ಹೇಗಿದೆ ‘ಜವಾನ್’ ಸಿನಿಮಾದ ಫಸ್ಟ್ ಹಾಫ್? ಶಾರುಖ್ ಖಾನ್-ಅಟ್ಲಿ ಕಾಂಬಿನೇಷನ್‌ನಲ್ಲಿ ಏನೆಲ್ಲ ಇದೆ?
ಬಹುಕೋಟಿ ರೂಪಾಯಿ ಬಜೆಟ್ನಲ್ಲಿ ‘ಜವಾನ್’ ಚಿತ್ರ ಸಿದ್ಧವಾಗಿದೆ. ಶಾರುಖ್ ಖಾನ್, ವಿಜಯ್ ಸೇತುಪತಿ, ನಯನತಾರಾ, ದೀಪಿಕಾ ಪಡುಕೋಣೆ ಮುಂತಾದವರ ಕಾಂಬಿನೇಷನ್ನಿಂದ ಈ ಸಿನಿಮಾದ ಮೆರುಗು ಹೆಚ್ಚಿದೆ. ಅಟ್ಲಿ ನಿರ್ದೇಶನ ಮಾಡಿದ್ದಾರೆ ಎಂಬ ಕಾರಣಕ್ಕೆ ಹೈಪ್ ಹೆಚ್ಚಾಗಿದೆ. ಈ ಚಿತ್ರದ ಫಸ್ಟ್ ಹಾಫ್ ವಿಮರ್ಶೆ ಇಲ್ಲಿದೆ..
Updated on: Sep 07, 2023 | 8:22 AM
ನಟ ಶಾರುಖ್ ಖಾನ್ ಅಭಿನಯದ ‘ಜವಾನ್’ ಸಿನಿಮಾ (Jawan Movie) ಅದ್ದೂರಿಯಾಗಿ ಬಿಡುಗಡೆ ಆಗಿದೆ. ವಿಶ್ವಾದ್ಯಂತ ಸಾವಿರಾರು ಪರದೆಗಳಲ್ಲಿ ಈ ಚಿತ್ರ ಪ್ರದರ್ಶನ ಕಾಣುತ್ತಿದೆ. ಫಸ್ಟ್ ಡೇ ಫಸ್ಟ್ ಶೋ ನೋಡಿದ ಅಭಿಮಾನಿಗಳು ಎಂಜಾಯ್ ಮಾಡುತ್ತಿದ್ದಾರೆ. ಶಾರುಖ್ ಖಾನ್ (Shah Rukh Khan) ಜೊತೆ ನಯನತಾರಾ, ದೀಪಿಕಾ ಪಡುಕೋಣೆ, ವಿಜಯ್ ಸೇತುಪತಿ, ಸಾನ್ಯಾ ಮಲ್ಹೋತ್ರಾ ಮುಂತಾದವರು ನಟಿಸಿದ್ದಾರೆ. ಬಹುತಾರಾಗಣದ ಈ ಸಿನಿಮಾಗೆ ಅಟ್ಲಿ ನಿರ್ದೇಶನ ಮಾಡಿದ್ದಾರೆ. ಬಹುಕೋಟಿ ರೂಪಾಯಿ ಬಜೆಟ್ನಲ್ಲಿ ಈ ಚಿತ್ರ ಸಿದ್ಧವಾಗಿದೆ. ಮೊದಲ ದಿನ ಭರ್ಜರಿ ಕಲೆಕ್ಷನ್ ಆಗುವ ಸಾಧ್ಯತೆ ದಟ್ಟವಾಗಿದೆ. ಆ್ಯಕ್ಷನ್ ಪ್ರಿಯರಿಗೆ ಈ ಸಿನಿಮಾ ಇಷ್ಟವಾಗುತ್ತಿದೆ. ಹಾಗಾದರೆ ‘ಜವಾನ್’ ಸಿನಿಮಾದ ಫಸ್ಟ್ ಹಾಫ್ (Jawan first half Review) ಹೇಗಿದೆ? ಯಾವೆಲ್ಲ ಅಂಶಗಳು ಹೈಲೈಟ್ ಆಗಿವೆ? ಚಿತ್ರದ ಕಥೆಯ ಎಳೆ ಏನು? ಈ ಎಲ್ಲ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ..
- ಒಮ್ಮೆ ಹೀರೋ ರೀತಿ, ಮತ್ತೊಮ್ಮೆ ವಿಲನ್ ರೀತಿ ಅಬ್ಬರಿಸಿದ ‘ಜವಾನ್’.
