Holi 2024: ಹೋಳಿ ಆಡುವ ಮೊದಲು ನಿಮ್ಮ ಕಣ್ಣಿನ ಬಗ್ಗೆ ಈ ರೀತಿಯ ಕಾಳಜಿ ವಹಿಸಿ
ಬಣ್ಣಗಳ ಹಬ್ಬವಾದ ಹೋಳಿಯನ್ನು ಫಾಲ್ಗುಣ ಮಾಸದಲ್ಲಿ ಭಾರತದಾದ್ಯಂತ ಆಚರಿಸಲಾಗುತ್ತದೆ. ಈ ವರ್ಷ, ಹೋಳಿಯನ್ನು ಮಾರ್ಚ್ 25ರಂದು ಆಚರಿಸಲಾಗುತ್ತದೆ. ಭಾರತದ ಪ್ರತಿಯೊಂದು ಪ್ರದೇಶದಲ್ಲಿ ಹೋಳಿಯನ್ನು ವಿಭಿನ್ನವಾಗಿ ಆಚರಿಸಲಾಗುತ್ತದೆ. ಹೋಳಿ ಹಬ್ಬ ಆಚರಿಸುವಾಗ ಬಣ್ಣದಲ್ಲಿನ ರಾಸಾಯನಿಕಗಳು ಕಣ್ಣಿಗೆ ತಾಗಿ ತೊಂದರೆ ಉಂಟಾಗುವ ಸಾಧ್ಯತೆಯೂ ಇರುತ್ತದೆ.
Updated on: Mar 22, 2024 | 7:19 PM
ಭಾರತದಲ್ಲಿ ಹೋಳಿ ಹಬ್ಬವನ್ನು ವಿಶೇಷವಾಗಿ ಆಚರಿಸಲಾಗುತ್ತದೆ. ಹಿಂದೂಗಳ ಮುಖ್ಯ ಹಬ್ಬಗಳಲ್ಲಿ ಹೋಳಿ ಕೂಡ ಒಂದು. ಹೋಳಿ ಹಬ್ಬದಂದು ಎಲ್ಲರೂ ಬಣ್ಣಗಳನ್ನು ಎರಚಿಕೊಂಡು, ಬಣ್ಣದ ನೀರನ್ನು ಸೋಕಿಕೊಂಡು ಸಂಭ್ರಮಿಸುತ್ತಾರೆ. ಇದರಿಂದ ಕಣ್ಣು, ಮೂಗು, ಕಿವಿಗೆ ಬಣ್ಣದ ಪುಡಿ ಹೋಗಿ ತೊಂದರೆಯೂ ಆಗಬಹುದು. ಅದರಲ್ಲೂ ಕಣ್ಣಿನ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುವುದು ಅತ್ಯಗತ್ಯ. ಹೋಳಿಯ ವರ್ಣರಂಜಿತ ಸಂಭ್ರಮದ ನಡುವೆ ನಮ್ಮ ಕಣ್ಣಿಗೆ ಅದು ಉಂಟುಮಾಡುವ ಸಂಭಾವ್ಯ ಅಪಾಯಗಳ ಬಗ್ಗೆ ಗಮನ ಹರಿಸುವುದು ಮುಖ್ಯವಾಗಿದೆ. ನಮ್ಮ ಕಣ್ಣುಗಳ ಸುರಕ್ಷತೆಯನ್ನು ವಹಿಸಲು, ಹಬ್ಬದ ಉತ್ಸಾಹವನ್ನು ಸಂಪೂರ್ಣವಾಗಿ ಆನಂದಿಸಲು, ಹೋಳಿ ಆಚರಣೆಯ ಸಮಯದಲ್ಲಿ ನೆನಪಿನಲ್ಲಿಟ್ಟುಕೊಳ್ಳಲು ಕೆಲವು ಪ್ರಾಯೋಗಿಕ ಸಲಹೆಗಳು ಇಲ್ಲಿವೆ.
