ಊಟ ಮಾಡಲು ಯಾವುದು ಸರಿಯಾದ ಸಮಯ?

ಮಧ್ಯಾಹ್ನದ ಊಟವು ಆ ದಿನದ ಪ್ರಮುಖ ಊಟವಾಗಿರುತ್ತದೆ. ಸಮಯಕ್ಕೆ ಸರಿಯಾಗಿ ಊಟ, ತಿಂಡಿ ಸೇವಿಸುವುದು ಅತ್ಯಗತ್ಯ. ಹಲವಾರು ಕಾರಣಗಳಿಂದ ಊಟವನ್ನು ಯಾವಾಗ ಸೇವಿಸಬೇಕು ಎಂಬುದು ಬಹಳ ಮುಖ್ಯವಾಗಿದೆ. ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ದೇಹದಲ್ಲಿನ ಶಕ್ತಿಯ ಕುಸಿತ ಮತ್ತು ಕಿರಿಕಿರಿಯನ್ನು ತಡೆಯುತ್ತದೆ. ನಿಯಮಿತ ಊಟದ ಸಮಯವು ದೇಹದ ಸಿರ್ಕಾಡಿಯನ್ ಲಯವನ್ನು ಬೆಂಬಲಿಸುತ್ತದೆ, ಜೀರ್ಣಕ್ರಿಯೆ ಮತ್ತು ಒಟ್ಟಾರೆ ಆರೋಗ್ಯವನ್ನು ಹೆಚ್ಚಿಸುತ್ತದೆ.

ಊಟದ ಸರಿಯಾದ ಸಮಯವು ಸಾಂಸ್ಕೃತಿಕ ರೂಢಿಗಳು, ವೈಯಕ್ತಿಕ ಆದ್ಯತೆಗಳು ಮತ್ತು ದೈನಂದಿನ ವೇಳಾಪಟ್ಟಿಗಳನ್ನು ಅವಲಂಬಿಸಿ ಬದಲಾಗಬಹುದು. ಅನೇಕ ಪಾಶ್ಚಿಮಾತ್ಯ ದೇಶಗಳಲ್ಲಿ, ಊಟದ ಸಮಯವು ಸಾಮಾನ್ಯವಾಗಿ ಮಧ್ಯಾಹ್ನ 12 ಗಂಟೆಗೆ ಮತ್ತು 1 ಗಂಟೆಯ ನಡುವೆ ಇರುತ್ತದೆ. ನಿಮ್ಮ ಊಟಕ್ಕೆ ಸರಿಯಾದ ಸಮಯವನ್ನು ನಿರ್ಧರಿಸುವಾಗ ನಿಮ್ಮ ವೈಯಕ್ತಿಕ ಅಗತ್ಯತೆಗಳು ಮತ್ತು ಜೀವನಶೈಲಿಯನ್ನು ಪರಿಗಣಿಸುವುದು ಅತ್ಯಗತ್ಯ.

ನಿಮ್ಮ ದೇಹ ಏನನ್ನು ಸೂಚಿಸುತ್ತದೆ ಎಂಬುದರ ಬಗ್ಗೆ ನಿಮ್ಮ ಗಮನವಿರಲಿ. ನೀವು ದಿನವೂ ಒಂದೇ ಸಮಯದಲ್ಲಿ ಹಸಿವು ಆಗಲಾರಂಭಿಸಿದರೆ ಅದು ಊಟದ ಸಮಯ ಎಂಬುದರ ಸೂಚನೆಯಾಗಿದೆ. ದಿನವೂ ಒಂದೇ ಊಟದ ದಿನಚರಿಯನ್ನು ಅಳವಡಿಸಿಕೊಳ್ಳುವುದು ನಿಮ್ಮ ಹಸಿವನ್ನು ನಿಯಂತ್ರಿಸಲು ಮತ್ತು ಶಕ್ತಿಯ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ನೀವು ಡಯೆಟ್​ನಲ್ಲಿದ್ದೀರಾ? ಎಣ್ಣೆ ತಿಂಡಿಗಳನ್ನು ತಿಂದ ಮೇಲೆ ಏನು ಮಾಡಬೇಕು?

ಕೆಲವು ಸಂಸ್ಕೃತಿಗಳಲ್ಲಿ ಊಟವು ಆ ದಿನದ ಅತ್ಯಂತ ಮುಖ್ಯವಾದ ಆಹಾರವಾಗಿರುತ್ತದೆ. ಕೆಲವು ಜನರು ಸಣ್ಣ ತಿಂಡಿ ಮತ್ತು ದೊಡ್ಡ ಭೋಜನವನ್ನು ಹೊಂದಲು ಬಯಸುತ್ತಾರೆ. ಆದರೆ ಇತರರು ಅದರ ವಿರುದ್ಧವಾಗಿ ಬಯಸುತ್ತಾರೆ. ಆರೋಗ್ಯ ಅಥವಾ ತೂಕ ನಿರ್ವಹಣೆಯ ಕಾರಣಗಳಿಗಾಗಿ ನೀವು ಡಯೆಟ್ ಮಾಡುತ್ತಿದ್ದರೆ ನಿಮ್ಮ ಊಟದ ಉತ್ತಮ ಸಮಯವನ್ನು ನಿರ್ಧರಿಸಲು ವೈದ್ಯರನ್ನು ಸಂಪರ್ಕಿಸಿ.

