RBI Monetary Policy: ಕೊರೊನಾ ಕಾಟದ ಸಮ್ಮುಖದಲ್ಲಿ ರೆಪೊ ದರ ಸೇರಿದಂತೆ ನೀತಿ ನಿರೂಪಣೆಗಳಲ್ಲಿ ಯಾವುದೇ ಬದಲಾವಣೆ ಮಾಡದೆ ಸ್ಥಿರತೆ ಕಾಯ್ದುಕೊಂಡ ರಿಸರ್ವ್ ಬ್ಯಾಂಕ್!
Reserve Bank of India monetary policy unchanged says shaktikanta Das | ವಿತ್ತೀಯ ನೀತಿ ಪರಾಮರ್ಷೆ ವೇಳೆ ರೆಪೊ ದರ (ಆರ್ಬಿಐ ಬಡ್ಡಿ ದರಗಳು) ಶೇ. 4ರಷ್ಟಿದೆ. ಇನ್ನು ಆರ್ಥಿಕ ಬೆಳವಣಿಗೆ ಸ್ಥಿರತೆ ಕಾಯ್ದುಕೊಳ್ಳಲು ರಿವರ್ಸ್ ರೆಪೊ ದರವನ್ನು ಶೇ. 3.5ರಲ್ಲೇ ಉಳಿಸಿಕೊಳ್ಳಲಾಗಿದೆ ಎಂದು ಆರ್ಬಿಐ ಗವರ್ನರ್ ಶಕ್ತಿಕಾಂತ್ ದಾಸ್ ಅವರು ಇದೀಗತಾನೆ ತಿಳಿಸಿದ್ದಾರೆ.
Updated on:Apr 07, 2021 | 1:10 PM
ಭಾರತೀಯ ರಿಸರ್ವ್ ಬ್ಯಾಂಕ್ ವಿತ್ತೀಯ ನೀತಿ ಸಮಿತಿಯು ತನ್ನ ತಾಜಾ ವಿತ್ತೀಯ ಪರಾಮರ್ಷೆ ಮಾಹಿತಿಯನ್ನು ಬಿಡುಗಡೆಗೊಳಿಸಿದೆ. ಇಂದು ಬೆಳಗ್ಗೆ ಸಭೆ ಸೇರಿದ್ದ ವಿತ್ತೀಯ ಪರಾಮರ್ಷೆ ಸಭೆಯಲ್ಲಿ ಕೊರೊನಾ ಕಾಟದ ಸಮ್ಮುಖದಲ್ಲಿ ಸತತವಾಗಿ 5ನೆಯ ಬಾರಿಗೆ ರೆಪೊ ದರ ಸೇರಿದಂತೆ ತನ್ನ ಅಂಕಿ ಅಂಶ, ನೀತಿ ನಿರೂಪಣೆಗಳಲ್ಲಿ ಯಾವುದೇ ಬದಲಾವಣೆ ಮಾಡದೆ ಸ್ಥಿರತೆ ಕಾಯ್ದುಕೊಂಡಿದೆ. (Reserve Bank of India monetary policy) ಇದು ನಿನ್ನೆಯಷ್ಟೇ ವಿಶ್ವ ವಿತ್ತೀಯ ಸಂಸ್ಥೆಯೊಂದು ಭಾರತದ ಆರ್ಥಿಕತೆ ಬಗ್ಗೆ ನುಡಿದಿದ್ದ ಆಶಾದಾಯಕ ಬೆಳವಣಿಗೆಗೆ ಪೂರಕವಾಗಿದೆ. ಕೊರೊನಾ ಕಾಟದ ಹೊರತಾಗಿಯೂ ಭಾರತದ ಆರ್ಥಿಕತೆ ಇಡೀ ಜಗತ್ತಿನಲ್ಲೇ ನಂಬರ್ 1 ಸ್ಥಾನ ಸಾಧಿಸಲಿದೆ ಎಂದು ಹೇಳಿತ್ತು!
