ವೇದಿಕೆ ಮೇಲೆ ಲವ್ ಪ್ರಪೋಸ್ ಮಾಡಿದ ಶಮಂತ್ ಬ್ರೋ ಗೌಡ; ಎದುರಿನಿಂದ ಬಂತು ನೋ ಅನ್ನೋ ಉತ್ತರ
ಈ ಬಾರಿಯ ಗಣೇಶೋತ್ಸವಕ್ಕೆ ‘ಬಿಗ್ ಗಣೇಶೋತ್ಸವ’ ಕಾರ್ಯಕ್ರಮದ ಮೂಲಕ ಪ್ರೇಕ್ಷಕರ ಎದುರು ಬರುತ್ತಿದ್ದಾರೆ ಬಿಗ್ ಬಾಸ್ ಸ್ಪರ್ಧಿಗಳು. ಬಿಗ್ ಬಾಸ್ 8ರ ಸ್ಪರ್ಧಿಗಳನ್ನು ಕರೆಸಲಾಗಿದ್ದು, ಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಗಿದೆ.
Updated on: Sep 10, 2021 | 7:30 AM
ಬಿಗ್ ಬಾಸ್ ಸೀಸನ್ 8ರ ಸ್ಪರ್ಧಿಗಳು ಮಾಧ್ಯಮ ಹಾಗೂ ಸೋಶಿಯಲ್ ಮೀಡಿಯಾದಲ್ಲಿ ಮಿಂಚುತ್ತಿದ್ದಾರೆ. ಬಿಗ್ ಬಾಸ್ ಪಯಣದಿಂದ ಇವರಿಗೆ ಸೋಶಿಯಲ್ ಮೀಡಿಯಾ ಹಿಂಬಾಲಕರ ಸಂಖ್ಯೆ ಹೆಚ್ಚಿದೆ. ಹೀಗಾಗಿ, ಲೈವ್ ಬರುವ ಮೂಲಕ ಅಭಿಮಾನಿಗಳ ಪ್ರಶ್ನೆಗೆ ಉತ್ತರ ನೀಡುತ್ತಿದ್ದಾರೆ. ಇದರ ಜತೆಗೆ, ಕಲರ್ಸ್ ಕನ್ನಡ ವಾಹಿನಿ ಆಯೋಜಿಸಿದ ಅನೇಕ ಕಾರ್ಯಕ್ರಮಗಳಲ್ಲಿ ಈ ಸ್ಪರ್ಧಿಗಳು ಪಾಲ್ಗೊಳ್ಳುತ್ತಿದ್ದಾರೆ. ಈಗ ಶಮಂತ್ ಬ್ರೋ ಗೌಡ ಅವರು ವೇದಿಕೆ ಮೇಲೆ ಒಬ್ಬರಿಗೆ ಪ್ರಪೋಸ್ ಮಾಡಿದ್ದಾರೆ.
ಶಮಂತ್ ಅವರು ಸೀಸನ್ 8ರಲ್ಲಿ ಸಾಕಷ್ಟು ಹೈಲೈಟ್ ಆಗಿದ್ದರು. ಅದೃಷ್ಟದ ಬಲದಿಂದ ಉಳಿದುಕೊಂಡಿದ್ದ ಅವರು ನಂತರ ಎಲ್ಲರ ಗಮನ ಸೆಳೆಯೋಕೆ ಯಶಸ್ವಿ ಆದರು. ಈ ಮಧ್ಯೆ ಕಣ್ಮಣಿ ಮೇಲೆ ಶಮಂತ್ಗೆ ಪ್ರೀತಿ ಮೂಡಿತ್ತು. ಕಣ್ಮಣಿ ಎಂದರೆ ಮನೆಯ ಕ್ಯಾಮೆರಾಗಳು. ಕಣ್ಮಣಿ ಹೆಸರಲ್ಲಿ ಮಹಿಳೆ ಒಬ್ಬರಿಂದ ಮಾತನಾಡಿಸಲಾಗಿತ್ತು. ಕಿಚ್ಚ ಸುದೀಪ್ ಬಿಗ್ ಬಾಸ್ ಶೋ ನಡೆಸಿಕೊಡಲು ಸಾಧ್ಯವಾಗದೆ ಇದ್ದಾಗ ಸ್ಪರ್ಧಿಗಳ ಜತೆ ಸಂವಾದ ನಡೆಸಿದ್ದು ಇದೇ ಕಣ್ಮಣಿ. ಆ ಧ್ವನಿ ಬಗ್ಗೆ ಶಮಂತ್ ಸಾಕಷ್ಟು ಒಲವು ಹೊಂದಿದ್ದರು. ಅಲ್ಲದೆ, ಕಣ್ಮಣಿ ಬಗ್ಗೆ ವಿಶೇಷ ಸಾಲುಗಳನ್ನು ಕೂಡ ಅವರು ಬರೆದಿದ್ದರು. ಈಗ ಅವರು ಜಿಮ್ಮಿ ಜಲಜಾಗೆ ಪ್ರಪೋಸ್ ಮಾಡಿದ್ದಾರೆ.
