ರಾಜ್ಯದ ಜಲಾಶಯಗಳ ಇಂದಿನ ಸ್ಥಿತಿಗತಿ: ಕೃಷ್ಣಾ ನದಿಗೆ ಹರಿದುಬಂತು 88 ಸಾವಿರ ಕ್ಯೂಸೆಕ್ ನೀರು

ರಾಜ್ಯದ ಪ್ರಮುಖ ಜಲಾಶಯಗಳಲ್ಲಿ ನೀರಿನ ಸಂಗ್ರಹಣೆ ಹಾಗೂ ಒಳಹರಿವಿನ ಪ್ರಮಾಣದಲ್ಲಿ ಏರಿಳಿತಗಳು ಕಂಡುಬರುತ್ತಿವೆ. ಕಾವೇರಿ ಮತ್ತು ಕೃಷ್ಣಾ ಕೊಳ್ಳದ ಪ್ರಮುಖ ಡ್ಯಾಂಗಳಲ್ಲಿ ಇಂದಿನ (ಜುಲೈ ೨೫) ನೀರಿನ ಮಟ್ಟದ ವಿವರ ಇಲ್ಲಿದೆ.

ಕಬಿನಿ ಜಲಾಶಯ (ಮೈಸೂರು)

ಕಳೆದ ವರ್ಷಕ್ಕೆ ಹೋಲಿಸಿದರೆ ಕಬಿನಿ ಜಲಾಶಯದಲ್ಲಿ ನೀರಿನ ಸಂಗ್ರಹ ಪ್ರಮಾಣ ಕೊಂಚ ಕಡಿಮೆಯಾಗಿದೆ. ಇಂದಿನ ನೀರಿನ ಮಟ್ಟ 72.77 ಅಡಿ (ಕಳೆದ ವರ್ಷ ಇದೇ ದಿನ: 82.86 ಅಡಿ). ಇನ್ನು ನೀರಿನ ಸಂಗ್ರಹ 13.61 ಟಿಎಂಸಿ (ಕಳೆದ ವರ್ಷ: 19.16 ಟಿಎಂಸಿ). ಇನ್ನು ಒಳಹರಿವು, 4,494 ಕ್ಯೂಸೆಕ್ (ಕಳೆದ ವರ್ಷ: 15,718 ಕ್ಯೂಸೆಕ್), ಹೊರಹರಿವು, ನದಿಗೆ 500 ಕ್ಯೂಸೆಕ್ ನೀರು ಬಿಡುಗಡೆ (ಕಳೆದ ವರ್ಷ: 16,875 ಕ್ಯೂಸೆಕ್) ಆಗಿದೆ. ಕಳೆದ 24 ಗಂಟೆಗಳಲ್ಲಿ 10 ಮಿ.ಮೀ. ಮಳೆ ದಾಖಲಾಗಿದೆ.

ಕೃಷ್ಣರಾಜಸಾಗರ / ಕೆಆರ್‌ಎಸ್ ಡ್ಯಾಂ (ಮಂಡ್ಯ)

ನೀರಿನ ಗರಿಷ್ಠ ಮಟ್ಟ 124.80 ಅಡಿ (ಗರಿಷ್ಠ ಸಾಮರ್ಥ್ಯ: 49.452 ಟಿಎಂಸಿ) ಆದರೆ ಇಂದಿನ ನೀರಿನ ಮಟ್ಟ: 91.82 ಅಡಿ ಇದೆ. ಇಂದಿನ ಸಂಗ್ರಹ ಆಗಿರುವ ನೀರಿನ ಮಟ್ಟ 17.051 ಟಿಎಂಸಿ, ನೀರಿನ ಒಳಹರಿವು 726 ಕ್ಯೂಸೆಕ್, ಹೊರಹರಿವು 1,576 ಕ್ಯೂಸೆಕ್ ಇದೆ.

ಆಲಮಟ್ಟಿ ಜಲಾಶಯ (ವಿಜಯಪುರ)

ಉತ್ತರ ಕರ್ನಾಟಕದ ಜೀವನಾಡಿ ಕೃಷ್ಣಾ ನದಿಗೆ ಅಡ್ಡಲಾಗಿ ನಿರ್ಮಿಸಲಾಗಿರುವ ಲಾಲ್ ಬಹಾದ್ದೂರ್ ಶಾಸ್ತ್ರಿ ಸಾಗರ (ಆಲಮಟ್ಟಿ ಡ್ಯಾಂ) ಭರ್ತಿಯಾಗುವ ಹಂತ ತಲುಪಿದ್ದು, ಭಾರಿ ಪ್ರಮಾಣದ ಒಳಹರಿವು ದಾಖಲಾಗಿದೆ. ಗರಿಷ್ಠ ಮಟ್ಟದಲ್ಲಿ 519.60 ಮೀಟರ್ ಇಂದಿನ ನೀರಿನ ಮಟ್ಟದಲ್ಲಿ 518. 69 ಮೀಟರ್ (ಗರಿಷ್ಠ ಮಟ್ಟಕ್ಕೆ ಹತ್ತಿರ) ಇದೆ. ಒಳಹರಿವು 88,228 ಕ್ಯೂಸೆಕ್ ಹಾಗೂ ಹೊರಹರಿವು 68,425 ಕ್ಯೂಸೆಕ್ ಇದೆ.

ಇದನ್ನೂ ಓದಿ: ಬೆಂಗಳೂರಿನ ಅಪಾರ್ಟ್‌ಮೆಂಟ್ ಮಾಲೀಕರಿಗೆ ಗುಡ್​​ ನ್ಯೂಸ್ : ಒಸಿ ಸಿಕ್ಕ ಮೇಲೆ ಬಿಲ್ಡರ್‌ಗಳ ಇಷ್ಟದಂತೆ ನಕ್ಷೆ ಬದಲಾಯಿಸುವಂತಿಲ್ಲ

ಹೇಮಾವತಿ ಜಲಾಶಯ (ಹಾಸನ – ಗೊರೂರು)

ಗರಿಷ್ಠ ಮಟ್ಟ 2,922 ಅಡಿ (37 ಟಿಎಂಸಿ) ಆದರೆ ಇಂದಿನ ನೀರಿನ ಮಟ್ಟ 2,904.97ಅಡಿ (23.045 ಟಿಎಂಸಿ) ಹಾಗೂ ಒಳಹರಿವು 3,068 ಕ್ಯೂಸೆಕ್ ಮತ್ತು ಹೊರಹರಿವು 450 ಕ್ಯೂಸೆಕ್(ಗಮನಿಸಿ: ಕಳೆದ ವರ್ಷ ಇದೇ ದಿನ 2,921.03 ಅಡಿ [36.165 ಟಿಎಂಸಿ] ನೀರಿತ್ತು ಹಾಗೂ 8,347 ಕ್ಯೂಸೆಕ್ ಒಳಹರಿವಿತ್ತು).

ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 9:30 am, Sat, 25 July 26