ರಕ್ತದಲ್ಲಿ ಚಿತ್ರ ಬಿಡಿಸಿ ಸೋನು ಸೂದ್ಗೆ ನೀಡಿದ ಕಲಾವಿದ; ಅಂದುಕೊಂಡಿದ್ದೇ ಒಂದು ಆಗಿದ್ದೇ ಇನ್ನೊಂದು
ಮಧು ಗುರ್ಜರ್ ಎಂಬುವವರನ್ನು ಸೋನು ಸೂದ್ ಅವರನ್ನು ಭೇಟಿ ಮಾಡಿದ್ದಾರೆ. ಮಧು ಬಿಡಿಸಿದ ಚಿತ್ರವನ್ನು ಹಿಡಿದು ಇಬ್ಬರೂ ನಿಂತಿದ್ದಾರೆ. ಇದು ರಕ್ತದಿಂದ ಬಿಡಿಸಿದ ಚಿತ್ರ ಎಂಬ ವಿಚಾರ ಸೋನುಗೆ ಆರಂಭದಲ್ಲಿ ತಿಳಿದಿರಲಿಲ್ಲ.
ನಟ ಸೋನು ಸೂದ್ (Sonu Sood) ಅವರು ರಿಯಲ್ ಲೈಫ್ ಹೀರೋ ಆಗಿದ್ದಾರೆ. 2020ರಲ್ಲಿ ಕೊರೊನಾ ವೈರಸ್ ಕಾಣಿಸಿಕೊಂಡ ಸಂದರ್ಭದಲ್ಲಿ ಅವರು ಅನೇಕರಿಗೆ ಸಹಾಯ ಮಾಡಿದ್ದರು. ಆ ಬಳಿಕ ಸೋನು ತಮ್ಮ ಸಹಾಯ ಮುಂದುವರಿಸಿದರು. ಇದರಿಂದ ಅವರು ರಿಯಲ್ ಲೈಫ್ ಹೀರೋ ಆಗಿದ್ದಾರೆ. ಅನೇಕರು ಸೋನು ಫೋಟೋವನ್ನು ದೇವರ ಕೋಣೆಯಲ್ಲಿ ಇಟ್ಟು ಪೂಜಿಸುತ್ತಿದ್ದಾರೆ. ಈಗ ಅಭಿಮಾನಿಯೋರ್ವ ರಕ್ತದಲ್ಲಿ ಸೋನು ಸೂದ್ ಚಿತ್ರವನ್ನು ಬಿಡಿಸಿದ್ದಾರೆ. ಇದನ್ನು ನೋಡಿ ಸೋನ್ ಸೂದ್ಗೆ ಖುಷಿಯಾಗಿದೆ. ಇದರ ಜತೆಗೆ ಬೇಸರ ಕೂಡ ಆಗಿದೆ.
ಮಧು ಗುರ್ಜರ್ ಎಂಬುವವರು ಸೋನು ಸೂದ್ ಅವರನ್ನು ಭೇಟಿ ಮಾಡಿದ್ದಾರೆ. ಮಧು ಬಿಡಿಸಿದ ಚಿತ್ರವನ್ನು ಹಿಡಿದು ಇಬ್ಬರೂ ನಿಂತಿದ್ದಾರೆ. ಇದು ರಕ್ತದಿಂದ ಬಿಡಿಸಿದ ಚಿತ್ರ ಎಂಬ ವಿಚಾರ ಸೋನುಗೆ ಆರಂಭದಲ್ಲಿ ತಿಳಿದಿರಲಿಲ್ಲ. ‘ಮಧು ಅವರು ಟ್ಯಾಲೆಂಟೆಡ್ ಆರ್ಟಿಸ್ಟ್. ಎಲ್ಲರೂ ನನ್ನ ಪೇಂಟಿಂಗ್ ಬಿಡಿಸುತ್ತಿದ್ದಾರೆ’ ಎಂದರು. ಈ ವೇಳೆ ಅಲ್ಲಿದ್ದ ಅಭಿಮಾನಿಯೋರ್ವ ‘ಇದು ರಕ್ತದಿಂದ ಬಿಡಿಸಿದ್ದು’ ಎಂದು ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ. ಈ ಮಾತನ್ನು ಕೇಳಿ ಸೋನು ಸೂದ್ಗೆ ಬೇಸರ ಆಗಿದೆ.