ಈ ಬಾರಿಯ ಗಣೇಶೋತ್ಸವಕ್ಕೆ ‘ಬಿಗ್ ಗಣೇಶೋತ್ಸವ’ ಕಾರ್ಯಕ್ರಮದ ಮೂಲಕ ಪ್ರೇಕ್ಷಕರ ಎದುರು ಬರುತ್ತಿದ್ದಾರೆ ಬಿಗ್ ಬಾಸ್ ಸ್ಪರ್ಧಿಗಳು. ಬಿಗ್ ಬಾಸ್ 8ರ ಸ್ಪರ್ಧಿಗಳನ್ನು ಕರೆಸಲಾಗಿದ್ದು, ಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಗಿದೆ. ಈ ವೇಳೆ ಶಮಂತ್ ಹಾಗೂ ಪ್ರಶಾಂತ್ ಅವರನ್ನು ವೇದಿಕೆ ಮೇಲೆ ಕರೆಸಲಾಯಿತು. ನಿರೂಪಕಿಯಾಗಿದ್ದ ಅನುಪಮಾ ಗೌಡ ಅವರು, ಕ್ಯಾಮೆರಾಗೆ ಪ್ರಪೋಸ್ ಮಾಡುವಂತೆ ಹೇಳಿದರು. ಶಮಂತ್ ಪ್ರಪೋಸ್ಅನ್ನು ಕ್ಯಾಮೆರಾ ಒಪ್ಪಿಕೊಂಡಿಲ್ಲ. ಆದರೆ, ಪ್ರಶಾಂತ್ ಪ್ರಪೋಸ್ ಮಾಡುತ್ತಿದ್ದಂತೆ ಕ್ಯಾಮೆರಾ ಒಪ್ಪಿಕೊಂಡಿದೆ.
View this post on Instagram
‘ಹಳೇ ಪ್ಲೇಯರ್ ಪ್ರಶಾಂತ್ ಲವ್ ಪ್ರೊಪೋಸ್ಗೆ ಒಪ್ಪಿಕೊಂಡ ಜಿಮ್ಮಿ ಜಲಜಾ’ ಎನ್ನುವ ಕ್ಯಾಪ್ಶನ್ನೊಂದಿಗೆ ಕಲರ್ಸ್ ಕನ್ನಡ ವಾಹಿನಿ ಪ್ರೋಮೋ ಹಂಚಿಕೊಂಡಿದೆ. ಶುಕ್ರವಾರ (ಸೆಪ್ಟೆಂಬರ್ 10) ಈ ಕಾರ್ಯಕ್ರಮ ಪ್ರಸಾರವಾಗಲಿದೆ.
ಇದನ್ನೂ ಓದಿ:ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ ಮಂಜು-ದಿವ್ಯಾ ಫೋಟೋ; ಬಿಗ್ ಬಾಸ್ ಬಳಿಕ ಏನಿದು ಕಹಾನಿ?
‘ಬಿಗ್ ಬಾಸ್ ಸೀಸನ್ 8’ ಮರುಸೃಷ್ಟಿ; ಇದನ್ನು ನೋಡಿದ್ರೆ ನೀವು ನಗೋದು ಗ್ಯಾರಂಟಿ
