ಕ್ಯಾಮೆರಾ ಇಟ್ಟುಕೊಂಡು ಪುನೀತ್ಗೆ ಪ್ರ್ಯಾಂಕ್ ಮಾಡಿದ್ದ ಟಿವಿ9 ಕನ್ನಡ; ಇಲ್ಲಿದೆ ಫನ್ನಿ ವಿಡಿಯೋ
Puneeth Rajkumar Death Anniversary: ಪುನೀತ್ ರಾಜ್ ಕುಮಾರ್ ಅವರು ಇಲ್ಲದೆ ಮೂರು ವರ್ಷ ಆಗಿದೆ. ಈ ಮೊದಲು ಟಿವಿ9 ಕನ್ನಡದಿಂದ ಮಾಡಲಾದ ಒಂದು ಮೋಜಿನ ಪ್ರಾಂಕ್ ಅನ್ನು ಇಲ್ಲಿ ನೆನಪಿಸಿಕೊಳ್ಳೋಣ. ಅವರ ಗೆಳೆತನದ ಸ್ವಭಾವ ಮತ್ತು ನಗು ಎಲ್ಲರ ಮನಸ್ಸಿನಲ್ಲಿ ಉಳಿದಿದೆ. ಪುನೀತ್ ರಾಜ್ ಕುಮಾರ್ ಅವರ ನೆನಪು ಯಾವಾಗಲೂ ನಮ್ಮೊಂದಿಗೆ ಇರುತ್ತದೆ.
Updated on:Oct 29, 2024 | 9:21 AM
ಪುನೀತ್ ರಾಜ್ಕುಮಾರ್ ಅವರು ನಿಧನ ಹೊಂದಿ ಇಂದಿಗೆ (ಅಕ್ಟೋಬರ್ 29) ಮೂರು ವರ್ಷಗಳು ತುಂಬಿವೆ. ಅವರು ಇಲ್ಲ ಎಂಬ ನೋವು ಎಲ್ಲರನ್ನೂ ಅತಿಯಾಗಿ ಕಾಡುತ್ತಿದೆ. ಅದು ಯಾವಾಗಲೂ ಮರೆ ಆಗುವಂತದ್ದು ಅಲ್ಲವೇ ಅಲ್ಲ. ಪುನೀತ್ ರಾಜ್ಕುಮಾರ್ ಅವರಿಗೆ ಟಿವಿ9 ಕನ್ನಡದವರು ಒಮ್ಮೆ ಪ್ರ್ಯಾಂಕ್ ಮಾಡಿದ್ದರು. ಈ ವಿಡಿಯೋನ ಈಗ ನಿಮ್ಮ ಮುಂದೆ ಇಡಲಾಗುತ್ತಿದೆ ನೋಡಿ.
ಪುನೀತ್ ರಾಜ್ಕುಮಾರ್ ಅವರು ಮಾಧ್ಯಮಗಳ ಜೊತೆ ತುಂಬಾನೇ ಫ್ರೆಂಡ್ಲಿ ಆಗಿ ಇರುತ್ತಿದ್ದರು. ಅವರು ಏನೇ ಇದ್ದರೂ ಫನ್ ಆಗಿ ತೆಗೆದುಕೊಳ್ಳುತ್ತಿದ್ದರು. ಪುನೀತ್ ಅವರ ಈ ಗೆಳೆತನದ ಸ್ವಭಾವ ಎಲ್ಲರಿಗೂ ಇಷ್ಟ ಆಗುತ್ತಿತ್ತು. ಪುನೀತ್ ಅವರನ್ನು ಒಮ್ಮೆ ಸಂದರ್ಶನ ಮಾಡಲಾಗುತ್ತಿತ್ತು. ಆಗ ಅವರನ್ನು ಬಕ್ರಾ ಮಾಡಲಾಗಿತ್ತು.
