Health Tips: ಚಳಿಗಾಲದಲ್ಲಿ ರಾತ್ರಿ ಸಾಕ್ಸ್​ ಹಾಕಿಕೊಂಡು ಮಲಗುತ್ತೀರಾ?; ಆ ಅಭ್ಯಾಸ ಬಿಟ್ಟುಬಿಡಿ

ಚಳಿಗಾಲದಲ್ಲಿ (Winter) ಚಳಿಯಿಂದ ರಕ್ಷಿಸಿಕೊಳ್ಳಲು ಕೆಲವರು ದಪ್ಪನೆಯ ಸಾಕ್ಸ್ (Socks) ಧರಿಸಿಕೊಂಡು ಮಲಗುತ್ತಾರೆ. ನೀವು ಕೂಡ ರಾತ್ರಿ ಮಲಗುವಾಗ ಬೆಚ್ಚಗಾಗಲಿ ಎಂದು ಸಾಕ್ಸ್​ ಹಾಕಿಕೊಂಡು ಮಲಗುವವರಾದರೆ ಆ ಅಭ್ಯಾಸವನ್ನು ಆದಷ್ಟು ಬೇಗ ಬಿಡುವುದು ಒಳ್ಳೆಯದು. ರಾತ್ರಿ ಸಾಕ್ಸ್​ ಹಾಕಿಕೊಂಡು ಮಲಗುವುದರಿಂದ ದೇಹದಲ್ಲಿ ರಕ್ತ ಪರಿಚಲನೆಯಲ್ಲಿ (Blood Circulation) ಸಮಸ್ಯೆ ಉಂಟಾಗುತ್ತದೆ. ಸಾಕ್ಸ್‌ ಧರಿಸುವುದರಿಂದಾಗಿ ದೇಹದ ಉಷ್ಣತೆಯು ವೇಗವಾಗಿ ಹೆಚ್ಚಾಗುವ ಸಾಧ್ಯತೆಯಿದೆ. ಅಲ್ಲದೆ, ಕೆಲವರಿಗೆ ಅಸ್ವಸ್ಥತೆ ಸಹ ಉಂಟಾಗುತ್ತದೆ. ಸಾಕ್ಸ್​ ಧರಿಸುವುದರಿಂದ ದೀರ್ಘಕಾಲದವರೆಗೆ ರಕ್ತನಾಳಗಳಲ್ಲಿ ನಿರಂತರ ಒತ್ತಡದಿಂದಾಗಿ ಉಸಿರಾಟದ ಸಮಸ್ಯೆಯೂ (Breathing Problem) ಉಂಟಾಗಬಹುದು.

ರಾತ್ರಿಯಲ್ಲಿ ಸಾಕ್ಸ್ ಧರಿಸಿ ಮಲಗುವುದರಿಂದ ಆಗುವ ಅನಾನುಕೂಲಗಳು ಹೀಗಿವೆ:

1. ರಕ್ತ ಸಂಚಲನದಲ್ಲಿ ಅಡಚಣೆ: ನೀವು ರಾತ್ರಿಯಲ್ಲಿ ಬಿಗಿಯಾದ ಅಥವಾ ದಪ್ಪವಾದ ಸಾಕ್ಸ್‌ಗಳನ್ನು ಧರಿಸಿ ಮಲಗುತ್ತಿದ್ದರೆ ಅದರಿಂದಾಗಿ ಪಾದಗಳ ನಡುವೆ ನಿಮ್ಮ ರಕ್ತ ಪರಿಚಲನೆಯು ನಿಂತುಹೋಗಬಹುದು. ನಿಮ್ಮ ಪಾದಗಳಲ್ಲಿ ಜುಮ್ಮೆನಿಸಬಹುದು ಅಥವಾ ಒತ್ತಡವೂ ಉಂಟಾಗಬಹುದು.

2. ನೈರ್ಮಲ್ಯದ ಸಮಸ್ಯೆ: ನೀವು ದಿನವಿಡೀ ಸಾಕ್ಸ್ ಧರಿಸಿ ತಿರುಗಾಡಿದರೆ ಮತ್ತು ಅದೇ ಸಾಕ್ಸ್ ಅನ್ನು ಧರಿಸಿಕೊಂಡು ಮಲಗಿದರೆ ಧೂಳು ಮತ್ತು ಕೊಳಕಿನಿಂದ ನಿಮ್ಮ ಚರ್ಮದಲ್ಲಿ ಅಲರ್ಜಿ ಉಂಟಾಗಬಹುದು.

