ನಟಿಯ ಫೋಟೋವನ್ನು ಅಶ್ಲೀಲವಾಗಿ ಎಡಿಟ್​ ಮಾಡಿದ ಕಿಡಿಗೇಡಿಗಳು; ಇಲ್ಲಿದೆ ಒರಿಜಿನಲ್​ ಫೋಟೋ

ಸೆಲೆಬ್ರಿಟಿ ಆಗಿರುವುದು ಅಷ್ಟು ಸುಲಭವಲ್ಲ. ಸಾರ್ವಜನಿಕ ವಲಯದಲ್ಲಿ ಇರುವವರೆಗೆ ಅನೇಕ ತಾಪತ್ರಯಗಳು ಎದುರಾಗುತ್ತವೆ. ಅದರಲ್ಲೂ ತಂತ್ರಜ್ಞಾನ ಮುಂದುವರಿದಿರುವ ಈ ಕಾಲದಲ್ಲಿ ಸೆಲೆಬ್ರಿಟಿಗಳ ಫೋಟೋ​ಗಳನ್ನು ದುರ್ಬಳಕೆ ಮಾಡಿಕೊಳ್ಳುವ ಕಿಡಿಗೇಡಿಗಳ ಸಂಖ್ಯೆ ಹೆಚ್ಚಿದೆ. ಈಗಾಗಲೇ ಅನೇಕ ನಟಿಯರು ಈ ರೀತಿಯ ಸೈಬರ್​ ಕ್ರೈಂ (Cyber Crime) ಬಗ್ಗೆ ದೂರು ನೀಡಿದ್ದಿದೆ. ಈಗ ಜನಪ್ರಿಯ ನಟಿ ಮಾಳವಿಕಾ ಮೋಹನನ್​ (Malavika Mohanan) ಅವರು ಗರಂ ಆಗಿದ್ದಾರೆ. ಅವರ ಫೋಟೋವನ್ನು ಯಾರೋ ಕೆಟ್ಟದಾಗಿ ಎಡಿಟ್​ ಮಾಡಿದ್ದಾರೆ. ಈ ನಟಿಯ ಒಂದು ಚಂದದ ಫೋಟೋವನ್ನು ಇಟ್ಟುಕೊಂಡು, ಅದನ್ನು ಅಶ್ಲೀಲವಾಗಿ ಎಡಿಟ್​ ಮಾಡಲಾಗಿದೆ. ಅಲ್ಲದೇ, ಆ ಅಶ್ಲೀಲ ಫೋಟೋವನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹರಿಬಿಡಲಾಗಿದೆ. ಅದನ್ನು ನೋಡಿದ ಎಲ್ಲರಿಗೂ ಅಚ್ಚರಿ ಆಗಿದೆ. ಮಾಳವಿಕಾ ಮೋಹನನ್​ ಅವರ ಅಭಿಮಾನಿಗಳು ಕೂಡ ಒಂದು ಕ್ಷಣ ಶಾಕ್​ ಆದರು. ಪರಿಶೀಲಿಸಿ ನೋಡಿದಾಗ ಮಾಳವಿಕಾ ಮೋಹನನ್​ ಅವರ ಫೋಟೋ ಈ ರೀತಿ ದುರ್ಬಳಕೆ ಆಗಿದೆ ಎಂಬುದು ತಿಳಿಯಿತು. ತಕ್ಷಣಕ್ಕೆ ಈ ಎಡಿಟೆಡ್​ ಫೇಕ್​ ಫೋಟೋ (Fake Photo) ನೋಡಿದ ಕೆಲವು ಮಾಧ್ಯಮಗಳು ಕೂಡ ಯಾಮಾರಿವೆ. ಅಶ್ಲೀಲ ಫೋಟೋವನ್ನು ನಿಜವೆಂದು ತಿಳಿದು ಆ ಕುರಿತು ಸುದ್ದಿ ಪ್ರಕಟಿಸಿವೆ. ಅದರ ವಿರುದ್ಧ ಮಾಳವಿಕಾ ಮೋಹನನ್​ ಗುಡುಗಿದ್ದಾರೆ.

