ವಿದೇಶದಲ್ಲಿದ್ದಾರಾ ಸಲ್ಮಾನ್​ ಖಾನ್​ ಪತ್ನಿ ನೂರ್​ ಮತ್ತು 17 ವರ್ಷದ ಮಗಳು? ಹೊಸ ರಹಸ್ಯ

‘ಭಯಪಟ್ಟುಕೊಂಡು ಎಲ್ಲಿ ಅಡಗಿ ಕುಳಿತಿದ್ದೀಯ? ನೂರ್​ ಎಂಬ ನಿನ್ನ ಹೆಂಡತಿ ಮತ್ತು 17 ವರ್ಷದ ಮಗಳ ಜೊತೆ ದುಬೈನಲ್ಲಿ ಇದ್ದೀಯ ಎಂಬುದು ಇಡೀ ಭಾರತಕ್ಕೆ ಗೊತ್ತಿದೆ’ ಎಂದು ಸಲ್ಮಾನ್​ ಖಾನ್​ ಬಗ್ಗೆ  ನೆಟ್ಟಿಗನೊಬ್ಬ ಕಮೆಂಟ್​ ಮಾಡಿದ್ದಾನೆ.

ವಿದೇಶದಲ್ಲಿದ್ದಾರಾ ಸಲ್ಮಾನ್​ ಖಾನ್​ ಪತ್ನಿ ನೂರ್​ ಮತ್ತು 17 ವರ್ಷದ ಮಗಳು? ಹೊಸ ರಹಸ್ಯ
ಸಲ್ಮಾನ್​ ಖಾನ್​

ಸಿನಿಮಾ ಮಾತ್ರವಲ್ಲದೆ, ತಮ್ಮ ವೈಯಕ್ತಿಕ ಜೀವನದ ಕಾರಣದಿಂದಲೂ ಸಲ್ಮಾನ್​ ಖಾನ್​ ಅವರು ಆಗಾಗ ಸುದ್ದಿ ಆಗುತ್ತಾರೆ. 55 ವರ್ಷ ಆಗಿದ್ದರೂ ಸಲ್ಲು ಇನ್ನೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿಲ್ಲ. ಅವರ ಬದುಕಿನಲ್ಲಿ ಬಾಲಿವುಡ್​ನ ಅನೇಕ ನಟಿಯರು ಬಂದು ಹೋಗಿದ್ದಾರೆ. ಆದರೆ ಯಾರೂ ಪತ್ನಿಯ ಸ್ಥಾನವನ್ನು ತುಂಬಿಲ್ಲ. ಈ ನಡುವೆ ಸಲ್ಮಾನ್​ ಖಾನ್​ ಬಗ್ಗೆ ಹೊಸ ಗಾಸಿಪ್​ ಕೇಳಿಬಂದಿದೆ. ವಿದೇಶದಲ್ಲಿ ಅವರು ಗುಟ್ಟಾಗಿ ಸಂಸಾರ ಮಾಡಿಕೊಂಡಿದ್ದಾರೆ ಎಂದು ನೆಟ್ಟಿಗರು ಆರೋಪಿಸಿದ್ದಾರೆ. ಈ ವಿಷಯ ಸ್ವತಃ ಸಲ್ಲು ಕಿವಿಗೂ ಬಿದ್ದಿದೆ. ಅದಕ್ಕೆ ಅವರು ಖಡಕ್​ ಆಗಿ ಉತ್ತರ ನೀಡಿದ್ದಾರೆ.

ಸಲ್ಮಾನ್​ ಖಾನ್​ ಸಹೋದರ ಅರ್ಬಾಜ್​ ಖಾನ್​ ನಡೆಸಿಕೊಡುವ ‘ಕ್ವಿಕ್​ ಹೀಲ್​ ಪಿಂಚ್​ ಬೈ ಅರ್ಬಾಜ್​’ ಕಾರ್ಯಕ್ರಮಕ್ಕೆ ಸಲ್ಲು ಅತಿಥಿಯಾಗಿ ಹೋಗಿದ್ದಾರೆ. ಅಲ್ಲಿ ಅವರಿಗೆ ಸೋಶಿಯಲ್​ ಮೀಡಿಯಾ ಕುರಿತಾಗಿ ಹಲವು ಪ್ರಶ್ನೆಗಳನ್ನು ಕೇಳಲಾಯಿತು. ಅದೇ ರೀತಿ ಕೆಲವು ಟ್ರೋಲ್​ಗಳ ಬಗ್ಗೆಯೂ ತಿಳಿಸಲಾಯಿತು. ನೆಟ್ಟಿಗನೊಬ್ಬ ಸಲ್ಲು ಬಗ್ಗೆ ಮನಬಂದಂತೆ ಕಮೆಂಟ್​ ಮಾಡಿರುವುದು ಕೂಡ ಆಗಲೇ ಬಯಲಾಯಿತು.

