ಟಿಆರ್​ಪಿ ರೇಸ್​ನಲ್ಲಿ ಅಚ್ಚರಿ ಮೂಡಿಸಿದ ಹೊಸ ಧಾರಾವಾಹಿ; ನಾಲ್ಕೇ ಎಪಿಸೋಡ್​ನಲ್ಲಿ ಆಯ್ತು ಮೋಡಿ

ಕಿರುತೆರೆ ಲೋಕ ಸಂಪೂರ್ಣವಾಗಿ ಬದಲಾಗಿದೆ. ಸಿನಿಮಾ ಗುಣಮಟ್ಟದಲ್ಲೇ ಧಾರಾವಾಹಿಗಳನ್ನು ನಿರ್ಮಾಣ ಮಾಡಲಾಗುತ್ತಿದೆ. ಮೇಕಿಂಗ್​ ವಿಚಾರದಲ್ಲಿ ಹಿರಿತೆರೆಗೆ ಕಾಂಪಿಟೇಷನ್​ ಕೊಡುವಷ್ಟರಮಟ್ಟಿಗೆ ಕಿರುತೆರೆ ಬೆಳೆದು ನಿಂತಿದೆ. ಸಿನಿಮಾದಲ್ಲಿ ಮಾಡಿದಂತೆ ಧಾರಾವಾಹಿಗಳಲ್ಲೂ ಅದ್ದೂರಿ ಸೆಟ್​ಗಳನ್ನು ಹಾಕಲಾಗುತ್ತದೆ. ಮುಖ್ಯವಾಗಿ ವಾಹಿನಿಗಳ ಮಧ್ಯೆ ಟಿಆರ್​ಪಿ ರೇಸ್​ ಇದೆ. ಇತ್ತೀಚೆಗೆ ಆರಂಭವಾದ ‘ನಾಗಿನ್​ 6’ (Nagin 6)ಟಿಆರ್​ಪಿ ರೇಸ್​ನಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದೆ. ಅಚ್ಚರಿ ಎಂದರೆ, ಧಾರಾವಾಹಿ ಆರಂಭವಾದ ಒಂದೇ ವಾರದಲ್ಲಿ ಆರನೇ ಸ್ಥಾನಕ್ಕೆ ಜಿಗಿದಿದೆ. ‘ಹಿಂದಿ ಬಿಗ್​ ಬಾಸ್​ 15’ ವಿನ್ನರ್​ (Bigg Bosss 15 Winner) ತೇಜಸ್ವಿ ಪ್ರಕಾಶ್ (Tejaswi Prakash)​ ಅವರು ದೊಡ್ಡಮನೆಯಿಂದ ಸಾಕಷ್ಟು ಜನಪ್ರಿಯತೆ ಪಡೆದುಕೊಂಡರು. ಅವರಿಗೆ ದೊಡ್ಡ ಅಭಿಮಾನಿ ಬಳಗ ಸೃಷ್ಟಿಯಾಗಿದೆ. ಬಿಗ್​ ಬಾಸ್​ ವಿನ್ನರ್​ ಆಗುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ. ದೊಡ್ಮನೆಯಲ್ಲಿರುವಾಗಲೇ ಅವರಿಗೆ ‘ನಾಗಿನ್​ 6’ಗೆ ಆಫರ್​ ಬಂದಿತ್ತು. ಅದನ್ನು ಅವರು ಒಪ್ಪಿಕೊಂಡು ಮಾಡುತ್ತಿದ್ದಾರೆ. ಈ ಧಾರಾವಾಹಿ ಎಲ್ಲ ಕಡೆಗಳಿಂದ ಮೆಚ್ಚುಗೆ ಪಡೆದುಕೊಳ್ಳುತ್ತಿದೆ. ಈ ಧಾರಾವಾಹಿ ಫೆ.12ರಿಂದ ಪ್ರಸಾರ ಆರಂಭಿಸಿದ್ದು, ಶನಿವಾರ ಹಾಗೂ ಭಾನುವಾರ ಮಾತ್ರ ಪ್ರಸಾರವಾಗುತ್ತದೆ.

