SDG India Index 2020-21 ಸುಸ್ಥಿರ ಅಭಿವೃದ್ಧಿ ಗುರಿ ಸೂಚ್ಯಂಕದಲ್ಲಿ ಕೇರಳ ಪ್ರಥಮ, ಕರ್ನಾಟಕಕ್ಕೆ ನಾಲ್ಕನೇ ಸ್ಥಾನ

SDG India Index 2020-21 ಸುಸ್ಥಿರ ಅಭಿವೃದ್ಧಿ ಗುರಿ ಸೂಚ್ಯಂಕದಲ್ಲಿ ಕೇರಳ ಪ್ರಥಮ, ಕರ್ನಾಟಕಕ್ಕೆ ನಾಲ್ಕನೇ ಸ್ಥಾನ
ಎಸ್‌ಡಿಜಿ ವರದಿ (ಕೃಪೆ: ನೀತಿ ಆಯೋಗ ಟ್ವಿಟರ್ ಖಾತೆ)

NITI Aayog: ಕೇರಳ 75 ಅಂಕಗಳೊಂದಿಗೆ ಅಗ್ರ ಸ್ಥಾನವನ್ನು ಉಳಿಸಿಕೊಂಡಿದೆ. ಹಿಮಾಚಲ ಪ್ರದೇಶ ಮತ್ತು ತಮಿಳುನಾಡು ಎರಡೂ 74 ಅಂಕಗಳೊಂದಿಗೆ ಎರಡನೇ ಸ್ಥಾನವನ್ನು ಪಡೆದುಕೊಂಡವು. ಸೂಚ್ಯಂಕದಲ್ಲಿ ಬಿಹಾರ, ಜಾರ್ಖಂಡ್ ಮತ್ತು ಅಸ್ಸಾಂ ಅತ್ಯಂತ ಕೆಟ್ಟ ಪ್ರದರ್ಶನ ನೀಡಿದ ರಾಜ್ಯಗಳಾಗಿವೆ.

TV9kannada Web Team

| Edited By: Rashmi Kallakatta

Jun 04, 2021 | 3:17 PM

ದೆಹಲಿ: ನೀತಿ ಆಯೋಗ ಗುರುವಾರ ಬಿಡುಗಡೆ ಮಾಡಿರುವ ಸುಸ್ಥಿರ ಅಭಿವೃದ್ಧಿ ಗುರಿಗಳ ಸೂಚ್ಯಂಕ 2020-21ರಲ್ಲಿ ಕೇರಳ ಪ್ರಥಮ ಸ್ಥಾನದಲ್ಲಿದ್ದು , ಬಿಹಾರ ಅತ್ಯಂತ ಕಳಪೆ ಪ್ರದರ್ಶನ ನೀಡಿದ ರಾಜ್ಯವಾಗಿದೆ  ಎಂದು ವರದಿಯಲ್ಲಿ ಹೇಳಿದೆ. ಸಾಮಾಜಿಕ, ಆರ್ಥಿಕ ಮತ್ತು ಪರಿಸರ ಮಾನದಂಡಗಳಲ್ಲಿ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಪ್ರಗತಿಯನ್ನು ಸುಸ್ಥಿರ ಅಭಿವೃದ್ಧಿ ಗುರಿಗಳ ಸೂಚ್ಯಂಕ (SDG) ಮೌಲ್ಯಮಾಪನ ಮಾಡುತ್ತದೆ.

ಕೇರಳ 75 ಅಂಕಗಳೊಂದಿಗೆ ಅಗ್ರ ಸ್ಥಾನವನ್ನು ಉಳಿಸಿಕೊಂಡಿದೆ. ಹಿಮಾಚಲ ಪ್ರದೇಶ ಮತ್ತು ತಮಿಳುನಾಡು ಎರಡೂ 74 ಅಂಕಗಳೊಂದಿಗೆ ಎರಡನೇ ಸ್ಥಾನವನ್ನು ಪಡೆದುಕೊಂಡವು. ಸೂಚ್ಯಂಕದಲ್ಲಿ ಬಿಹಾರ, ಜಾರ್ಖಂಡ್ ಮತ್ತು ಅಸ್ಸಾಂ ಅತ್ಯಂತ ಕೆಟ್ಟ ಪ್ರದರ್ಶನ ನೀಡಿದ ರಾಜ್ಯಗಳಾಗಿವೆ.