ವಿತ್ತೀಯ ನೀತಿ ಪರಾಮರ್ಷೆ ವೇಳೆ ರೆಪೊ ದರ (ಆರ್ಬಿಐ ಬಡ್ಡಿ ದರಗಳು) ಶೇ. 4ರಷ್ಟಿದೆ. ಇನ್ನು ಆರ್ಥಿಕ ಬೆಳವಣಿಗೆ ಸ್ಥಿರತೆ ಕಾಯ್ದುಕೊಳ್ಳಲು ರಿವರ್ಸ್ ರೆಪೊ ದರವನ್ನು ಶೇ. 3.5ರಲ್ಲೇ ಉಳಿಸಿಕೊಳ್ಳಲಾಗಿದೆ. ಆರ್ಥಿಕ ಪ್ರಗತಿ /ಪುನಃಶ್ಚೇತನ ಸ್ಥಿರತೆ ಕಾಯ್ದುಕೊಳ್ಳುವವರೆಗೂ ಆರ್ಬಿಐ ವಿತ್ತೀಯ ನೀತಿಯಲ್ಲಿ ಯಾವುದೇ ಏರುಪೇರು ಇರುವುದಿಲ್ಲ ಎಂದು ಆರ್ಬಿಐ ಗವರ್ನರ್ ಶಕ್ತಿಕಾಂತ್ ದಾಸ್ ಅವರು ಇದೀಗತಾನೆ ತಿಳಿಸಿದ್ದಾರೆ. Monetary Policy Committee (MPC)
ಹಣಕಾಸು ನೀತಿ ಘೋಷಣೆ ವೇಳೆಯಲ್ಲಿ ಆರ್ಬಿಐ ಗವರ್ನರ್ ಶಕ್ತಿಕಾಂತದಾಸ್ ಪ್ರಸ್ತಾವ ಮಾಡಿದ ಪ್ರಮುಖಾಂಶಗಳು ಹೀಗಿವೆ: – ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದಿಂದ ಪರೋಕ್ಷವಾಗಿ ನಗದು ಲಭ್ಯತೆ ವಿಸ್ತರಿಸಲಾಗಿದೆ. ಕೇಂದ್ರ ಸರ್ಕಾರವು 22 ಲಕ್ಷ ಕೋಟಿ ರೂಪಾಯಿ ಪಡೆದುಕೊಂಡಿರುವುದನ್ನು ನಗದು ನಿರ್ವಹಣೆ ಖಾತ್ರಿ ಪಡಿಸಿದೆ. – ದಾಸ್ – ಸೆಕೆಂಡರಿ ಮಾರುಕಟ್ಟೆಯಿಂದ ಸರ್ಕಾರಿ ಸೆಕ್ಯೂರಿಟೀಸ್ಗಳನ್ನು ರೂ. 1 ಲಕ್ಷ ಕೋಟಿಗೆ ಖರೀದಿ. – ನಬಾರ್ಡ್, ಎನ್ಎಚ್ಬಿ ಹಾಗೂ ಎಸ್ಐಡಿಬಿಐಗೆ 50,000 ಕೋಟಿ ರೂಪಾಯಿ ನಗದು ಬೆಂಬಲ. – TLTRO ಯೋಜನೆ ಯೋಜನೆ ಇನ್ನೂ 6 ತಿಂಗಳು, ಸೆಪ್ಟೆಂಬರ್ 30, 2021ರ ತನಕ ವಿಸ್ತರಣೆ. – ಅಸೆಟ್ ರೀಕನ್ಸ್ಟ್ರಕ್ಷನ್ ಕಂಪೆನಿಗಳ ಕಾರ್ಯ ನಿರ್ವಹಣೆ ಪರಿಶೀಲನೆಗೆ ಸಮಿತಿ ರಚನೆ. – ಆದ್ಯತಾ ವಲಯದ ಅಡಿಯಲ್ಲಿ ಕೃಷಿ ವಲಯಕ್ಕೆ ನೀಡುವ ಸಾಲ ಮಿತಿ 50 ಲಕ್ಷ ರೂಪಾಯಿಯಿಂದ 60 ಲಕ್ಷ ರೂ.