ಬಿಗ್ ಬಾಸ್ನಲ್ಲಿ ಅರವಿಂದ್-ದಿವ್ಯಾ ಉರುಡುಗ ಜೋಡಿ ನೋಡಿ ಮನೆ ಮಂದಿ ಹೇಳಿದ್ದು ಒಂದೇ ಮಾತು
ಬಿಗ್ ಬಾಸ್ ಫಿನಾಲೆ ವೀಕ್ನಲ್ಲಿ ಒಂದು ಕೋರಿಕೆಯನ್ನು ಈಡೇರಿಸುವುದಾಗಿ ಮನೆ ಮಂದಿಗೆ ಹೇಳಿದ್ದರು. ಈ ವೇಳೆ ದಿವ್ಯಾ ಅವರು ಅರವಿಂದ್ ಕೆಪಿ ಮನೆ ಒಳಗೆ ಬರಲಿ ಎಂದು ಕೋರಿದ್ದರು. ದಿವ್ಯಾ ಕೋರಿಕೆಯಂತೆ ಅರವಿಂದ್ ಮನೆ ಒಳಗೆ ಬಂದರು.
Updated on: Dec 29, 2022 | 2:39 PM
‘ಬಿಗ್ ಬಾಸ್ ಕನ್ನಡ ಸೀಸನ್ 9’ರ (BBK 9) ಫಿನಾಲೆಗೆ ಕ್ಷಣಗಣನೆ ಶುರುವಾಗಿದೆ. ಈ ಬಾರಿ ಕಪ್ ಗೆಲ್ಲೋದು ಯಾರು ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿ ಮೂಡಿದೆ. ಎಂದಿನಂತೆ ಕಿಚ್ಚ ಸುದೀಪ್ (Kichcha Sudeep) ಅವರು ಬಿಗ್ ಬಾಸ್ ಫಿನಾಲೆ ಎಪಿಸೋಡ್ ನಡೆಸಿಕೊಡಲಿದ್ದಾರೆ. ಬಿಗ್ ಬಾಸ್ ಫಿನಾಲೆ ವಾರದಲ್ಲಿ ಸ್ಪರ್ಧಿಗಳಿಗೆ ಒಂದಷ್ಟು ಸರ್ಪ್ರೈಸ್ ನೀಡಲಾಗುತ್ತಿದೆ. ದಿವ್ಯಾ ಉರುಡುಗ ಅವರ ಕೋರಿಕೆಯಂತೆ ಈ ಬಾರಿ ಅರವಿಂದ್ ಕೆಪಿ ಅವರನ್ನು ದೊಡ್ಮನೆ ಒಳಗೆ ಕಳುಹಿಸಲಾಯಿತು. ಈ ಜೋಡಿಯನ್ನು ನೋಡಿ ಮನೆ ಮಂದಿ ಸಖತ್ ಖುಷಿಪಟ್ಟರು.
ದಿವ್ಯಾ ಉರುಡುಗ ಹಾಗೂ ಅರವಿಂದ್ ಕೆಪಿ ‘ಕನ್ನಡ ಬಿಗ್ ಬಾಸ್ ಸೀಸನ್ 8’ರಲ್ಲಿ ಮೊದಲ ಬಾರಿಗೆ ಭೇಟಿ ಆದರು. ಇವರ ಮಧ್ಯೆ ಫ್ರೆಂಡ್ಶಿಪ್ ಬೆಳೆಯಿತು. ಫ್ರೆಂಡ್ಶಿಪ್ ಬಳಿಕ ಪ್ರೀತಿಗೆ ತಿರುಗಿದೆ. ಇದನ್ನು ಈ ಜೋಡಿ ಒಪ್ಪಿಕೊಂಡಿಲ್ಲ. ಆದರೆ, ಪರೋಕ್ಷವಾಗಿ ಪ್ರೀತಿ ವಿಚಾರವನ್ನು ಇವರು ಹೇಳುತ್ತಲೇ ಇರುತ್ತಾರೆ. ಈ ಬಾರಿ ದಿವ್ಯಾ ಅವರು ಅರವಿಂದ್ ಇಲ್ಲದೆ ಬಿಗ್ ಬಾಸ್ಗೆ ಬಂದಿದ್ದರು. ಆರಂಭದಲ್ಲಿ ಡಲ್ ಇದ್ದ ಅವರು ನಂತರ ತಮ್ಮ ನಿಜವಾದ ಆಟ ತೋರಿಸಿದರು.
ಬಿಗ್ ಬಾಸ್ ಫಿನಾಲೆ ವೀಕ್ನಲ್ಲಿ ಒಂದು ಕೋರಿಕೆಯನ್ನು ಈಡೇರಿಸುವುದಾಗಿ ಮನೆ ಮಂದಿಗೆ ಹೇಳಿದ್ದರು. ಈ ವೇಳೆ ದಿವ್ಯಾ ಅವರು ಅರವಿಂದ್ ಕೆಪಿ ಮನೆ ಒಳಗೆ ಬರಲಿ ಎಂದು ಕೋರಿದ್ದರು. ದಿವ್ಯಾ ಕೋರಿಕೆಯಂತೆ ಅರವಿಂದ್ ಮನೆ ಒಳಗೆ ಬಂದರು. ಎಲ್ಲರ ಜತೆ ಸಂತೋಷದ ಕ್ಷಣವನ್ನು ಕಳೆದು ಹೋದರು.
ಇದನ್ನೂ ಓದಿ: Divya Uruduga: ದಿವ್ಯಾ ಉರುಡುಗ ಸಲುವಾಗಿ ಅಭಿಮಾನಿಗಳ ಬಳಿ ವಿಶೇಷ ಮನವಿ ಮಾಡಿದ ಅರವಿಂದ್ ಕೆಪಿ
ಅರವಿಂದ್ ಕೆಪಿ ಬಂದು ಹೋದ ನಂತರದಲ್ಲಿ ದಿವ್ಯಾ ಅವರಲ್ಲಿ ಉತ್ಸಾಹ ಕಂಡುಬಂತು. ‘ನೀವು ಬೆಸ್ಟ್ ಕಪಲ್’ ಎಂದು ಒಂದೇ ಮಾತಲ್ಲಿ ಈ ಜೋಡಿ ಬಗ್ಗೆ ದೀಪಿಕಾ ದಾಸ್ ಮೆಚ್ಚುಗೆ ಸೂಚಿಸಿದರು. ರೂಪೇಶ್ ಶೆಟ್ಟಿ ಕೂಡ ಅರವಿಂದ್ನ ಭೇಟಿ ಮಾಡಿ ಖುಷಿ ಆದರು. ‘ಅರವಿಂದ್ ತುಂಬಾ ಗಂಭೀರವಾಗಿ ಇರುತ್ತಾರೆ ಎಂದುಕೊಂಡಿದ್ದೆ. ಆದರೆ, ಅವರು ಇಷ್ಟು ಫನ್ನಿಯಾಗಿ ಇರುತ್ತಾರೆ ಎಂದು ಗೊತ್ತಿರಲಿಲ್ಲ. ನನ್ನನ್ನೇ ನೋಡಿದಂತೆ ಆಯ್ತು’ ಎಂದು ರೂಪೇಶ್ ಹೇಳಿದರು.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