ಇದನ್ನೂ ಓದಿ: Healthy Oils: ಚಳಿಗಾಲದಲ್ಲಿ ಕರಿದ ಆಹಾರ ತಿನ್ನುವ ಆಸೆಯೇ? ಆದರೆ ಹೈ ಕೊಲೆಸ್ಟ್ರಾಲ್ ಇದೆ, ಹೀಗೆ ಮಾಡಿ

3. ಮಿತಿಮೀರಿದ ಸಮಸ್ಯೆ: ರಾತ್ರಿ ಹೊತ್ತಿನಲ್ಲಿ ಮಲಗುವುದು ಮತ್ತು ಸಾಕ್ಸ್ ಧರಿಸುವುದರಿಂದ ದೇಹ ಅತಿಯಾಗಿ ಬಿಸಿಯಾಗಬಹುದು. ಇದರಿಂದ ನಿಮ್ಮ ದೇಹದ ಉಷ್ಣತೆ ಹೆಚ್ಚುತ್ತದೆ. ಈ ಕಾರಣದಿಂದಾಗಿ ಅಸ್ವಸ್ಥತೆಯ ಸಮಸ್ಯೆ ಕೂಡ ಉಂಟಾಗಬಹುದು.

4. ಹೃದಯದ ಮೇಲೆ ಪರಿಣಾಮ ಬೀರುತ್ತದೆ: ಬಿಗಿಯಾದ ಸಾಕ್ಸ್ ಧರಿಸಿ ಮಲಗಿದರೆ ಪಾದದ ರಕ್ತನಾಳಗಳ ಮೇಲೆ ಒತ್ತಡ ಬೀಳುತ್ತದೆ. ಹೃದಯಕ್ಕೆ ರಕ್ತ ಪಂಪ್ ಮಾಡುವಲ್ಲಿ ಸಮಸ್ಯೆ ಉಂಟಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ಹೃದಯವನ್ನು ಪಂಪ್ ಮಾಡಲು ಹೆಚ್ಚಿನ ಬಲ ಬೀಳಬೇಕಾಗುತ್ತದೆ. ಇದರಿಂದಾಗಿ ಹೃದಯಕ್ಕೆ ತೊಂದರೆ ಆಗಬಹುದು.

ಇದನ್ನೂ ಓದಿ: Asthma: ಚಳಿಗಾಲದಲ್ಲಿ ಉಲ್ಬಣಗೊಳ್ಳುವ ಅಸ್ತಮಾ ತಡೆಗಟ್ಟಲು ವೈದ್ಯರ ಸಲಹೆ ಇಲ್ಲಿದೆ

ನೀವು ರಾತ್ರಿಯಲ್ಲಿ ಸಾಕ್ಸ್ ಧರಿಸುವುದಾದರೆ ಈ ವಿಷಯಗಳನ್ನು ನೆನಪಿನಲ್ಲಿಡಿ:

– ರಾತ್ರಿ ಹೊತ್ತಿನಲ್ಲಿ ಸಡಿಲವಾದ ಕಾಟನ್ ಸಾಕ್ಸ್‌ಗಳನ್ನು ಮಾತ್ರ ಧರಿಸಿ.

– ಯಾವಾಗಲೂ ಸ್ವಚ್ಛ ಮತ್ತು ತೊಳೆದ ಸಾಕ್ಸ್ ಮಾತ್ರ ಧರಿಸಿ ಮಲಗಿ.

– ಮಕ್ಕಳಿಗೆ ಎಂದಿಗೂ ಬಿಗಿಯಾದ ಸಾಕ್ಸ್ ಹಾಕಿ ಮಲಗುವಂತೆ ಮಾಡಬೇಡಿ.

– ಸಾಕ್ಸ್ ಧರಿಸುವ ಮೊದಲು ಪಾದಗಳನ್ನು ಸರಿಯಾಗಿ ಮಸಾಜ್ ಮಾಡಿ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