ವರ್ಕೌಟ್​ನಿಂದ ಚಾರಿಟಿವರೆಗೆ; ಇದು ‘ಐರಾವನ್​’ ನಟ ಜೆಕೆ ಲಾಕ್​ಡೌನ್​ ದಿನಚರಿ

ಲಾಕ್​ಡೌನ್​ ಆಗಿರುವುದರಿಂದ ಯಾವುದೇ ಜಿಮ್​ಗಳಿಗೆ ತೆರಳಲು ಸಾಧ್ಯವಾಗುತ್ತಿಲ್ಲ. ಕಳೆದ ವರ್ಷ ಲಾಕ್​ಡೌನ್​ ಆದಾಗಲೇ ನಟ ಜೆಕೆ ತಮ್ಮ ಮನೆಯಲ್ಲಿ ಚಿಕ್ಕ ಜಿಮ್​ ಸೆಟಪ್​ ಮಾಡಿಕೊಂಡಿದ್ದರು. ಈಗ ಪ್ರತಿದಿನ ಎರಡು ಹೊತ್ತು ಅದರಲ್ಲಿ ಅವರು ವರ್ಕೌಟ್​ ಮಾಡುತ್ತಿದ್ದಾರೆ.

ವರ್ಕೌಟ್​ನಿಂದ ಚಾರಿಟಿವರೆಗೆ; ಇದು ‘ಐರಾವನ್​’ ನಟ ಜೆಕೆ ಲಾಕ್​ಡೌನ್​ ದಿನಚರಿ
ನಟ ಕೆಜೆ (ಕಾರ್ತಿಕ್ ಜಯರಾಮ್)

ಸಿನಿಮಾ ಚಟುವಟಿಕೆಗಳ ಸಲುವಾಗಿ ಸದಾ ಕಾಲ ಹೊರಗೆ ಇರುತ್ತಿದ್ದ ಸೆಲೆಬ್ರಿಟಿಗಳೆಲ್ಲ ಈಗ ಲಾಕ್​ಡೌನ್​ ಪರಿಣಾಮ ಮನೆಯಲ್ಲೇ ಇದ್ದಾರೆ. ಈ ಸಂದರ್ಭದಲ್ಲಿ ಒಬ್ಬೊಬ್ಬರ ದಿನಚರಿ ಒಂದೊಂದು ರೀತಿ ಇದೆ. ಸಿಕ್ಕಿರುವ ಸಮಯವನ್ನು ಬೇರೆ ಬೇರೆ ರೀತಿಯಲ್ಲಿ ಬಳಕೆ ಮಾಡಿಕೊಳ್ಳುತ್ತಿದ್ದಾರೆ. ಎಲ್ಲರೂ ಅನೇಕ ಕಾರ್ಯಗಳಲ್ಲಿ ತೊಡಗಿಕೊಂಡಿದ್ದಾರೆ. ಜನಪ್ರಿಯ ನಟ ಕೆಜೆ (ಕಾರ್ತಿಕ್​ ಜಯರಾಮ್​) ಕೂಡ ತಮ್ಮದೇ ಆದಂತಹ ದಿನಚರಿ ರೂಢಿಸಿಕೊಂಡಿದ್ದಾರೆ. ಸೀರಿಯಲ್​ ಮತ್ತು ಸಿನಿಮಾ ಎರಡೂ ಕ್ಷೇತ್ರದಲ್ಲಿ ಗುರುತಿಸಿಕೊಂಡಿರುವ ಅವರಿಗೆ ಫಿಟ್​ನೆಸ್ ಬಗ್ಗೆ ಅಪಾರ ಆಸಕ್ತಿ. ಅದಕ್ಕೂ ಕೂಡ ಈ ಲಾಕ್​ಡೌನ್​ನಲ್ಲಿ ಸಮಯ ಮೀಸಲಿರಿಸಿದ್ದಾರೆ.

 

