Naga Shaurya Marriage: ಬೆಂಗಳೂರಲ್ಲಿ ಅನುಷಾ ಶೆಟ್ಟಿ-ನಾಗ ಶೌರ್ಯ ಮದುವೆ; ವೈರಲ್​ ಆಯ್ತು ವಿವಾಹದ ವಿಡಿಯೋ

ಟಾಲಿವುಡ್​ ನಟ ನಾಗ ಶೌರ್ಯ (Naga Shaurya) ಅವರು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಬೆಂಗಳೂರು ಮೂಲದ ಉದ್ಯಮಿ ಅನುಷಾ ಶೆಟ್ಟಿ (Anusha Shetty) ಜೊತೆ ಅವರು ಹಸೆಮಣೆ ಏರಿದ್ದಾರೆ. ಭಾನುವಾರ (ನ.20) ಅದ್ದೂರಿಯಾಗಿ ವಿವಾಹ ಸಮಾರಂಭ ನಡೆದಿದೆ. ಬೆಂಗಳೂರಿನ ಖಾಸಗಿ ಹೋಟೆಲ್​ನಲ್ಲಿ ನಡೆದ ಮದುವೆಗೆ ಕೇವಲ ಆಪ್ತರು ಮತ್ತು ಕುಟುಂಬದವರಿಗೆ ಮಾತ್ರ ಆಹ್ವಾನ ನೀಡಲಾಗಿತ್ತು. ಅನುಷಾ ಶೆಟ್ಟಿ ಮತ್ತು ನಾಗ ಶೌರ್ಯ ಮದುವೆಯ (Naga Shaurya Anusha Shetty Wedding) ವಿಡಿಯೋ ಹಾಗೂ ಫೋಟೋಗಳು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿವೆ. ನವ ದಂಪತಿಗೆ ಅಭಿಮಾನಿಗಳು ಮತ್ತು ಸೆಲೆಬ್ರಿಟಿಗಳು ಅಭಿನಂದನೆ ತಿಳಿಸುತ್ತಿದ್ದಾರೆ.

ತೆಲುಗು ಚಿತ್ರರಂಗದಲ್ಲಿ ನಾಗ ಶೌರ್ಯ ಅವರು ಸಾಕಷ್ಟು ಜನಪ್ರಿಯತೆ ಗಳಿಸಿದ್ದಾರೆ. 2011ರಿಂದಲೂ ಅವರು ಬಣ್ಣದ ಲೋಕದಲ್ಲಿ ಸಕ್ರಿಯರಾಗಿದ್ದಾರೆ. ನಟನೆ ಮಾತ್ರವಲ್ಲದೇ ಸಿನಿಮಾ ನಿರ್ಮಾಣದಲ್ಲೂ ಅವರು ತೊಡಗಿಕೊಂಡಿದ್ದಾರೆ. ಟಾಲಿವುಡ್​ನಲ್ಲಿ ಅವರಿಗೆ ಸಖತ್​ ಬೇಡಿಕೆ ಇದೆ. ಈಗ ದಾಂಪತ್ಯ ಜೀವನಕ್ಕೆ ಕಾಲಿಡುವ ಮೂಲಕ ಹೊಸ ಅಧ್ಯಾಯ ಆರಂಭಿಸಿದ್ದಾರೆ. ಶೀಘ್ರದಲ್ಲೇ ಹೈದರಾಬಾದ್​ನಲ್ಲಿ ತೆಲುಗು ಚಿತ್ರರಂಗದ ಸೆಲೆಬ್ರಿಟಿಗಳು ಹಾಗೂ ಸ್ನೇಹಿತರಿಗಾಗಿ ರಿಸೆಪ್ಷನ್​ ಏರ್ಪಡಿಸಲಾಗುವುದು.

ಇದನ್ನೂ ಓದಿ

ಖ್ಯಾತ ನಿರ್ಮಾಪಕನ ಜತೆ ಮದುವೆ ಆದ ಕಿರುತೆರೆ ನಟಿ ಮಹಾಲಕ್ಷ್ಮೀ; ‘ನಿಜವಾದ ವಿವಾಹವೇ?’ ಎಂದ ಫ್ಯಾನ್ಸ್

ಯಾಕೆ ನೀನಿನ್ನೂ ಮದುವೆ ಆಗಿಲ್ಲ…ವಿಡಿಯೋ ಮೂಲಕ ಉತ್ತರ ಕೊಟ್ಟ ನಟಿ ರಮ್ಯಾ

Priya Anand: ನಿತ್ಯಾನಂದ ಜತೆ ಮದುವೆ ಆಗ್ತೀನಿ ಅಂತ ‘ಜೇಮ್ಸ್​’ ನಟಿ ಪ್ರಿಯಾ ಆನಂದ್​ ಹೇಳಿದ್ದೇಕೆ?

