Pediatric Liver Disease: ನಿಮ್ಮ ಮಕ್ಕಳಲ್ಲಿ ಹೆಪಟೈಟಿಸ್ ತಡೆಯಲು ಡಾ. ರಾಕೇಶ್ ಹೇಳಿರುವ ಈ ಸಲಹೆಯನ್ನು ಅನುಸರಿಸಿ

Pediatrics Liver diseases: ಹದಗೆಡುತ್ತಿರುವ ಜೀವಶೈಲಿಯಿಂದಾಗಿ ಮಕ್ಕಳಲ್ಲಿಯೂ ಅನೇಕಾನೇಕ ರೋಗಗಳು ಕಂಡು ಬರುತ್ತಿದೆ. ಅದರಲ್ಲಿ ಯಕೃತ್ತು ಅಥವಾ ಪಿತ್ತಜನಕಾಂಗದ ಕಾಯಿಲೆಗಳು ಒಂದು. ನಿಮಗೆ ಗೊತ್ತಾ? ಮಕ್ಕಳಲ್ಲಿಯೂ ಯಕೃತ್ತಿನ ಕಾಯಿಲೆ ಕಂಡು ಬರುತ್ತದೆ. ಇದನ್ನು ಪೀಡಿಯಾಟ್ರಿಕ್ ಲಿವರ್ ಡಿಸೀಸ್ ಎಂದು ಕರೆಯಲಾಗುತ್ತದೆ. ದಿನದಿಂದ ದಿನಕ್ಕೆ ಚಿಕ್ಕ ಮಕ್ಕಳಲ್ಲಿ ಹೆಪಟೈಟಿಸ್ ರೋಗ ಹೆಚ್ಚಾಗುತ್ತಿದೆ. ಇದು ಗಂಭೀರವಾದ ಯಕೃತ್ತಿನ ಕಾಯಿಲೆಯಾಗಿದ್ದು, ಯಕೃತ್ತಿನ ವೈಫಲ್ಯಕ್ಕೂ ಕಾರಣವಾಗಬಹುದು. ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, 2023 ರಲ್ಲಿ, ವಿಶ್ವಾದ್ಯಂತ ಮಕ್ಕಳಲ್ಲಿ ಸುಮಾರು 1.5 ಮಿಲಿಯನ್ ಹೆಪಟೈಟಿಸ್ ಪ್ರಕರಣಗಳು ಕಂಡು ಬಂದಿವೆ. ಹಾಗಾದರೆ ಮಕ್ಕಳಲ್ಲಿ ಯಕೃತ್ತಿನ ಕಾಯಿಲೆ ಕಂಡು ಬರಲು ಕಾರಣವೇನು? ಹೇಗೆ ಕಂಡು ಬರುತ್ತದೆ? ಅದರ ರೋಗಲಕ್ಷಣಗಳು ಮತ್ತು ತಡೆಗಟ್ಟುವಿಕೆಯ ಬಗ್ಗೆ ತಜ್ಞರು ನೀಡಿರುವ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಸಾಂದರ್ಭಿಕ ಚಿತ್ರ

ಪ್ರೀತಿ ಭಟ್, ಗುಣವಂತೆ | Updated By: ಅಕ್ಷಯ್ ಪಲ್ಲಮಜಲು|
Updated on: Sep 12, 2024 | 11:15 AM