ಮನೆಯಲ್ಲೇ ಜಿಮ್​ ಸೆಟಪ್​

ಜೆಕೆ ಎಂದಿಗೂ ವರ್ಕೌಟ್​ ತಪ್ಪಿಸುವವರಲ್ಲ. ದೇಹವನ್ನು ಫಿಟ್​ ಆಗಿಟ್ಟುಕೊಳ್ಳಲು ಅವರು ಸದಾ ಸಮಯ ನೀಡುತ್ತಾರೆ. ಆದರೆ ಲಾಕ್​ಡೌನ್​ ಆಗಿರುವುದರಿಂದ ಯಾವುದೇ ಜಿಮ್​ಗಳಿಗೆ ತೆರಳಲು ಸಾಧ್ಯವಾಗುತ್ತಿಲ್ಲ. ಕಳೆದ ವರ್ಷ ಲಾಕ್​ಡೌನ್​ ಆದಾಗಲೇ ಮನೆಯಲ್ಲಿ ಚಿಕ್ಕ ಜಿಮ್​ ಸೆಟಪ್​ ಮಾಡಿಕೊಂಡಿದ್ದರು. ಈಗ ಪ್ರತಿದಿನ ಎರಡು ಹೊತ್ತು ಅದರಲ್ಲಿ ಅವರು ವರ್ಕೌಟ್​ ಮಾಡುತ್ತಿದ್ದಾರೆ. ಇದರ ಜೊತೆಗೆ ಈ ಸಮಯದಲ್ಲಿ ಉಸಿರಾಟದ ವ್ಯಾಯಾಮಗಳು ಕೂಡ ತುಂಬ ಮುಖ್ಯ ಎಂಬುದು ಜೆಕೆ ಅಭಿಪ್ರಾಯ.

ಚಾರಿಟಿ ಕೆಲಸಗಳಲ್ಲಿ ಜೆಕೆ ಭಾಗಿ

ಜೆಕೆ ನಟಿಸುತ್ತಿರುವ ಐರಾವನ್​ ಸಿನಿಮಾತಂಡದಿಂದ ಅನೇಕ ಸಮಾಜಮುಖಿ ಕೆಲಸಗಳನ್ನು ಮಾಡಲಾಗುತ್ತಿದೆ. ಅವುಗಳಲ್ಲಿ ಜೆಕೆ ಭಾಗಿ ಆಗುತ್ತಿದ್ದಾರೆ. ಇತ್ತೀಚೆಗಷ್ಟೇ ಐರಾವನ್​ ಸಿನಿಮಾ ನಿರ್ಮಾಪಕ ಡಾ. ನಿರಂತರ ಗಣೇಶ್​ ಅವರು ಬ್ಯಾಟರಾಯನಪುರ ವ್ಯಾಪ್ತಿಗೆ ಒಂದು ಆಕ್ಸಿಜನ್​ ಸಹಿತ ಆ್ಯಂಬುಲೆನ್ಸ್​ ನೀಡಿದರು. ಜೊತೆಗೆ ಸಾವಿರಾರು ಮೆಡಿಸಿನ್​ ಕಿಟ್​ಗಳನ್ನು ವಿತರಿಸಲಾಯಿತು. ಇಂತಹ ಕಾರ್ಯಗಳಲ್ಲಿ ತಮ್ಮ ತಂಡದ ಜೊತೆ ಸೇರಿಕೊಂಡು ಜೆಕೆ ಕೂಡ ಭಾಗಿ ಆಗುತ್ತಿದ್ದಾರೆ.

ವೆಬ್​ ಸಿರೀಸ್, ಸಿನಿಮಾ​ ನೋಡೋಕೆ ಸಮಯ ಸಿಕ್ಕಿದೆ

ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಶೂಟಿಂಗ್​ ಮುಂತಾದ ಚಟುವಟಿಕೆಗಳಲ್ಲಿ ಬ್ಯುಸಿ ಇದ್ದಾಗ ತಮ್ಮಿಷ್ಟದ ಸಿನಿಮಾ, ವೆಬ್​ ಸಿರೀಸ್​ ನೋಡಲು ಸಮಯ ಸಿಕ್ಕಿರುವುದಿಲ್ಲ. ಆದರೆ ಈಗ ಲಾಕ್​ಡೌನ್​ ಇರುವುದರಿಂದ ಅವುಗಳನ್ನು ನೋಡಲು ಜೆಕೆಗೆ ಸಾಧ್ಯವಾಗುತ್ತಿದೆ. ಎಲ್ಲ ಭಾಷೆಯ ಕಂಟೆಂಟ್​ಗಳನ್ನು ನೋಡುವುದರಿಂದ ನಟರಿಗೆ ಸಹಾಯವಾಗುತ್ತದೆ ಎಂಬುದು ಜೆಕೆ ಅಭಿಪ್ರಾಯ.