Pavitra Lokesh: ‘ಸುಚೇಂದ್ರ ಪ್ರಸಾದ್​ ಜತೆ ನನ್ನ ಮದುವೆ ಆಗಿಲ್ಲ, 11 ವರ್ಷ ಒಟ್ಟಿಗೆ ಇದ್ದೆ ಅಷ್ಟೇ’: ನಟಿ ಪವಿತ್ರಾ ಲೋಕೇಶ್​

ನವೆಂಬರ್​ 19ರಂದು ನಾಗ ಶೌರ್ಯ ಹಾಗೂ ಅನುಷಾ ಶೆಟ್ಟಿ ಜೋಡಿಯ ಮೆಹಂದಿ ಶಾಸ್ತ್ರ ನೆರವೇರಿತು. ನಂತರ ಎಲ್ಲ ಆಹ್ವಾನಿತರಿಗೆ ಕಾಕ್​ಟೇಲ್​ ಪಾರ್ಟಿ ಆಯೋಜಿಸಲಾಯುತು. ಆ ಸಂದರ್ಭದ ವಿಡಿಯೋ ಕೂಡ ಸೋಶಿಯಲ್​ ಮೀಡಿಯಾಲ್ಲಿ ವೈರಲ್​ ಆಗಿದೆ. ನಾಗ ಶೌರ್ಯ ಪತ್ನಿ ಅನುಷಾ ಶೆಟ್ಟಿ ಬಗ್ಗೆ ತಿಳಿದುಕೊಳ್ಳಲು ಫ್ಯಾನ್ಸ್​ ಉತ್ಸುಕರಾಗಿದ್ದಾರೆ. ಇಂಟೀರಿಯರ್​ ಡಿಸೈನರ್​ ಆಗಿ ಅನುಷಾ ಗುರುತಿಸಿಕೊಂಡಿದ್ದಾರೆ ಎನ್ನಲಾಗಿದೆ.

Congrats to new couple #NagaShaurya and #AnushaShetty on entering into new phase of life together ?@IamNagashaurya #NagaShauryaWedsAnushaShetty pic.twitter.com/s6U2hoFf00

— Vamsi Kaka (@vamsikaka) November 20, 2022

Glimpse of @IamNagashaurya and #AnushaShetty at the Pre wedding celebrations ✨#LetsGoShaan ❤️ pic.twitter.com/gtOSspcffT

— Vamsi Kaka (@vamsikaka) November 20, 2022

ನಾಗ ಶೌರ್ಯ ನಟನೆಯ ‘ಕೃಷ್ಣ ವೃಂದಾ ವಿಹಾರಿ’ ಸಿನಿಮಾ ಸೆಪ್ಟೆಂಬರ್​ 23ರಂದು ತೆರೆಕಂಡಿತು. ಆ ಬಳಿಕ ಅವರು ಮದುವೆ ತಯಾರಿಗಾಗಿ ಬ್ರೇಕ್​ ಪಡೆದುಕೊಂಡರು. ಅವರ ಕೈಯಲ್ಲಿ ಹಲವು ಆಫರ್​ಗಳಿವೆ. ತಮ್ಮ 24ನೇ ಚಿತ್ರಕ್ಕೆ ಅವರು ಕೆಲವೇ ದಿನಗಳ ಹಿಂದೆ ಸಹಿ ಮಾಡಿದರು. ಆ ಸಿನಿಮಾವನ್ನು ಎಸ್​ಎಸ್​ ಅರುಣಾಚಲಂ ನಿರ್ದೇಶನ ಮಾಡಲಿದ್ದಾರೆ. ತಾತ್ಕಾಲಿಕವಾಗಿ ಈ ಚಿತ್ರಕ್ಕೆ ‘ಎನ್​ಎಸ್​24’ ಎಂದು ಕರೆಯಲಾಗುತ್ತಿದೆ. ಇತ್ತೀಚೆಗೆ ಈ ಸಿನಿಮಾಗೆ ಮುಹೂರ್ತ ನೆರವೇರಿಸಲಾಯಿತು. ಇದು ಸಾಹಸ ಪ್ರಧಾನ ಸಿನಿಮಾ ಆಗಿರಲಿದ್ದು, ಹಿಂದೆಂದೂ ಮಾಡಿರದ ಪಾತ್ರಕ್ಕೆ ನಾಗ ಶೌರ್ಯ ಬಣ್ಣ ಹಚ್ಚುತ್ತಿದ್ದಾರೆ ಎನ್ನಲಾಗಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.