ದಕ್ಷಿಣ ಭಾರತದಲ್ಲಿ ಮಾಳವಿಕಾ ಮೋಹನನ್​ ಅವರಿಗೆ ದೊಡ್ಡ ಮಟ್ಟದ ಬೇಡಿಕೆ ಇದೆ. ‘ಮಾಸ್ಟರ್​’ ಸಿನಿಮಾದಲ್ಲಿ ದಳಪತಿ ವಿಜಯ್​ ಜೊತೆ ತೆರೆ ಹಂಚಿಕೊಳ್ಳುವ ಮೂಲಕ ಅವರ ಖ್ಯಾತಿ ಹೆಚ್ಚಿತು. 2016ರಲ್ಲಿ ತೆರೆಕಂಡ ಕನ್ನಡದ ‘ನಾನು ಮತ್ತು ವರಲಕ್ಷ್ಮೀ’ ಸಿನಿಮಾದಲ್ಲಿಯೂ ಅವರು ನಟಿಸಿದ್ದಾರೆ. ವಿಶ್ವವಿಖ್ಯಾತ ನಿರ್ದೇಶಕ ಮಜಿದ್​ ಮಜಿದಿ ನಿರ್ದೇಶನ ಮಾಡಿದ್ದ ‘ಬಿಯಾಂಡ್​ ದಿ ಕ್ಲೌಡ್ಸ್​’ ಸೀರಿಸ್​ನಲ್ಲಿ ಅವರು ಅಭಿನಯಿಸುವ ಅವಕಾಶ ಪಡೆದಿದ್ದರು. ಇಷ್ಟೆಲ್ಲ ಜನಪ್ರಿಯತೆ ಇರುವ ನಟಿಗೆ ಈಗ ಎಡಿಟೆಡ್​ ಫೋಟೋದಿಂದ ಕಿರಿಕಿರಿ ಆಗಿದೆ.

ತಮ್ಮ ಫೋಟೋವನ್ನು ಅಶ್ಲೀಲವಾಗಿ ಎಡಿಟ್​ ಮಾಡಿದವರಿಗೆ ಮಾಳವಿಕಾ ಮೋಹನನ್​ ಛೀಮಾರಿ ಹಾಕಿದ್ದಾರೆ. ಈ ಕುರಿತು ಅವರು ಸೋಶಿಯಲ್​ ಮೀಡಿಯಾದಲ್ಲಿ ಪೋಸ್ಟ್​ ಮಾಡಿದ್ದಾರೆ. ಒರಿಜಿನಲ್​ ಫೋಟೋವನ್ನು ಸಾಕ್ಷಿಯಾಗಿ ಇಟ್ಟುಕೊಂಡು ಅವರು ತಮ್ಮ ಮಾತನ್ನು ಸಾಬೀತುಪಡಿಸಿದ್ದಾರೆ. ‘ಕೆಲವೇ ತಿಂಗಳ ಹಿಂದೆ ತೆಗೆದ ಫೋಟೋ ಇದು. ಇದನ್ನು ಬಳಸಿಕೊಂಡು ಯಾರೋ ಅಶ್ಲೀಲವಾಗಿ ಎಡಿಟ್​ ಮಾಡಿದ್ದಾರೆ. ಕೆಲವು ಮಾಧ್ಯಮಗಳೂ ಸೇರಿದಂತೆ ಅನೇಕರು ಅಶ್ಲೀಲ ಫೋಟೋವನ್ನು ವೈರಲ್​ ಮಾಡುತ್ತಿದ್ದಾರೆ. ಅದು ಸರಿಯಲ್ಲ. ನಿಮಗೆ ಫೇಕ್​ ಫೋಟೋ ಕಾಣಿಸಿದರೆ ಅದನ್ನು ರಿಪೋರ್ಟ್​ ಮಾಡಿ’ ಎಂದು ಮಾಳವಿಕಾ ಮೋಹನನ್​ ಬರೆದುಕೊಂಡಿದ್ದಾರೆ.

This is a photo of mine from a few months back which somebody has photoshopped and created a fake vulgar one. A lot of people have been circulating that including media houses like @AsianetNewsTM , which is just cheap journalism. If you see the fake one please help & report. pic.twitter.com/y9QXDf5HHf

— malavika mohanan (@MalavikaM_) February 2, 2022

ಈ ರೀತಿ ಫೇಕ್​ ಫೋಟೋದ ಹಾವಳಿಗೆ ಬೇಸರ ಮಾಡಿಕೊಂಡಿರುವುದು ಮಾಳವಿಕಾ ಮೋಹನನ್​ ಮಾತ್ರವಲ್ಲ. ಈ ಹಿಂದೆ ನಟಿಯರಾದ ಶ್ರುತಿ ಹಾಸನ್​, ಪಾಯಲ್​ ರಜಪೂತ್​ ಮುಂತಾದವರಿಗೂ ಕೂಡ ಇದೇ ರೀತಿ ಕಿರಿಕಿರಿ ಆಗಿತ್ತು.

ಇದನ್ನೂ ಓದಿ:

‘ನಾನು ಅಶ್ಲೀಲ ಸಿನಿಮಾ ಮಾಡಿಲ್ಲ, ಮುಖ ಮುಚ್ಕೊಂಡು ಓಡಾಡಲ್ಲ’; ಮೌನ ಮುರಿದ ರಾಜ್​ ಕುಂದ್ರಾ

ನಟಿಯರ ಫೋಟೋ ನೋಡಿ ಯಾಮಾರಬೇಡಿ; ಇಲ್ಲಿದೆ ‘ವರದನಾಯಕ’ ಹೀರೋಯಿನ್​ ಅಸಲಿ ಕಥೆ