ರಜನಿಕಾಂತ್ ನಟನೆಯ ‘ಜೈಲರ್ 2’ ಚಿತ್ರದ ಮೊದಲಾರ್ಧದಲ್ಲಿ ಈ ಅಂಶಗಳೇ ಹೈಲೈಟ್

ಬಹುತಾರಾಗಣ ಇರುವ ‘ಜೈಲರ್ 2’ ಸಿನಿಮಾ ಅದ್ದೂರಿಯಾಗಿ ಬಿಡುಗಡೆ ಆಗಿದೆ. ರಜನಿಕಾಂತ್, ಶಿವರಾಜ್​ಕುಮಾರ್, ರಮ್ಯಾ ಕೃಷ್ಣನ್, ವಿದ್ಯಾ ಬಾಲನ್, ಎಸ್.ಜೆ. ಸೂರ್ಯ, ಮಿಥುನ್ ಚಕ್ರವರ್ತಿ ಸೇರಿದಂತೆ ಹಲವು ಕಲಾವಿದರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ನೆಲ್ಸನ್ ದಿಲೀಪ್​ಕುಮಾರ್ ನಿರ್ದೇಶನದ ಈ ಚಿತ್ರವನ್ನು ‘ಸನ್ ಪಿಕ್ಚರ್ಸ್’ ಸಂಸ್ಥೆಯು ಬೃಹತ್ ಬಜೆಟ್​ನಲ್ಲಿ ನಿರ್ಮಾಣ ಮಾಡಿದೆ. 2023ರಲ್ಲಿ ತೆರೆಕಂಡಿದ್ದ ‘ಜೈಲರ್’ ಸಿನಿಮಾದ ಸೀಕ್ವೆಲ್ ಆಗಿ ‘ಜೈಲರ್ 2’ ಮೂಡಿಬಂದಿದೆ. ರಜನಿಕಾಂತ್ ಅವರ ಅಭಿಮಾನಿಗಳು ಈ ಸಿನಿಮಾ ಮೇಲೆ ಇಟ್ಟಿದ್ದ ನಿರೀಕ್ಷೆ ಬಹಳ ದೊಡ್ಡದು. ಮೊದಲ ದಿನವೇ ವಿಶ್ವಾದ್ಯಂತ ನೂರಾರು ಕೋಟಿ ರೂಪಾಯಿ ಕಲೆಕ್ಷನ್ ಆಗುತ್ತಿದೆ. ‘ಜೈಲರ್ 2’ ಸಿನಿಮಾದ ಮೊದಲಾರ್ಧದಲ್ಲಿ ಏನೆಲ್ಲ ಇದೆ ಎಂಬುದರ ಬಗ್ಗೆ ಇಲ್ಲಿದೆ ಮಾಹಿತಿ..

1. ಜೈಲರ್ ಕಥೆಯ ಮುಂದುವರಿದ ಭಾಗ ‘ಜೈಲರ್ 2’ ಸಿನಿಮಾದಲ್ಲಿದೆ. ವರ್ಮನ್ ಹತ್ಯೆ ಬಳಿಕ ಏನಾಯ್ತು ಎಂಬುದರೊಂದಿಗೆ ಕಥೆ ಶುರು.
2. ಸಿಂಪಲ್ ಆಗಿಯೇ ರಜನಿಕಾಂತ್ ಎಂಟ್ರಿ ನೀಡುತ್ತಾರೆ. ಟೈಗರ್ ಮತ್ತುವೇಲ್ ಪಾಂಡಿಯನ್ ಮಾಸ್ ಅವತಾರ ನೋಡಲು ಫ್ಯಾನ್ಸ್ ಸ್ವಲ್ಪ ಕಾಯಬೇಕು.
3. ಯೋಗಿ ಬಾಬು ಪಾತ್ರದಿಂದ ಕಥೆಯಲ್ಲಿ ಕಾಮಿಡಿ ರಿಲೀಫ್ ಇದೆ. ರಜನಿಕಾಂತ್ – ಯೋಗಿಬಾಬು ಕಾಂಬಿನೇಷನ್ ದೃಶ್ಯಗಳು ನಗು ಮೂಡಿಸುತ್ತವೆ.