ಸದ್ಯ, ಹಿಂದಿ ಧಾರಾವಾಹಿಗಳ ರೇಟಿಂಗ್​ ಲಿಸ್ಟ್​ ಬಂದಿದೆ. ಈ ಪಟ್ಟಿಯಲ್ಲಿ ತೇಜಸ್ವಿ ಪ್ರಕಾಶ್​ ನಟನೆಯ ‘ನಾಗಿನ್​ 6’ ಧಾರಾವಾಹಿ ಕೂಡ ಸ್ಥಾನ ಪಡೆದುಕೊಂಡಿದೆ. ಈ ಧಾರಾವಾಹಿಗೆ ಆರಂಭದಲ್ಲೇ 2.1 ರೇಟಿಂಗ್ ಸಿಕ್ಕಿದೆ. ಹೊಸ ಧಾರಾವಾಹಿಗೆ ಇಷ್ಟೊಂದು ದೊಡ್ಡ ಮಟ್ಟದಲ್ಲಿ ರೇಟಿಂಗ್​ ಸಿಕ್ಕಿರುವುದಕ್ಕೆ ಧಾರಾವಾಹಿ ತಂಡ ಖುಷಿಯಾಗಿದೆ. ಇದನ್ನು ನಿರ್ಮಾಣ ಮಾಡುತ್ತಿರುವ ಏಕ್ತಾ ಕಪೂರ್​ ಅವರು ಸಖತ್​ ಖುಷಿಯಾಗಿದ್ದಾರೆ.

‘ನಾನು ತುಂಬಾ ಸಂತೋಷಗೊಂಡಿದ್ದೇನೆ. ಟಿಆರ್‌ಪಿ ಬಗ್ಗೆ ತಿಳಿದಾಗ, ನನಗೆ ಮೊದಲು ನಂಬಲಾಗಲಿಲ್ಲ. ಪ್ರೇಕ್ಷಕರು ಈ ಧಾರಾವಾಹಿ ಮೇಲೆ ತೋರಿಸುತ್ತಿರುವ ಎಲ್ಲಾ ಪ್ರೀತಿಗೆ ಧನ್ಯವಾದ’ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ ಏಕ್ತಾ ಕಪೂರ್.

View this post on Instagram

A post shared by ColorsTV (@colorstv)

ತೇಜಸ್ವಿ ಪ್ರಕಾಶ್​ ಅವರ ಅಭಿಮಾನಿ ಬಳಗ ಹಿರಿದಾಗಿದೆ. ಅವರಿಗೋಸ್ಕರ ಈ ಧಾರಾವಾಹಿ ನೋಡುವವರ ಸಂಖ್ಯೆಯೂ ದೊಡ್ದದಿದೆ. ಕಲರ್ಸ್​ನಲ್ಲಿ ಪ್ರಸಾರವಾಗುವ ಈ ಧಾರಾವಾಹಿ ಎಲ್ಲ ಕಡೆಗಳಿಂದ ಮೆಚ್ಚುಗೆ ಪಡೆದುಕೊಳ್ಳುತ್ತಿದೆ. ಮುಂದಿನ ದಿನಗಳಲ್ಲಿ ಈ ಧಾರಾವಾಹಿ ಯಾವ ರೀತಿಯಲ್ಲಿ ಸಾಗಲಿದೆ ಎಂಬುದನ್ನು ಕಾದು ನೋಡಬೇಕಿದೆ. ಈಗಷ್ಟೇ ‘ನಾಗಿನ್​ 6’ ಆರಂಭಗೊಂಡಿದ್ದು, ಮುಂದಿನ ದಿನಗಳಲ್ಲಿ ಮತ್ತಷ್ಟು ವೀಕ್ಷಕರನ್ನು ಇದು ಸೆಳೆದುಕೊಳ್ಳಬಹುದು.

ಇದನ್ನೂ ಓದಿ: Rakhi Sawant: ರಾಖಿ ಸಾವಂತ್ ನಿಗೂಢ ದಾಂಪತ್ಯಕ್ಕೆ ತೆರೆ?; ಬಿಗ್ ಬಾಸ್​ನಲ್ಲಿ ಅಚ್ಚರಿಯ ಬೆಳವಣಿಗೆ

ಬಿಗ್ ಬಾಸ್ ಒಟಿಟಿಯಲ್ಲಿ ಯಾವುದು ನಿಜ, ಯಾವುದು ಸುಳ್ಳು; ಚರ್ಚೆ ಹುಟ್ಟುಹಾಕಿತು ರಾಕೇಶ್ ಬಾಪಟ್ ಹೇಳಿಕೆ

Published On - 6:29 pm, Sun, 27 February 22