ನೀತಿ ಆಯೋಗದ ಉಪಾಧ್ಯಕ್ಷ ರಾಜೀವ್ ಕುಮಾರ್ ಅವರು ಗುರುವಾರ ಭಾರತದ ಎಸ್‌ಡಿಜಿ ಸೂಚ್ಯಂಕದ ವರದಿ ಪ್ರಕಟಿಸಿದ್ದಾರೆ. ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಚಂಡೀಗಡ 79 ಅಂಕಗಳೊಂದಿಗೆ ಅಗ್ರ ಸ್ಥಾನದಲ್ಲಿದ್ದು ದೆಹಲಿ68 ಪಾಯಿಂಟ್ ಗಳಿಸಿದೆ. ಮಿಜೋರಾಂ, ಹರಿಯಾಣ ಮತ್ತು ಉತ್ತರಾಖಂಡವು 2020-21ರಲ್ಲಿ 2019 ರಿಂದ ಸುಧಾರಣೆಯ ದೃಷ್ಟಿಯಿಂದ ಮೇಲಕ್ಕೇರಿದ್ದುಕ್ರಮವಾಗಿ 12, 10 ಮತ್ತು 8 ಅಂಕಗಳ ಹೆಚ್ಚಳವಾಗಿದೆ. ಏತನ್ಮಧ್ಯೆ 2019 ರಲ್ಲಿ, 10 ರಾಜ್ಯಗಳು /ಕೇಂದ್ರಾಡಳಿತ ಪ್ರದೇಶಗಳು ಮುಂಚೂಣಿಯಲ್ಲಿದ್ದು (65-99 ಅಂಕ), 2020-21ರಲ್ಲಿ ಈ ವಿಭಾಗದಲ್ಲಿ 12 ರಾಜ್ಯಗಳು /ಕೇಂದ್ರಾಡಳಿತ ಪ್ರದೇಶಗಳು ಜಾಗ ಪಡೆದುಕೊಂಡಿವೆ. ಉತ್ತರಾಖಂಡ, ಗುಜರಾತ್, ಮಹಾರಾಷ್ಟ್ರ, ಮಿಜೋರಾಂ, ಪಂಜಾಬ್, ಹರಿಯಾಣ, ತ್ರಿಪುರ, ದೆಹಲಿ, ಲಕ್ಷದ್ವೀಪ, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು, ಜಮ್ಮು ಮತ್ತು ಕಾಶ್ಮೀರ ಮತ್ತು ಲಡಾಖ್ ಮುಂಚೂಣಿಯಲ್ಲಿರುವ ರಾಜ್ಯಗಳಾಗಿವೆ.

ದೇಶದ ಒಟ್ಟಾರೆ ಎಸ್‌ಡಿಜಿ 6 ಅಂಕಗಳ ಸುಧಾರಣೆ ಕಂಡಿದೆ. 2019 ರಲ್ಲಿ 60 ಅಂಕ ಇದ್ದದ್ದು 2020-21ರಲ್ಲಿ 66 ಕ್ಕೇರಿದೆ. ಗುರಿಗಳನ್ನು ಸಾಧಿಸುವತ್ತ ಈ ಸಕಾರಾತ್ಮಕ ದಾಪುಗಾಲು ಹೆಚ್ಚಾಗಿ ದೇಶಾದ್ಯಂತದ ಗುರಿ 6 (ಶುದ್ಧ ನೀರು ಮತ್ತು ನೈರ್ಮಲ್ಯ) ಮತ್ತು ಗುರಿ 7 (ಕೈಗೆಟುಕುವ ಮತ್ತು ಶುದ್ಧ ಇಂಧನ) ಯಲ್ಲಿನ ಅನುಕರಣೀಯ ಕಾರ್ಯಕ್ಷಮತೆಯನ್ನು ತೋರಿಸುತ್ತದೆ. ಇಲ್ಲಿ ಸಂಯೋಜಿತ ಗುರಿ ಅಂಕಗಳು ಕ್ರಮವಾಗಿ 83 ಮತ್ತು 92 ಆಗಿದೆ. ಎಸ್‌ಡಿಜಿ ಇಂಡಿಯಾ ಇಂಡೆಕ್ಸ್ ಮತ್ತು ಡ್ಯಾಶ್‌ಬೋರ್ಡ್ ಮೂಲಕ ಎಸ್‌ಡಿಜಿಗಳನ್ನು ಮೇಲ್ವಿಚಾರಣೆ ಮಾಡುವ ನಮ್ಮ ಪ್ರಯತ್ನವು ವಿಶ್ವದಾದ್ಯಂತ ವ್ಯಾಪಕವಾಗಿ ಗಮನಕ್ಕೆ ಬಂದಿದೆ ಮತ್ತು ಶ್ಲಾಘಿಸಲ್ಪಟ್ಟಿದೆ. ಎಸ್‌ಡಿಜಿಗಳ ಮೇಲೆ ಸಂಯೋಜಿತ ಸೂಚಿಯನ್ನು ಲೆಕ್ಕಾಚಾರ ಮಾಡುವ ಮೂಲಕ ನಮ್ಮ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳನ್ನು ಶ್ರೇಣೀಕರಿಸಲು ಇದು ಅಪರೂಪದ ದತ್ತಾಂಶ-ಚಾಲಿತ ಉಪಕ್ರಮವಾಗಿ ಉಳಿದಿದೆ ಎಂದು ಕುಮಾರ್ ಹೇಳಿದರು.

