ವಿಶ್ವಾದ್ಯಂತ ಅಬ್ಬರಿಸುತ್ತಿರುವ ‘ಕೆಜಿಎಫ್ ಚಾಪ್ಟರ್ 2’ ಚಿತ್ರದ ಒಟಿಟಿ ರಿಲೀಸ್ ಯಾವಾಗ?
‘ಕೆಜಿಎಫ್ 2’ ಬಗ್ಗೆ ಅಪಾರ ನಿರೀಕ್ಷೆ ಇತ್ತು. ಅದು ಹುಸಿಯಾಗಿಲ್ಲ. ಈ ಚಿತ್ರದ ಮೇಕಿಂಗ್ ಸಂಪೂರ್ಣವಾಗಿ ಥಿಯೇಟರ್ ರಿಲೀಸ್ಗಾಗಿಯೇ ಮಾಡಿದಂತಿದೆ. ಹೀಗಾಗಿ, ನಿರ್ಮಾಪಕರು ‘ಕೆಜಿಎಫ್ 2’ನ ಥಿಯೇಟರ್ನಲ್ಲೇ ಹೆಚ್ಚು ದಿನ ಪ್ರದರ್ಶಿಸಲು ಆಸಕ್ತಿ ತೋರುತ್ತಿದ್ದಾರೆ ಎನ್ನಲಾಗಿದೆ.
‘ಕೆಜಿಎಫ್ ಚಾಪ್ಟರ್ 2’ (KGF Chapter 2) ಎಬ್ಬಿಸಿರುವ ಅಲೆಯನ್ನು ನೋಡಿದರೆ ಅದೆಷ್ಟು ದಾಖಲೆಗಳು ಪುಡಿಯಾಗಿ, ಅದೆಷ್ಟು ಹೊಸ ದಾಖಲೆಗಳು ಹುಟ್ಟಿಕೊಳ್ಳಲಿವೆಯೋ ಗೊತ್ತಿಲ್ಲ. ಅಭಿಮಾನಿಗಳು ನಾಮುಂದು, ತಾಮುಂದು ಎಂದು ಸಿನಿಮಾ ವೀಕ್ಷಿಸುತ್ತಿದ್ದಾರೆ. ಯಶ್ (Yash) ಅಭಿಮಾನಿಗಳು ಮೊದಲನೇ ದಿನವೇ ಹಲವು ಬಾರಿ ಸಿನಿಮಾ ವೀಕ್ಷಿಸಿದ್ದಾರೆ. ಸ್ಯಾಂಡಲ್ವುಡ್ ಮಾತ್ರವಲ್ಲದೆ, ಬಾಲಿವುಡ್ (Bollywood) ಅಂಗಳದಿಂದಲೂ ಸಿನಿಮಾಗೆ ದೊಡ್ಡ ಮಟ್ಟದ ಕಲೆಕ್ಷನ್ ಆಗುವ ನಿರೀಕ್ಷೆ ಇದೆ. ಈ ಮಧ್ಯೆ, ಈ ಚಿತ್ರ ಒಟಿಟಿಗೆ ಯಾವಾಗ ಬರಲಿದೆ ಎನ್ನುವ ಪ್ರಶ್ನೆ ಮೂಡಿದೆ.
‘ಪುಷ್ಪ’ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಒಳ್ಳೆಯ ಕಲೆಕ್ಷನ್ ಮಾಡುತ್ತಿರುವಾಗಲೇ ಒಟಿಟಿಯಲ್ಲಿ ರಿಲೀಸ್ ಆಯಿತು. ‘ಒಟಿಟಿ ವೀಕ್ಷಕರು ಬೇರೆ, ಥಿಯೇಟರ್ ವೀಕ್ಷಕರು ಬೇರೆ’ ಎಂದು ಚಿತ್ರತಂಡ ಹೇಳಿಕೊಂಡಿತ್ತು. ಒಟಿಟಿಯಲ್ಲಿ ರಿಲೀಸ್ ಆದ ನಂತರವೂ ಕೆಲ ದಿನಗಳ ಕಾಲ ‘ಪುಷ್ಪ’ ಥಿಯೇಟರ್ನಲ್ಲಿ ಪ್ರದರ್ಶನ ಕಂಡಿತ್ತು. ಒಟಿಟಿಯಲ್ಲಿ ಸಿನಿಮಾ ಪ್ರಸಾರವಾದ ಬಳಿಕ ಥಿಯೇಟರ್ಗೆ ಹೆಚ್ಚಿನ ಪ್ರೇಕ್ಷಕರು ಬಂದಿಲ್ಲ. ಈಗ ‘ಕೆಜಿಎಫ್ 2’ ಒಟಿಟಿಗೆ ಬರುವ ಬಗ್ಗೆ ಚರ್ಚೆಗಳು ನಡೆಯುತ್ತಿವೆ.
