Summer Healthy Drinks :ಅಡುಗೆ ಮನೆಯಲ್ಲಿ ಲಭ್ಯವಿರುವ ಪದಾರ್ಥಗಳನ್ನು ಬಳಸಿ ದೇಸಿ ಪಾನೀಯ ತಯಾರಿಸಿ

ಬೇಸಿಗೆಯಲ್ಲಿ ವಿಪರೀತ ಬಾಯಾರಿಕೆಯಾಗುವುದು ಸಹಜ. ಮೈ ಸುಡುವ ಬಿಸಿಲಿನಲ್ಲಿ ತಣ್ಣನೆಯ ಏನಾದರೂ ಸಿಕ್ಕರೆ ಮುಖದಲ್ಲಿ ಸಣ್ಣದೊಂದು ಗು ಮೂಡುತ್ತದೆ. ಈ ತಂಪು ಪಾನೀಯಗಳು ಬಾಯಾರಿಕೆ, ಸುಸ್ತು, ದಣಿವನ್ನು ನೀಗಿಸಿ ಮನಸ್ಸು ಹಾಗೂ ದೇಹವನ್ನು ಆರಾಮದಾಯಕವನ್ನಾಗಿಸುತ್ತದೆ. ಅದಲ್ಲದೇ, ದಾಹವಾದಾಗ ಅಂಗಡಿಗಳಲ್ಲಿ ಸಿಗುವ ಕೃತಕ ಜ್ಯೂಸ್‌ಗಳ ಮೊರೆ ಹೋಗುವುದೇ ಹೆಚ್ಚು. ಈ ಕೃತಕ ಜ್ಯೂಸ್ ಗಳಲ್ಲಿ ರಾಸಾಯನಿಕಯುಕ್ತ ಅಂಶಗಳು ಹೇರಳವಾಗಿದ್ದು ಆರೋಗ್ಯ ಸಮಸ್ಯೆಗಳು ಬಂದದ್ದೇ ತಿಳಿಯಲು. ಹೀಗಾಗಿ ಮನೆಯಲ್ಲೇ ದೇಸಿ ಪಾನೀಯಗಳನ್ನು ಮಾಡಿ ಕುಡಿಯುವುದರಿಂದ ಆರೋಗ್ಯಕ್ಕೆ ತುಂಬಾನೇ ಪ್ರಯೋಜನಕಾರಿ.

ಮೆಂತ್ಯೆ ಬೆಲ್ಲ ಪಾನೀಯ:

ಬೇಕಾಗುವ ಸಾಮಗ್ರಿಗಳು :

• ಮೆಂತ್ಯೆ ಕಾಳು
• ಬೆಲ್ಲ
• ನೀರು

ಮೆಂತ್ಯೆ ಬೆಲ್ಲ ಪಾನೀಯ ಮಾಡುವ ವಿಧಾನ :

• ಮೊದಲಿಗೆ ಸುಮಾರು ಒಂದೆರಡು ಗಂಟೆ ನೆನೆಸಿಟ್ಟುಕೊಳ್ಳಬೇಕು.
• ಆ ಬಳಿಕ ಈ ಮೆಂತ್ಯೆಯನ್ನು ನುಣ್ಣಗೆ ರುಬ್ಬಿಕೊಂಡು ಬೆಲ್ಲ ಹಾಗೂ ನೀರು ಬೆರೆಸಿದರೆ ಕೂಲ್ ಕೂಲ್ ಪಾನೀಯ ಸವಿಯಲು ಸಿದ್ಧ.
• ಮೆಂತ್ಯೆ ಕಾಳು ಪಾನೀಯ ಮಾಡಿದ ತಕ್ಷಣ ಕುಡಿಯಿರಿ. ಹಾಗೆ ಇಟ್ಟರೆ ಈ ಪಾನೀಯ ಗಟ್ಟಿಯಾಗುತ್ತದೆ.

ಹೆಸರುಕಾಳಿನ ಜ್ಯೂಸ್‌:

ಬೇಕಾಗುವ ಸಾಮಗ್ರಿಗಳು:

• ಹೆಸರು ಕಾಳು
• ತೆಂಗಿನ ತುರಿ
• ಏಲಕ್ಕಿ ಪುಡಿ
• ಬೆಲ್ಲ

ಇದನ್ನೂ ಓದಿ: ರೋಗ ದೂರ ಮಾಡುವಲ್ಲಿ ದೊಡ್ಡ ಪತ್ರೆಯ ಗುಣ ಬಹುದೊಡ್ಡದು

ಹೆಸರುಕಾಳಿನ ಜ್ಯೂಸ್‌ ಮಾಡುವ ವಿಧಾನ :

• ಮೊದಲಿಗೆ ಕಾಲು ಕಪ್ ನಷ್ಟು ಹೆಸರುಕಾಳನ್ನು ತೆಗೆದುಕೊಂಡು ಬಾಣಲೆಯಲ್ಲಿ ಚೆನ್ನಾಗಿ ಹುರಿಯಿರಿ. ಈ ಕಾಳು ಕಂದು ಬಣ್ಣಕ್ಕೆ ತಿರುತ್ತಿದ್ದಂತೆ ಗ್ಯಾಸ್ ಆಫ್ ಮಾಡಿ.
• ಹುರಿದ ಹೆಸರುಕಾಳು, ಬೆಲ್ಲ ಹಾಗೂ ತೆಂಗಿನ ತುರಿ ಹಾಗೂ ಏಲಕ್ಕಿಯನ್ನು ಸೇರಿಸಿ ನೀರು ಹಾಕಿ ರುಬ್ಬಿಕೊಳ್ಳಿ. ಅಗತ್ಯವಿದ್ದರೆ ನೀರು ಬೆರೆಸಿಕೊಂಡರೆ ಹೆಸರು ಕಾಳು ಪಾನೀಯ ಸವಿಯಲು ಸಿದ್ಧ.

ನಿಂಬೆ ಪಾನಕ:

ಬೇಕಾಗುವ ಸಾಮಗ್ರಿಗಳು :

• ನಿಂಬೆ ಹಣ್ಣು
• ಸಕ್ಕರೆ
• ಉಪ್ಪು
• ಐಸ್ ಕ್ಯೂಬ್

ಮಾಡುವ ವಿಧಾನ :

• ಮೊದಲಿಗೆ ನಿಂಬೆ ರಸವನ್ನು ಹಿಂಡಿಕೊಳ್ಳಿ. ಇದಕ್ಕೆ ನೀರು, ಸಕ್ಕರೆ ಹಾಗೂ ಚಿಟಿಕೆಯಷ್ಟು ಉಪ್ಪು ಹಾಕಿ ಕಲಸಿಕೊಳ್ಳಿ.
• ಇದಕ್ಕೆ ಐಸ್ ಕ್ಯೂಬ್ ಹಾಕಿದರೆ ನಿಂಬೆ ಪಾನಕ ಸವಿಯಲು ಸಿದ್ಧವಾಗಿರುತ್ತದೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