ಬಿಗ್ಬಾಸ್: ಮನೆ ಒಳಗೆ ಹೋಗುವ ಮುನ್ನವೇ ಎಲಿಮಿನೇಷನ್: ಏನಿದು ಹೊಸ ಆಟ
Bigg Boss 10: ಬಿಗ್ಬಾಸ್ ಕನ್ನಡ ಸೀಸನ್ 10 ಇಂದು (ಅಕ್ಟೋಬರ್ 08) ಆರಂಭಗೊಳ್ಳಲಿದೆ. ಬಿಗ್ಬಾಸ್ ಮನೆ ಪ್ರವೇಶಿಸುವ ಮೊದಲೇ ಸ್ಪರ್ಧಿಗಳು ಎಲಿಮಿನೇಶನ್ ಎದುರಿಸಲಿದ್ದಾರೆ.
ಬಿಗ್ಬಾಸ್ (Bigg Boss) ಕನ್ನಡ 10ನೇ ಸೀಸನ್ ಇಂದಿನಿಂದ (ಅಕ್ಟೋಬರ್ 08) ಪ್ರಸಾರ ಆರಂಭಿಸಲಿದೆ. ಬಿಗ್ಬಾಸ್ ಉದ್ಘಾನೆ ಕಾರ್ಯಕ್ರಮದ ಚಿತ್ರೀಕರಣ ಈಗಾಗಲೇ ಮಾಡಲಾಗಿದೆ, ಅಂತೆಯೇ ಬಿಗ್ಬಾಸ್ ಉದ್ಘಾಟನೆ ಕಾರ್ಯಕ್ರಮದ ಪ್ರೋಮೋಗಳನ್ನು ಸಹ ಕಲರ್ಸ್ ವಾಹಿನಿ ಹಂಚಿಕೊಂಡಿದೆ. ಮನೆಯ ಒಳಗೆ ಹೋಗಲಿರುವ ಕೆಲವು ಸ್ಪರ್ಧಿಗಳ ಮಾಹಿತಿ ಪ್ರೋಮೋದಿಂದ ಬಹಿರಂಗವಾಗಿದೆ. ಮಾತ್ರವಲ್ಲದೆ, ಟಾಸ್ಕ್ ಒಂದನ್ನು ಎದುರಿಸಿ ಗೆದ್ದವರಷ್ಟೆ ಈ ಬಾರಿ ಬಿಗ್ಬಾಸ್ ಮನೆ ಪ್ರವೇಶ ಮಾಡಲಿರುವುದು ವಿಶೇಷ.
ಹೌದು, ಸ್ಪರ್ಧಿಗಳನ್ನು ಬಿಗ್ಬಾಸ್ ಮನೆಯ ಒಳಗೆ ಬಿಡುವ ಮೊದಲು ಅವರಿಗೊಂದು ಟಾಸ್ಕ್ ಇರಲಿದೆ. ಇದು ಬಿಗ್ಬಾಸ್ ಮನೆಯ ಒಳಗೆ ನಡೆಯುವ ಟಾಸ್ಕ್ಗಳ ರೀತಿಯಾದದ್ದಲ್ಲ. ಯಾವುದೇ ಸ್ಪರ್ಧಿ ಬಿಗ್ಬಾಸ್ ಮನೆಯ ಒಳಗೆ ಹೋಗಲು ಅರ್ಹರೇ ಅಥವಾ ಅಲ್ಲವೇ ಎಂಬುದನ್ನು ಕಾರ್ಯಕ್ರಮದಲ್ಲಿ ಹಾಜರಿದ್ದ ಜನರೇ ನಿರ್ಣಯ ಮಾಡುತ್ತಾರೆ. ಜನರ ಮತ ಪಡೆದ ಸ್ಪರ್ಧಿಗಳು ಮಾತ್ರವೇ ಬಿಗ್ಬಾಸ್ ಮನೆ ಪ್ರವೇಶಿಸಲಿದ್ದಾರೆ.
ಟ್ವಿಸ್ಟ್ ಟ್ವಿಸ್ಟ್ & ಟ್ವಿಸ್ಟ್; ಯಾರು ಒಳಗೆ, ಯಾರು ಹೊರಗೆ?