ಗೆ ಏರಿಕೆ. – ಕೇಂದ್ರೀಯ ಪಾವತಿ ವ್ಯವಸ್ಥೆಗಳಾದ NEFT, RTGS ಬ್ಯಾಂಕ್ಗಳ ಆಚೆಗೂ ವಿಸ್ತರಣೆ. ಪೂರ್ಣ ಪ್ರಮಾಣದಲ್ಲಿ ಕೆವೈಸಿ- ಪಿಪಿಐ ಕಡ್ಡಾಯ ಮಾಡಲಾಗಿದೆ. ಬ್ಯಾಂಕೇತರ ಬಳಕೆದಾರರಾಗಿದ್ದು, ಪೂರ್ಣ ಪ್ರಮಾಣದಲ್ಲಿ ಕೆವೈಸಿ ಪಿಪಿಐಗೆ ನಗದು ವಿಥ್ಡ್ರಾಗೆ ಅವಕಾಶ ಇದೆ. – ಪ್ರಸಕ್ತ ಹಣಕಾಸು ವರ್ಷದ ಮೊದಲಾರ್ಧದಲ್ಲಿ ಚಿಲ್ಲರೆ ಹಣದುಬ್ಬರ ದರದ ಅಂದಾಜು ಶೇ 5.2 ಎಂದುಕೊಳ್ಳಲಾಗಿದೆ. ಇನ್ನು ಮಾರ್ಚ್ ತ್ರೈಮಾಸಿಕದ ಅಂತ್ಯಕ್ಕೆ ಶೇಕಡಾ 5 ಎಂದುಕೊಳ್ಳಲಾಗಿದೆ. – ಇನ್ನು ಮುಂದೆ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾವು ಬ್ಯಾಂಕೇತರ ಪೇಮೆಂಟ್ ವ್ಯವಸ್ಥೆ ಆಪರೇಟರ್ಗಳ ಮೂಲಕ ಆರ್ಟಿಜಿಎಸ್ ಮತ್ತು ಎನ್ಇಎಫ್ಟಿಗೆ ಅವಕಾಶ ನೀಡುತ್ತದೆ. ಇದರಿಂದ ಪೇಟಿಎಂ, ಫೋನ್ಪೇ ಮತ್ತಿತರ ಪೇಮೆಂಟ್ ವ್ಯಾಲೆಟ್ಗಳ ಬಳಕೆದಾರರಿಗೆ ಅನುಕೂಲ ಆಗುತ್ತದೆ. ಇದರ ಜತೆಗೆ ಆರ್ಬಿಐನಿಂದ ಪ್ರೀಪೇಯ್ಡ್ ಪೇಮೆಂಟ್ ಇನ್ಸ್ಟ್ರುಮೆಂಟ್ ಖಾತೆ ಮಿತಿಯನ್ನು ವೈಯಕ್ತಿಕವಾಗಿ ಈ ಹಿಂದೆ ಇದ್ದ 1 ಲಕ್ಷ ರೂಪಾಯಿ ಮಿತಿಯಿಂದ 2 ಲಕ್ಷ ರೂಪಾಯಿಗೆ ಹೆಚ್ಚಿಸಲಾಗಿದೆ. ಇದರಿಂದ ತೀರುವಳಿ ಅಪಾಯವು ಕಡಿಮೆ ಆಗುತ್ತದೆ ಹಾಗೂ ಡಿಜಿಟಲ್ ಹಣಕಾಸು ಸೇವೆ ಎಲ್ಲ ಬಳಕೆದಾರರಿಗೆ ತಲುಪಲು ಸಾಧ್ಯವಾಗುತ್ತದೆ ಎಂದು ಶಕ್ತಿಕಾಂತ ದಾಸ್ ಹೇಳಿದ್ದಾರೆ. – ಹಣಕಾಸು ವರ್ಷ 2021- 22ಕ್ಕೆ ರಿಯಲ್ ಜಿಡಿಪಿ ಬೆಳವಣಿಗೆ ದರವನ್ನು ಶೇ 10.5ರಲ್ಲೇ ಮತ್ತೆ ಅಂದಾಜಿಸಲಾಗಿದೆ.
ಇದನ್ನೂ ಓದಿ: ಅಂದಾಜು GDP ಮೈನಸ್ ಶೇಕಡಾ 7.5ಕ್ಕೆ ಏರಿಕೆ ಮಾಡಿದ ಆರ್ಬಿಐ
ಇದನ್ನೂ ಓದಿ: ಆಹಾರ ಪದಾರ್ಥಗಳ ಬೆಲೆ ಏರಿಕೆಯಿಂದ ಫೆಬ್ರವರಿಯಲ್ಲಿ ಹಣದುಬ್ಬರವಾಯ್ತು ಶೇ 5.03; ಮೂರು ತಿಂಗಳ ಗರಿಷ್ಠ ಮಟ್ಟಕ್ಕೆ
Published On - 10:44 am, Wed, 7 April 21