ಐರಾವನ್​ ಚಿತ್ರಕ್ಕೆ ಪೋಸ್ಟ್​ ಪ್ರೊಡಕ್ಷನ್​

ಲಾಕ್​ಡೌನ್​ ಶುರುವಾಗುವುದಕ್ಕೂ ಮುನ್ನ ಐರಾವನ್​ ಸಿನಿಮಾದ ಶೂಟಿಂಗ್​ ಪೂರ್ಣಗೊಂಡಿತ್ತು. ಈಗ ಪೋಸ್ಟ್​ ಪ್ರೊಡಕ್ಷನ್​ ಕೆಲಸಗಳು ನಡೆಯುತ್ತಿವೆ. ಈಗ ಸಿಕ್ಕಿರುವ ಸಮಯದಲ್ಲಿ ಚಿತ್ರವನ್ನು ಇನ್ನಷ್ಟು ಇಂಪ್ರೂವೈಸ್​ ಮಾಡುವ ಬಗ್ಗೆ ತಂಡ ಯೋಚಿಸುತ್ತಿದೆ. ಪ್ರಮೋಷನ್​ಗೆ ಹೊಸ ಹೊಸ ಐಡಿಯಾಗಳನ್ನು ಮಾಡಲು ಚಿತ್ರತಂಡಕ್ಕೆ ಸಮಯ ಸಿಕ್ಕಂತಾಗಿದೆ. ಈ ಸಿನಿಮಾಗೆ ರಾಮ್ಸ್​ ರಂಗ ನಿರ್ದೇಶನ ಮಾಡಿದ್ದು, ಅದ್ವಿತಿ ಶೆಟ್ಟಿ ಮತ್ತು ವಿವೇಕ್​ ಕೂಡ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ.

ಮನೆಯೊಳಗೆ ಇರುವುದೇ ಉತ್ತಮ ಕೆಲಸ

ಈ ಸಮಯದಲ್ಲಿ ಎಲ್ಲರೂ ಮನೆಯಲ್ಲಿ ಸೇಫ್​ ಆಗಿರಬೇಕು. ಈ ವಿಚಾರದಲ್ಲಿ ಸೆಲೆಬ್ರಿಟಿಗಳು ಮಾದರಿಯಾಗಿ ಇರಬೇಕು. ಆಗ ಅವರ ಫ್ಯಾನ್ಸ್​ ಕೂಡ ಬೇಕಾಬಿಟ್ಟಿ ತಿರುಗಾಡುವುದಿಲ್ಲ. ಆ ಕಾರಣಕ್ಕಾಗಿ ಜೆಕೆ ಮನೆಯಲ್ಲೇ ಇರುವ ಮೂಲಕ ಲಾಕ್​ಡೌನ್​ ನಿಯಮಗಳನ್ನು ಪಾಲಿಸುತ್ತಿದ್ದಾರೆ. ತಮ್ಮ ಅಭಿಮಾನಿಗಳಿಗೂ ಮಾದರಿ ಆಗಿದ್ದಾರೆ.

 

View this post on Instagram

 

A post shared by Karthik Jayaram (@karthik.jayaram)

ಬಾಲಿವುಡ್​ ಸಿನಿಮಾದಲ್ಲಿ ಜೆಕೆ

ಕ್ರಿಕೆಟರ್​ ಮಿಥಾಲಿ ರಾಜ್​ ಅವರ ಬಯೋಪಿಕ್​ ಸಿದ್ಧವಾಗಲಿದೆ. ಅದರಲ್ಲಿ ತಾಪ್ಸಿ ಪನ್ನು ಅವರು ಮಿಥಾಲಿ ರಾಜ್​ ಪಾತ್ರವನ್ನು ಮಾಡಲಿದ್ದಾರೆ. ಆ ಚಿತ್ರದಲ್ಲಿ ಜೆಕೆ ಕೂಡ ಒಂದು ಮುಖ್ಯ ಪಾತ್ರವನ್ನು ನಿಭಾಯಿಸಲಿದ್ದಾರೆ. ಲಾಕ್​ಡೌನ್​ ಮುಗಿಯುತ್ತಿದ್ದಂತೆಯೇ ಅದರ ಶೂಟಿಂಗ್​ ಪುನಾರಂಭ ಆಗಲಿದೆ. ಅದರಲ್ಲಿ ಭಾಗವಹಿಸಲು ಜೆಕೆ ಕಾಯುತ್ತಿದ್ದಾರೆ. ಇದು ಬಾಲಿವುಡ್​ನಲ್ಲಿ ಅವರ ಎರಡನೇ ಸಿನಿಮಾ. ಈ ಹಿಂದೆ ‘ಪುಷ್ಪಾ ಐ ಹೇಟ್​ ಟಿಯರ್ಸ್​’ ಸಿನಿಮಾದಲ್ಲಿ ಅವರು ನಟಿಸಿದ್ದರು.

ಇದನ್ನೂ ಓದಿ:

ಆಕ್ಸಿಜನ್ ಸಹಿತ ಆ್ಯಂಬುಲೆನ್ಸ್​ ನೀಡಿ ಕೊವಿಡ್​ ಸೋಂಕಿತರಿಗೆ ನೆರವಾದ ಜೆಕೆ ನಟನೆಯ ಐರಾವನ್​ ಚಿತ್ರತಂಡ

Adhvithi Shetty: ಮಾನಸಿಕ ಆರೋಗ್ಯ​ ಕಾಪಾಡಿಕೊಳ್ಳೋಕೆ ನಟಿ ಅದ್ವಿತಿ ಶೆಟ್ಟಿ ಕೊಟ್ರು ಟಿಪ್ಸ್​