ಹುಡುಗಿಯ ಅಂಗದ ಬಗ್ಗೆ ಮಾತನಾಡಿ ಕಾಫಿ ಶಾಪ್ನಲ್ಲಿ ಕೆನ್ನೆಗೆ ಏಟು ತಿಂದ ರಾಮ್ ಗೋಪಾಲ್ ವರ್ಮಾ
ಯುವ ನಟಿಯರ ಜತೆ ಕಾಣಿಸಿಕೊಳ್ಳುವ ಅವರು ಭಿನ್ನ ವಿಡಿಯೋಗಳನ್ನು ಮಾಡಿ ಪೋಸ್ಟ್ ಮಾಡುತ್ತಿದ್ದಾರೆ. ಕೆಲವು ವಿಡಿಯೋಗಳು ತುಂಬಾನೇ ಬೋಲ್ಡ್ ಹಾಗೂ ಸೆನ್ಸಾರ್ ರಹಿತವಾಗಿರುತ್ತದೆ.
Updated on: Sep 03, 2021 | 6:03 PM
ರಾಮ್ ಗೋಪಾಲ್ ವರ್ಮಾ ಇತ್ತೀಚೆಗೆ ಸಾಕಷ್ಟು ಸುದ್ದಿಯಾಗುತ್ತಿದ್ದಾರೆ. ಇದಕ್ಕೆ ಕಾರಣ ಅವರು ಚಿತ್ರವಿಚಿತ್ರವಾಗಿ ನಡೆದುಕೊಳ್ಳುತ್ತಿರುವುದು. ಯುವ ನಟಿಯರ ಜತೆ ಕಾಣಿಸಿಕೊಳ್ಳುವ ಅವರು ಭಿನ್ನ ವಿಡಿಯೋಗಳನ್ನು ಮಾಡಿ ಪೋಸ್ಟ್ ಮಾಡುತ್ತಿದ್ದಾರೆ. ಕೆಲವು ವಿಡಿಯೋಗಳು ತುಂಬಾನೇ ಬೋಲ್ಡ್ ಹಾಗೂ ಸೆನ್ಸಾರ್ ರಹಿತವಾಗಿರುತ್ತದೆ. ಇದಕ್ಕೆ ಈಗ ಹೊಸದೊಂದು ಸೇರ್ಪಡೆ ಆಗಿದೆ. ಮಾಡೆಲ್ ಹಾಗೂ ನಟಿ ಆಶು ರೆಡ್ಡಿ ಜತೆ ವಿಡಿಯೋ ಒಂದನ್ನು ಮಾಡಿ ಹರಿಬಿಟ್ಟಿದ್ದಾರೆ ರಾಮ್ ಗೋಪಾಲ್ ವರ್ಮಾ.
ಆಶು ರೆಡ್ಡಿ ಕಾಫಿ ಶಾಪ್ನಲ್ಲಿ ಕೂತಿರುತ್ತಾರೆ. ಈ ವೇಳೆ ಐಷಾರಾಮಿ ಕಾರಿನಲ್ಲಿ ಬರುತ್ತಾರೆ ರಾಮ್ ಗೋಪಾಲ್ ವರ್ಮಾ. ಕಾಫಿ ಶಾಪ್ ಒಳಗೆ ಬರುವ ಆರ್ಜಿವಿ, ‘ನಾನು ಯಾರು ಎಂದು ಗೊತ್ತಾಯ್ತಾ’ ಎಂದು ನಟಿಯನ್ನು ಪ್ರಶ್ನೆ ಮಾಡುತ್ತಾರೆ. ಇದಕ್ಕೆ ಆ ಕಡೆಯಿಂದ ಇಲ್ಲ ಎನ್ನುವ ಉತ್ತರ ಬರುತ್ತದೆ. ನಂತರ ಇಬ್ಬರೂ ಮಾತುಕತೆ ಆರಂಭಿಸುತ್ತಾರೆ. ಈ ವೇಳೆ ಆರ್ಜಿವಿ, ‘ನಿಮ್ಮ ತೊಡೆ ಉತ್ತಮವಾಗಿದೆ’ ಎನ್ನುತ್ತಾರೆ. ಈ ವೇಳೆ ಕೋಪಗೊಳ್ಳುವ ಆಶು, ಆರ್ಜಿವಿ ಕೆನ್ನೆಗೆ ಬಾರಿಸುತ್ತಾರೆ.
ಅಂದಹಾಗೆ ಇದು ಸಂಪೂರ್ಣವಾಗಿ ಸ್ಕ್ರಿಪ್ಟೆಡ್. ಆಶು ಜತೆ ಸಂದರ್ಶನ ನಡೆಸಿದ್ದಾರೆ ಆರ್ಜಿವಿ. ಇದರ ಪ್ರೋಮೋವನ್ನು ಹಂಚಿಕೊಳ್ಳಲಾಗಿದೆ. ಈ ವಿಡಿಯೋ ಸಾಕಷ್ಟು ವೈರಲ್ ಆಗುತ್ತಿದೆ. ಪೂರ್ತಿ ಸಂದರ್ಶನದ ವಿಡಿಯೋ ಇನ್ನಷ್ಟೇ ಬರಬೇಕಿದೆ. ಈ ವಿಡಿಯೋ ನೋಡಿದ ಅನೇಕರು ಚಿತ್ರವಿಚಿತ್ರವಾಗಿ ಕಮಂಟ್ ಮಾಡಿದ್ದಾರೆ.
ಇತ್ತೀಚೆಗೆ ರಾಮ್ ಗೋಪಾಲ್ ವರ್ಮಾ ಅವರು ಇನಾಯಾ ಸುಲ್ತಾನ ಜತೆ ಡಾನ್ಸ್ ಮಾಡಿದ್ದರು. ವಿಡಿಯೋದಲ್ಲಿರುವುದು ಅವರಿಬ್ಬರೇ ಅನ್ನೋದು ತಿಳಿದು ಬಂದಿತ್ತು. ಆದರೆ, ವಿಡಿಯೋದಲ್ಲಿರುವ ವ್ಯಕ್ತಿ ತಾವಲ್ಲ ಎಂದಿದ್ದರು ಆರ್ಜಿವಿ. ‘ಈ ವಿಡಿಯೋದಲ್ಲಿರುವ ವ್ಯಕ್ತಿ ನಾನಲ್ಲ. ಕೆಂಪು ಬಟ್ಟೆ ಧರಿಸಿರುವುದು ಇನಾಯಾ ಅಲ್ಲ. ಬೇಕಿದ್ದರೆ ನಾನು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಮೇಲೆ ಪ್ರಮಾಣ ಮಾಡುತ್ತೇನೆ’ ಎಂದು ಬರೆದುಕೊಂಡಿದ್ದರು ರಾಮ್ ಗೋಪಾಲ್ ವರ್ಮಾ. ಈ ವಿಡಿಯೋ ವಿಚಾರವಾಗಿಟ್ಟುಕೊಂಡು ಸಾಮಾಜಿಕ ಮಾಧ್ಯಮದಲ್ಲಿ ವಿವಿಧ ರೀತಿಯಲ್ಲಿ ಟೀಕಿಸಲಾಗಿತ್ತು.
ಇದನ್ನೂ ಓದಿ: ನಟಿಯ ಜತೆ ಮನ ಬಂದಂತೆ ಡ್ಯಾನ್ಸ್ ಮಾಡಿ ಕಾಲಿಗೆ ನಮಸ್ಕರಿಸಿದ ಆರ್ಜಿವಿ; ವಿಡಿಯೋ ವೈರಲ್