ನೀತಿ ಆಯೋಗದ ಸಿಇಒ ಅಮಿತಾಭ್ ಕಾಂತ್ ಮಾತನಾಡಿ, ನಮ್ಮ ಎಸ್‌ಡಿಜಿ ಪ್ರಯತ್ನಗಳಲ್ಲಿ ನಾವು ನಿರ್ಮಿಸಿದ ಮತ್ತು ಬಲಪಡಿಸಿದ ಸಹಭಾಗಿತ್ವವನ್ನು ವರದಿ ಪ್ರತಿಬಿಂಬಿಸುತ್ತದೆ. ಸಹಕಾರಿ ಉಪಕ್ರಮಗಳು ಉತ್ತಮ ಫಲಿತಾಂಶಗಳು ಮತ್ತು ಹೆಚ್ಚಿನ ಪರಿಣಾಮಗಳಿಗೆ ಹೇಗೆ ಕಾರಣವಾಗಬಹುದು ಎಂಬುದನ್ನು ಇದು ತೋರಿಸುತ್ತದೆ ಎಂದಿದ್ದಾರೆ.

ಭಾರತದಲ್ಲಿನ ವಿಶ್ವಸಂಸ್ಥೆಯ ಸಹಯೋಗದೊಂದಿಗೆ ಅಭಿವೃದ್ಧಿಪಡಿಸಿದ ಸೂಚ್ಯಂಕವು ಜಾಗತಿಕ ಗುರಿಗಳು ಮತ್ತು ಗುರಿಗಳನ್ನು ಪೂರೈಸುವತ್ತ ದೇಶದ ಪ್ರಯಾಣದಲ್ಲಿ ರಾಷ್ಟ್ರೀಯ ಮತ್ತು ರಾಜ್ಯ ಮಟ್ಟದಲ್ಲಿ ಪ್ರಗತಿಯನ್ನು ಅಳೆಯುತ್ತದೆ.

ವರದಿಯ ಪ್ರಕಾರ ಉನ್ನತ ಕಾರ್ಯನಿರ್ವಹಣೆಯ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಹೀಗಿವೆ:

ಕೇರಳ -75 ಅಂಕ ಹಿಮಾಚಲ ಪ್ರದೇಶ ಮತ್ತು ತಮಿಳುನಾಡು- 74 ಅಂಕ ಆಂಧ್ರಪ್ರದೇಶ, ಗೋವಾ, ಕರ್ನಾಟಕ ಮತ್ತು ಉತ್ತರಾಖಂಡ- 72 ಅಂಕ ಸಿಕ್ಕಿಂ- 71 ಅಂಕ ಮಹಾರಾಷ್ಟ್ರ- 70

ಕೆಟ್ಟದಾಗಿ ಕಾರ್ಯನಿರ್ವಹಿಸುವ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಛತ್ತೀಸಗಡ, ನಾಗಾಲ್ಯಾಂಡ್ ಮತ್ತು ಒಡಿಶಾ -61 ಅರುಣಾಚಲ ಪ್ರದೇಶ, ಮೇಘಾಲಯ, ರಾಜಸ್ಥಾನ ಮತ್ತು ಉತ್ತರ ಪ್ರದೇಶ- 60 ಅಂಕ ಅಸ್ಸಾಂ -57 ಅಂಕ ಜಾರ್ಖಂಡ್- 56 ಅಂಕ ಬಿಹಾರ-52

