ಭಾರತದಲ್ಲಿ ಕೊವಿಡ್‌ನಿಂದಾಗಿ ಹೆತ್ತವರು, ಪೋಷಕರನ್ನು ಕಳೆದುಕೊಂಡಿದ್ದು 19 ಲಕ್ಷ ಮಕ್ಕಳು

ದೆಹಲಿ: ಮಾರ್ಚ್ 2020 ರಿಂದ ವಿಶ್ವದಾದ್ಯಂತ ಕನಿಷ್ಠ 50 ಲಕ್ಷ ಮಕ್ಕಳು ಕೊವಿಡ್‌ನಿಂದ  (Covid 19) ಪೋಷಕರು ಅಥವಾ ಆರೈಕೆದಾರರನ್ನು ಕಳೆದುಕೊಂಡಿದ್ದಾರೆ ಎಂದು ನವೀಕರಿಸಿದ ಅಂಕಿಅಂಶಗಳು ಸೂಚಿಸುತ್ತವೆ. ಲ್ಯಾನ್ಸೆಟ್ ಚೈಲ್ಡ್ ಅಂಡ್ ಅಡೋಲೆಸೆಂಟ್ ಹೆಲ್ತ್‌ನಲ್ಲಿ (Lancet Child and Adolescent Health) ಪ್ರಕಟವಾದ ಹೊಸ ಅಧ್ಯಯನವು 20 ದೇಶಗಳಲ್ಲಿ ಅಧ್ಯಯನ ಮಾಡಿದ್ದು,ಜರ್ಮನಿಯಲ್ಲಿ 2,400 ಮತ್ತು ಭಾರತದಲ್ಲಿ ಕನಿಷ್ಠ 19 ಲಕ್ಷ ಮಕ್ಕಳು ಪೋಷಕರನ್ನು ಕಳೆದುಕೊಂಡಿದ್ದಾರೆ ಎಂದು ಹೇಳಿದೆ. ತಲಾವಾರು ಅಂದಾಜು ಅನಾಥ ಮಕ್ಕಳ ಪ್ರಕರಣಗಳ ಲೆಕ್ಕಾಚಾರಗಳು ಪೆರು ಮತ್ತು ದಕ್ಷಿಣ ಆಫ್ರಿಕಾದಲ್ಲಿ ಅತಿ ಹೆಚ್ಚು ದರಗಳನ್ನು ತೋರಿಸಿವೆ, ಪ್ರತಿ 1,000 ಮಕ್ಕಳಲ್ಲಿ ಕ್ರಮವಾಗಿ 8 ಮತ್ತು 7 ಮಕ್ಕಳು ಬಾಧಿತರಾಗಿದ್ದಾರೆ. 0-4 ವರ್ಷ ವಯಸ್ಸಿನ (ಸುಮಾರು ಐದು ಲಕ್ಷ ಮಕ್ಕಳು) ಮತ್ತು 5-9 (7.4 ಲಕ್ಷ ಮಕ್ಕಳು) ಹೆಚ್ಚಿನ ಸಂಖ್ಯೆಯ ಮಕ್ಕಳು ಕೊವಿಡ್-ಸಂಬಂಧಿತ ಅನಾಥ ಸ್ಥಿತಿ ಅನುಭವಿಸಿದರೂ, ಇದು ಹದಿಹರೆಯದ ಗುಂಪು (10-17) ಹೆಚ್ಚು ಪರಿಣಾಮ ಬೀರಿತು. ಈ ಗುಂಪಿನುಲ್ಲಿ 21 ಲಕ್ಷ ಮಕ್ಕಳು ಇದ್ದಾರೆ, ಕೊವಿಡ್‌ನಿಂದ ಪೋಷಕರನ್ನು ಕಳೆದುಕೊಂಡ ಮೂವರಲ್ಲಿ ಬಹುತೇಕ ಇಬ್ಬರು ಮಕ್ಕಳಿದ್ದಾರೆ. ಗರ್ಭಧಾರಣೆ ಮತ್ತು ಹೆಚ್ಚಿನ ಮರಣ ಪ್ರಮಾಣವನ್ನು ಒಟ್ಟುಗೂಡಿಸಿ, ಮಾರ್ಚ್ 1, 2020 ಮತ್ತು ಅಕ್ಟೋಬರ್ 31, 2021 ರ ನಡುವೆ 52 ಲಕ್ಷ ಮಕ್ಕಳು ಕೊವಿಡ್‌ನಿಂದ ಆರೈಕೆದಾರರನ್ನು ಕಳೆದುಕೊಂಡಿದ್ದಾರೆ ಎಂದು ಅಧ್ಯಯನ ಸಂಶೋಧಕರು ಅಂದಾಜಿಸಿದ್ದಾರೆ.  ಸಾಂಕ್ರಾಮಿಕ ರೋಗದ ಮೊದಲ 14 ತಿಂಗಳ ನಂತರದ ಸಂಖ್ಯೆಗಳಿಗೆ ಹೋಲಿಸಿದರೆ (ಮಾರ್ಚ್ 1, 2020 – ಏಪ್ರಿಲ್ 30, 2021.ವರೆಗೆ) ಕೊವಿಡ್-ಸಂಬಂಧಿತ ಅನಾಥ ಮತ್ತು ಆರೈಕೆದಾರರ ಸಾವಿನಿಂದ ಪೀಡಿತ ಮಕ್ಕಳ ಸಂಖ್ಯೆಯು ಮೇ 1, 2021 ರಿಂದ ಅಕ್ಟೋಬರ್ 31, 2021 ರವರೆಗಿನ ಆರು ತಿಂಗಳಲ್ಲಿ ಸುಮಾರು ದ್ವಿಗುಣಗೊಂಡಿದೆ.

