ವಾರದ ಉದ್ಯೋಗ ಭವಿಷ್ಯ: ಹೊಸ ಉದ್ಯೋಗ ಸಂದರ್ಶನ, ಬಡ್ತಿ ಹಾಗೂ ಆದಾಯ ವೃದ್ಧಿಗೆ ಈ ವಾರ ಯಾವ ರಾಶಿಗೆ ಒಲಿಯಲಿದೆ ಅದೃಷ್ಟ?

ನವೆಂಬರ್ ತಿಂಗಳ ಎರಡನೇ ವಾರದಲ್ಲಿ ಆದಾಯ, ಶತ್ರುಕಾಟ, ಧೈರ್ಯದಿಂದ ಮುನ್ನಡೆ, ಆಹಾರದ ಉದ್ಯೋಗ, ನಾಯಕ ಸ್ಥಾನ, ನಿರೀಕ್ಷಿತ ಕಾರ್ಯಕ್ಕೆ ಅಡ್ಡಿ, ಸಲಹೆ ಸ್ವೀಕಾರ, ಉದ್ಯೋಗದ ಸಂದರ್ಶನ ಇವೆಲ್ಲ ಈ ವಾರದ ವಿಶೇಷ.

ಮೇಷ ರಾಶಿ : ಗುರು ಪಂಚಮದಲ್ಲಿರುವುದರಿಂದ ಹೊಸ ಯೋಜನೆ, ಕಲ್ಪನೆ ಮತ್ತು ಬೋಧನೆಯಲ್ಲಿ ಯಶಸ್ಸು. ಶನಿಯು ದ್ವಾದಶದಲ್ಲಿರುವುದರಿಂದ ತೆರೆಮರೆಯ ಕೆಲಸ ಹೆಚ್ಚು, ಮೇಲಧಿಕಾರಿಗಳ ಮೆಚ್ಚುಗೆ ತಡವಾಗಬಹುದು. ಮಂಗಳನು ಪಂಚಮಕ್ಕೆ ಬಂದು ಉತ್ಸಾಹ ಹೆಚ್ಚಿಸುತ್ತಾನೆ.

ವೃಷಭ ರಾಶಿ : ಶನಿಯು ಲಾಭದಲ್ಲಿ, ಸೂರ್ಯನು ಷಷ್ಠದಲ್ಲಿ ಇರುವುದರಿಂದ ಕೆಲಸದಲ್ಲಿ ಶತ್ರುಗಳು ಸೋಲುತ್ತಾರೆ, ಬಾಕಿ ಕೆಲಸ ಮುಗಿಯುತ್ತದೆ. ರಾಹು ದಶಮದಲ್ಲಿರುವುದರಿಂದ ಹೊಸ ಅವಕಾಶ ಅಥವಾ ಹುದ್ದೆ ಬದಲಾವಣೆಯ ಸಾಧ್ಯತೆ. ಸಂಬಳ ಅಥವಾ ಆದಾಯ ಹೆಚ್ಚಳದ ಮಾತುಕತೆಗೆ ವಾರಾಂತ್ಯ ಒಳ್ಳೆಯದು.

ಮಿಥುನ ರಾಶಿ : ಶನಿ ದಶಮದಲ್ಲಿರುವುದರಿಂದ ಜವಾಬ್ದಾರಿ ಮತ್ತು ಒತ್ತಡ ಹೆಚ್ಚು. ಆದರೆ ಶ್ರಮಕ್ಕೆ ಫಲ ಖಂಡಿತ ಸಿಗುತ್ತದೆ. ಮಂಗಳನು ತೃತೀಯದಲ್ಲಿ ಬಲಿಷ್ಠನಾಗಿ ಧೈರ್ಯದಿಂದ ಹೊಸ ಕೆಲಸ ಕೈಗೊಳ್ಳಲು ನೆರವಾಗುತ್ತಾನೆ. ಮಾರಾಟ ಮತ್ತು ಸಂವಹನ ಕ್ಷೇತ್ರದವರಿಗೆ ಅನುಕೂಲ.