ಈ ರಾಜ್ಯಗಳು ಈ ಕೆಳಗಿನ ಗುರಿಗಳನ್ನು ಸಾಧಿಸುವಲ್ಲಿ ಉತ್ತಮ ಪ್ರದರ್ಶನ ನೀಡಿವೆ: ಗುರಿ 1 (ಬಡತನವಿಲ್ಲ): ತಮಿಳುನಾಡು ಮತ್ತು ದೆಹಲಿ ಗುರಿ 2 (ಶೂನ್ಯ ಹಸಿವು): ಕೇರಳ ಮತ್ತು ಚಂಡೀಗಡ ಗುರಿ 3 (ಉತ್ತಮ ಆರೋಗ್ಯ ಮತ್ತು ಯೋಗಕ್ಷೇಮ): ಗುಜರಾತ್ ಮತ್ತು ದೆಹಲಿ ಗುರಿ 4 (ಗುಣಮಟ್ಟದ ಶಿಕ್ಷಣ): ಕೇರಳ ಮತ್ತು ಚಂಡೀಗಡ ಗುರಿ 5 (ಲಿಂಗ ಸಮಾನತೆ): ಛತ್ತೀಸಗಡ ಮತ್ತು ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು ಗುರಿ 6 (ಶುದ್ಧ ನೀರು ಮತ್ತು ನೈರ್ಮಲ್ಯ): ಗೋವಾ ಮತ್ತು ಲಕ್ಷದ್ವೀಪ ಗುರಿ 7 (ಕೈಗೆಟುಕುವ ಮತ್ತು ಶುದ್ಧ ಇಂಧನ): ಆಂಧ್ರಪ್ರದೇಶ, ಗೋವಾ, ಹರಿಯಾಣ, ಹಿಮಾಚಲ ಪ್ರದೇಶ, ಕರ್ನಾಟಕ, ಕೇರಳ, ಮಹಾರಾಷ್ಟ್ರ, ಮಿಜೋರಾಂ, ಪಂಜಾಬ್, ರಾಜಸ್ಥಾನ, ಸಿಕ್ಕಿಂ, ತಮಿಳುನಾಡು, ತೆಲಂಗಾಣ, ಉತ್ತರಾಖಂಡ, ಉತ್ತರ ಪ್ರದೇಶ, ಅಂಡಮಾನ್, ನಿಕೋಬನ್ ದೆಹಲಿ, ಜಮ್ಮು ಮತ್ತು ಕಾಶ್ಮೀರ ಮತ್ತು ಲಡಾಖ್ ಗುರಿ 8 (ಯೋಗ್ಯ ಕೆಲಸ ಮತ್ತು ಆರ್ಥಿಕ ಬೆಳವಣಿಗೆ): ಹಿಮಾಚಲ ಪ್ರದೇಶ ಮತ್ತು ಚಂಡೀಗಡ ಗುರಿ 9 (ಉದ್ಯಮ, ಹೊಸತನ ಮತ್ತು ಮೂಲಸೌಕರ್ಯ): ಗುಜರಾತ್ ಮತ್ತು ದೆಹಲಿ ಗುರಿ 10 (ಕಡಿಮೆ ಅಸಮಾನತೆ): ಮೇಘಾಲಯ ಮತ್ತು ಚಂಡೀಗಡ ಗುರಿ 11 (ಸುಸ್ಥಿರ ನಗರಗಳು ಮತ್ತು ಸಮುದಾಯಗಳು): ಪಂಜಾಬ್ ಮತ್ತು ಚಂಡೀಗಡ ಗುರಿ 12 (ಜವಾಬ್ದಾರಿಯುತ ಬಳಕೆ ಮತ್ತು ಉತ್ಪಾದನೆ): ತ್ರಿಪುರ, ಜಮ್ಮು ಮತ್ತು ಕಾಶ್ಮೀರ ಮತ್ತು ಲಡಾಖ್ ಗುರಿ 13 (ಹವಾಮಾನ ಕ್ರಮ): ಒಡಿಶಾ ಮತ್ತು ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳು ಗುರಿ 14 (ನೀರಿನ ಕೆಳಗಿನ ಜೀವನ): ಒಡಿಶಾ ಗುರಿ 15 (ಭೂಮಿಯಲ್ಲಿ ಜೀವನ): ಆಂಧ್ರಪ್ರದೇಶ ಮತ್ತು ಚಂಡೀಗಡ ಗುರಿ 16 (ಶಾಂತಿ, ನ್ಯಾಯ ಮತ್ತು ಪ್ರಬಲ ಸಂಸ್ಥೆಗಳು): ಉತ್ತರಾಖಂಡ ಮತ್ತು ಪುದುಚೇರಿ

ಇದನ್ನೂ ಓದಿ: PM Narendra Modi ಕೊವಿಡ್ ಲಸಿಕೆ ತಯಾರಿಸಲು ಶ್ರಮಿಸಿದ ವಿಜ್ಞಾನಿಗಳಿಗೆ ಪ್ರಧಾನಿ ನರೇಂದ್ರ ಮೋದಿ ಶ್ಲಾಘನೆ

(NITI Aayog’s Sustainable Development Goals India Index 2020-21 Kerala retained the top rank Bihar Last)

Follow us on

Related Stories

Most Read Stories

Click on your DTH Provider to Add TV9 Kannada