‘ಅನ್​ಲಾಕ್ ರಾಘವ’ ಸಿನಿಮಾ ಟ್ರೇಲರ್ ನೋಡಿ ಶುಭ ಹಾರೈಸಿದ ಸೆಲೆಬ್ರಿಟಿಗಳು

ಹೊಸ ಹೀರೋ ಮಿಲಿಂದ್ ಗೌತಮ್ ಅವರು ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ನೀಡುತ್ತಿದ್ದಾರೆ. ಮೊದಲ ಪ್ರಾಜೆಕ್ಟ್​ನಲ್ಲೇ ಅವರು ಡಿಫರೆಂಟ್ ಕಥೆ ಇರುವ ಸಿನಿಮಾವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಹೌದು, ಮಿಲಿಂದ್ ಗೌತಮ್ ನಟಿಸಿರುವ ‘ಅನ್​ಲಾಕ್ ರಾಘವ’ ಸಿನಿಮಾದ ಟ್ರೇಲರ್​ ಬಿಡುಗಡೆ ಆಗಿದ್ದು, ಪ್ರೇಕ್ಷಕರಲ್ಲಿ ಕೌತುಕ ಹೆಚ್ಚಿದೆ. ಸ್ಯಾಂಡಲ್​ವುಡ್​ ಸೆಲೆಬ್ರಿಟಿಗಳು ಕೂಡ ಈ ಸಿನಿಮಾದ ಟ್ರೇಲರ್​ ಬಗ್ಗೆ ಮಾತನಾಡುತ್ತಿದ್ದಾರೆ. ಕೋಮಲ್ ಕುಮಾರ್, ಧ್ರುವ ಸರ್ಜಾ ಮುಂತಾದವರು ‘ಅನ್​ಲಾಕ್ ರಾಘವ’ ಟ್ರೇಲರ್​ ಕಂಡು ಭೇಷ್ ಎಂದಿದ್ದಾರೆ.

‘ಮಯೂರ ಮೋಷನ್ ಪಿಕ್ಚರ್ಸ್​’ ಮೂಲಕ ‘ಅನ್​ಲಾಕ್ ರಾಘವ’ ಸಿನಿಮಾ ನಿರ್ಮಾಣ ಆಗಿದೆ. ಮಂಜುನಾಥ ಡಿ. ಹಾಗೂ ಗಿರೀಶ್ ಕುಮಾರ್​ ಅವರು ಬಂಡವಾಳ ಹೂಡಿದ್ದಾರೆ. ದೀಪಕ್ ಮಧುವನಹಳ್ಳಿ ಅವರು ಈ ಸಿನಿಮಾಗೆ ನಿರ್ದೇಶನ ಮಾಡಿದ್ದಾರೆ. ಫೆಬ್ರವರಿ 7ರಂದು ಈ ಸಿನಿಮಾ ತೆರೆಕಾಣಲಿದೆ. ಈಗ ಭರ್ಜರಿಯಾಗಿ ಪ್ರಚಾರ ಮಾಡಲಾಗುತ್ತಿದೆ.

‘ಅನ್​ಲಾಕ್ ರಾಘವ’ ಸಿನಿಮಾದಲ್ಲಿ ಮಿಲಿಂದ್ ಗೌತಮ್ ಅವರಿಗೆ ಜೋಡಿಯಾಗಿ ರೇಚಲ್ ಡೇವಿಡ್ ಅವರು ನಟಿಸಿದ್ದಾರೆ. ‘ಲವ್​ ಮಾಕ್ಟೇಲ್​ 2’ ಸಿನಿಮಾದಲ್ಲಿ ಗಮನ ಸೆಳೆದಿದ್ದ ರೇಚಲ್ ಅವರು ಈಗ ‘ಅನ್​ಲಾಕ್ ರಾಘವ’ ಚಿತ್ರದ ಮೂಲಕ ಮನರಂಜನೆ ನೀಡಲು ಬರುತ್ತಿದ್ದಾರೆ. ಸಿನಿಮಾ ಕಥೆ ಏನು ಎಂಬುದರ ಸುಳಿವನ್ನು ಟ್ರೇಲರ್​ನಲ್ಲಿ ನೀಡಲಾಗಿದೆ. ಈ ಟ್ರೇಲರ್​ ನೋಡಿ ಕೋಮಲ್, ಧ್ರುವ ಸರ್ಜಾ, ರಾಮಲಿಂಗ ರೆಡ್ಡಿ ಮುಂತಾದವರು ಮೆಚ್ಚಿಕೊಂಡಿದ್ದಾರೆ.

‘ಅನ್​ಲಾಕ್ ರಾಘವ’ ಟ್ರೇಲರ್​:

‘ಮಿಲಿಂದ್ ಅವರು ಹೊಸದಾಗಿ ಪರಿಚಯ ಆಗುತ್ತಿದ್ದಾರೆ. ಈ ಸಿನಿಮಾವನ್ನು ನೋಡುವ ಮೂಲಕ ಹೊಸ ಪ್ರತಿಭೆಗಳನ್ನು ಪ್ರೋತ್ಸಾಹಿಸಿ’ ಎಂದು ಕೋಮಲ್ ಹೇಳಿದ್ದಾರೆ. ‘ಒಳ್ಳೆಯ ಟ್ರೇಲರ್​ ನೋಡಿದೆ. ಇದರಲ್ಲಿ ವಿಶೇಷವಾದ ಐಡಿಯಾ ಇದೆ. ಹೊಸ ಕಲಾವಿದರ ಜೊತೆ ಸಾಕಷ್ಟು ಹಿರಿಯ ನಟರು ಈ ಚಿತ್ರದಲ್ಲಿ ನಟಿಸಿದ್ದಾರೆ. ಇಡೀ ತಂಡಕ್ಕೆ ಆಲ್​ ದ ಬೆಸ್ಟ್​’ ಎಂದು ಧ್ರುವ ಸರ್ಜಾ ಹೇಳಿದ್ದಾರೆ.

ಇದನ್ನೂ ಓದಿ: ‘ನನಗೇ ಅವಾರ್ಡ್ ಸಿಕ್ಕಷ್ಟು ಖುಷಿ ಇದೆ’; ಬಿಗ್ ಬಾಸ್ ವೇದಿಕೆ ಮೇಲೆ ಅನಂತ್ ನಾಗ್​ ನೆನೆದ ಸುದೀಪ್

ಈ ಸಿನಿಮಾದ ಟ್ರೇಲರ್​ನಲ್ಲಿ ಆ್ಯಕ್ಷನ್​, ಥ್ರಿಲ್ಲರ್​, ಕಾಮಿಡಿ, ಲವ್​ಸ್ಟೋರಿಯ ಝಲಕ್ ಕಾಣಿಸಿದೆ. ಆ್ಯಕ್ಷನ್ ಮೂಲಕ ಮಿಲಿಂದ್ ಗಮನ ಸೆಳೆಯುತ್ತಿದ್ದಾರೆ. ಮನರಂಜನೆಯ ಪೂರ್ತಿ ಪ್ಯಾಕೇಜ್ ಹೇಗಿದೆ ತಿಳಿಯಲು ಫೆಬ್ರವರಿ 7ರಂದು ಸಿನಿಮಾ ನೋಡಬೇಕು. ಶೋಭರಾಜ್, ಅವಿನಾಶ್, ಸಾಧುಕೋಕಿಲ ಮುಂತಾದ ಕಲಾವಿದರು ಈ ಸಿನಿಮಾದಲ್ಲಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 10:05 pm, Mon, 27 January 25