ಬಿಗ್ ಬಾಸ್ ನಿಲ್ಲಿಸಿ: ಸಲ್ಮಾನ್ ಖಾನ್ ವಿರುದ್ಧ ಗುಡುಗಿದ ಹಾಸ್ಯ ನಟ ಸುನಿಲ್ ಪಾಲ್
ಸೋಶಿಯಲ್ ಮೀಡಿಯಾ ಟ್ರೋಲಿಂಗ್ ವಿಷಯವಾಗಿ ಸಲ್ಮಾನ್ ಖಾನ್ ಅವರು ಇತ್ತೀಚೆಗೆ ಗುಡುಗಿದ್ದರು. ಬಿಗ್ ಬಾಸ್ ವೇದಿಕೆಯಲ್ಲಿ ಅವರು ಖಾರವಾಗಿ ಮಾತನಾಡಿದ್ದರು. ಆದರೆ ಈಗ ನಟ ಸುನಿಲ್ ಪಾಲ್ ಅವರು ಸಲ್ಮಾನ್ ಖಾನ್ ಹಾಗೂ ಬಿಗ್ ಬಾಸ್ ಶೋ ಬಗ್ಗೆ ಟೀಕೆ ವ್ಯಕ್ತಪಡಿಸಿದ್ದಾರೆ. ಆ ಬಗ್ಗೆ ಇಲ್ಲಿದೆ ವಿವರ..
Updated on: Sep 24, 2026 | 6:26 PM
ಇತ್ತೀಚೆಗಷ್ಟೇ ‘ಬಿಗ್ ಬಾಸ್’ ವೇದಿಕೆಯಲ್ಲಿ ಸೆಲೆಬ್ರಿಟಿಗಳ ಬಾಡಿ ಶೇಮಿಂಗ್ ಮತ್ತು ಸೋಶಿಯಲ್ ಮೀಡಿಯಾ ಟ್ರೋಲ್ಗಳ ವಿರುದ್ಧ ರೊಚ್ಚಿಗೆದ್ದಿದ್ದ ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅವರಿಗೆ ಹಾಸ್ಯನಟ ಸುನಿಲ್ ಪಾಲ್ ಪ್ರತ್ಯುತ್ತರ ನೀಡಿದ್ದಾರೆ. ‘ಜನರಿಂದ ಸಲ್ಮಾನ್ ಖಾನ್ ಬೆಳೆದಿದ್ದಾರೆಯೇ ಹೊರತು, ಸಲ್ಮಾನ್ ಖಾನ್ ಅವರಿಂದ ಜನರಲ್ಲ’ ಎಂದು ಹೇಳುವ ಮೂಲಕ ಕಟುವಾಗಿ ವಾಗ್ದಾಳಿ ನಡೆಸಿದ್ದಾರೆ. ಇಷ್ಟೇ ಅಲ್ಲದೆ, ಪ್ರಸಿದ್ಧ ರಿಯಾಲಿಟಿ ಶೋ ‘ಬಿಗ್ ಬಾಸ್’ ಕಾರ್ಯಕ್ರಮವನ್ನು ‘ಕಸದ ತೊಟ್ಟಿ’ ಎಂದು ಕರೆದಿರುವ ಸುನಿಲ್ ಪಾಲ್, ತಕ್ಷಣವೇ ಆ ಶೋ ಮುಚ್ಚುವಂತೆ ಸಲ್ಮಾನ್ ಖಾನ್ ಅವರಿಗೆ ಸವಾಲು ಹಾಕಿದ್ದಾರೆ.
ಇತ್ತೀಚೆಗೆ ‘ಬಿಗ್ ಬಾಸ್’ ವಾರಾಂತ್ಯದ ಸಂಚಿಕೆಯಲ್ಲಿ ನಟಿ ಕತ್ರಿನಾ ಕೈಫ್ ಅವರ ತೂಕದ ಬಗ್ಗೆ ಮತ್ತು ಇತರ ಕಲಾವಿದರ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ನಡೆಯುತ್ತಿರುವ ಟ್ರೋಲಿಂಗ್ ವಿರುದ್ಧ ಸಲ್ಮಾನ್ ಖಾನ್ ತೀವ್ರ ಅಸಮಾಧಾನ ಹೊರಹಾಕಿದ್ದರು. ಸಿನಿಮಾಗಳು ಅಥವಾ ಕಲಾವಿದರ ವೈಯಕ್ತಿಕ ವಿಚಾರಗಳನ್ನು ಹಿಡಿದು ಕೆಟ್ಟದಾಗಿ ಟ್ರೋಲ್ ಮಾಡುವವರಿಗೆ ಖಾರವಾಗಿಯೇ ಕ್ಲಾಸ್ ತೆಗೆದುಕೊಂಡಿದ್ದರು.