ಪುನೀತ್ ಅವರು ಟಿವಿ9 ಜೊತೆ ಮಾತನಾಡುತ್ತಿದ್ದರು. ಆಗ ಅಲ್ಲಿಗೆ ಒಬ್ಬರು ಬಂದರು. ‘ಗೋಡಾ (ಗನ್) ತಂದಿದೀನಿ ಭಾಯ್. ಈಗ ಫೋನ್ ಮಾಡಿದ್ರಲ್ಲ. ಮಾಲು ಬೇಕು ಅಂತ. ಮಾಲು ತೆಗೆದುಕೊಂಡು ಬಂದಿದ್ದೇನೆ’ ಎಂದರು ಆ ವ್ಯಕ್ತಿ. ‘ಯಾವ ಮಾಲು? ಸಂದರ್ಶನ ನಡೆಯುತ್ತಿದೆ’ ಎಂದು ಹೇಳುತ್ತಾ ತುಂಬಾನೇ ಶಾಕ್ ಆದರು ಪುನೀತ್. ‘ಇಲ್ಲಿಯೇ ಮಾತನಾಡುತ್ತೇನೆ’ ಎಂದು ಆ ವ್ಯಕ್ತಿ ಎಂದರು. ಆ ಬಳಿಕ ಅವರನ್ನು ಹೊರಕ್ಕೆ ಕರೆದುಕೊಂಡು ಹೋಗಲಾಯಿತು. ನಂತರ ಮೈಕ್ ಹಿಡಿದ ಆ್ಯಂಕರ್ ‘ಏಪ್ರಿಲ್ ಫೂಲ್’ ಮಾಡಿದ್ದಾಗಿ ಹೇಳಿದರು. ಆ ಬಳಿಕ ಅವರನ್ನು ಕರೆತರಲಾಯಿತು. ‘ನೀವು ಕರಿದೇ ಇದ್ದರೆ ಹೊಡೆದು ಬಿಡ್ತಿದ್ದೆ’ ಎಂದರು ಪುನೀತ್ ಸಹಾಯಕ..
ಪುನೀತ್ ರಾಜ್ಕುಮಾರ್ ಅವರು ಅಂದು ನಕ್ಕಿದ್ದರು. ಅವರ ನಗುವನ್ನು ಎಲ್ಲರೂ ಈಗಲೂ ನೆನಪು ಮಾಡಿಕೊಳ್ಳುತ್ತಾರೆ. ಅವರು ನಗು ಈಗಲೂ ಅನೇಕರಿಗೆ ಕಾಡುತ್ತದೆ.
ಇದನ್ನೂ ಓದಿ: ಪುನೀತ್ ರಾಜ್ಕುಮಾರ್ ಹೆಸರಿನ ನಗು ಕಳೆದು ಮೂರು ವರ್ಷ; ಅಂದು ನಡೆದಿದ್ದೇನು?
ಅಕ್ಟೋಬರ್ 29ರಂದು ಪುನೀತ್ ನಿಧನ ಹೊಂದಿದರು. ಅವರಿಗೆ ಹೃದಯಾಘಾತ ಆಯಿತು. ಅವರು ಇಲ್ಲ ಎಂಬುದನ್ನು ಈಗಲೂ ಫ್ಯಾನ್ಸ್ ಬಳಿ ನಂಬೋಕೆ ಆಗುತ್ತಿಲ್ಲ. ಪುನೀತ್ ನಿಧನದ ನಂತರ ಫ್ಯಾನ್ಸ್ ಬೇಸರಗೊಂಡಿದ್ದಾರೆ. ಈಗಲೂ ಫ್ಯಾನ್ಸ್ ಬೇಸರ ಹೊರಹಾಕುತ್ತಿದ್ದಾರೆ. ಅವರ ಹೆಸರಲ್ಲಿ ಒಳ್ಳೆಯ ಕಾರ್ಯಗಳು ನಡೆಯುತ್ತಿವೆ. ‘ಜೇಮ್ಸ್’ ಅವರು ಹೀರೋ ಆಗಿ ನಟನೆಯ ಕೊನೆಯ ಸಿನಿಮಾ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
Published On - 7:11 am, Tue, 29 October 24
