Drive-in​​ prayers! ಫ್ರೀಡೌನ್ ಮಧ್ಯೆ ಬೆಂಗಳೂರಲ್ಲಿ ಸಂಡೇ ಸಾಮೂಹಿಕ ಪ್ರಾರ್ಥನೆ

ಬೆಂಗಳೂರು: ದೇವಾಲಯ, ಮಸೀದಿ, ಚರ್ಚ್​ ತೆರೆಯುವುದರ ಜೊತೆಗೆ ಧಾರ್ಮಿಕ ಚಟುವಟಿಕೆಗಳನ್ನು ಪುನಾರಂಭಿಸೋಕೆ ಅನುಮತಿ ನೀಡಿದ ಕೇಂದ್ರ ಸರ್ಕಾರದ ನಿರ್ಧಾರ ಭಕ್ತರಲ್ಲಿ ಸಂತಸ ತಂದಿದೆ. 3 ತಿಂಗಳಿಂದ ಕಾಲ ದೇವರ ದರ್ಶನ ಪಡೆದು, ಪ್ರಾರ್ಥನೆಯಲ್ಲಿ ಭಾಗಿಯಾಗಲು ಕಾತುರದಿಂದ ಕಾಯುತ್ತಿದ್ದ ಭಕ್ತಗಣಕ್ಕೆ ಕೊನೆಗೂ ಅವಕಾಶ ಸಿಕ್ಕಿದೆ.

ಹೆಬ್ಬಾಳದಲ್ಲಿ ಸಾಮೂಹಿಕ Drive-in​​ ಪ್ರಾರ್ಥನೆ! ಅದರಂತೆಯೇ ಫ್ರೀಡೌನ್​ನ ಮೊದಲನೇ ಭಾನುವಾರವಾಗಿದ್ದ ಇಂದು ರಾಜ್ಯದ ಕ್ರೈಸ್ತ ಬಾಂಧವರೆಲ್ಲಾ ತಮ್ಮ ಚರ್ಚ್​ಗಳಲ್ಲಿ ಸೇರಿ ಸಾಮೂಹಿಕ ಪ್ರಾರ್ಥನೆಯಲ್ಲಿ ಭಾಗಿಯಾದರು. ಆದರೆ ನಗರದ ಹೆಬ್ಬಾಳದ ಓಪನ್ ಗ್ರೌಂಡ್​ ಒಂದರಲ್ಲಿ ಆಯೋಜಿಸಲಾಗಿದ್ದ ಕ್ರೈಸ್ತರ ಸಾಮೂಹಿಕ ಪ್ರಾರ್ಥನೆ ಸ್ವಲ್ಪ ವಿಭಿನ್ನವಾಗಿಯೇ ಇತ್ತು. ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕೆಂಬ ಕೇಂದ್ರದ ಮಾರ್ಗಸೂಚಿಯನ್ನು ಕಟ್ಟುನಿಟ್ಟಾಗಿ ಪಾಲಿಸಲು ಮುಂದಾದ ಈ ಭಕ್ತ ಸಮೂಹ ಒಂದು ಸ್ಪೆಷಲ್ ಡ್ರೈವ್-ಇನ್ ಪ್ರಾರ್ಥನೆಯನ್ನು ಹಮ್ಮಿಕೊಂಡಿದ್ದರು.

ಇದರ ಭಾಗವಾಗಿ ತಮ್ಮ ತಮ್ಮ ಕಾರು​ ಮತ್ತು ದ್ವಿಚಕ್ರ ವಾಹನದಲ್ಲಿ ಗ್ರೌಂಡ್​ಗೆ ಆಗಮಿಸಿದ ಭಕ್ತರೆಲ್ಲರು ಅದರಲ್ಲಿಯೇ ಕುಳಿತು ಪ್ರಾರ್ಥನೆಯಲ್ಲಿ ಭಾಗಿಯಾದರು. ವಾಹನಗಳನ್ನು ಅಂತರ ಕಾದು ನಿಲ್ಲಿಸಿದ್ದರಿಂದ ಸಾಮಾಜಿಕ ಅಂತರವನ್ನು ಸಹ ಕಾಯ್ದುಕೊಂಡಂಥಾಯಿತು. ಜೊತೆಗೆ ಭಕ್ತರಿಗೆ ಮಾಸ್ಕ್​ ಧರಿಸಿ ಭಾಗಿಯಾಗಲು ಸೂಚಿಸಲಾಗಿತ್ತು.

ಹಾಗೆಯೇ ಎತ್ತರದ ಸ್ಟೇಜ್​ವೊಂದನ್ನು ನಿರ್ಮಿಸಿ ಚರ್ಚ್​ ಪಾದ್ರಿಯ ಸಂದೇಶವನ್ನು ಎಲ್ಲರಿಗೂ ಕಾಣುವಂತೆ ದೊಡ್ಡ LED ಸ್ಕ್ರೀನ್​ ಮೇಲೆಯೂ ಸಹ ಪ್ರದರ್ಶಿಸಲಾಯಿತು. ಗ್ರೌಂಡ್​ ಸುತ್ತಲ್ಲೂ ಲೌಡ್​ಸ್ಪೀಕರ್​ ಅಳವಡಿಸಿ ಭಕ್ತರಿಗೆ ಪ್ರೇಯರ್  ಸ್ಪಷ್ಟವಾಗಿ ಕಾಣಸಿಗುವಂತೆ ವ್ಯವಸ್ಥೆ ಕೂಡ ಮಾಡಲಾಗಿತ್ತು.

Published On - 4:38 pm, Sun, 14 June 20