ವೈದ್ಯರ ಪ್ರಕಾರ, ಒಂದು ದಿನದಲ್ಲಿ 6 ಸಣ್ಣ ಊಟ, ತಿಂಡಿಗಳನ್ನು ಸೇವಿಸಬೇಕು. ಆಗಾಗ ಆಹಾರವನ್ನು ಸೇವಿಸುತ್ತಿರಬೇಕು. ಬೆಳಗ್ಗೆ, ಮಧ್ಯಾಹ್ನ, ರಾತ್ರಿ ಮಾತ್ರವಲ್ಲದೆ ಮಧ್ಯದಲ್ಲಿಯೂ ಆಗಾಗ ಆಹಾರ ಸೇವಿಸುತ್ತಿರಬೇಕು. ಊಟವನ್ನು ಸೇವಿಸುವ ಸಮಯವು ಅವರ ಲಭ್ಯತೆ, ಕೆಲಸದ ವೇಳಾಪಟ್ಟಿ, ಶಿಫ್ಟ್ ಸಮಯಗಳು ಇತ್ಯಾದಿಗಳನ್ನು ಅವಲಂಬಿಸಿ ಒಬ್ಬರಿಂದ ಇನ್ನೊಬ್ಬರಿಗೆ ಬದಲಾಗಬಹುದು. ಆದರೆ ಪ್ರತಿ ಊಟದಲ್ಲಿ ಎರಡೂವರೆ ಗಂಟೆಗಳ ಅಂತರದೊಂದಿಗೆ ದಿನಕ್ಕೆ 6 ಬಾರಿ ಆಹಾರ ಸೇವಿಸಬೇಕು. ಪ್ರಮುಖವಾದ 3 ಊಟ- ತಿಂಡಿಯ ನಡುವೆ 5 ಗಂಟೆಗಳ ಅಂತರವಿರಬೇಕು.

ಇದನ್ನೂ ಓದಿ: Blue Zone Diet: ಏನಿದು ಬ್ಲೂ ಜೋನ್ ಡಯೆಟ್?; ಇದರಿಂದ ತೂಕ ಇಳಿಸುವ ವಿಧಾನ ಇಲ್ಲಿದೆ

ವೈದ್ಯರ ಪ್ರಕಾರ, ದಿನದ ಆಹಾರದ ಶೆಡ್ಯೂಲ್ ಹೀಗಿದೆ.

ಮುಂಜಾನೆ 7 ಗಂಟೆ: ಎಳನೀರು, ಉಗುರುಬೆಚ್ಚನೆಯ ನೀರು, ಜೇನುತುಪ್ಪದೊಂದಿಗೆ ನಿಂಬೆ ನೀರು ಮುಂತಾದ ಯಾವುದೇ ನೈಸರ್ಗಿಕ ಪಾನೀಯ ಸೇವಿಸಿ.

8:30- 9:00 ಗಂಟೆ: ಉಪಹಾರ

ಬೆಳಿಗ್ಗೆ 11:30 ಗಂಟೆ: ಹಣ್ಣುಗಳು, ನಿಂಬೆ ಪಾನಕ, ಮನೆಯಲ್ಲಿ ತಯಾರಿಸಿದ ಸೂಪ್‌ಗಳು, ಮಜ್ಜಿಗೆ.

ಮಧ್ಯಾಹ್ನ 1:30 – 2 ಗಂಟೆ: ಮಧ್ಯಾಹ್ನದ ಊಟ

ಸಂಜೆ 4:30- 5 ಗಂಟೆ: ಹುರಿದ, ಸುಟ್ಟ ತಿಂಡಿಗಳೊಂದಿಗೆ ಸಂಜೆಯ ಚಹಾ ಅಥವಾ ಕಾಫಿ.

ಸಂಜೆ 7:30ಕ್ಕೆ: ರಾತ್ರಿಯ ಊಟ

ರಾತ್ರಿ 9:30 ಗಂಟೆ: ರಾತ್ರಿಯ ಊಟದ ನಂತರ ಕಡಿಮೆ ಕೊಬ್ಬಿನ ಹಾಲು

ಇದಿಷ್ಟೇ ಅಲ್ಲದೆ ಆಗಾಗ ತರಕಾರಿ, ನಟ್ಸ್, ಹಣ್ಣು, ಸೀಡ್ಸ್​ ಸೇವಿಸುತ್ತಿರಿ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