ಹನಿಮೂನ್ನಲ್ಲೇ ನವ ವಿವಾಹಿತನ ಕೊಲೆ; ಈ ವೆಬ್ ಸೀರಿಸ್ನ ಮಿಸ್ ಮಾಡಬೇಡಿ..

Honeymoon Photographer: ಜಿಯೋ ಹಾಟ್‌ಸ್ಟಾರ್‌ನಲ್ಲಿ ಒಂದು ವೆಬ್ ಸೀರಿಸ್ ಪ್ರಸಾರ ಕಾಣುತ್ತಿದೆ.ವೆಬ್ ಸರಣಿಯು ಮಾಲ್ಡೀವ್ಸ್‌ಗೆ ಹನಿಮೂನ್‌ಗೆಂದು ತೆರಳುವ ನವವಿವಾಹಿತನ ಕೊಲೆಯ ಸುತ್ತ ಸುತ್ತುತ್ತದೆ. ಆಶಾ ನೇಗಿ ಮತ್ತು ರಾಜೀವ್ ಸಿದ್ಧಾರ್ಥ ನಟಿಸಿರುವ ಈ 6 ಸಂಚಿಕೆಗಳ ಸರಣಿಯು ಅನಿರೀಕ್ಷಿತ ತಿರುವುಗಳಿಂದ ತುಂಬಿದೆ.

ವೆಬ್ ಸೀರಿಸ್

ರಾಜೇಶ್ ದುಗ್ಗುಮನೆ |
Updated on:Jun 27, 2025 | 3:06 PM

ಒಟಿಟಿ ವ್ಯಾಪ್ತಿ ಹೆಚ್ಚಿದಂತೆ ವೆಬ್ ಸೀರಿಸ್ಗಳ ಸಂಖ್ಯೆ ಕೂಡ ಹೆಚ್ಚುತ್ತಿದೆ. ಇತ್ತೀಚಿನ ವರ್ಷಗಳಲ್ಲಿ ಅದರಲ್ಲೂ 2020ರಿಂದ ಈಚೆಗೆ ಭಾರತದಲ್ಲಿ ಹಲವು ರೀತಿಯ ವೆಬ್ ಸೀರಿಸ್ಗಳನ್ನು ನಿರ್ಮಾಣ ಮಾಡಿ ಒಟಿಟಿ ಪ್ರಿಯರ ಎದುರು ಇಡಲಾಗುತ್ತಿದೆ. ಈಗ ನಾವು ಹೇಳುತ್ತಿರುವ ವೆಬ್ ಸೀರಿಸ್ ನವ ವಿವಾಹಿತನ ಕೊಲೆಯ ಬಗ್ಗೆ ಇದೆ. ಅದೂ ಈ ಕೊಲೆ ನಡೆಯೋದು ಹನಿಮೂನ್ನಲ್ಲೇ. ಈ ವೆಬ್ ಸೀರಿಸ್ ಹೆಸರು ‘ಹನಿಮೂನ್ ಫೋಟೋಗ್ರಾಫರ್.

ಇತ್ತೀಚೆಗೆ ಮೇಘಾಲಯದಲ್ಲಿ ನಡೆದ ಘಟನೆ ಬೆಚ್ಚಿ ಬೀಳಿಸಿತ್ತು. ಹನಿಮೂನ್ಗೆ ಹೋದಾಗ ಪತ್ನಿಯೇ ಲವರ್ ಜೊತೆ ಸೇರಿ ಪತಿಯ ಕೊಲೆ ಮಾಡಿದ್ದರು. ಈ ಕೊಲೆ ಸಾಕಷ್ಟು ಶಾಕಿಂಗ್ ಆಗಿತ್ತು. ಈ ಕೊಲೆಯ ಮೇಲೆ ಮುಂದೊಂದು ದಿನ ವೆಬ್ ಸೀರಿಸ್ ಬಂದರೂ ಅಚ್ಚರಿ ಏನಿಲ್ಲ. ಆದರೆ, 2024ರಲ್ಲೇ ಈ ರೀತಿಯ ಹನಿಮೂನ್ನಲ್ಲಿ ನಡೆಯುವ ಕೊಲೆ ಪ್ರಕರಣದ ಬಗ್ಗೆ ಸೀರಿಸ್ ಮಾಡಲಾಗಿದೆ.

ಏನು ಕಥೆ..

ನವ ವಿವಾಹಿತರಿಬ್ಬರು ಮಾಲ್ಡೀವ್ಸ್ಗೆ ಹನಿಮೂನ್ಗೆ ತೆರಳುತ್ತಾರೆ. ಇವರ ಫೋಟೋ ತೆಗೆಯೋಕೆ ಲೇಡಿ ಫೋಟೋಗ್ರಾಫರ್ ಕೂಡ ಬರುತ್ತಾಳೆ. ರಾತ್ರೋ ರಾತ್ರಿ ನವ ವಿವಾಹಿತನ ಕೊಲೆ ಆಗುತ್ತದೆ. ಈ ಕೊಲೆ ಮಾಡಿದ್ದು ಯಾರು? ಈ ಕೊಲೆಯ ಹಿಂದೆ ಯಾರಿದ್ದಾರೆ ಎಂಬುದನ್ನು ಎಳೆ ಎಳೆಯಾಗಿ ಬಿಚ್ಚಿಡುತ್ತಾ ಬರಲಾಗುತ್ತದೆ. ಆಗಗ ಬರೋ ಟ್ವಿಸ್ಟ್ ಅಚ್ಚರಿ ಮೂಡಿಸುತ್ತದೆ.

ಇದನ್ನೂ ಓದಿ

ಇದನ್ನೂ ಓದಿ: ಕರಿಷ್ಮಾ ಮಾಜಿ ಪತಿ ನಿಧನ; ಹನಿಮೂನ್ನಲ್ಲಿ ನಟಿಗೆ ಗೆಳೆಯರ ಜೊತೆ ಮಲಗಲು ಹೇಳಿದ್ದ ಸಂಜಯ್

ಪಾತ್ರವರ್ಗ

ಅರ್ಜುನ್ ಶ್ರೀವಾಸ್ತವ ಅವರು ಈ ವೆಬ್ ಸರಣಿಯನ್ನು ನಿರ್ದೇಶಿಸಿದ್ದಾರೆ. ಆಶಾ ನೇಗಿ, ರಾಜೀವ್ ಸಿದ್ಧಾರ್ಥ, ಅಪೇಕ್ಷಾ ಪೋರ್ವಾಲ್, ಸಾಹಿಲ್ ಸಲಾಥಿಯಾ ಮೊದಲಾದವರು ಈ ಸರಣಿಯಲ್ಲಿ ನಟಿಸಿದ್ದಾರೆ.