ವಯಸ್ಸು ಹೆಚ್ಚಾದಂತೆ ಅನೇಕ ರೀತಿಯ ಕಾಯಿಲೆಗಳು ಕಂಡು ಬರುವುದು ಸಹಜ. ಆದರೆ ಇತ್ತೀಚಿನ ಹದಗೆಡುತ್ತಿರುವ ಜೀವಶೈಲಿಯಿಂದಾಗಿ ಮಕ್ಕಳಲ್ಲಿಯೂ ಅನೇಕಾನೇಕ ರೋಗಗಳು ಕಂಡು ಬರುತ್ತಿದೆ. ಅದರಲ್ಲಿ ಯಕೃತ್ತು ಅಥವಾ ಪಿತ್ತಜನಕಾಂಗದ ಕಾಯಿಲೆಗಳು ಒಂದು. ನಿಮಗೆ ಗೊತ್ತಾ? ಮಕ್ಕಳಲ್ಲಿಯೂ ಯಕೃತ್ತಿನ ಕಾಯಿಲೆ ಕಂಡು ಬರುತ್ತದೆ. ಇದನ್ನು ಪೀಡಿಯಾಟ್ರಿಕ್ ಲಿವರ್ ಡಿಸೀಸ್ (Pediatric Liver Disease) ಎಂದು ಕರೆಯಲಾಗುತ್ತದೆ. ದಿನದಿಂದ ದಿನಕ್ಕೆ ಚಿಕ್ಕ ಮಕ್ಕಳಲ್ಲಿ ಹೆಪಟೈಟಿಸ್ ರೋಗ ಹೆಚ್ಚಾಗುತ್ತಿದೆ. ಇದು ಗಂಭೀರವಾದ ಯಕೃತ್ತಿನ ಕಾಯಿಲೆಯಾಗಿದ್ದು, ಯಕೃತ್ತಿನ ವೈಫಲ್ಯಕ್ಕೂ ಕಾರಣವಾಗಬಹುದು. ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, 2023 ರಲ್ಲಿ, ವಿಶ್ವಾದ್ಯಂತ ಮಕ್ಕಳಲ್ಲಿ ಸುಮಾರು 1.5 ಮಿಲಿಯನ್ ಹೆಪಟೈಟಿಸ್ ಪ್ರಕರಣಗಳು ಕಂಡು ಬಂದಿವೆ. ಹಾಗಾದರೆ ಮಕ್ಕಳಲ್ಲಿ ಯಕೃತ್ತಿನ ಕಾಯಿಲೆ ಕಂಡು ಬರಲು ಕಾರಣವೇನು? ಹೇಗೆ ಕಂಡು ಬರುತ್ತದೆ? ಅದರ ರೋಗಲಕ್ಷಣಗಳು ಮತ್ತು ತಡೆಗಟ್ಟುವಿಕೆಯ ಬಗ್ಗೆ ತಜ್ಞರು ನೀಡಿರುವ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಏಮ್ಸ್ ನ ಮಕ್ಕಳ ವಿಭಾಗದ ಡಾ. ರಾಕೇಶ್ ಕುಮಾರ್ ಅವರು ಹೇಳುವ ಪ್ರಕಾರ, “ಕಲುಷಿತ ನೀರು ಮತ್ತು ಕಲಬೆರಕೆಯ ಆಹಾರದಿಂದಾಗಿ ಮಕ್ಕಳು ಹೆಪಟೈಟಿಸ್ ರೋಗಕ್ಕೆ ಬಲಿಯಾಗುತ್ತಾರೆ” ಎಂದು ಹೇಳುತ್ತಾರೆ. “ಅದರಲ್ಲಿಯೂ ಹೆಪಟೈಟಿಸ್ ನಲ್ಲಿ ಐದು ವಿಧಗಳಿವೆ (ಹೆಪಟೈಟಿಸ್ ಎ, ಬಿ, ಸಿ, ಡಿ ಮತ್ತು ಇ). ಹೆಪಟೈಟಿಸ್ ಎ ಮಕ್ಕಳಿಗೆ ಹೆಚ್ಚು ಅಪಾಯ ತರಬಹುದು. ಈ ರೋಗವು ಯಕೃತ್ತಿನಲ್ಲಿ ಊತವನ್ನು ಉಂಟುಮಾಡುತ್ತದೆ. ಇದರಿಂದಾಗಿ ಯಕೃತ್ತಿನ ಜೀವಕೋಶಗಳು ಹಾನಿಗೊಳಗಾಗುತ್ತವೆ. ಕೆಲವು ಸಂದರ್ಭಗಳಲ್ಲಿ, ರೋಗನಿರೋಧಕ ಸಂಬಂಧಿತ ಸಮಸ್ಯೆಗಳು ಮತ್ತು ತಪ್ಪು ರಕ್ತ ವರ್ಗಾವಣೆ ಕೂಡ ಹೆಪಟೈಟಿಸ್ಗೆ ರೋಗಕ್ಕೆ ಕಾರಣವಾಗುತ್ತದೆ” ಎಂದು ಹೇಳುತ್ತಾರೆ.

ಹೆಪಟೈಟಿಸ್ ಹೇಗೆ ಅಪಾಯಕಾರಿ?

ಜನನದ ನಂತರ ಹೆಪಟೈಟಿಸ್ ಲಸಿಕೆ ಪಡೆಯದ ಮಕ್ಕಳಲ್ಲಿ ಈ ರೋಗ ಬರುವ ಅಪಾಯವಿದೆ ಎಂದು ಡಾ. ರಾಕೇಶ್ ಹೇಳುತ್ತಾರೆ. ಹೆಪಟೈಟಿಸ್ ಅನ್ನು ಸಮಯಕ್ಕೆ ಸರಿಯಾಗಿ ನಿಯಂತ್ರಿಸದಿದ್ದರೆ, ಅದು ಯಕೃತ್ತಿನ ಸೋಂಕಿಗೆ ಕಾರಣವಾಗುತ್ತದೆ. ನಂತರ ಇದು ಯಕೃತ್ತಿನ ವೈಫಲ್ಯಕ್ಕೂ ಕಾರಣವಾಗಬಹುದು. ಹಾಗಾಗಿ ಇದರ ರೋಗಲಕ್ಷಣಗಳನ್ನು ಸಮಯೋಚಿತವಾಗಿ ಗುರುತಿಸುವುದು ಮುಖ್ಯ.