ಕರ್ಕಾಟಕ ರಾಶಿ : ಮಂಗಳ ನಿಮ್ಮ ರಾಶಿಯಲ್ಲೇ ನೀಚನಾಗಿರುವುದರಿಂದ ಕೋಪ ಮತ್ತು ಆತುರ ತಪ್ಪಿಸಿ. ಗುರು ದ್ವಿತೀಯದಲ್ಲಿರುವುದರಿಂದ ಹಣಕಾಸು ಸ್ಥಿರ. ಬ್ಯಾಂಕಿಂಗ್, ಹಣಕಾಸು ಮತ್ತು ಆಹಾರ ಸಂಬಂಧಿತ ಉದ್ಯೋಗದವರಿಗೆ ಉತ್ತಮ.

ಸಿಂಹ ರಾಶಿ : ಗುರು, ಕೇತು ಮತ್ತು ಮಂಗಳ ಒಂದೇ ರಾಶಿಯಲ್ಲಿ ಸೇರುವುದರಿಂದ ಶಕ್ತಿ ಹೆಚ್ಚಿದರೂ ಗೊಂದಲವೂ ಇರುತ್ತದೆ. ನಾಯಕತ್ವದ ಅವಕಾಶ ಬರುತ್ತದೆ. ಆದರೆ ಅಹಂಕಾರ ಮತ್ತು ಆತುರ ತಪ್ಪಿಸಿ. ಶನಿ ಅಷ್ಟಮದಲ್ಲಿರುವುದರಿಂದ ದೊಡ್ಡ ಬದಲಾವಣೆಗಳನ್ನು ಮುಂದೂಡುವುದು ಲೇಸು.

ಕನ್ಯಾ ರಾಶಿ : ಗುರು ದ್ವಾದಶದಲ್ಲಿರುವುದರಿಂದ ವಿದೇಶ, ದೂರದ ಊರು ಅಥವಾ ಮೂಲಭೂತ ವ್ಯವಸ್ಥೆ ಕಷ್ಟವಾಗುವ ಕೆಲಸದ ಅವಕಾಶ ಸಾಧ್ಯ. ಖರ್ಚೂ ಹೆಚ್ಚು. ಶುಕ್ರನು ನಿಮ್ಮ ರಾಶಿಗೆ ಬರುವುದರಿಂದ ಸಂಬಂಧ ಮತ್ತು ಕೆಲಸದ ವಾತಾವರಣ ಸುಧಾರಿಸುತ್ತದೆ.

ತುಲಾ ರಾಶಿ : ಸೂರ್ಯ ಮತ್ತು ಬುಧ ನಿಮ್ಮ ರಾಶಿಯಲ್ಲಿ, ಗುರು ಲಾಭದಲ್ಲಿ, ಶನಿಯು ಷಷ್ಠದಲ್ಲಿ ಇರುವುದರಿಂದ ಸ್ಥಾನಮಾನ, ಮೆಚ್ಚುಗೆ ಮತ್ತು ಲಾಭ ಸಿಗುತ್ತದೆ. ಬುಧ ವಕ್ರಿಯಾಗಿರುವುದರಿಂದ ಹಳೆಯ ಅರ್ಧಂಬರ್ಧ ಕೆಲಸಗಳನ್ನು ಪೂರ್ಣಗೊಳಿಸಲು ಈ ವಾರ ಒಳ್ಳೆಯದು. ಹೊಸ ಒಪ್ಪಂದಗಳಿಗೆ ಸಹಿ ಹಾಕುವ ಮೊದಲು ನಿಧಾನಿಸಿ.

ವೃಶ್ಚಿಕ ರಾಶಿ : ಗುರು ದಶಮದಲ್ಲಿರುವುದರಿಂದ ಹುದ್ದೆ ಏರಿಕೆ ಅಥವಾ ಹೊಸ ಜವಾಬ್ದಾರಿಯ ಸೂಚನೆ. ಸೂರ್ಯನು ದ್ವಾದಶದಲ್ಲಿರುವುದರಿಂದ ಅನಗತ್ಯ ಪ್ರಯಾಣ ಮತ್ತು ಖರ್ಚು ಆಗಬಹುದು. ವಾರದ ಅನಂತರ ಸೂರ್ಯ ನಿಮ್ಮ ರಾಶಿಗೆ ಬಂದು ಆತ್ಮವಿಶ್ವಾಸ ಹೆಚ್ಚಿಸುತ್ತಾನೆ.

