ್ಗೆ ಒಳಗಾಗುತ್ತೇನೆ. ನನಗೆ ಹಾಡು ಅರ್ಥವಾಗುವುದಿಲ್ಲ. ಆದರೆ ಮ್ಯೂಸಿಕ್ ನನಗೆ ಹತ್ತಿರವಾಗಿದೆ’ ಎಂದು ರಣವೀರ್ ಸಿಂಗ್ ಹೇಳಿದ್ದರು. ಈ ಹಾಡಿನಲ್ಲಿ ನಟಿ ಸಮಂತಾ ಹೆಜ್ಜೆ ಹಾಕಿದ್ದರು. ಈ ಹಾಡಿನಿಂದ ಸಿನಿಮಾಗೆ ಒಳ್ಳೆಯ ಮೈಲೇಜ್ ಸಿಕ್ಕಿತ್ತು.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 4:49 pm, Mon, 6 June 22
