ಮತ್ತೆ ಶುರುವಾಯ್ತು ಶಾರ್ಕ್ ಟ್ಯಾಂಕ್, ಈ ಬಾರಿ ಹೊಸ ಉದ್ಯಮಿಗಳು: ಯಾರೀ ಕೊಟ್ಯಧಿಪತಿ?
Shark Tank 3: ಹಿಂದಿ ಟಿವಿ ಲೋಕದಲ್ಲಿ ಇತ್ತೀಚೆಗೆ ಜನಪ್ರಿಯವಾಗುತ್ತಿರುವ ರಿಯಾಲಿಟಿ ಶೋ 'ಶಾರ್ಕ್ ಟ್ಯಾಂಕ್ ಇಂಡಿಯಾ'. ಅಮೆರಿಕದಲ್ಲಿ ಶುರುವಾದ ಈ ಶೋ ಅನ್ನು ಭಾರತದ ಮಾದರಿದೆ ತಕ್ಕಂದೆ ಕೆಲವು ಬದಲಾವಣೆಗಳೊಂದಿಗೆ ತರಲಾಗಿದ್ದು, ಈ ಶೋನ ಮೂರನೇ ಸೀಸನ್ ಕೆಲವೇ ದಿನಗಳಲ್ಲಿ ಪ್ರಾರಂಭವಾಗಲಿದೆ.
Updated on: Oct 07, 2023 | 4:16 PM
ಹಿಂದಿ ಟಿವಿ ಲೋಕದಲ್ಲಿ ಇತ್ತೀಚೆಗೆ ಜನಪ್ರಿಯವಾಗುತ್ತಿರುವ ರಿಯಾಲಿಟಿ ಶೋ (Realty Show) ‘ಶಾರ್ಕ್ ಟ್ಯಾಂಕ್ ಇಂಡಿಯಾ‘ (Shark Tank India). ಅಮೆರಿಕದಲ್ಲಿ ಶುರುವಾದ ಈ ಶೋ ಅನ್ನು ಭಾರತದ ಮಾದರಿದೆ ತಕ್ಕಂದೆ ಕೆಲವು ಬದಲಾವಣೆಗಳೊಂದಿಗೆ ತರಲಾಗಿದ್ದು, ಈ ಶೋನ ಮೂರನೇ ಸೀಸನ್ ಕೆಲವೇ ದಿನಗಳಲ್ಲಿ ಪ್ರಾರಂಭವಾಗಲಿದೆ. ಈ ರಿಯಾಲಿಟಿ ಶೋನಲ್ಲಿ ನಿಜವಾದ ಜನಪ್ರಿಯ ಉದ್ಯಮಿಗಳು ಬಂದು, ತಮ್ಮ ಸಹಾಯ ಕೇಳಿ ಬರುವ ಯುವ ಉದ್ಯಮಿಗಳ ಐಡಿಯಾ, ಅವರ ಬ್ಯುಸಿನೆಸ್ ಅನ್ನು ಗಮನಿಸಿ ಅಳೆದು, ಆ ಯುವ ಉದ್ಯಮಿಗಳ ಉದ್ಯಮದಲ್ಲಿ ಹೂಡಿಕೆ ಮಾಡುತ್ತಾರೆ.
2021ರ ಡಿಸೆಂಬರ್ನಲ್ಲಿ ಪ್ರಸಾರವಾಗಿದ್ದ ಶಾರ್ಕ್ ಟ್ಯಾಂಕ್ ಇಂಡಿಯಾ ಮೊದಲ ಸೀಸನ್ ಭಾರಿ ಹಿಟ್ ಆಗಿತ್ತು. ಅದಾದ ಬಳಿಕ 2023 ರ ಜನವರಿ ತಿಂಗಳಲ್ಲಿ ಎರಡನೇ ಸೀಸನ್ ನಡೆದು ಸಾಧಾರಣ ಯಶಸ್ಸು ಕಂಡಿತು. ಇದೀಗ ಈ ಶೋನ ಮೂರನೇ ಸೀಸನ್ ಕೆಲವೇ ದಿನಗಳಲ್ಲಿ ಪ್ರಸಾರವಾಗಲಿದ್ದು, ಈ ಬಾರಿ ಹೊಸ ಉದ್ಯಮಿಗಳು ಜಡ್ಜ್ಗಳಾಗಿ ಶೋಗೆ ಆಗಮಿಸಿದ್ದಾರೆ.
ಮೊದಲ ಸೀಸನ್ನಲ್ಲಿ ಬೋಟ್ ಸಂಸ್ಥೆಯ ಅಮನ್ ಗುಪ್ತಾ, ಮ್ಯಾಟ್ರಿಮೋನಿ ವೆಬ್ಸೈಟ್ನ ಅನುಪಮ್ ಮಿತ್ತಲ್, ಭಾರತ್ ಪೇಯ ಅಶ್ನೀರ್ ಗ್ರೋವರ್, ಲೆನ್ಸ್ಕಾರ್ಟ್ನ ಪಿಯೂಷ್ ಗೋಯಲ್, ಶುಗರ್ ಕಾಸ್ಮೆಟಿಕ್ಸ್ ಮಾಲಕಿ ವಿನೀತಾ ಸಿಂಗ್, ಎಂಕ್ಯೂರ್ ಫಾರ್ಮಾಸುಟಿಕಲ್ಸ್ ಸಂಸ್ಥೆಯ ನಮಿತಾ ತಾಪರ್ ಅವರುಗಳು ಪ್ರಮುಖ ಜಡ್ಜ್ಗಳಾಗಿದ್ದರು.