- ಗಾಯಾಳು ರೀತಿಯಲ್ಲಿ ಎಂಟ್ರಿ ನೀಡಿ ಸರ್ಪೈಸ್ ಕೊಟ್ಟ ಶಾರುಖ್ ಖಾನ್.
- ಪ್ರತಿ ಬಾರಿ ಬೇರೆ ಬೇರೆ ಗೆಟಪ್‌ನಲ್ಲಿ ಬಂದು ವಿಕ್ರಮ್ ರಾಥೋಡ್ ಎಂಬ ಹೆಸರಿನಲ್ಲಿ ಹಲ್‌ಚಲ್ ಎಬ್ಬಿಸುವ ಶಾರುಖ್.
- ಟ್ರೇನ್ ಹೈಜಾಕ್ ದೃಶ್ಯದ ಮೂಲಕ ಕಥೆಯಲ್ಲಿ ಟೆನ್ಷನ್ ಹೆಚ್ಚಿಸಿದ ನಿರ್ದೇಶಕ ಅಟ್ಲಿ.
- ಫಸ್ಟ್ ಹಾಫ್‌ನಲ್ಲೇ ‘ಜಿಂದಾ ಬಂದಾ..’ ಹಾಡಿನಿಂದ ಅಭಿಮಾನಿಗಳನ್ನು ಕುಣಿಸಿದ ಬಾಲಿವುಡ್ ಬಾದ್‌ಷಾ.
- ಲೇಡಿ ಸೂಪರ್ ಕಾಪ್ ಪಾತ್ರದಲ್ಲಿ ಹೆಚ್ಚು ಸ್ಕ್ರೀನ್ ಸ್ಪೇಸ್ ಗಿಟ್ಟಿಸಿದ ನಟಿ ನಯನತಾರಾ. ಜೋಡಿ ಆಗಿಯೂ, ಎದುರಾಳಿಗಳಾಗಿಯೂ ಎರಡು ಶೇಡ್‌ನಲ್ಲಿ ಸಸ್ಪೆನ್ಸ್ ಕಾಯ್ದುಕೊಂಡ ನಯನತಾರಾ-ಶಾರುಖ್ ಖಾನ್.
- ಆ್ಯಕ್ಷನ್‌ಗೆ ಯಾವುದೇ ಕೊರತೆ ಆಗದಂತೆ ನೋಡಿಕೊಂಡಿದ್ದಾರೆ ನಿರ್ದೇಶಕ ಅಟ್ಲಿ. ಮಾಸ್ ಪ್ರೇಕ್ಷಕರಿಗೆ ಫಸ್ಟ್ ಹಾಫ್ ಇಷ್ಟವಾಗುವಂತಿದೆ.
- ದೀಪಿಕಾ ಪಡುಕೋಣೆ ಪಾತ್ರ ಫಸ್ಟ್ ಹಾಫ್‌ನಲ್ಲಿ ಎಂಟ್ರಿ ನೀಡಿಲ್ಲ. ಹಾಗಾಗಿ ಅವರ ಅಭಿಮಾನಿಗಳು ಸೆಕೆಂಡ್ ಹಾಫ್‌ಗೆ ಕಾಯೋದು ಅನಿವಾರ್ಯ.
- ಮೊದಲಾರ್ಧದ ಕೆಲವೇ ದೃಶ್ಯಗಳಲ್ಲಿ ಕಾಣಿಸಿಕೊಳ್ಳುವ ವಿಜಯ್ ಸೇತುಪತಿ. ಕಾಲಿ ಎಂಬ ಈ ಪಾತ್ರಕ್ಕೆ ಇದೆ ಫ್ಲ್ಯಾಶ್‌ ಬ್ಯಾಕ್.
- ರೈತರ ಸಮಸ್ಯೆ, ಸರ್ಕಾರಿ ಆಸ್ಪತ್ರೆಗಳ ಅವ್ಯವಸ್ಥೆ ಮುಂತಾದ ಗಂಭೀರ ವಿಚಾರಗಳ ಬಗ್ಗೆಯೂ ಹೆಚ್ಚು ಮಾತನಾಡುತ್ತದೆ ‘ಜವಾನ್’ ಚಿತ್ರದ ಕಥಾನಾಯಕನ ಪಾತ್ರ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
