ಕನ್ನಡದಲ್ಲಿ ನಟಿಸಿದ್ದ ಹೀರೊಯಿನ್​ ಮದುವೆಯಾಗಿದ್ದ ಧನುಷ್​ ಸಹೋದರ; ಅದೂ ಕೊನೆಯಾಗಿದ್ದು ವಿಚ್ಛೇದನದಲ್ಲಿ

ಕನ್ನಡದಲ್ಲಿ ನಟಿಸಿದ್ದ ಹೀರೊಯಿನ್​ ಮದುವೆಯಾಗಿದ್ದ ಧನುಷ್​ ಸಹೋದರ; ಅದೂ ಕೊನೆಯಾಗಿದ್ದು ವಿಚ್ಛೇದನದಲ್ಲಿ
ಸೆಲ್ವರಾಘವನ್ ದಂಪತಿ, ಧನುಷ್​ ದಂಪತಿ

ಖ್ಯಾತ ನಿರ್ದೇಶಕ ಕಸ್ತೂರಿ ರಾಜ ಅವರಿಗೆ ನಾಲ್ವರು ಮಕ್ಕಳು. ಆ ಪೈಕಿ ಧನುಷ್​ ಹಾಗೂ ಸೆಲ್ವರಾಘವನ್​ ಹೆಚ್ಚು ಗುರುತಿಸಿಕೊಂಡಿದ್ದಾರೆ. ಸೆಲ್ವರಾಘವನ್​ ತಮಿಳಿನಲ್ಲಿ ಹಲವು ಸಿನಿಮಾಗಳನ್ನು ನಿರ್ದೇಶನ ಮಾಡಿದ್ದಾರೆ.

TV9kannada Web Team

| Edited By: Rajesh Duggumane

Jan 18, 2022 | 2:22 PM

ಧನುಷ್​ (Dhanush) ಹಾಗೂ ರಜನಿಕಾಂತ್ (Rajinikanth)​ ಮಗಳು ಐಶ್ವರ್ಯಾ (Aishwarya Rajinikanth) ಅವರ ದಾಂಪತ್ಯ ಜೀವನ ಕೊನೆಯಾಗಿದೆ. ಜನವರಿ 17ರಂದು ದಂಪತಿ ಈ ಬಗ್ಗೆ ಅಧಿಕೃತ ಘೋಷಣೆ ಮಾಡಿದ್ದಾರೆ. ಈ ಮೂಲಕ 18 ವರ್ಷದ ದಾಂಪತ್ಯ ಜೀವನ ಕೊನೆಯಾಗಿದೆ. ಧನುಷ್​ ಕುಟುಂಬಕ್ಕೆ ವಿಚ್ಛೇದನ ಹೊಸದಲ್ಲ. ಅವರ ಸಹೋದರ, ನಿರ್ದೇಶಕ ಸೆಲ್ವರಾಘವನ್ ಕೂಡ ಮದುವೆಯಾದ ಕೆಲವೇ ವರ್ಷಕ್ಕೆ ವಿಚ್ಛೇದನ ಪಡೆದುಕೊಂಡಿದ್ದರು. ಧನುಷ್​ ಮದುವೆ ಆಗಿ ಎರಡು ವರ್ಷದ ಬಳಿಕ ಮದುವೆ ಆಗಿದ್ದ ಸೆಲ್ವರಾಘವನ್ ದಶಕಗಳ ಹಿಂದೆಯೇ ವಿಚ್ಛೇದನ ಪಡೆದಿದ್ದರು. ಕೇವಲ ನಾಲ್ಕು ವರ್ಷಕ್ಕೆ ಇವರ ದಾಂಪತ್ಯ ಕೊನೆಯಾಗಿತ್ತು. ಆ ಬಗ್ಗೆ ಇಲ್ಲಿದೆ ಮಾಹಿತಿ.