ಬಿಗ್ ಬಾಸ್ | GRAND PREMIERE ಇಂದು ಸಂಜೆ 6 | ಪ್ರತಿ ರಾತ್ರಿ 9:30 #BBK10 #HappyBiggBoss #KichchaSudeepa #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/jJDQIXpzI6
— Colors Kannada (@ColorsKannada) October 8, 2023
ಪ್ರತಿ ಸ್ಪರ್ಧಿಯೂ ಬಿಗ್ಬಾಸ್ ಮನೆಯ ಒಳಗೆ ಹೋಗಬಹುದೇ ಬೇಡವೇ ಎಂದು ಜನರು ಮತ ಹಾಕುತ್ತಾರೆ. ಯಾವ ಸ್ಪರ್ಧಿ 40% ಗೂ ಹೆಚ್ಚು ಮತಗಳನ್ನು ಗಳಿಸುತ್ತಾನೆಯೋ ಆ ಸ್ಪರ್ಧಿ ಮಾತ್ರವೇ ಬಿಗ್ಬಾಸ್ ಮನೆಯ ಒಳಗೆ ಹೋಗಲು ಅರ್ಹನಾಗುತ್ತಾನೆ. ಕಲರ್ಸ್ ವಾಹಿನಿ ಇದೀಗ ಬಿಡುಗಡೆ ಮಾಡಿರುವ ಪ್ರಮೋನಲ್ಲಿ ಬುಲೆಟ್ ಪ್ರಕಾಶ್ ಪುತ್ರ ರಕ್ಷಕ್, ಡ್ರೋನ್ ಪ್ರತಾಪ್ ಹಾಗೂ ಮಾಲೂರು ಸಂತೋಶ್ ಅವರುಗಳು ಬಿಗ್ಬಾಸ್ ವೇದಿಕೆ ಮೇಲೆ ಕಾಣಿಸಿಕೊಂಡಿದ್ದಾರೆ. ಈ ಮೂವರಲ್ಲಿ ಜನರ ಮತಗಳನ್ನು ಪಡೆದು ಬಿಗ್ಬಾಸ್ ಮನೆಯ ಒಳಗೆ ಹೋಗುವವರು ಯಾರು? ವೇದಿಕೆಯಿಂದಲೇ ಹೊರಕ್ಕೆ ನಿರ್ಗಮಿಸುವವರು ಯಾರು ಎಂಬುದು ಎಪಿಸೋಡ್ ನೋಡಿದ ಬಳಿಕವಷ್ಟೆ ತಿಳಿಯಲಿದೆ. ದಿನದ 24 ಗಂಟೆಯೂ ಜಿಯೋ ಸಿನಿಮಾ ಒಟಿಟಿ ಮೂಲಕ ಬಿಗ್ ಬಾಸ್ ಪ್ರಸಾರ ಕಾಣುತ್ತಿದ್ದು, ಇದನ್ನು ಉಚಿತವಾಗಿ ವೀಕ್ಷಿಸಬಹುದು.
ಬಿಗ್ಬಾಸ್ 10ನೇ ಸೀಸನ್ ಇಂದು ಆರಂಭಗೊಳ್ಳಲಿದ್ದು, ಈ ಹಿಂದಿನ ಸೀಸನ್ಗಳ ಮಾದರಿಯಲ್ಲಿ ಸುದೀಪ್ ಅವರೇ ಈ ಸೀಸನ್ ಅನ್ನು ನಿರೂಪಣೆ ಮಾಡಲಿದ್ದಾರೆ. ಪತ್ರಕರ್ತ ಗೌರೀಶ್ ಅಕ್ಕಿ, ಉರಗ ತಜ್ಞ ಸ್ನೇಕ್ ಶ್ಯಾಮ್, ಸಮಾಜ ಸೇವಕ ವರ್ತೂರು ಸಂತೋಶ್, ಡ್ರೋನ್ ಪ್ರತಾಪ್, ಇಶಾನಿ, ಚಾರ್ಲಿ ಸಿನಿಮಾದಲ್ಲಿ ನಟಿಸಿದ್ದ ನಾಯಿ, ಬುಲೆಟ್ ಪ್ರಕಾಶ್ ಪುತ್ರ ರಕ್ಷಕ್, ನೀತು ಶೆಟ್ಟಿ ಅವರುಗಳು ಈ ಬಾರಿ ಬಿಗ್ಬಾಸ್ ಮನೆ ಪ್ರವೇಶಿಸಲಿದ್ದಾರೆ ಎನ್ನಲಾಗುತ್ತಿದೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 3:36 pm, Sun, 8 October 23