4. ಸಾಮಾನ್ಯ ಡ್ರೈವರ್ ಆಗಿದ್ದು, ಬಳಿಕ ಸೂಕ್ತ ಸಮಯದಲ್ಲಿ ಟೈಗರ್ ಮುತ್ತುವೇಲ್ ಪಾಂಡಿಯನ್ ಅಸಲಿ ಮುಖ ತೋರಿಸಿದಾಗ ಚಿತ್ರದ ಥ್ರಿಲ್ ಹೆಚ್ಚುತ್ತದೆ.
5. ಮೊದಲ ಪಾರ್ಟ್‌ನಲ್ಲಿ ವರ್ಮನ್ ಆಗಿ ಅಬ್ಬರಿಸಿದ್ದ ನಟ ವಿನಾಯಗನ್ ಅವರು ಈಗ ಸೀಕ್ವಲ್‌ನ ಫಸ್ಟ್‌ಹಾಫ್‌ನಲ್ಲಿ ಒಮ್ಮೆ ಮಾತ್ರ ಕಾಣಿಸಿಕೊಳ್ಳುತ್ತಾರೆ.
6. ‘ಅಲ ಬೊಲೆಲೊ’ ಹಾಡು ಫಸ್ಟ್ ಹಾಫ್‌‌ನಲ್ಲೇ ಇದೆ. ನಟಿ ಪೂರ್ಣ ಭರ್ಜರಿಯಾಗಿ ಡ್ಯಾನ್ಸ್ ಮಾಡಿದ್ದಾರೆ. ಸಾಂಗ್ ಜೊತೆಗೆ ಟ್ವಿಸ್ಟ್ ಸಿಗುತ್ತದೆ.
7. ಸೂರಜ್ ವೆಂಜರಮೂಡು ಅವರು ಮೊದಲಾರ್ಧದಲ್ಲಿ ಖಡಕ್ ವಿಲನ್ ಆಗಿ ಅಭಿನಯಿಸಿದ್ದಾರೆ. ಇನ್ನುಳಿದ ಮುಖ್ಯ ಪಾತ್ರಗಳು ದ್ವಿತೀಯಾರ್ಧದಲ್ಲಿ ಬರಲಿವೆ.
8. ಶಿವರಾಜ್‌ಕುಮಾರ್, ಮೋಹನ್‌ಲಾಲ್, ಟೈಗರ್ ಶ್ರಾಫ್ ಮಾಡಿರುವ ಅತಿಥಿ ಪಾತ್ರಗಳು ಕೂಡ ‘ಜೈಲರ್ 2’ ಸಿನಿಮಾದ ಪ್ರಮುಖ ಹೈಲೈಟ್ಸ್ ಆಗಿವೆ.
9. ಮಧ್ಯಂತರದ ವೇಳೆಗೆ ಶಿವರಾಜ್‌ಕುಮಾರ್, ಮೋಹನ್‌ಲಾಲ್, ಟೈಗರ್ ಶ್ರಾಫ್ ಕಾಣಿಸಿಕೊಳ್ಳುತ್ತಾರೆ. ಆ ಮೂಲಕ ಚಿತ್ರದ ಮನರಂಜನೆ ಹೆಚ್ಚಿಸುತ್ತಾರೆ.
10. ‘ಜೈಲರ್ 2’ ಚಿತ್ರದ ಫಸ್ಟ್ ಹಾಫ್‌ನಲ್ಲಿ ಆ್ಯಕ್ಷನ್ ಮತ್ತು ಕಾಮಿಡಿಯ ಮಿಶ್ರಣ ಇದೆ. ದ್ವಿತೀಯಾರ್ಧದಲ್ಲಿ ಹೆಚ್ಚಿನ ಆ್ಯಕ್ಷನ್ ನಿರೀಕ್ಷಿಸಬಹುದು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.