ಈ ಅಧ್ಯಯನವನ್ನು ಯುಎಸ್ ಸೆಂಟರ್ಸ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಷನ್, ಇಂಪೀರಿಯಲ್ ಕಾಲೇಜ್ ಲಂಡನ್, ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯ, ಕೇಪ್ ಟೌನ್ ವಿಶ್ವವಿದ್ಯಾಲಯ, ವಿಶ್ವ ಆರೋಗ್ಯ ಸಂಸ್ಥೆ ಮತ್ತು ಇತರ ಸಂಶೋಧಕರು ನಡೆಸಿದ್ದಾರೆ.

ಜಾಗತಿಕವಾಗಿ, ಹೊಸ ಅಧ್ಯಯನವು ಕೊವಿಡ್‌ನಿಂದ ಅನಾಥರಾಗಿರುವ ಮೂವರಲ್ಲಿ ಇಬ್ಬರು 10 ರಿಂದ 17 ವರ್ಷ ವಯಸ್ಸಿನ ಹದಿಹರೆಯದವರು ಎಂದು ಸೂಚಿಸುತ್ತದೆ. ಹೆಚ್ಚುವರಿಯಾಗಿ, ಕೊವಿಡ್ ಸಾವುಗಳು ಪುರುಷರ ಮೇಲೆ ಅಸಮಾನವಾಗಿ ಪರಿಣಾಮ ಬೀರುತ್ತವೆ ಎಂಬುದಕ್ಕೆ ಸಾಕ್ಷಿಗೆ ಅನುಗುಣವಾಗಿ, ಸಾಂಕ್ರಾಮಿಕ ಸಮಯದಲ್ಲಿ ಪೋಷಕರ ಮರಣವನ್ನು ಅನುಭವಿಸಿದ ವಿಶ್ವದಾದ್ಯಂತ ನಾಲ್ಕು ಮಕ್ಕಳಲ್ಲಿ ಮೂವರು ತಮ್ಮ ತಂದೆಯನ್ನು ಕಳೆದುಕೊಂಡಿದ್ದಾರೆ. ಅಧ್ಯಯನದ ಅಂದಾಜಿನ ಪ್ರಕಾರ, ಭಾರತದಲ್ಲಿ ಕೊವಿಡ್‌ನಿಂದ 19.17 ಲಕ್ಷ ಮಕ್ಕಳು ಪೋಷಕರು ಅಥವಾ ಆರೈಕೆದಾರರನ್ನು ಕಳೆದುಕೊಂಡಿದ್ದಾರೆ. 10-17 ವಯೋಮಾನದವರಲ್ಲಿ ಶೇಕಡ 49ರಷ್ಟು ಮಂದಿ ತಂದೆಯನ್ನು ಕಳೆದುಕೊಂಡಿದ್ದರೆ ಶೇಕಡ 15ರಷ್ಟು ಮಂದಿ ತಮ್ಮ ತಾಯಿಯನ್ನು ಕೊವಿಡ್‌ನಿಂದ ಕಳೆದುಕೊಂಡಿದ್ದಾರೆ.

ಅನಾಥ ಮಕ್ಕಳ ಮೇಲೆ ಕೊವಿಡ್‌ನ ಪ್ರಭಾವವು ಜುಲೈ 2021 ರಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ ಮೊದಲು ಬಹಿರಂಗವಾಯಿತು, ಇದು ಕೊವಿಡ್‌ನ ಪರಿಣಾಮವಾಗಿ ಮಾರ್ಚ್ 2020 ಮತ್ತು ಏಪ್ರಿಲ್ 2021 ರ ನಡುವೆ 15 ಲಕ್ಷ ಮಕ್ಕಳು ಪೋಷಕರು ಅಥವಾ ಆರೈಕೆದಾರರ ಮರಣವನ್ನು ಅನುಭವಿಸಿದ್ದಾರೆ ಎಂದು ಅಂದಾಜಿಸಲಾಗಿದೆ.

ಆಗ್ನೇಯ ಏಷ್ಯಾಕ್ಕೆ ಸಂಬಂಧಿಸಿದಂತೆ, ಹೆಚ್ಚಳವು ವಿನಾಶಕಾರಿ ಉಲ್ಬಣಗಳು ಮತ್ತು ಭಾರತಕ್ಕೆ ಹೊಸ ಹೆಚ್ಚುವರಿ ಸಾವಿನ ದತ್ತಾಂಶಗಳೊಂದಿಗೆ ಸಂಬಂಧ ಹೊಂದಿದೆ ಎಂದು ಯುಎಸ್ ಸಿಡಿಸಿಯಲ್ಲಿ ತನ್ನ ಅಧಿಕಾರಾವಧಿಯಲ್ಲಿ ಈ ಕೆಲಸವನ್ನು ಪೂರ್ಣಗೊಳಿಸಿದ ಪ್ರಮುಖ ಲೇಖಕಿ ಡಾ ಸುಸಾನ್ ಹಿಲ್ಸ್ ಹೇಳಿದರು. ಲಂಡನ್‌ನ ಇಂಪೀರಿಯಲ್ ಕಾಲೇಜ್‌ನ (ಯುಕೆ) ಪ್ರಮುಖ ಲೇಖಕಿ ಡಾ ಜೂಲಿಯೆಟ್ ಅನ್‌ವಿನ್, “ಅನಾಥ ಮತ್ತು ಪಾಲನೆ ಮಾಡುವವರ ಸಾವಿನ ಅಂದಾಜುಗಳು ಹೆಚ್ಚಿರುವಂತೆ, ಅವರು ಕಡಿಮೆ ಅಂದಾಜು ಮಾಡುವ ಸಾಧ್ಯತೆಯಿದೆ ಮತ್ತು ಈ ಸಂಖ್ಯೆಗಳು ಕೊವಿಡ್ -19 ನಲ್ಲಿ ಹೆಚ್ಚು ಜಾಗತಿಕ ಮಾಹಿತಿಯಾಗಿ ಬೆಳೆಯುತ್ತವೆ ಎಂದು ನಾವು ನಿರೀಕ್ಷಿಸುತ್ತೇವೆ ಎಂದಿದ್ದಾರೆ.

ಉದಾಹರಣೆಗೆ, ಆಫ್ರಿಕಾದಲ್ಲಿ ಕೊವಿಡ್-19 ಸಾವುಗಳಿಗೆ ನಿಖರವಾದ ಡೇಟಾವನ್ನು ವಿಶ್ವ ಆರೋಗ್ಯಸಂಸ್ಥೆ ಅಂದಾಜಿಸಿದ. ನೈಜ ಅಂದಾಜುಗಳು ಪ್ರಸ್ತುತ ವರದಿ ಮಾಡುತ್ತಿರುವುದಕ್ಕಿಂತ 10 ಪಟ್ಟು ಹೆಚ್ಚಾಗುವ ಸಾಧ್ಯತೆಯಿದೆ. ಪರಿಣಾಮವಾಗಿ, ಈ ಕಡಿಮೆ ವರದಿಯಾದ ಸಾವುಗಳು ಕೊವಿಡ್-ಸಂಬಂಧಿತ ಅನಾಥ ಮತ್ತು ಆರೈಕೆದಾರರ ನಷ್ಟವನ್ನು ತೀವ್ರವಾಗಿ ಕಡಿಮೆ ಅಂದಾಜು ಮಾಡಲಾಗಿದೆ ಎಂದರ್ಥ. ನೈಜ-ಸಮಯದ ನವೀಕರಿಸಿದ ಡೇಟಾವು ಜನವರಿ 2022 ರ ಹೊತ್ತಿಗೆ ನಿಜವಾದ ಒಟ್ಟು ಮೊತ್ತವು 67 ಲಕ್ಷ ಮಕ್ಕಳನ್ನು ತಲುಪಿದೆ ಎಂದು ಸೂಚಿಸುತ್ತದೆ. ನಮ್ಮ ಪ್ರಸ್ತುತ ಅಧ್ಯಯನವು ಅಕ್ಟೋಬರ್ 2021 ರವರೆಗಿನ ಅಂದಾಜುಗಳನ್ನು ನೋಡಿದಾಗ, ಸಾಂಕ್ರಾಮಿಕ ರೋಗವು ಪ್ರಪಂಚದಾದ್ಯಂತ ಇನ್ನೂ ಉಲ್ಬಣಗೊಳ್ಳುತ್ತಿದೆ, ಇದರರ್ಥ ಕೊವಿಡ್-ಸಂಬಂಧಿತ ಅನಾಥ ಸ್ಥಿತಿಯು ಉಲ್ಬಣಗೊಳ್ಳುತ್ತಲೇ ಇರುತ್ತದೆ.

ಇದನ್ನೂ ಓದಿ: ಜಗತ್ತನ್ನೇ ಕಂಗೆಡಿಸಿರುವ ಕೊವಿಡ್ ಈ ದೇಶಗಳಿಗೆ ಮಾತ್ರ ಒಮ್ಮೆಯೂ ಎಂಟ್ರಿ ಕೊಟ್ಟಿಲ್ಲ; ಅಚ್ಚರಿಯಾದರೂ ಸತ್ಯ