ಬ್ಯಾಟರಿ ಚಾಲಿತ ಜೀಪ್ ಸಿದ್ಧಪಡಿಸಿದ ಯುವಕ; ಇದರಲ್ಲಿನ ವಿಶೇಷತೆಗೆ ಫಿದಾ ಆದ ಆನಂದ್ರ ಮಹೀಂದ್ರ ಹೇಳಿದ್ದೇನು ಗೊತ್ತಾ?

ಅಟೋಮೊಬೈಲ್ ಕ್ಷೇತ್ರದಲ್ಲಿ ಸಾಧನೆಗೆ ಮುಂದಾಗಿರುವ ತಮಿಳುನಾಡಿನ ಯುವಕನೊಬ್ಬ ಮನೆಯಲ್ಲೇ ಒಂದು ಬ್ಯಾಟರಿ ಚಾಲಿತ ಜೀಪ್ ಅನ್ನು ಸಿದ್ಧಪಡಿಸಿದ್ದಾನೆ. ತಮಿಳುನಾಡಿನ ಕೀಜಾಡಿ ಗ್ರಾಮದ ಯುವಕ ಗೌತಮ್, ಎಲೆಕ್ಟ್ರಿಕ್ ಜೀಪ್‌ ಸಿದ್ಧಪಡಿಸಿ ಅದರ ವಿಡಿಯೋವನ್ನು ಟ್ವಟರ್​ನಲ್ಲಿ ಹಂಚಿಕೊಂಡು “ದಯವಿಟ್ಟು ನನಗೆ ಕೆಲಸ ಕೊಡಿ, ಸರ್” ಎಂದು ಮಹೀಂದ್ರಾ ಗ್ರೂಪ್‌ನ ಅಧ್ಯಕ್ಷ ಆನಂದ್ ಮಹೀಂದ್ರಾ ಅವರನ್ನು ಕೋರಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಆನಂದ್ ಮಹೀಂದ್ರಾ, “ಇದಕ್ಕಾಗಿಯೇ ಭಾರತವು ಇವಿಗಳಲ್ಲಿ ಅಗ್ರಸ್ಥಾನದಲ್ಲಿದೆ ಎಂದು ನನಗೆ ಮನವರಿಕೆಯಾಗಿದೆ” ಎಂದು ಹೇಳಿಕೊಂಡಿದ್ದಾರೆ.

ಆನಂದ್ ಅವರು ಗೌತಮ್ ಅವರನ್ನು ಸಂಪರ್ಕಿಸುವಂತೆ ಕಂಪನಿಯ ಕಾರ್ಯನಿರ್ವಾಹಕ ಆರ್. ವೇಲುಸಾಮಿ ಅವರಲ್ಲಿ ಸೂಚಿಸಿದ್ದಾರೆ. ಅಲ್ಲದೆ, “ಕಾರುಗಳು ಮತ್ತು ತಂತ್ರಜ್ಞಾನದ ಬಗ್ಗೆ ಜನರ ಉತ್ಸಾಹ ಮತ್ತು ಗ್ಯಾರೇಜ್ ಟಿಂಕರಿಂಗ್ ಮೂಲಕ ಅವರ ನಾವೀನ್ಯತೆಯಿಂದಾಗಿ ಅಮೆರಿಕವು ಆಟೋಗಳಲ್ಲಿ ಪ್ರಾಬಲ್ಯ ಸಾಧಿಸಿದೆ ಎಂದು ನಾನು ನಂಬುತ್ತೇನೆ” ಎಂದು ಅವರು ಹೇಳಿದ್ದಾರೆ.

This is why I’m convinced India will be a leader in EVs. I believe America gained dominance in autos because of people’s passion for cars & technology & their innovation through garage ‘tinkering.’ May Gowtham & his ‘tribe’ flourish. @Velu_Mahindra please do reach out to him. https://t.co/xkFg3SX509

— anand mahindra (@anandmahindra) August 20, 2022

ಇನ್ನೊಂದೆಡೆ ತಮ್ಮ ಟ್ವೀಟ್‌ಗೆ ಪ್ರತಿಕ್ರಿಯಿಸಿದ್ದಕ್ಕಾಗಿ ಬ್ಯಾಟರಿ ಚಾಲಿತ ಜೀಪ್ ತಯಾರಕ ಗೌತಮ್ ಆನಂದ್ ಮಹೀಂದ್ರಾ ಅವರಿಗೆ ಧನ್ಯವಾದ ಹೇಳಿದ್ದಾರೆ. ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಓದಿರುವ ಗೌತಮ್ ಅವರು ಭಾರತೀಯ ಸೇನೆಗೆ ಸೇರುವ ಭರವಸೆಯಲ್ಲಿದ್ದಾರೆ. ಬ್ಯಾಟರಿ ಚಾಲಿತ ಜೀಪ್ ಅನ್ನು ಮುಖ್ಯವಾಗಿ ಕೃಷಿ ಬಳಕೆಗಾಗಿ ತಯಾರಿಸಿದೆ ಎಂದು ವರದಿಯಾಗಿದೆ.

ಬ್ಯಾಟರಿ ಚಾಲಿತ ಜೀಪ್​ನ ವಿಶೇಷತೆ ಏನು?

ಲಿಥಿಯಂ ಬ್ಯಾಟರಿ ಚಾಲಿತವಾಗುವ ಜೀಪ್​ನ ಮುಂಭಾಗ ಮತ್ತು ಹಿಂಭಾಗದ ಚಕ್ರಗಳನ್ನು ಪ್ರತ್ಯೇಕವಾಗಿ ನಿಯಂತ್ರಿಸಲು ಸಾಧ್ಯವಾಗುವಂತೆ ನಿರ್ಮಿಸಲಾಗಿರುವುದು ವಿಶೇಷವಾಗಿದೆ. ಈ ಬಗ್ಗೆ ಸ್ವತಃ ಗೌತಮ್ ಅವರು ಟ್ವಿಟರ್​ನಲ್ಲಿ ಹಂಚಿಕೊಂಡ ವಿಡಿಯೋದಲ್ಲಿ ತಿಳಿಸಿದ್ದಾರೆ. ಅಲ್ಲದೆ ಈ ಜೀಪ್ ಅನ್ನು ವಾಹನಗಳ ತ್ಯಾಜ್ಯ ಭಾಗಗಳಿಂದ ನಿರ್ಮಿಸಲಾಗಿದೆ.

ಮತ್ತಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 12:58 pm, Mon, 22 August 22