ಸಿಂಥೆಟಿಕ್ ಬದಲು ಹರ್ಬಲ್ ಅಥವಾ ಪರಿಸರ ಸ್ನೇಹಿ ಬಣ್ಣಗಳು:
ಸಿಂಥೆಟಿಕ್ ಬಣ್ಣಗಳನ್ನು ಗಾಜಿನ ಪುಡಿ, ಸೀಸದ ಆಕ್ಸೈಡ್ ಮತ್ತು ಕೈಗಾರಿಕಾ ಬಣ್ಣಗಳಂತಹ ಹಾನಿಕಾರಕ ವಸ್ತುಗಳಿಂದ ತಯಾರಿಸಲಾಗುತ್ತದೆ. ಇದಕ್ಕೆ ವ್ಯತಿರಿಕ್ತವಾಗಿ, ಗಿಡಮೂಲಿಕೆಗಳು ಅಥವಾ ಪರಿಸರ ಸ್ನೇಹಿ ಬಣ್ಣಗಳನ್ನು ಹೂವುಗಳು, ತರಕಾರಿಗಳು, ಅರಿಶಿನ, ಕಾರ್ನ್-ಸ್ಟಾರ್ಚ್ ಇತ್ಯಾದಿಗಳಂತಹ ನೈಸರ್ಗಿಕವಾಗಿ ಬೆಳೆದ ಪದಾರ್ಥಗಳಿಂದ ತಯಾರಿಸಲಾಗುತ್ತದೆ. ಇದು ಚರ್ಮದ ಮೇಲೆ ಬಣ್ಣದ ಗುರುತನ್ನು ಹಾಗೇ ಉಳಿಸುವುದಿಲ್ಲ. ಕಣ್ಣಿನ ಮೇಲಾಗುವ ಸಂಭಾವ್ಯ ಹಾನಿಯನ್ನು ತಪ್ಪಿಸಲು ಇದು ಸಹಾಯ ಮಾಡುತ್ತದೆ.
ಇದನ್ನೂ ಓದಿ: Holi 2024: ಹೋಳಿ ಹಬ್ಬವನ್ನು ಸಂಭ್ರಮಿಸಲು ವೀಕೆಂಡ್ನಲ್ಲಿ ಈ ಸ್ಥಳಗಳಿಗೆ ಹೋಗಿ!
ಕಣ್ಣುಗಳನ್ನು ರಕ್ಷಿಸಲು ರಕ್ಷಣಾತ್ಮಕ ಸಾಧನಗಳನ್ನು ಬಳಸಿ:
ಸಂಭಾವ್ಯ ಬಣ್ಣದ ಸ್ಪ್ಲಾಶ್‌ಗಳಿಂದ ನಿಮ್ಮ ಕಣ್ಣುಗಳನ್ನು ರಕ್ಷಿಸಲು ಸನ್‌ಗ್ಲಾಸ್‌ಗಳನ್ನು ಧರಿಸಿ. ಮಕ್ಕಳು ಸೂಕ್ಷ್ಮವಾದ ಕಣ್ಣುಗಳನ್ನು ಹೊಂದಿರುವುದರಿಂದ ಗರಿಷ್ಠ ರಕ್ಷಣೆಗಾಗಿ ಈಜು ಕನ್ನಡಕಗಳನ್ನು ಬಳಸಲು ನಾವು ಶಿಫಾರಸು ಮಾಡುತ್ತೇವೆ.