ಇದನ್ನೂ ಓದಿ:‘ಶಾರ್ಕ್ ಟ್ಯಾಂಕ್’ಗೆ ಪ್ರತಿ ಜಡ್ಜ್ಗಳು ಪಡೆದ ಸಂಭಾವನೆ ಎಷ್ಟು? ಇಲ್ಲಿದೆ ಅಚ್ಚರಿಯ ವಿಚಾರ
ಭಾರತ್ ಪೇಯ ಅಶ್ನೀರ್ ಗ್ರೋವರ್, ಸ್ಪರ್ಧಿಗಳೊಂದಿಗೆ ಒರಟಾಗಿ ಮಾತನಾಡಿದ್ದು ಆಗ ವಿವಾದ ಎಬ್ಬಿಸಿತ್ತು. ಬಳಿಕ ಎರಡನೇ ಸೀಸನ್ಗೆ ಅಶ್ನೀತ್ ಗ್ರೋವರ್ ಅನ್ನು ಕೈಬಿಟ್ಟು ಕಾರ್ದೇಖೋ ಸಂಸ್ಥೆಯ ಅಮಿತ್ ಜೈನ್ ಅವರನ್ನು ಅಶ್ನೀರ್ ಗ್ರೋವರ್ ಸ್ಥಾನಕ್ಕೆ ಶಾರ್ಕ್ ಆಗಿ ಕರೆತರಲಾಯ್ತು. ಇದೀಗ ಮೂರನೇ ಸೀಸನ್ ಶುರುವಾಗುತ್ತಿದ್ದು, ಇಬ್ಬರು ಹೊಸ ಶಾರ್ಕ್ಗಳು ಬಂದಿದ್ದಾರೆ.
ಜೊಮಾಟೊ ಕಂಪೆನಿಯ ಸ್ಥಾಪಕ ಮತ್ತು ಸಿಇಓ ದೀಪೇಂದರ್ ಗೋಯಲ್ ಈ ಬಾರಿ ಶಾರ್ಟ್ ಟ್ಯಾಂಕ್ ಇಂಡಿಯಾ ಸೇರಿದ್ದಾರೆ. ಅವರ ಜೊತೆಗೆ ಓಯೋ ರೂಮ್ಸ್ ಸಂಸ್ಥಾಪಕ ಹಾಗೂ ಸಿಇಓ ರಿತೇಶ್ ಅಗರ್ವಾಲ್ ಸಹ ಶಾರ್ಕ್ ಟ್ಯಾಂಕ್ 3 ಸೇರಿಕೊಂಡಿದ್ದಾರೆ. ಆದರೆ ಈ ಹಿಂದಿನ ಎರಡು ಸೀಸನ್ಗಳಲ್ಲಿ ಇದ್ದ ಎಂಕ್ಯೂರ್ ಫಾರ್ಮಾಸುಟಿಕಲ್ಸ್ ಸಂಸ್ಥೆಯ ನಮಿತಾ ತಾಪರ್ ಮೂರನೇ ಸೀಸನ್ನಲ್ಲಿ ಇರುವುದಿಲ್ಲ ಎನ್ನಲಾಗುತ್ತಿದೆ.
ಶಾರ್ಕ್ ಟ್ಯಾಂಕ್ ಮೂರನೇ ಸೀಸನ್ನ ಚಿತ್ರೀಕರಣ ಪ್ರಸ್ತುತ ಚಾಲ್ತಿಯಲ್ಲಿದ್ದು, ಹೊಸ ಶಾರ್ಕ್ಗಳ ಕೆಲವು ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ರಿತೇಶ್ ಅಗರ್ವಾಲ್ ಹಾಗೂ ದೀಪೇಂದರ್ ಗೋಯಲ್ ಅವರುಗಳು ಇತರೆ ಶಾರ್ಕ್ಗಳ ಜೊತೆ ಕಾಣಿಸಿಕೊಂಡಿದ್ದಾರೆ. ಓಯೋ ರೂಮ್ಸ್ನ ಮಾಲೀಕ ರಿತೇಶ್ ಅಗರ್ವಾಲ್ ಭಾರತದ ಅತ್ಯಂತ ಯುವ ಬಿಲೇನಿಯರ್ ಎಂಬ ಹೆಸರು ಗಳಿಸಿದವರು. ಇದೀಗ ಅತ್ಯಂತ ಯುವ ಶಾರ್ಕ್ ಎಂಬ ಖ್ಯಾತಿಗೂ ಪಾತ್ರರಾಗಿದ್ದಾರೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
