ದಿವ್ಯಾ ಸುರೇಶ್ ವಿಚಾರಕ್ಕೆ ಬಿಕ್ಕಿ ಬಿಕ್ಕಿ ಅತ್ತ ಚಕ್ರವರ್ತಿ ಚಂದ್ರಚೂಡ್! ಇಡೀ ಮನೆಯೇ ಎಮೋಷನಲ್
Bigg Boss Kannada: ಚಕ್ರವರ್ತಿ ಚಂದ್ರಚೂಡ್ ಅವರು ಒಡೆದು ಆಳುವ ಬುದ್ಧಿಯವರು ಎಂದು ಎಲ್ಲರೂ ಬ್ರ್ಯಾಂಡ್ ಮಾಡಿದ್ದರು. ಅಂಥ ಗಟ್ಟಿಮನುಷ್ಯ ಈಗ ಚಿಕ್ಕ ಮಕ್ಕಳಂತೆ ಕಣ್ಣೀರು ಹಾಕಿದ್ದಾರೆ.
Updated on: Apr 13, 2021 | 3:11 PM
ಬಿಗ್ ಬಾಸ್ ಮನೆಯಲ್ಲಿ ದಿವ್ಯಾ ಸುರೇಶ್ ಅವರು ತಮ್ಮದೇ ಆದ ರೀತಿಯಿಂದ ಗುರುತಿಸಿಕೊಂಡಿದ್ದಾರೆ. ಟಾಸ್ಕ್ ವಿಚಾರದಲ್ಲಿ ಅವರು ತುಂಬ ಸ್ಟ್ರಾಂಗ್ ಆಗಿ ಪೈಪೋಟಿ ನೀಡುತ್ತಾರೆ. ಮಂಜು ಜೊತೆಗಿನ ಸ್ನೇಹ-ಪ್ರೀತಿಯ ಕಾರಣದಿಂದ ಹೆಚ್ಚು ಹೈಲೈಟ್ ಆಗುತ್ತಾರೆ. ಪ್ರಾಕ್ಟಿಕಲ್ ಆಗಿ ಆಲೋಚನೆ ಮಾಡುವುದರಿಂದ ಅವರು ಕೆಲವೊಮ್ಮೆ ಎಲ್ಲರ ನಿಷ್ಠುರ ಕೂಡ ಕಟ್ಟಿಕೊಳ್ಳಬೇಕಾಗಿದೆ. ಇಂಥ ದಿವ್ಯಾ ಸುರೇಶ್ ಅವರಿಂದಾಗಿ ಬಿಗ್ ಬಾಸ್ ಮನೆಯೊಳಗೆ ಪತ್ರಕರ್ತ, ಬರಹಗಾರ ಚಕ್ರವರ್ತಿ ಚಂದ್ರಚೂಡ್ ಅವರು ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ!
ವೈಲ್ಡ್ ಕಾರ್ಡ್ ಮೂಲಕ ದೊಡ್ಮನೆಗೆ ಕಾಲಿಟ್ಟವರು ಚಕ್ರವರ್ತಿ ಚಂದ್ರಚೂಡ್. ಬಿಗ್ ಬಾಸ್ಗೆ ಬಂದ ಮೊದಲ ದಿನವೇ ಅವರನ್ನು ಕಂಡು ಬಹುತೇಕರು ಕಂಗಾಲಾಗಿದ್ದರು. ಮಾತಿನಲ್ಲಿ ಎಂಥವರನ್ನಾದರೂ ಸೋಲಿಸಬಲ್ಲ ಅವರ ಚಾಕಚಕ್ಯತೆಗೆ ಎಲ್ಲರೂ ಅಚ್ಚರಿ ವ್ಯಕ್ತಪಡಿಸಿದ್ದರು. ದೊಡ್ಮನೆಯಲ್ಲಿರುವ ಗುಂಪುಗಾರಿಕೆಯನ್ನು ಒಡೆದುಹಾಕಲು ಚಂದ್ರಚೂಡ್ ಪ್ರಯುತ್ನಿಸಿದ್ದರು. ಹಾಗಾಗಿ ಅವರು ಒಡೆದು ಆಳುವ ಬುದ್ಧಿಯವರು ಎಂದು ಎಲ್ಲರೂ ಬ್ರ್ಯಾಂಡ್ ಮಾಡಿದ್ದರು. ಅಂಥ ಗಟ್ಟಿಮನುಷ್ಯ ಈಗ ಚಿಕ್ಕ ಮಕ್ಕಳಂತೆ ಕಣ್ಣೀರು ಹಾಕಿದ್ದಾರೆ.