ಕಾಂಟ್ಯಾಕ್ಟ್ ಲೆನ್ಸ್‌ಗಳನ್ನು ಧರಿಸಬೇಡಿ:
ಬಣ್ಣಗಳೊಂದಿಗೆ ಆಟವಾಡುವಾಗ ಕಾಂಟ್ಯಾಕ್ಟ್ ಲೆನ್ಸ್‌ಗಳನ್ನು ಧರಿಸಬೇಡಿ. ಏಕೆಂದರೆ ಆ ಬಣ್ಣ ನಿಮ್ಮ ಕಾಂಟ್ಯಾಕ್ಟ್ ಲೆನ್ಸ್‌ಗಳಲ್ಲಿ ಸಿಕ್ಕಿಹಾಕಿಕೊಳ್ಳಬಹುದು. ಅದು ಕಣ್ಣುಗಳಲ್ಲಿ ಕಿರಿಕಿರಿಯನ್ನು ಉಂಟುಮಾಡಬಹುದು ಅಥವಾ ಅದರಿಂದ ಕಾರ್ನಿಯಾಕ್ಕೆ ಹಾನಿಯಾಗಬಹುದು. ನಿಮ್ಮ ಕಣ್ಣುಗಳನ್ನು ರಕ್ಷಿಸಿಕೊಳ್ಳಲು ಕಾಂಟ್ಯಾಕ್ಟ್ ಲೆನ್ಸ್‌ಗಳ ಬದಲಿಗೆ ಕನ್ನಡಕವನ್ನು ಧರಿಸಿ.
ಬಣ್ಣಗಳು ಕಣ್ಣಿಗೆ ಬಿದ್ದರೆ ತಕ್ಷಣ ತೊಳೆಯಿರಿ:
ನಿಮ್ಮ ಕಣ್ಣುಗಳನ್ನು ತೊಳೆಯಲು ವಿಳಂಬ ಮಾಡಬೇಡಿ. ಇದು ಕಣ್ಣುಗಳಲ್ಲಿ ಕೆರಳಿಕೆ ಅಥವಾ ತೀವ್ರ ಕೆಂಪು ಬಣ್ಣವನ್ನು ಉಂಟುಮಾಡಬಹುದು. ಕಾಲಕ್ರಮೇಣ ಈ ಸಮಸ್ಯೆ ಉಲ್ಬಣಗೊಳ್ಳಬಹುದು. ಹಾನಿಕಾರಕ ರಾಸಾಯನಿಕಗಳ ಸಂದರ್ಭದಲ್ಲಿ ಇದು ತೀವ್ರ ಕಣ್ಣಿನ ಗಾಯಕ್ಕೆ ಕಾರಣವಾಗಬಹುದು. ಬಣ್ಣಗಳೊಂದಿಗೆ ಆಟವಾಡುವಾಗ, ಯಾವುದೇ ಅನಾಹುತವನ್ನು ತಪ್ಪಿಸಲು ಯಾವಾಗಲೂ ಶುದ್ಧ ನೀರಿನಿಂದ ಕಣ್ಣುಗಳನ್ನು ತೊಳೆಯಿರಿ.
ಕಣ್ಣುಗಳನ್ನು ಉಜ್ಜಬೇಡಿ:
ಎಲ್ಲಾ ಸುರಕ್ಷತಾ ಮುನ್ನೆಚ್ಚರಿಕೆಗಳನ್ನು ಅನುಸರಿಸಿದರೂ ಬಣ್ಣಗಳು ನಿಮ್ಮ ಕಣ್ಣುಗಳನ್ನು ಪ್ರವೇಶಿಸಿದರೆ, ನಿಮ್ಮ ಕಣ್ಣುಗಳನ್ನು ಉಜ್ಜಬೇಡಿ. ಏಕೆಂದರೆ ಅದು ಹೆಚ್ಚು ಹಾನಿಯನ್ನುಂಟುಮಾಡುತ್ತದೆ. ಅದರ ಬದಲಾಗಿ, ನಿಮ್ಮ ಕಣ್ಣುಗಳ ಕಿರಿಕಿರಿಯು ಕಡಿಮೆಯಾಗುವವರೆಗೆ ನೀರನ್ನು ಕಣ್ಣಿಗೆ ಎರಚಿಕೊಳ್ಳುತ್ತಿರಿ.
