Deepika Das: ಎಲಿಮಿನೇಟ್​ ಆಗಿದ್ದ ದೀಪಿಕಾ ದಾಸ್ ಬಿಗ್​ ಬಾಸ್​ ಮನೆಗೆ ರೀ ಎಂಟ್ರಿ ​ 

ಬಿಗ್ ಬಾಸ್​ ಮನೆಗೆ ವೈಲ್ಡ್ ಕಾರ್ಡ್​ ಮೂಲಕ ಯಾರನ್ನಾದರೂ ಕರೆ ತರುವುದು ವಾಡಿಕೆ. ಹೀಗಿರುವಾಗಲೇ ಒಂದು ಅಚ್ಚರಿಯ ಅಪ್​ಡೇಟ್ ಹೊರಬಿದ್ದಿದ್ದು, ದೊಡ್ಮನೆಗೆ ದೀಪಿಕಾ ದಾಸ್ ಮತ್ತೆ ಎಂಟ್ರಿ ಕೊಟ್ಟಿದ್ದಾರೆ.

Deepika Das: ಎಲಿಮಿನೇಟ್​ ಆಗಿದ್ದ ದೀಪಿಕಾ ದಾಸ್ ಬಿಗ್​ ಬಾಸ್​ ಮನೆಗೆ ರೀ ಎಂಟ್ರಿ ​ 
Dipika Das
TV9kannada Web Team

| Edited By: Rajesh Duggumane

Nov 23, 2022 | 6:28 AM

‘ಬಿಗ್ ಬಾಸ್ ಕನ್ನಡ ಸೀಸನ್ 9’ (BBK 9) 9ನೇ ವಾರಕ್ಕೆ ಕಾಲಿಟ್ಟಿದ್ದು, ದಿನದಿಂದ ದಿನಕ್ಕೆ ನೋಡುಗರಲ್ಲಿ ಕುತೂಹಲ ಹುಟ್ಟಿಸುತ್ತಿದೆ. ಮೊನ್ನೆಯಷ್ಟೇ ನಟ ಕಿಚ್ಚ ಸುದೀಪ್​ ಮನೆ ಮಂದಿಗೆಲ್ಲಾ ತಮ್ಮ ಕೈಯಾರೆ ಅಡುಗೆ ಮಾಡಿ ಕಳುಹಿಸಿದ್ದರು. ಬಿಗ್ ಬಾಸ್​ ಮನೆಗೆ ವೈಲ್ಡ್ ಕಾರ್ಡ್​ ಮೂಲಕ ಯಾರನ್ನಾದರೂ ಕರೆ ತರುವುದು ವಾಡಿಕೆ. ಹೀಗಿರುವಾಗಲೇ ಒಂದು ಅಚ್ಚರಿಯ ಅಪ್​ಡೇಟ್ ಹೊರಬಿದ್ದಿದೆ. ಇಡೀ ಬಿಗ್ ಬಾಸ್​ ಮನೆ ಕಾಡಾಗಿದೆ. ಅಷ್ಟೇ ಅಲ್ಲ ಹೊಸ ಸ್ಪರ್ಧಿಯ ಎಂಟ್ರಿ ಕೂಡ ಆಗಿದೆ. ಅದು ಬೇರೆ ಯಾರು ಅಲ್ಲ ದೀಪಿಕಾ ದಾಸ್ (Deepika Das). ಸಾಕಷ್ಟು ತಿರುವುಗಳನ್ನು ಪಡೆದುಕೊಳ್ಳುತ್ತಿರುವ ದೊಡ್ಮನೆಯಿಂದ ಇತ್ತೀಚೆಗೆ ಏಳನೇ ಸ್ಪರ್ಧಿಯಾಗಿ ದೀಪಿಕಾ ದಾಸ್ ಔಟ್ ಆಗಿದ್ದರು. ಆದರೆ ಕಹಾನಿ ಮೇ ಟ್ವಿಸ್ಟ್ ಎಂಬಂತೆ ದೀಪಿಕಾ ದಾಸ್​ ಅವರು ರೀ ಎಂಟ್ರಿ ಪಡೆದಿದ್ದಾರೆ.