‘ಭಯಪಟ್ಟುಕೊಂಡು ಎಲ್ಲಿ ಅಡಗಿ ಕುಳಿತಿದ್ದೀಯ? ನೂರ್​ ಎಂಬ ನಿನ್ನ ಹೆಂಡತಿ ಮತ್ತು 17 ವರ್ಷದ ಮಗಳ ಜೊತೆ ದುಬೈನಲ್ಲಿ ಇದ್ದೀಯ ಎಂಬುದು ಇಡೀ ಭಾರತಕ್ಕೆ ಗೊತ್ತಿದೆ. ಭಾರತದ ಜನರನ್ನು ಇನ್ನೂ ಎಲ್ಲಿಯವರೆಗೆ ಮೂರ್ಖರನ್ನಾಗಿ ಮಾಡುತ್ತೀಯಾ?’ ಎಂದು ಕಮೆಂಟ್​ ಮಾಡಲಾಗಿತ್ತು. ಅದನ್ನು ಕಂಡು ಸ್ವತಃ ಸಲ್ಮಾನ್​ ಖಾನ್​ ಅಚ್ಚರಿಪಟ್ಟಿದ್ದಾರೆ.

‘ಈ ಜನರಿಗೆ ಎಲ್ಲದರ ಬಗ್ಗೆ ಮಾಹಿತಿ ಇದೆ. ಇದೆಲ್ಲ ಅಸಂಬದ್ಧ. ಅವರು ಯಾರ ಬಗ್ಗೆ ಮಾತನಾಡುತ್ತಿದ್ದಾರೋ ನನಗೆ ಗೊತ್ತಿಲ್ಲ. ಇದನ್ನೆಲ್ಲ ಎಲ್ಲಿ ಪೋಸ್ಟ್​ ಮಾಡಿದ್ದಾರೆ ಎಂಬುದೂ ನನಗೆ ತಿಳಿದಿಲ್ಲ. ಇದಕ್ಕೆಲ್ಲ ಪ್ರತಿಕ್ರಿಯೆ ನೀಡುವ ಮೂಲಕ ನಾನು ಇಂಥವರಿಗೆ ಮರ್ಯಾದೆ ಕೊಡುತ್ತೇನೆ ಎಂದು ಅವರು ಅಂದುಕೊಂಡಿದ್ದಾರಾ? ನನಗೆ ಹೆಂಡತಿ ಇಲ್ಲ. ಭಾರತದಲ್ಲೇ ಇದ್ದೇನೆ. 9ನೇ ವಯಸ್ಸಿನಿಂದಲೂ ಗೆಲಾಕ್ಸಿ ಅಪಾರ್ಟ್​ಮೆಂಟ್​ನಲ್ಲಿ ಇದ್ದೇನೆ. ಅದು ಇಡೀ ಭಾರತಕ್ಕೆ ಗೊತ್ತು. ಈ ವ್ಯಕ್ತಿಗೆ ನಾನು ಪ್ರತಿಕ್ರಿಯಿಸುವುದಿಲ್ಲ’ ಎಂದು ಸಲ್ಮಾನ್​ ಖಾನ್​ ಹೇಳಿದ್ದಾರೆ.

ಇದನ್ನೂ ಓದಿ:

32 ವರ್ಷದ ಕೆರಿಯರ್​ನಲ್ಲಿ ಮೊಟ್ಟಮೊದಲ ಬಾರಿಗೆ ಬಯೋಪಿಕ್​ಗೆ ಸಹಿ ಹಾಕಿದ ಸಲ್ಮಾನ್​ ಖಾನ್​

ಮೈ ಕಾಣುವಂತೆ ಬಟ್ಟೆ ಧರಿಸಿ ಬಂದಿದ್ದ ಕತ್ರಿನಾ ಕೈಫ್​ ಜೊತೆ ಈ ರೀತಿ ನಡೆದುಕೊಂಡಿದ್ರಾ ಸಲ್ಮಾನ್​ ಖಾನ್​?