ಧನು ರಾಶಿ : ಸೂರ್ಯ ಲಾಭದಲ್ಲಿ, ಗುರು ನವಮದಲ್ಲಿ ಇರುವುದರಿಂದ ಅದೃಷ್ಟ ಮತ್ತು ಹಿರಿಯರ ಬೆಂಬಲ ಸಿಗುತ್ತದೆ. ಉನ್ನತ ಶಿಕ್ಷಣ, ಕಾನೂನು, ಸಲಹೆಗಾರಿಕೆ ಕ್ಷೇತ್ರದವರಿಗೆ ವಿಶೇಷ ಲಾಭ. ಶನಿ ಚತುರ್ಥದಲ್ಲಿರುವುದರಿಂದ ಮನೆ ಮತ್ತು ಕೆಲಸದ ನಡುವೆ ಸಮತೋಲನ ಬೇಕು.

ಮಕರ ರಾಶಿ : ಸೂರ್ಯ ದಶಮದಲ್ಲಿ ಇರುವುದರಿಂದ ಅಧಿಕಾರಿಗಳ ಗಮನ ಮತ್ತು ಮೆಚ್ಚುಗೆ ಸಿಗುತ್ತದೆ. ಶನಿ ತೃತೀಯದಲ್ಲಿರುವುದರಿಂದ ಪರಿಶ್ರಮಕ್ಕೆ ಫಲ. ಮಂಗಳ ಮತ್ತು ಗುರು ಅಷ್ಟಮ ಪ್ರಭಾವದಲ್ಲಿರುವುದರಿಂದ ಅನಿರೀಕ್ಷಿತ ಅಡ್ಡಿ ಸಾಧ್ಯ, ಹೊಸ ಅಪಾಯಕಾರಿ ಹೂಡಿಕೆಯ ಹೆಜ್ಜೆ ಬೇಡ.

ಕುಂಭ ರಾಶಿ : ಗುರು ಸಪ್ತಮದಲ್ಲಿ ಇರುವುದರಿಂದ ಪಾಲುದಾರಿಕೆ, ಗ್ರಾಹಕರ ಸಂಬಂಧ ಮತ್ತು ತಂಡದ ಕೆಲಸದಲ್ಲಿ ಯಶಸ್ಸು. ರಾಹು ನಿಮ್ಮ ರಾಶಿಯಲ್ಲಿರುವುದರಿಂದ ಮನಸ್ಸು ಅಸ್ಥಿರವಾಗಬಹುದು. ಯಾವುದೇ ಒಪ್ಪಂದದ ಷರತ್ತುಗಳನ್ನು ಸ್ಪಷ್ಟವಾಗಿ ಓದಿ, ನಿರ್ಧರಿಸುವುದು ಶ್ರೇಯಸ್ಕರ.

ಮೀನ ರಾಶಿ : ಶನಿ ನಿಮ್ಮ ರಾಶಿಯಲ್ಲಿರುವುದರಿಂದ ಪ್ರಗತಿ ನಿಧಾನ, ಆದರೆ ಸ್ಥಿರವಾಗಿರಲಿದೆ. ಗುರು ಷಷ್ಠದಲ್ಲಿರುವುದರಿಂದ ಕೆಲಸದ ಸ್ಥಳದ ಸಮಸ್ಯೆಗಳು ನಿಧಾನವಾಗಿ ಬಗೆಹರಿಯುತ್ತವೆ. ಮಂಗಳನು ಷಷ್ಠಕ್ಕೆ ಬಂದು ಸ್ಪರ್ಧೆ ಮತ್ತು ಸಂದರ್ಶನಗಳಲ್ಲಿ ಬಲ ನೀಡುತ್ತಾನೆ.

-ಲೋಹಿತ್ ಹೆಬ್ಬಾರ್