‘ರಕ್ತದಿಂದ ಚಿತ್ರ ಬಿಡಿಸಬಾರದು. ರಕ್ತವನ್ನು ದಾನ ಮಾಡಬೇಕು. ಇದರಿಂದ ಅನೇಕರಿಗೆ ಸಹಾಯ ಆಗುತ್ತದೆ’ ಎಂದು ಅಭಿಮಾನಿಗೆ ತಿಳಿ ಹೇಳಿದರು ಸೋನು. ಸೋನು ಸೂದ್ ತಮ್ಮನ್ನು ಹೊಗಳುತ್ತಾರೆ ಎಂದು ಮಧು ಭಾವಿಸಿದ್ದರು. ಆದರೆ, ಅವರು ಬೇರೆಯದೇ ರೀತಿಯಲ್ಲಿ ಹೇಳಿಕೆ ನೀಡಿದರು. ‘ನೀವು ನನ್ನ ದೇವರು. ಈ ಕಾರಣಕ್ಕೆ ನಾನು ರಕ್ತದಿಂದ ನಿಮ್ಮ ಚಿತ್ರ ಬಿಡಿಸಿದೆ’ ಎಂದು ಅಭಿಮಾನಿ ಹೇಳಿಕೊಂಡಿದ್ದಾರೆ. ‘ನನಗೆ ನಿಮ್ಮ ಅಭಿಮಾನ ಅರ್ಥ ಆಗುತ್ತದೆ. ಹಾಗಂತ ರಕ್ತದಲ್ಲಿ ಚಿತ್ರ ಬಿಡಿಸಬಾರದು. ಅದನ್ನು ದಾನ ಮಾಡಿ’ ಎಂದು ಸೋನು ಕೋರಿಕೊಂಡಿದ್ದಾರೆ.
ख़ून दान करो मेरे भाई ख़ून से मेरी पेंटिंग बना कर व्यर्थ नहीं? बहुत बहुत आभार ❤️? https://t.co/6j6Pih36Fq
— sonu sood (@SonuSood) September 9, 2022
ಇದನ್ನೂ ಓದಿ: ಮಾನ್ವಿತಾ ತಾಯಿಗೆ ಅನಾರೋಗ್ಯ: ಸಹಾಯಕ್ಕೆ ಬಂದ ಸೋನು ಸೂದ್; ಧನ್ಯವಾದ ಹೇಳಿದ ನಟಿ
ಸೋನು ಸೂದ್ ಅವರು ವಿಲನ್ ಪಾತ್ರಗಳ ಮೂಲಕ ಎಲ್ಲರ ಗಮನ ಸೆಳೆದಿದ್ದರು. ಆದರೆ, ಇತ್ತೀಚಿನ ವರ್ಷಗಳಲ್ಲಿ ಅವರು ವಿಲನ್ ಪಾತ್ರಗಳಿಂದ ದೂರವೇ ಇದ್ದಾರೆ. ಸೋನು ಸೂದ್ ಅವರ ಚಾರ್ಮ್ ಬದಲಾಗಿರುವುದರಿಂದ ಅನೇಕರು ಸೋನುಗೆ ಹೀರೋ ಪಾತ್ರವನ್ನೇ ನೀಡುತ್ತಿದ್ದಾರೆ. ಈ ಬಗ್ಗೆ ಅವರಿಗೆ ಖುಷಿ ಇದೆ.
Published On - 8:26 am, Sat, 10 September 22