ನಿಮ್ಮ ಕಣ್ಣುಗಳ ಸುತ್ತಲೂ ಎಣ್ಣೆ ಹಚ್ಚಿಕೊಳ್ಳಿ:
ಹೆಚ್ಚುವರಿ ರಕ್ಷಣೆಯ ಪದರವನ್ನು ಸೇರಿಸಲು ನಿಮ್ಮ ಕಣ್ಣುಗಳ ಸುತ್ತಲೂ ಎಣ್ಣೆ ಅಥವಾ ಪೆಟ್ರೋಲಿಯಂ ಜೆಲ್ಲಿಯ ದಪ್ಪ ಪದರವನ್ನು ಹಚ್ಚಿಕೊಳ್ಳಿ. ಅದರ ತಟಸ್ಥತೆಯಿಂದಾಗಿ ತೆಂಗಿನ ಎಣ್ಣೆಯನ್ನು ಹೆಚ್ಚಾಗಿ ಶಿಫಾರಸು ಮಾಡಲಾಗುತ್ತದೆ. ಎಣ್ಣೆಯ ದಪ್ಪವಾದ ಪದರವು ರಕ್ಷಣಾತ್ಮಕ ತಡೆಗೋಡೆಯಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಬಣ್ಣಗಳು ನಿಮ್ಮ ಕಣ್ಣುಗಳಿಗೆ ಪ್ರವೇಶಿಸುವ ಮೊದಲು ಹಾಗೇ ಜಾರಿ ಹೋಗುವಂತೆ ಮಾಡುತ್ತದೆ.
ಇದನ್ನೂ ಓದಿ: ಹೋಳಿ ಹಬ್ಬಕ್ಕೆ ಕಾವೇರಿ ನೀರು ಬಳಸದಂತೆ ಸೂಚನೆ ನೀಡಿದ ಜಲಮಂಡಳಿ
ನಿಮ್ಮ ಕೂದಲನ್ನು ಕಟ್ಟಿಕೊಳ್ಳಿ:
ನಿಮ್ಮ ಕೂದಲನ್ನು ಕಟ್ಟಿಕೊಂಡು ಬಣ್ಣದಾಟ ಆಡಿ. ಸಡಿಲವಾದ ಕೂದಲು ನಿಮ್ಮ ಮುಖದ ಮೇಲೆ ಬಣ್ಣಗಳನ್ನು ಹರಡುತ್ತದೆ. ಕೂದಲಿನ ಮೂಲಕ ಬಣ್ಣ ನಿಮ್ಮ ಕಣ್ಣೊಳಗೂ ಪ್ರವೇಶಿಸಬಹುದು. ಇದು ಸುಡುವ ಸಂವೇದನೆ ಅಥವಾ ಕಿರಿಕಿರಿಯನ್ನು ಉಂಟುಮಾಡುತ್ತದೆ.
ಆಕ್ರಮಣಕಾರಿ ಆಟದಿಂದ ದೂರವಿರಿ:
ಬಣ್ಣಗಳೊಂದಿಗೆ ಆಟವಾಡಬೇಡಿ, ವಿಶೇಷವಾಗಿ ಅವು ರಾಸಾಯನಿಕಗಳಿಂದ ಪ್ರೇರಿತವಾಗಿದ್ದರೆ ಆಕ್ರಮಣಕಾರಿಯಾಗಿ ಅವುಗಳನ್ನು ಎರಚಿ ಆಟವಾಡಬೇಡಿ. ಇದು ಆಕಸ್ಮಿಕವಾಗಿ ಜನರ ಕಣ್ಣಿಗೆ ಬಣ್ಣಗಳನ್ನು ಪ್ರವೇಶಿಸಲು ಕಾರಣವಾಗಬಹುದು.
ಕೋಲ್ಡ್ ಕಂಪ್ರೆಸ್:
ಹೋಳಿ ನಂತರ ಯಾವುದೇ ಅಸ್ವಸ್ಥತೆ ಅಥವಾ ಕಿರಿಕಿರಿ ಉಂಟಾದರೆ ನಿಮ್ಮ ಕಣ್ಣುಗಳ ಮೇಲೆ ಕೋಲ್ಡ್ ಕಂಪ್ರೆಸ್ ಅನ್ನು ಬಳಸಿ. ಇದು ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