ಇತ್ತೀಚೆಗೆ ಬಿಗ್ ಬಾಸ್ನಲ್ಲಿ ‘ಒಲವಿನ ಉಡುಗೊರೆ ಕೊಡಲೇನು’ ಎಂಬ ಟಾಸ್ಕ್ ನೀಡಲಾಗಿತ್ತು. ಬಿಗ್ ಬಾಸ್ನಲ್ಲಿ ತಮಗೆ ಇಷ್ಟವಾದ ಹುಡುಗಿಗೆ ಹುಡುಗರು ಬಲೂನ್ ನೀಡಬೇಕಿತ್ತು. ಆದಕ್ಕೆ ಚಕ್ರವರ್ತಿ ಚಂದ್ರಚೂಡ್ ಆಯ್ಕೆ ಮಾಡಿಕೊಂಡಿದ್ದು ದಿವ್ಯಾ ಸುರೇಶ್ ಅವರನ್ನು. ‘ಮರಳಿನ ಮೇಲೆ ಬರೆದ ಹೆಸರು ಯಾವತ್ತೂ ಶಾಶ್ವತವಲ್ಲ. ಅದು ಅಳಿಸಿ ಹೋಗುತ್ತಲೇ ಇರುತ್ತದೆ. ಹಾಗೆಯೇ ಪ್ರೀತಿಯಲ್ಲಿ ಎಷ್ಟೇ ಬಾರಿ ಸೋತರೂ ಮತ್ತೆ ಮತ್ತೆ ಪ್ರೀತಿಸುವುದನ್ನು ನಾನು ಜೀವಂತವಾಗಿರವವರೆಗೆ ಬಿಡುವುದಿಲ್ಲ. ಯಾಕೆಂದರೆ ಪ್ರೀತಿ ನನ್ನ ಶಕ್ತಿ’ ಎಂದು ದಿವ್ಯಾ ಬಗ್ಗೆ ಚಂದ್ರಚೂಡ್ ಮಾತು ಆರಂಭಿಸಿದರು.
‘ದಿವ್ಯಾ ಕೂಡ ನನ್ನ ಥರ ವೈಲ್ಡ್. ಮೇಲ್ನೋಟಕ್ಕೆ ಮೈಲ್ಡ್. ಆದರೆ ಮನಸ್ಸು ತುಂಬಾ ಚೈಲ್ಡ್. ಮಗುವಿನ ಥರ ಹಠ ಮಾಡ್ತಾಳೆ. ಪ್ರೀತಿಸುವವರಿಗೆ ಈ ಲಕ್ಷಣ ಇರುತ್ತದೆ. ದಿವ್ಯಾ ಸುರೇಶ್ನ ನೋಡಿದಾಗ ನನಗೆ ನನ್ನ ಮಗಳು ನೆನಪಾಗ್ತಾಳೆ. ಯಾಕೆಂದರೆ ನಾನು ಮತ್ತು ದಿವ್ಯಾ ಒಂದೇ ರೀತಿ ಸಾಗಿ ಬಂದಿದ್ದೇವೆ. ತಂದೆ-ತಾಯಿಯನ್ನು ದೂರ ಮಾಡಿಕೊಂಡಿದ್ವಿ. ನಾನು ಸಿಂಗಲ್ ಪೇರೆಂಟ್. ಅದರ ಕಷ್ಟ ನನಗೆ ಗೊತ್ತು. ನಾನು ಜೈಲಿಗೆ ಹೋದಾಗ ನನ್ನ ಮಗಳು ಬಂದು ನೋಡಿದ್ದಳು. ನನ್ನ ಮಗಳ ರೀತಿ ಇರುವ ದಿವ್ಯಾಗೆ ಈ ಬಲೂನ್ ಕೊಡುತ್ತೇನೆ’ ಎಂದು ಚಂದ್ರಚೂಡ್ ಸಿಕ್ಕಾಪಟ್ಟೆ ಅತ್ತುಬಿಟ್ಟರು.
ಚಂದ್ರವರ್ತಿ ಚಂದ್ರಚೂಡ್ ನೀಡಿದ ಬಲೂನ್ ಪಡೆದುಕೊಂಡು ದಿವ್ಯಾ ಸುರೇಶ್ ಕೂಡ ಬಿಕ್ಕಿ ಬಿಕ್ಕಿ ಅತ್ತರು. ಬಹಳ ವರ್ಷಗಳಿಂದ ತಂದೆಯಿಂದ ದೂರವಾಗಿ ದಿವ್ಯಾ ವಾಸಿಸುತ್ತಿದ್ದಾರೆ. ಈ ಬಗ್ಗೆ ಬಿಗ್ ಬಾಸ್ ಮನೆಯಲ್ಲಿ ಅವರು ಕೆಲವು ಬಾರಿ ಹೇಳಿಕೊಂಡಿದ್ದರು. ಈಗ ಚಕ್ರವರ್ತಿ ಚಂದ್ರಚೂಡ್ ಅವರಿಂದ ಮಗಳು ಎಂದು ಕರೆಸಿಕೊಂಡು ಅವರಿಗೆ ಆನಂದಬಾಷ್ಪಾ ಉಕ್ಕಿಬಂತು. ಅವರಿಗಿಂತಲೂ ಹೆಚ್ಚು ಅತ್ತಿದ್ದು ಚಂದ್ರಚೂಡ್. ಈ ಸಂದರ್ಭಕ್ಕೆ ಸಾಕ್ಷಿಯಾದ ಬಿಗ್ ಬಾಸ್ ಮನೆಯ ಇತರೆ ಸದಸ್ಯರು ಕೂಡ ಸಿಕ್ಕಾಪಟ್ಟೆ ಎಮೋಷನಲ್ ಆದರು.
ಇದನ್ನೂ ಓದಿ: ಬಿಗ್ ಬಾಸ್ ಮನೆಯಲ್ಲಿ 7ನೇ ವಾರ ಬಿಗ್ ಫೈಟ್! ಘಟಾನುಘಟಿಗಳೆಲ್ಲ ನಾಮಿನೇಟ್
ವೈಷ್ಣವಿಗೆ ತುರ್ತಾಗಿ ಗಂಡ ಬೇಕಂತೆ! ಬಿಗ್ ಬಾಸ್ ಮನೆಯಲ್ಲಿ ಸನ್ನಿಧಿಯ ಹೊಸ ಬೇಡಿಕೆ