‘ಕೆಜಿಎಫ್ 2’ ಬಗ್ಗೆ ಅಪಾರ ನಿರೀಕ್ಷೆ ಇತ್ತು. ಅದು ಹುಸಿಯಾಗಿಲ್ಲ. ಈ ಚಿತ್ರದ ಮೇಕಿಂಗ್ ಸಂಪೂರ್ಣವಾಗಿ ಥಿಯೇಟರ್ ರಿಲೀಸ್ಗಾಗಿಯೇ ಮಾಡಿದಂತಿದೆ. ಹೀಗಾಗಿ, ನಿರ್ಮಾಪಕರು ‘ಕೆಜಿಎಫ್ 2’ನ ಥಿಯೇಟರ್ನಲ್ಲೇ ಹೆಚ್ಚು ದಿನ ಪ್ರದರ್ಶಿಸಲು ಆಸಕ್ತಿ ತೋರುತ್ತಿದ್ದಾರೆ ಎನ್ನಲಾಗಿದೆ. ಹೀಗಾಗಿ, ಒಟಿಟಿ ದಿನಾಂಕ ವಿಳಂಬವಾಗಬಹುದು.
ಇನ್ನು, ಕೊವಿಡ್ ಕಡಿಮೆ ಆಗಿದೆ. ಹೀಗಾಗಿ, ಜನರು ಯಾವುದೇ ಅಂಜಿಕೆ ಇಲ್ಲದೆ ಥಿಯೇಟರ್ ಒಳಗೆ ಕಾಲಿಡುತ್ತಿದ್ದಾರೆ. ‘ಕೆಜಿಎಫ್ 2’ಗೆ ದೊಡ್ಡ ಹೈಪ್ ಸಿಕ್ಕಿರುವುದರಿಂದ ಈ ಸಿನಿಮಾನ ಚಿತ್ರಮಂದಿರದಲ್ಲಿ ಮಿಸ್ ಮಾಡಿಕೊಳ್ಳುವವರು ತುಂಬಾನೇ ಕಡಿಮೆ. ಮೊಬೈಲ್, ಲ್ಯಾಪ್ಟಾಪ್, ಟಿವಿಗಿಂತ ಥಿಯೇಟರ್ನಲ್ಲಿ ನೋಡಿದರೆ ಸಿನಿಮಾ ಹೆಚ್ಚು ಎಫೆಕ್ಟೀವ್. ಅದರಲ್ಲೂ ‘ಕೆಜಿಎಫ್ 2’ನಂತಹ ಸಿನಿಮಾಗಳನ್ನು ಥಿಯೇಟರ್ನಲ್ಲೇ ವೀಕ್ಷಿಸಿದರೆ ಹೆಚ್ಚು ಮನರಂಜನೆ ಸಿಗುತ್ತದೆ. ಹೀಗಾಗಿ, ಬಹುತೇಕರು ಮೊದಲ ವಾರ ಅಲ್ಲದಿದ್ದರೂ, ಎರಡು, ಮೂರನೇ ವಾರದಲ್ಲಿ ಈ ಚಿತ್ರವನ್ನು ಚಿತ್ರಮಂದಿರದಲ್ಲಿ ಕಣ್ತುಂಬಿಕೊಳ್ಳುತ್ತಾರೆ. ಒಂದು ತಿಂಗಳ ಬಳಿಕ ರಿಪೀಟ್ ಆಡಿಯನ್ಸ್ ಚಿತ್ರಮಂದಿರಕ್ಕೆ ಹೋಗುತ್ತಾರೆ.
ಇನ್ನು, ಸದ್ಯದ ಮಟ್ಟಿಗಂತೂ ಕನ್ನಡದಲ್ಲಿ ಯಾವುದೇ ದೊಡ್ಡ ಬಜೆಟ್ ಸಿನಿಮಾ ತೆರೆಗೆ ಬರುತ್ತಿಲ್ಲ. ಪರಭಾಷೆಯಲ್ಲಿ ದೊಡ್ಡ ಬಜೆಟ್ನ ಒಂದೆರಡು ಸಿನಿಮಾಗಳು ಮಾತ್ರ ಇವೆ. ಈ ಕಾರಣಕ್ಕೆ ಸಾಕಷ್ಟು ದಿನ ಚಿತ್ರಮಂದಿರದಲ್ಲಿ ಸಿನಿಮಾ ಪ್ರದರ್ಶನ ಕಾಣಲಿದೆ. ಹೀಗಾಗಿ, ಕೆಲವು ತಿಂಗಳ ಬಳಿಕ ಸಿನಿಮಾ ಅಮೇಜಾನ್ ಪ್ರೈಮ್ ವಿಡಿಯೋದಲ್ಲಿ ಪ್ರಸಾರ ಕಾಣಬಹುದು.
ಇದನ್ನೂ ಓದಿ: ‘ಕೆಜಿಎಫ್ 3ನೇ ಪಾರ್ಟ್ ಬರಲಿದೆ’: ಭವಿಷ್ಯ ನುಡಿದ ಪ್ರೇಕ್ಷಕರು; ಯಶ್ ಫ್ಯಾನ್ಸ್ ಹೀಗೆ ಹೇಳ್ತಿರೋದು ಏಕೆ?
KGF Chapter 2 Review: ಕೆಜಿಎಫ್ ಚಾಪ್ಟರ್ 2 ವಿಮರ್ಶೆ; ಪ್ರಶಾಂತ್ ನೀಲ್ ಕೈಚಳಕ, ಯಶ್ ಫ್ಯಾನ್ಸ್ಗೆ ಧಮಾಕ
Published On - 4:44 pm, Thu, 14 April 22