View this post on Instagram
ಸುನಿಲ್ ಪಾಲ್ ನೀಡಿದ ಖಾರವಾದ ತಿರುಗೇಟು:
ಇತ್ತೀಚೆಗೆ ಮಾಧ್ಯಮಗಳೊಂದಿಗೆ ಮಾತನಾಡಿದ ನಟ-ಹಾಸ್ಯನಟ ಸುನಿಲ್ ಪಾಲ್, ಸಲ್ಮಾನ್ ಖಾನ್ ಹೇಳಿಕೆಗೆ ಆಕ್ರೋಶ ವ್ಯಕ್ತಪಡಿಸಿದರು. ‘ನಾವು ಸಲ್ಮಾನ್ ಖಾನ್ ಅವರನ್ನು ಬೆಳೆಸಿದ್ದೇವೆಯೇ ಹೊರತು, ಸಲ್ಮಾನ್ ಖಾನ್ ನಮ್ಮನ್ನು ಬೆಳೆಸಿಲ್ಲ. ಭಾರತದ ಜನ ಹಾಗೂ ಅಭಿಮಾನಿಗಳು ಅವರ ಸಿನಿಮಾಗಳನ್ನು ನೋಡಿದ್ದರಿಂದಲೇ ಅವರು ಇಂದು ಸೂಪರ್ ಸ್ಟಾರ್ ಆಗಿದ್ದಾರೆ. ಸಲ್ಮಾನ್ ಖಾನ್, ಶಾರುಖ್ ಖಾನ್ ಸೇರಿದಂತೆ ಎಲ್ಲರೂ ಇದರಿಂದ ಪಾಠ ಕಲಿಯಬೇಕಿದೆ. ನಿಮ್ಮ ಟೈಪ್ ಪಾಸ್ ಈಗ ತೀರಾ ಹೆಚ್ಚಾಗಿದೆ’ ಎಂದು ಕಿಡಿಕಾರಿದ್ದಾರೆ.
View this post on Instagram
‘ಹನುಮಾನ್ ಅಂಶ್’ ಸಿನಿಮಾ ಉದಾಹರಣೆ ನೀಡಿ ತೀಕ್ಷ್ಣ ವಾಗ್ದಾಳಿ:
ಚಿತ್ರರಂಗದ ಪ್ರಸ್ತುತ ಪರಿಸ್ಥಿತಿಯ ಬಗ್ಗೆ ಮಾತನಾಡಿದ ಸುನಿಲ್, ‘ಕೇವಲ 2 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣವಾದ ‘ಹನುಮಾನ್ ಅಂಶ್’ ಸಿನಿಮಾ 500 ಕೋಟಿ ರೂಪಾಯಿ ಗಳಿಸುತ್ತಿದೆ. ಆದರೆ 500 ಕೋಟಿ ರೂಪಾಯಿ ಬಜೆಟ್ ಹಾಕಿ ಮಾಡುವ ನಿಮ್ಮ ಸಿನಿಮಾಗಳು 50 ಕೋಟಿ ರೂಪಾಯಿ ಗಳಿಸಲು ಹೆಣಗಾಡುತ್ತಿವೆ. ನಿಮಗೆ ನಾಚಿಕೆಯಾಗಬೇಕು. ದೊಡ್ಡ ನಟರಾದ ನೀವು ಇಡೀ ಕಾರ್ಪೊರೇಟ್ ಕ್ಷೇತ್ರ ಮತ್ತು ಚಿತ್ರರಂಗವನ್ನು ಕಬಳಿಸಿದ್ದೀರಿ. ಇದರಿಂದ ಸಣ್ಣ ಮಟ್ಟದ ನಿರ್ಮಾಪಕರಿಗೆ ಸಿನಿಮಾಗಳನ್ನು ಮಾಡಲು ಸಾಧ್ಯವಾಗುತ್ತಿಲ್ಲ’ ಎಂದು ಬಾಲಿವುಡ್ನ ದೊಡ್ಡ ಸ್ಟಾರ್ಗಳ ವಿರುದ್ಧ ವಾಗ್ದಾಳಿ ನಡೆಸಿದರು.
ಇದನ್ನೂ ಓದಿ: ಬಿಗ್ ಬಾಸ್ 20: ಹಳೆಯ ದಾಖಲೆ ಮುರಿದ ಸಲ್ಮಾನ್ ಖಾನ್ ಶರ್ಟ್ಲೆಸ್ ಸಂಚಿಕೆ
‘ಬಿಗ್ ಬಾಸ್’ ಶೋ ಬಗ್ಗೆ ತೀವ್ರ ಆಕ್ರೋಶ: ‘ಬಿಗ್ ಬಾಸ್’ ರಿಯಾಲಿಟಿ ಶೋ ಬಗ್ಗೆ ಮಾತನಾಡುತ್ತಾ, ‘ಬಿಗ್ ಬಾಸ್ ಒಂದು ಗಟಾರ ಇದ್ದಂತೆ. ದೇಶಕ್ಕೆ ಯಾವುದೇ ಕೊಡುಗೆ ನೀಡದ, ಅನಗತ್ಯ ಗಲಾಟೆ ಮಾಡುವ ಜನರನ್ನು ತಂದು ಆ ಶೋನಲ್ಲಿ ಸ್ಟಾರ್ ಮಾಡುತ್ತಿದ್ದೀರಿ. ಮೊದಲು ಆ ಶೋ ಬಂದ್ ಮಾಡಿ’ ಎಂದು ಸಲ್ಮಾನ್ ಖಾನ್ ಅವರಿಗೆ ಸುನಿಲ್ ನೇರವಾಗಿ ಆಗ್ರಹಿಸಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