ಖ್ಯಾತ ನಿರ್ದೇಶಕ ಕಸ್ತೂರಿ ರಾಜ ಅವರಿಗೆ ನಾಲ್ವರು ಮಕ್ಕಳು. ಆ ಪೈಕಿ ಧನುಷ್​ ಹಾಗೂ ಸೆಲ್ವರಾಘವನ್​ ಹೆಚ್ಚು ಗುರುತಿಸಿಕೊಂಡಿದ್ದಾರೆ. ಸೆಲ್ವರಾಘವನ್​ ತಮಿಳಿನಲ್ಲಿ ಹಲವು ಸಿನಿಮಾಗಳನ್ನು ನಿರ್ದೇಶನ ಮಾಡಿದ್ದಾರೆ. ಧನುಷ್​ ಮದುವೆ ಆಗಿದ್ದು 2004ರಲ್ಲಿ. ರಜನಿಕಾಂತ್​ ಮಗಳು ಐಶ್ವರ್ಯಾ ಜತೆ ದಾಂಪತ್ಯ ಜೀವನಕ್ಕೆ ಧನುಷ್​ ಕಾಲಿಟ್ಟರು. 18 ವರ್ಷಗಳ ಸುದೀರ್ಘ ದಾಂಪತ್ಯ ಈಗ ಕೊನೆಯಾಗಿದೆ. ಇದೇ ರೀತಿ ಸೆಲ್ವರಾಘವನ್​ ದಾಂಪತ್ಯ ಕೂಡ ಮುರಿದುಬಿದ್ದಿತ್ತು.

ಸೆಲ್ವರಾಘವನ್​ 2006ರಲ್ಲಿ ವಿವಾಹವಾಗಿದ್ದರು. ‘ಚಂದು’ ಸೇರಿ ಕನ್ನಡದ ಕೆಲ ಸಿನಿಮಾಗಳಲ್ಲಿ ನಟಿಸಿದ್ದ ಸೋನಿಯಾ ಅಗರ್​ವಾಲ್​ ಜತೆ ಸೆಲ್ವರಾಘವನ್​ ಮದುವೆ ಆಗಿದ್ದರು. ಇವರಿಬ್ಬರ ನಡುವೆ ಪ್ರೀತಿ ಹುಟ್ಟೋಕೆ ಕಾರಣವೂ ಇತ್ತು. ಸೆಲ್ವರಾಘವನ್‌ ನಿರ್ದೇಶನದ ‘ಕಾಧಲ್ ಕೊಂಡೆನ್‌’, ‘7ಜಿ ರೈನ್‌ಬೋ ಕಾಲೋನಿ’, ‘ಪುಧುಪೆಟ್ಟೈ’ ಸಿನಿಮಾಗಳಲ್ಲಿ ಬ್ಯಾಕ್ ಟು ಬ್ಯಾಕ್‌ ನಾಯಕಿಯಾಗಿ ಕಾಣಿಸಿಕೊಂಡವರು ಸೋನಿಯಾ ಅಗರ್​​ವಾಲ್‌. ಅವರನ್ನೇ ಪ್ರೀತಿಸಿ ಸೆಲ್ವರಾಘವನ್‌ 2006ರಲ್ಲಿ ಮದುವೆಯಾದರು.

ಮದುವೆಯಾಗಿ ನಾಲ್ಕೇ ವರ್ಷಗಳಲ್ಲಿ ಅಂದರೆ 2010ರಲ್ಲಿ ಸೋನಿಯಾ ಮತ್ತು ಸೆಲ್ವರಾಘವನ್ ವಿಚ್ಛೇದನ ಪಡೆದರು. ಇಬ್ಬರೂ ಪರಸ್ಪರ ಒಪ್ಪಿಗೆ ಪಡೆದು ದೂರವಾದರು. ಹೊಂದಾಣಿಕೆ ಕೊರತೆಯಿಂದ ವಿಚ್ಛೇದನ ಪಡೆದುಕೊಂಡಿದ್ದಾಗಿ ಸೋನಿಯಾ ಅವರು ಹೇಳಿಕೊಂಡಿದ್ದರು. ಈಗ ಧನುಷ್​ ದಾಂಪತ್ಯ ಕೂಡ ವಿಚ್ಛೇನದಲ್ಲಿ ಕೊನೆಯಾಗಿದೆ.

ಇದನ್ನೂ ಓದಿ: ಧನುಷ್​ ಮುಂದಿನ ಚಿತ್ರ ಘೋಷಣೆ; ಟಾಲಿವುಡ್​ಗೆ ಕಾಲಿಡೋಕೆ ಮುಂದಾದ ತಮಿಳಿನ ಸ್ಟಾರ್​ ನಟ

Dhanush: 18 ವರ್ಷಗಳ ದಾಂಪತ್ಯವನ್ನು ಅಂತ್ಯಗೊಳಿಸಿದ ಧನುಷ್- ಐಶ್ವರ್ಯಾ; ಕಾರಣವೇನು?

Follow us on

Related Stories

Most Read Stories

Click on your DTH Provider to Add TV9 Kannada