ನಟಿ ದೀಪಿಕಾ ದಾಸ್ ಅವರೇ ಬಿಗ್​ ಬಾಸ್​ ಮನೆಗೆ ಎಂಟ್ರಿ ಆಗಿರುವುದು ಖಚಿತವಾಗಿದೆ. ಕಳೆದ ವಾರವಷ್ಟೇ ದೀಪಿಕಾ ದಾಸ್ ದೊಡ್ಡ ಮನೆಯಿಂದ ಹೊರ ನಡೆದಿದ್ದರು. ಆದರೆ ಅವರನ್ನು ತಮ್ಮ ಮನೆಗೆ ಕಳುಹಿಸುವ ಬದಲಾಗಿ ಬಿಗ್​ ಬಾಸ್​ ರಹಸ್ಯ ಕೋಣೆಗೆ ಕಳುಹಿಸಲಾಗಿತ್ತು. ಈ ರಹಸ್ಯ ಕೋಣೆಗೆ ಹೋದ ಸ್ಪರ್ಧಿ ಮನೆಯವರಿಂದ ದೂರವಾಗುತ್ತಾರೆ. ಆದರೆ ಮನೆಯಲ್ಲಿ ನಡೆಯುವ ಪ್ರತಿಯೊಂದು ವಿಚಾರ ಅವರಿಗೆ ತಿಳಿಯುತ್ತದೆ. ಇದು ಒಳಗಿರುವವರಿಗೆ ಯಾವುದೇ ಐಡಿಯಾ ಇರುವುದಿಲ್ಲ. ಕಳೆದ ವಾರದಿಂದ ರಹಸ್ಯ ಕೋಣೆಯಲ್ಲಿದ್ದ ದೀಪಿಕಾ ದಾಸ್​ ಈಗ ಬಿಗ್ ಬಾಸ್​ಗೆ ಕಂಬ್ಯಾಕ್ ಮಾಡಿದ್ದಾರೆ.

ನ. 22ರ ಬೆಳಿಗ್ಗೆ ಕಲರ್ಸ್​ ಕನ್ನಡ ವಾಹಿನಿ ಹೊಸ ಪ್ರೋಮೋ ಒಂದನ್ನು ಹಂಚಿಕೊಂಡಿತ್ತು. ದೀಪಿಕಾ ದಾಸ್ ಅವರ ರೀ ಎಂಟ್ರಿ ಸುಳಿವು ನೀಡಲಾಗಿತ್ತು. ಈ ಪ್ರೋಮೋದಲ್ಲಿ ಇಡೀ ಬಿಗ್ ಬಾಸ್ ಮನೆ ಕಾಡಾಗಿದೆ. ಸ್ಪರ್ಧಿಗಳು ತಮಗೆ ಸಿಕ್ಕ ಸೌಕರ್ಯಗಳನ್ನು ಕಳೆದುಕೊಂಡಿದ್ದಾರೆ. ಅಷ್ಟೇ ಅಲ್ಲ, ಗೋಣಿ ಚೀಲದಲ್ಲೇ ಬಟ್ಟೆ ಮಾಡಿಕೊಂಡಿದ್ದಾರೆ. ಹೀಗಾಗಿ, ಸ್ಪರ್ಧಿಗಳು ಕಾಡಾಗಿರುವ ಗಾರ್ಡನ್ ಏರಿಯಾದಲ್ಲೇ ವಾಸ ಮಾಡಬೇಕು. ಊಟ ತಿಂಡಿ ಎಲ್ಲವೂ ಅಲ್ಲಿಯೇ.

ತರಕಾರಿಗಳನ್ನು ಪಡೆಯಲು ಬಿಗ್ ಬಾಸ್ ಕಡೆಯಿಂದ ಟಾಸ್ಕ್ ಒಂದನ್ನು ನೀಡಲಾಯಿತು. ಈ ಟಾಸ್ಕ್​ನ ಗೆದ್ದು ಮನೆಯವರು ತರಕಾರಿ ಪಡೆದರು. ಆಗಲೇ ಬಿಗ್ ಬಾಸ್ ಕಡೆಯಿಂದ ಒಂದು ಘೋಷಣೆ ಆಯಿತು. ‘ಮತ್ತೊಂದು ಸದಸ್ಯ ಈ ಆಟವನ್ನು ಆಡಿ ತರಕಾರಿ ಗೆದ್ದುಕೊಂಡಿದ್ದಾರೆ’ ಎಂದು ಬಿಗ್ ಬಾಸ್ ಹೇಳಿದರು. ಆ ಮತ್ತೋರ್ವ ಸದಸ್ಯ ಬೇರೆ ಯಾರು ಅಲ್ಲ ಅದು ದೀಪಿಕಾ ದಾಸ್​ ಎಂಬುದು ಖಚಿತವಾಗಿದೆ.

ಮತ್ತಷ್ಟು ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada