Jharkhand Assembly Election: ಜಾರ್ಖಂಡ್ ಚುನಾವಣೆಗೆ ಬಿಜೆಪಿಯ ಪ್ರಣಾಳಿಕೆ ಬಿಡುಗಡೆ ಮಾಡಿದ ಅಮಿತ್ ಶಾ
BJP Manifesto:ಮುಂಬರಲಿರುವ ಜಾರ್ಖಂಡ್ ವಿಧಾನಸಭಾ ಚುನಾವಣೆಗೆ ಬಿಜೆಪಿ ಭರದ ಸಿದ್ಧತೆ ನಡೆಸುತ್ತಿದ್ದು, ಇಂದು ಅಮಿತ್ ಶಾ ಬಿಜೆಪಿಯ ಪ್ರಣಾಳಿಕೆ(ಸಂಕಲ್ಪ ಪತ್ರ)ಯನ್ನು ಬಿಡುಗಡೆ ಮಾಡಿದರು. ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ, ಕೇಂದ್ರ ಸಚಿವರಾದ ಶಿವರಾಜ್ ಸಿಂಗ್ ಚೌಹಾಣ್ , ಸಂಜಯ್ ಸೇಠ್ ಮತ್ತು ಬಿಜೆಪಿ ಜಾರ್ಖಂಡ್ ಅಧ್ಯಕ್ಷ ಬಾಬುಲಾಲ್ ಮರಾಂಡಿ ಉಪಸ್ಥಿತರಿದ್ದರು.
Updated on:Nov 03, 2024 | 11:21 AM
ಮುಂಬರಲಿರುವ ಜಾರ್ಖಂಡ್ ವಿಧಾನಸಭಾ ಚುನಾವಣೆಗೆ ಬಿಜೆಪಿ ಭರದ ಸಿದ್ಧತೆ ನಡೆಸುತ್ತಿದ್ದು, ಇಂದು ಅಮಿತ್ ಶಾ ಬಿಜೆಪಿಯ ಪ್ರಣಾಳಿಕೆ(ಸಂಕಲ್ಪ ಪತ್ರ)ಯನ್ನು ಬಿಡುಗಡೆ ಮಾಡಿದರು. ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ, ಕೇಂದ್ರ ಸಚಿವರಾದ ಶಿವರಾಜ್ ಸಿಂಗ್ ಚೌಹಾಣ್ , ಸಂಜಯ್ ಸೇಠ್ ಮತ್ತು ಬಿಜೆಪಿ ಜಾರ್ಖಂಡ್ ಅಧ್ಯಕ್ಷ ಬಾಬುಲಾಲ್ ಮರಾಂಡಿ ಉಪಸ್ಥಿತರಿದ್ದರು.
ಇದಕ್ಕೂ ಮುನ್ನ ಜಾರ್ಖಂಡ್ ಬಾಬುಲಾಲ್ ಮರಾಂಡಿ ಅವರು ಕೇಂದ್ರ ಸಚಿವರಾದ ಶಿವರಾಜ್ ಸಿಂಗ್ ಚೌಹಾಣ್, ಅನ್ನಪೂರ್ಣ ದೇವಿ ಮತ್ತು ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಅವರ ಸಮ್ಮುಖದಲ್ಲಿ ಪಂಚ ಪ್ರಾಣ (ಐದು ಪ್ರತಿಜ್ಞೆ) ಬಿಡುಗಡೆ ಮಾಡಿದರು.
ರಾಜ್ಯದ ಕುಟುಂಬಗಳು 500 ರೂ.ಗೆ ಎಲ್ಪಿಜಿ ಗ್ಯಾಸ್ ಸಿಲಿಂಡರ್ಗಳನ್ನು ಖರೀದಿಸಲು ಸಾಧ್ಯವಾಗುತ್ತದೆ. ಜೊತೆಗೆ, ಒಂದು ವರ್ಷದಲ್ಲಿ ಎರಡು ಸಿಲಿಂಡರ್ಗಳನ್ನು ಉಚಿತವಾಗಿ ನೀಡಲಾಗುವುದು. ಇದಲ್ಲದೇ ಸರ್ಕಾರಿ ಇಲಾಖೆಗಳಲ್ಲಿ ಖಾಲಿ ಇರುವ 2.87 ಲಕ್ಷ ಹುದ್ದೆಗಳನ್ನು ಭರ್ತಿ ಮಾಡಲಾಗುವುದು. ಮೊಟ್ಟ ಮೊದಲ ಸಂಪುಟ ಸಭೆಯ ನಂತರ ನೇಮಕಾತಿ ಪ್ರಕ್ರಿಯೆ ಆರಂಭವಾಗಲಿದ್ದು, 2025ರ ನವೆಂಬರ್ ವೇಳೆಗೆ 1.5 ಲಕ್ಷ ಹುದ್ದೆಗಳನ್ನು ಭರ್ತಿ ಮಾಡಲಾಗುವುದು.
ಪಕ್ಷವು ಅಧಿಕಾರಕ್ಕೆ ಬಂದರೆ, ಎರಡು ವರ್ಷಗಳವರೆಗೆ ಪದವಿ ಮತ್ತು ಸ್ನಾತಕೋತ್ತರ ವಿದ್ಯಾರ್ಥಿಗಳಿಗೆ 2,000 ರೂಪಾಯಿಗಳ ಆರ್ಥಿಕ ಸಹಾಯವನ್ನು ನೀಡುತ್ತದೆ, ಇದರಿಂದಾಗಿ ಅವರು ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಿದ್ಧರಾಗಬಹುದು. ಬಿಜೆಪಿಯು ಮಹಿಳೆಯರ ಸಬಲೀಕರಣದ ಧ್ಯೇಯೋದ್ದೇಶದ ಭಾಗವಾಗಿ ‘ಗೋಗೋ-ದೀದಿ’ ಯೋಜನೆಯನ್ನು ಪ್ರಾರಂಭಿಸಲಿದೆ ಮತ್ತು ಕಾರ್ಯಕ್ರಮದ ಅಡಿಯಲ್ಲಿ ಮಹಿಳೆಯರಿಗೆ ತಿಂಗಳಿಗೆ 2,100 ರೂ. ನೀಡಲಾಗುತ್ತದೆ.
ಮಹಾರಾಷ್ಟ್ರ ಚುನಾವಣೆಗೆ ಬಿಜೆಪಿ ಮಾಸ್ಟರ್ಪ್ಲಾನ್; ಪ್ರಧಾನಿ ಮೋದಿ ಬದಲು ಈ ನಾಯಕನಿಂದ ಅತಿ ಹೆಚ್ಚು ರ್ಯಾಲಿ
ಬಿಜೆಪಿ 68 ಸ್ಥಾನಗಳಲ್ಲಿ ಸ್ಪರ್ಧಿಸುತ್ತಿದೆ: ರಾಜಮಹಲ್, ಬೋರಿಯೊ, ಬರ್ಹೈತ್, ಲಿಟಿಪಾರಾ, ಮಹೇಶ್ಪುರ, ಸಿಕಾರಿಪಾರಾ, ನಾಲಾ, ಜಮ್ತಾರಾ, ದುಮ್ಕಾ, ಜಮಾ, ಜರ್ಮುಂಡಿ, ಮಧುಪುರ್, ಶರತ್, ದಿಯೋಘರ್, ಪೊರೆಯಹತ್, ಗೊಡ್ಡಾ, ಮಹಾಗಾಮ, ಕೊಡರ್ಮಾ, ಬರ್ಕಥಾ, ಬರ್ಹಿ, ಬರ್ಕಗಾಂವ್, ಹಜಾರಿಬಾಗ್, ಸಿಮಾರಿಯಾ, ಧನ್ವರ್, ಬಾಗೋದರ್, ಜಮುವಾ, ಗಂಡೇ, ಗಿರಿದಿಹ್, ಬೆರ್ಮೊ, ಬೊಕಾರೊ, ಚಂದಂಕಿಯರಿ, ಸಿಂದ್ರಿ, ನಿರ್ಸಾ, ಧನ್ಬಾದ್, ಝರಿಯಾ, ತುಂಡಿ, ಬಘ್ಮಾರಾ, ಬಹರಗೋರಾ, ಘಟ್ಸಿಲಾ, ಪೊಟ್ಕಾ, ಜಮ್ಶೆಡ್ಪುರ ವೆಸ್ಟ್, ಸೆರೈಕೆಲ್ಲಾ, ಚೈಬಾಸಾ, ಮಜ್ಗಾಂವ್, ಕ್ಹು ಟಿ ಜಗನಾಥಪುರ, ಚಕ್ರಧರ್ಪುರ್, ಖರ್ಸಾವನ್, ಖುಜ್ನ್ಟಿ, ರಣಪಾ , ಹತಿಯಾ, ಕಂಕೆ, ಮಂದರ್, ಸಿಸೈ, ಗುಮ್ಲಾ, ಬಿಶುನ್ಪುರ್, ಸಿಮ್ಡೆಗಾ, ಕೊಲೆಬಿರಾ, ಮಾಣಿಕಾ, ಲತೇಹರ್, ಪಂಕಿ, ಡಾಲ್ತೋಂಗಂಜ್, ಬಿಶ್ರಾಮ್ಪುರ, ಛತ್ತರ್ಪುರ್, ಹುಸೇನಾಬಾದ್, ಗರ್ಹ್ವಾ ಮತ್ತು ಭವನಾಥಪುರ.
#WATCH | Ranchi: Union Home Minister Amit Shah releases party’s ‘Sankalp Patra’ (manifesto) for the #JharkhandAssemblyElections2024
Assam CM Himanta Biswa Sarma, Union Ministers Shivraj Singh Chouhan, Sanjay Seth, BJP Jharkhand president Babulal Marandi are also present. pic.twitter.com/72jaOoUlsB
— ANI (@ANI) November 3, 2024
ಜಾರ್ಖಂಡ್ ಚುನಾವಣೆ ಯಾವಾಗ? ನವೆಂಬರ್ 13 ಮತ್ತು ನವೆಂಬರ್ 20 ರಂದು ಎರಡು ಹಂತಗಳಲ್ಲಿ ಚುನಾವಣೆಗಳು ನಡೆಯಲಿದ್ದು, ನವೆಂಬರ್ 23 ರಂದು ಎಣಿಕೆ ನಡೆಯಲಿದೆ. ಸುಮಾರು 2.60 ಕೋಟಿ ಮತದಾರರು, 11.84 ಲಕ್ಷ ಮೊದಲ ಬಾರಿಗೆ ಮತದಾರರು ಮತ್ತು 1.13 ಲಕ್ಷ ವಿಕಲಚೇತನರು, ತೃತೀಯ ಲಿಂಗ ವ್ಯಕ್ತಿಗಳು ಮತ್ತು ಹಿರಿಯ ನಾಗರಿಕರು ಸೇರಿದಂತೆ 2019 ರ ವಿಧಾನಸಭಾ ಚುನಾವಣೆಯಲ್ಲಿ 2.23 ಕೋಟಿಗೆ ಹೋಲಿಸಿದರೆ 85 ಕ್ಕಿಂತ ಹೆಚ್ಚು ಜನರು ಮತ ಚಲಾಯಿಸುವ ನಿರೀಕ್ಷೆಯಿದೆ.
2019 ರಲ್ಲಿ, ಜೆಎಂಎಂ ನೇತೃತ್ವದ ಮೈತ್ರಿ 47 ಸ್ಥಾನಗಳನ್ನು ಗೆದ್ದು ರಾಜ್ಯದಲ್ಲಿ ಬಿಜೆಪಿಯಿಂದ ಅಧಿಕಾರವನ್ನು ಕಸಿದುಕೊಂಡಿತು. ಜೆಎಂಎಂ 30 ಸ್ಥಾನಗಳನ್ನು ಗೆದ್ದಿದ್ದರೆ, ಕಾಂಗ್ರೆಸ್ 16 ಮತ್ತು ಆರ್ಜೆಡಿ ಒಂದು ಸ್ಥಾನವನ್ನು ಗಳಿಸಿತು. ಬಿಜೆಪಿ 25, ಜೆವಿಎಂ-ಪಿ ಮೂರು, ಎಜೆಎಸ್ಯು ಪಕ್ಷ 2 ಮತ್ತು ಸಿಪಿಐ-ಎಂಎಲ್ ಮತ್ತು ಎನ್ಸಿಪಿ ತಲಾ ಒಂದು ಸ್ಥಾನಗಳನ್ನು ಪಡೆದುಕೊಂಡಿದ್ದು, ಇಬ್ಬರು ಸ್ವತಂತ್ರರು ಗೆಲುವು ಸಾಧಿಸಿದ್ದರು.
ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 11:19 am, Sun, 3 November 24
