ಒಮನ್ ಬಳಿಕ ಊಟಿಗೆ ಹಾರಿದ ರಶ್ಮಿಕಾ ಮಂದಣ್ಣ; ಜೊತೆಗಿರೋ ಹೀರೋ ಯಾರು?

ರಶ್ಮಿಕಾ ಮಂದಣ್ಣ (Rashmika Mandanna) ಅವರು ಇತ್ತೀಗೆ ವೆಕೇಶನ್​ಗಾಗಿ ಒಮನ್​ಗೆ ಹಾರಿದ್ದರು. ಅವರ ಜೊತೆ ವಿಜಯ್ ದೇವರಕೊಂಡ ಕೂಡ ಇದ್ದರು ಎಂದು ಹೇಳಲಾಗುತ್ತಿದೆ. ಈಗ ಅವರು ನೇರವಾಗಿ ಹಾರಿದ್ದು ಊಟಿಗೆ. ಅವರ ಜೊತೆ ಇರೋದು ಬಾಲಿವುಡ್​ನ ಖ್ಯಾತ ನಟ ಅನ್ನೋದು ನಿಮಗೆ ಗೊತ್ತಾ? ಹೌದು, ರಶ್ಮಿಕಾ ಅವರು ಏಪ್ರಿಲ್ 28ರಂದು ಊಟಿಗೆ ತೆರಳಿದ್ದಾರೆ ಎಂದು ವರದಿ ಆಗಿದೆ. ಒಂದು ತಿಂಗಳುಗಳ ಕಾಲ ಅವರು ಅಲ್ಲಿಯೇ ಇರಲಿದ್ದಾರಂತೆ. ಅದಕ್ಕೆ ಕಾರಣ ಸಿನಿಮಾದ ಶೂಟ್.

ರಶ್ಮಿಕಾ ಮಂದಣ್ಣ ಅವರು ಅನೇಕ ರೀತಿಯ ಸಿನಿಮಾಗಳನ್ನು ಮಾಡಿದ್ದಾರೆ. ಈಗ ಅವರು ಹಾರರ್- ಕಾಮಿಡಿ ಸಿನಿಮಾನ ಒಪ್ಪಿಕೊಂಡಿದ್ದಾರೆ. ಇದಕ್ಕೆ ‘ಥಾಮಾ’ ಎನ್ನುವ ಟೈಟಲ್ ಇಡಲಾಗಿದೆ. ಕನ್ನಡದಲ್ಲಿ ರಶ್ಮಿಕಾ ಮಾಡಿದ್ದ ‘ಚಮಕ್’ ಹಿಟ್ ಆಯಿತು. ಇದು ಕಾಮಿಡಿ ಶೈಲಿಯಲ್ಲಿ ಮೂಡಿ ಬಂದಿತ್ತು. ‘ಗೀತ ಗೋವಿಂದಂ’ ಕೂಡ ಇದೇ ಸ್ಟೈಲ್​ನಲ್ಲಿ ಇತ್ತು. ಈಗ ಅವರ ಹೊಸ ಚಿತ್ರಕ್ಕೂ ಇದೇ ಥೀಮ್ ಒದಗಿಸಲಾಗಿದೆ ಎಂದು ಹೇಳಲಾಗುತ್ತಿದೆ. ಜೊತೆಗೆ ಹಾರರ್ ಅಂಶ ಕೂಡ ಇದೆ. ಈ ಸಿನಿಮಾಗೆ ಆಯುಷ್ಮಾನ್ ಖುರಾನಾ ಹೀರೋ ಆದರೆ, ಆದಿತ್ಯ ಸರ್ಪೋತ್​​ದಾರ್ ನಿರ್ದೇಶನ ಇದೆ.

ಇದನ್ನೂ ಓದಿ:ಜೀವನದಲ್ಲಿ ಇರೋ ಕೊನೆಯ ಆಸೆಯನ್ನು ಈಡೇರಿಸಿಕೊಂಡ ರಶ್ಮಿಕಾ ಮಂದಣ್ಣ

ಮೇ 25ರವರೆಗೆ ರಶ್ಮಿಕಾ ಮಂದಣ್ಣ ಅವರು ಊಟಿಯಲ್ಲಿ ಇರಲಿದ್ದಾರಂತೆ. ಸಿನಿಮಾದ ಕ್ಲೈಮ್ಯಾಕ್ಸ್, ಇಬ್ಬರ ನಡುವಿನ ರೊಮ್ಯಾಂಟಿಕ್ ದೃಶ್ಯಗಳು ಇಲ್ಲಿಯೇ ಶೂಟ್ ಆಗಲಿದೆ. ಸದ್ಯ ಈ ತಂಡವರು ಊಟಿಯ ದೊಡ್ಡ ಬೆಟ್ಟ, ನೀಲಗಿರಿ ಫಾರೆಸ್ಟ್ ಮೊದಲಾದ ಕಡೆಗಳಲ್ಲಿ ಶೂಟಿಂಗ್ ಮಾಡುತ್ತಿದೆ. ನವಾಜುದ್ದೀನ್ ಸಿದ್ಧಿಕಿ ಅವರು ಈ ಚಿತ್ರದಲ್ಲಿ ನಟಿಸುತ್ತಿದ್ದು, ಅವರ ಪಾತ್ರವು ಮಿಸ್ಟರಿಯಿಂದ ಕೂಡಿರಲಿದೆಯಂತೆ. ಮೇ ಮಧ್ಯದಲ್ಲಿ ಅವರು ಸಿನಿಮಾ ಶೂಟ್ ಸೇರಿಕೊಳ್ಳಲಿದ್ದಾರೆ.

ರಶ್ಮಿಕಾ ಮಂದಣ್ಣ ಅವರ ಊರು ಕೊಡಗು. ಹೈದರಾಬಾದ್-ಮುಂಬೈಗೆ ಹೋಲಿಕೆ ಮಾಡಿದರೆ ಮಡಿಕೇರಿ ಊಟಿಯಿಂದ ತುಂಬಾನೇ ಹತ್ತಿರ. ಹೀಗಾಗಿ, ಸಮಯ ಸಿಕ್ಕರೆ ಅವರು ಮನೆಗೆ ಹೋಗಿ ಬರುವ ಆಲೋಚನೆಯಲ್ಲೂ ಇದ್ದಾರೆ. ಈ ಕಾರಣಕ್ಕೆ ಅವರಿಗೆ ತುಂಬಾನೇ ಖುಷಿ ಇದೆ. ಇನ್ನು, ಈ ಚಿತ್ರದ ಕಥೆ ಹಂಪಿಯಲ್ಲೂ ಸಾಗಲಿದೆ ಎಂದು ಈ ಮೊದಲೇ ಹೇಳಲಾಗಿದೆ. ಅಲ್ಲಿಯೂ ಚಿತ್ರದ ಶೂಟ್ ನಡೆಯಲಿದೆ. ಈ ತಿಂಗಳ ಕೊನೆಯಲ್ಲಿ ಚಿತ್ರದ ಶೂಟ್ ಪೂರ್ಣಗೊಳ್ಳಲಿದೆ. ದೀಪಾವಳಿ ಸಂದರ್ಭದಲ್ಲಿ ಸಿನಿಮಾ ರಿಲೀಸ್ ಆಗಲಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